Korint I 9
9
Abaŋ tatawoi Paulus siben piziani. Anut inan begabeg abaŋte inaunen iloŋ?
1Ŋa paseklon so tat ŋemadoŋame? Na apostel tea? Idinad Ujanzen Jesus Kristus so ŋenasilak? Ujanzenlon aŋ ŋainag uzat naon tea tat?#Kor I 15:8; Apos 26:16; 22:17 2Ŋa aenta nadin apostel teatap, ŋa malik aŋnami apostel; aŋ Ujanzenlon ŋainag apostel uzat inan metelaen.#Kor II 3:2, 3
3I ŋa naog dikibianidime iwoi auajabek azu megin.#Kor I 4:3; Luk 10:8; Joh 1:42 4Am janeknen mileknen mai so aŋalewoi tat? 5Am paindaŋan uzat anaup atoznen tea tat, apostel aenta egin, Ujanzen inan tain Kefas mai egin? 6Tea, Barnabas ŋa mai mon nama anaŋoi uzat me amoinen so aloŋ tat? 7It siben inan gaŋmalanlon judaup inaug itozime? It ifumelaun ipaep siben patun so janiime. It bulmakau tizinap siben bo su numuzan so ŋaleime?#Tim II 2:3, 4
8Ŋa tamol kibiai ŋuzig azu e yabolŋame tat? Anut inan kibiaiŋ megin so ibol? 9Moses inan kibiaiŋlon gazelak, O bulmakau baza piziŋinimap auan so butuni mon. Anut i bulmakauoi mon puzupuzeg madoime?#Deut 25:4; Tim I 5:18 10Tea, azu e daŋan idoi so ibolime tat? Idoi gazelak, tan inan jabektamol, niŋon inan fefazektamol mai anaŋlon tezepalek ta deŋalenenoi dusuzuazouwoi.#Tim II 2:6 11Am Uz inan abaŋ aŋ leŋamilon isizinialag am nami tannen abaŋ aŋalenen so iduse?#Rom 15:27; Apos 20:34, 35 12Aenta tan kagin duzig ziminen anaŋoi wolaul denaudime, am i abeleŋanap so anauwoige? Am bo tamol kagin e so uzilak, tea, am abaŋ e daŋanlon segauz segatip amadowoi abol, Kristus inan totol gamun dal so afalewoi.#Kor II 11:9
Paulus uzattamol kagin uzinen iloŋ, ge mewoi so japalime
13Aŋ so aloŋ me i ubouablon uzat denaudime i ubouablon anaŋ dipinidinge dianidime, me i wiwa naonnen biabi deŋalemeg ditozdime i wiwa inan abaŋ ta dianidime.#Num 18:8, 31; Deut 18:1–3 14Megin mai Ujanzen kibiai inau, me i totol gamun disigianig ditozdime i totol gamunlon madoknen abaŋ deŋalewoi.#Luk 10:7; Gal 6:6 15Ge ŋa abaŋ menen ta so ŋeŋale, aŋ mai so ŋepaiaŋ, aŋ ŋawoi megin anauwoi. Ŋamat pasinen me gauai ŋabol, ge ta i abaŋ ewoi biŋag ŋibisanen so wiziagoi.#Apos 18:3 16Ŋa totol gamun ŋisigianimap ŋa biŋag bisanen dal tealak. Ŋenau moknen panaglak. Wai a, ŋa totol gamun so ŋisigianimap.#Jer 20:9 17Ŋa sibeg e ilog ibolpa e ŋenaumap ŋa naon ŋeŋalewoi. Ge ŋa sibeg ilog so ibolpa ŋenaumap uzat e ŋenauwoi panaglak.#Kor I 4:1 18Meginge naon dodin ŋeŋalewoi? Ŋan me, ŋa totol gamun ŋisigianimap ŋa iwoi naon so ŋeŋalewoi, totol gamun inan uzatlon ŋa tan kagin inan naonoi so ŋabolŋame.#Kor I 8:9
Paulus i siben pasek, ge i tamolpain nadin begabeg.
