Timoteus I 5
5
MEDAEŊLON TIMOTEUS TAMOLAI WOZOU IBENIBEN DODIN IDAUZIWOI
Dinou faun mai, painbob mai dodin bebanawoi
1O matu tawoi laiŋ so paze mon, tea, tama egin mon kibiai pani, tamol faun tai egin,#Lew 19:32 2painujan tina egin, pain faun liu egin aua ikoklon kibiai pani.#Tim I 5:5 3Painbob i malik bob me biŋadin bisa. 4Ge painbob ta inan nanungaz tat, sesgaz tat demademap i malanmalan nadin ab samungaz zidinnen Anut kagin duzi depaniwoi, tinadin temadin mai nadin uzat menen naon biadin depaluwoi, me Anut naonnen iduselakoi. 5Ge me i bobpain malik, i mai nien taimon itiuzime, i Anut inau paniime, i tidomzen adzen mai igosigosime, godoaneklon mai madoime.#Luk 2:37; 18:7 6Ge me i zigieklon mon itozime i baslon mug imat pasi. 7Abaŋ ewoi mai kibiai pinidin, me i peneŋananen teaboi mewoi. 8Ge ta i siben inangaz mok so ikibiniatap i ilonlon maliknen kakez inaulak, inan salan nauk me gob nadin beleŋaniime.#Mat 5:46; Luk 6:32
9Painbob i inan umaz 60 so nenazimap i bob wozoulon nean so gaze mon, iwon matu imatge ta iŋalelak me mai tea. 10Inan uzat gauai sigianek ienoi, nanun idauzi tat, panu tawain ikibinia tat, waliŋgaz niedin flana tat, i alangaz anedin idu tat, i uzat gauai dadon isag uzi panilak tat.#Heb 13:2; Joh 13:14 11Ge painbob faun me ubit, i Kristus so diloŋdiloŋ denaumap i faun te tamol deŋalewoi ladin ibollakoi. 12Inadin betenaek ienime, i ilonlon maliknen matu dibitilakoi mewoi.#Bo 2:4 13Ta mai, i se itoznen inan kagin mai deŋaledime, abablon dilanen mai. I se mon so ditozdime, tea, kumuzek pain nimaŋelaŋal mai, azu me i so diboloi me mai diboldime.#Tes II 3:11 14Mewoi ŋa ŋabol, pain faun tamol deŋalewoi, ai denauwoi, ab ditiziniwoi; daŋekgaz depeneŋanadoi so ditozoi.#Kor I 7:9; Tim I 2:15 15Aenta mug Satan duzi depanilak. 16Me pain ta ilonlon malikime inan temalen bob ta demadetap i ikibiniawoi, medaeŋ muzuan so paniwoi, meginpe painbob mok kibiniawoi.
Azu matuoi
17Matugaz i duzek uzat gauai denaudime i biŋadin subuŋan ta mai tibisanen didusadime, ŋan totol uzat peteŋanek uzat denaudime i mok.#Rom 12:8 18Azu gazek ibollakoi, Bulmakau i baza piziŋinaime inan auan so butuni mon; ta mai, Uzatai i inan naon ŋalekoi iduse.#Deut 25:4; Kor I 9:9; Luk 10:7 19Peneŋanek matuoi dab so pani mon, fun blanek ai azugen tolgen demademap megin mon.#Deut 19:15; Kor II 13:1 20Me i sililig audipasdime i aenta malakmalaklon bebana, meginpe aenta mai dizezoi.#Gal 2:14 21Ŋa Anut, Kristus Jesus eŋel ujanujan mai noadinnen ŋa o kibiai ŋepanoŋame, O abaŋ e inan kibiaik uzi panip ilo pilianeklon tawoi so umat, ta so zezeŋani mon.#Luk 9:26 22Pasak nima ta fonlak so nau mon. Aenta nadin aupasek o mai so peleŋani utoz mon, o sibe ikok mado.#Tim I 4:14; Bo 18:4
23Faun te naz mon so mili mon, tea, wain kin ŋale, oina teŋaeoi, oina maiaioi mai. 24Tamolpain aenta nadin aupasek me beŋten mok, me imugseg betenaekoi ibolime, ge aenta nadin aupasek alouge itasaime. 25Megin mon mai nauknauk gauai me beŋten mok; pasak beŋten so nasimap mai gaid miŋianip so ienoi.