19Ŋa tamol biadin ŋepaluwoi so zuaglak, ge sibeg ŋabolge daŋan nadin begabeg ŋenau, meginpe ŋa tamolai subuŋan ta mai ŋaŋaloi.#Mat 20:26, 27 20Judagaz zidinnen ŋa Judatamol egin noag, ŋa Judagaz ŋaŋaloi. Tata kibiaiŋ paenlon demadodime me zidinnen ŋa kibiaiŋ paenlon egin noag. Sibeg bo kibiaiŋ paenlon so ŋemade, ŋa me i kibiaiŋ paenlon demadodime ŋaŋaloi.#Apos 16:3; 21:20–26 21Tata kibiaiŋ tea me zidinnen ŋa kibiaiŋ tea egin noag. Anut izinnen bo ŋa kibiaiŋ teag so ŋemade, tea, Kristus inan kibiaiŋ paenlon ŋemade, ŋa me i kibiaiŋ teag demadodime ŋaŋaloi.#Gal 2:3; 6:2 22Tata bodoklak me zidinnen ŋa mai bodok noaglak, ŋa bodokgaz me ŋaŋaloi. Ŋa abaŋ daŋanlon tamolpain daŋan kiliadin egin noag, ŋa aenta tataz ŋaŋaloilakoi.#Kor II 11:29; Rom 11:14 23Ŋa abaŋ e daŋan totol gamunoi ŋenauŋame, meginpe me mai aenta maip apeleŋaniwoi.#Fil 1:5
Krisgaz seŋanekoi wedeŋanip demadowoi.
24Aŋ so aloŋ paluknen baŋailon ai daŋan nug betenaebetenaedime, ge taimon mon imugseg seŋanek naon ŋaleime? Megin mon aŋ mai aŋalewoi apalu.#Tim II 4:7; Fil 3:14 25Baŋaikamaŋ daŋan i abaŋ daŋanlon dewedeŋanig demadodime. I moztalit pasak miliauime me deŋalewoi denaudime, ge id talit samoinen tealak teŋalewoi tepalutame.#Tim II 2:4, 5; Pet I 5:4 26Mewoige ŋa ilogse iloglemeg so ŋepaluŋame, se tim mon ŋufuniŋame egin nimag so ŋetaniŋame. 27Tea, ŋa tinig ŋugusuleg begabeg egin paeglon ŋenau, teap ŋa aenta azu ŋipidinlap ŋa dadog ibitagoi.#Rom 8:13; 13:14
Currently Selected:
Korint I 9: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Korint I 9
9
Abaŋ tatawoi Paulus siben piziani. Anut inan begabeg abaŋte inaunen iloŋ?