Currently Selected:
Timoteus I 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Timoteus I 5
5
MEDAEŊLON TIMOTEUS TAMOLAI WOZOU IBENIBEN DODIN IDAUZIWOI
Dinou faun mai, painbob mai dodin bebanawoi
1O matu tawoi laiŋ so paze mon, tea, tama egin mon kibiai pani, tamol faun tai egin,#Lew 19:32 2painujan tina egin, pain faun liu egin aua ikoklon kibiai pani.#Tim I 5:5 3Painbob i malik bob me biŋadin bisa. 4Ge painbob ta inan nanungaz tat, sesgaz tat demademap i malanmalan nadin ab samungaz zidinnen Anut kagin duzi depaniwoi, tinadin temadin mai nadin uzat menen naon biadin depaluwoi, me Anut naonnen iduselakoi. 5Ge me i bobpain malik, i mai nien taimon itiuzime, i Anut inau paniime, i tidomzen adzen mai igosigosime, godoaneklon mai madoime.#Luk 2:37; 18:7 6Ge me i zigieklon mon itozime i baslon mug imat pasi. 7Abaŋ ewoi mai kibiai pinidin, me i peneŋananen teaboi mewoi. 8Ge ta i siben inangaz mok so ikibiniatap i ilonlon maliknen kakez inaulak, inan salan nauk me gob nadin beleŋaniime.#Mat 5:46; Luk 6:32
9Painbob i inan umaz 60 so nenazimap i bob wozoulon nean so gaze mon, iwon matu imatge ta iŋalelak me mai tea. 10Inan uzat gauai sigianek ienoi, nanun idauzi tat, panu tawain ikibinia tat, waliŋgaz niedin flana tat, i alangaz anedin idu tat, i uzat gauai dadon isag uzi panilak tat.#Heb 13:2; Joh 13:14 11Ge painbob faun me ubit, i Kristus so diloŋdiloŋ denaumap i faun te tamol deŋalewoi ladin ibollakoi. 12Inadin betenaek ienime, i ilonlon maliknen matu dibitilakoi mewoi.#Bo 2:4 13Ta mai, i se itoznen inan kagin mai deŋaledime, abablon dilanen mai. I se mon so ditozdime, tea, kumuzek pain nimaŋelaŋal mai, azu me i so diboloi me mai diboldime.#Tes II 3:11 14Mewoi ŋa ŋabol, pain faun tamol deŋalewoi, ai denauwoi, ab ditiziniwoi; daŋekgaz depeneŋanadoi so ditozoi.#Kor I 7:9; Tim I 2:15 15Aenta mug Satan duzi depanilak. 16Me pain ta ilonlon malikime inan temalen bob ta demadetap i ikibiniawoi, medaeŋ muzuan so paniwoi, meginpe painbob mok kibiniawoi.
Azu matuoi
17Matugaz i duzek uzat gauai denaudime i biŋadin subuŋan ta mai tibisanen didusadime, ŋan totol uzat peteŋanek uzat denaudime i mok.#Rom 12:8 18Azu gazek ibollakoi, Bulmakau i baza piziŋinaime inan auan so butuni mon; ta mai, Uzatai i inan naon ŋalekoi iduse.#Deut 25:4; Kor I 9:9; Luk 10:7 19Peneŋanek matuoi dab so pani mon, fun blanek ai azugen tolgen demademap megin mon.#Deut 19:15; Kor II 13:1 20Me i sililig audipasdime i aenta malakmalaklon bebana, meginpe aenta mai dizezoi.#Gal 2:14 21Ŋa Anut, Kristus Jesus eŋel ujanujan mai noadinnen ŋa o kibiai ŋepanoŋame, O abaŋ e inan kibiaik uzi panip ilo pilianeklon tawoi so umat, ta so zezeŋani mon.#Luk 9:26 22Pasak nima ta fonlak so nau mon. Aenta nadin aupasek o mai so peleŋani utoz mon, o sibe ikok mado.#Tim I 4:14; Bo 18:4
23Faun te naz mon so mili mon, tea, wain kin ŋale, oina teŋaeoi, oina maiaioi mai. 24Tamolpain aenta nadin aupasek me beŋten mok, me imugseg betenaekoi ibolime, ge aenta nadin aupasek alouge itasaime. 25Megin mon mai nauknauk gauai me beŋten mok; pasak beŋten so nasimap mai gaid miŋianip so ienoi.
New Testament published by the British and Foreign Bible Society in 1960. Genesis published by the Australian Bible Society in 1971.