1Ŋa paseklon so tat ŋemadoŋame? Na apostel tea? Idinad Ujanzen Jesus Kristus so ŋenasilak? Ujanzenlon aŋ ŋainag uzat naon tea tat?#Kor I 15:8; Apos 26:16; 22:17 2Ŋa aenta nadin apostel teatap, ŋa malik aŋnami apostel; aŋ Ujanzenlon ŋainag apostel uzat inan metelaen.#Kor II 3:2, 3
3I ŋa naog dikibianidime iwoi auajabek azu megin.#Kor I 4:3; Luk 10:8; Joh 1:42 4Am janeknen mileknen mai so aŋalewoi tat? 5Am paindaŋan uzat anaup atoznen tea tat, apostel aenta egin, Ujanzen inan tain Kefas mai egin? 6Tea, Barnabas ŋa mai mon nama anaŋoi uzat me amoinen so aloŋ tat? 7It siben inan gaŋmalanlon judaup inaug itozime? It ifumelaun ipaep siben patun so janiime. It bulmakau tizinap siben bo su numuzan so ŋaleime?#Tim II 2:3, 4
8Ŋa tamol kibiai ŋuzig azu e yabolŋame tat? Anut inan kibiaiŋ megin so ibol? 9Moses inan kibiaiŋlon gazelak, O bulmakau baza piziŋinimap auan so butuni mon. Anut i bulmakauoi mon puzupuzeg madoime?#Deut 25:4; Tim I 5:18 10Tea, azu e daŋan idoi so ibolime tat? Idoi gazelak, tan inan jabektamol, niŋon inan fefazektamol mai anaŋlon tezepalek ta deŋalenenoi dusuzuazouwoi.#Tim II 2:6 11Am Uz inan abaŋ aŋ leŋamilon isizinialag am nami tannen abaŋ aŋalenen so iduse?#Rom 15:27; Apos 20:34, 35 12Aenta tan kagin duzig ziminen anaŋoi wolaul denaudime, am i abeleŋanap so anauwoige? Am bo tamol kagin e so uzilak, tea, am abaŋ e daŋanlon segauz segatip amadowoi abol, Kristus inan totol gamun dal so afalewoi.#Kor II 11:9
Paulus uzattamol kagin uzinen iloŋ, ge mewoi so japalime
13Aŋ so aloŋ me i ubouablon uzat denaudime i ubouablon anaŋ dipinidinge dianidime, me i wiwa naonnen biabi deŋalemeg ditozdime i wiwa inan abaŋ ta dianidime.#Num 18:8, 31; Deut 18:1–3 14Megin mai Ujanzen kibiai inau, me i totol gamun disigianig ditozdime i totol gamunlon madoknen abaŋ deŋalewoi.#Luk 10:7; Gal 6:6 15Ge ŋa abaŋ menen ta so ŋeŋale, aŋ mai so ŋepaiaŋ, aŋ ŋawoi megin anauwoi. Ŋamat pasinen me gauai ŋabol, ge ta i abaŋ ewoi biŋag ŋibisanen so wiziagoi.#Apos 18:3 16Ŋa totol gamun ŋisigianimap ŋa biŋag bisanen dal tealak. Ŋenau moknen panaglak. Wai a, ŋa totol gamun so ŋisigianimap.#Jer 20:9 17Ŋa sibeg e ilog ibolpa e ŋenaumap ŋa naon ŋeŋalewoi. Ge ŋa sibeg ilog so ibolpa ŋenaumap uzat e ŋenauwoi panaglak.#Kor I 4:1 18Meginge naon dodin ŋeŋalewoi? Ŋan me, ŋa totol gamun ŋisigianimap ŋa iwoi naon so ŋeŋalewoi, totol gamun inan uzatlon ŋa tan kagin inan naonoi so ŋabolŋame.#Kor I 8:9
Paulus i siben pasek, ge i tamolpain nadin begabeg.
19Ŋa tamol biadin ŋepaluwoi so zuaglak, ge sibeg ŋabolge daŋan nadin begabeg ŋenau, meginpe ŋa tamolai subuŋan ta mai ŋaŋaloi.#Mat 20:26, 27 20Judagaz zidinnen ŋa Judatamol egin noag, ŋa Judagaz ŋaŋaloi. Tata kibiaiŋ paenlon demadodime me zidinnen ŋa kibiaiŋ paenlon egin noag. Sibeg bo kibiaiŋ paenlon so ŋemade, ŋa me i kibiaiŋ paenlon demadodime ŋaŋaloi.#Apos 16:3; 21:20–26 21Tata kibiaiŋ tea me zidinnen ŋa kibiaiŋ tea egin noag. Anut izinnen bo ŋa kibiaiŋ teag so ŋemade, tea, Kristus inan kibiaiŋ paenlon ŋemade, ŋa me i kibiaiŋ teag demadodime ŋaŋaloi.#Gal 2:3; 6:2 22Tata bodoklak me zidinnen ŋa mai bodok noaglak, ŋa bodokgaz me ŋaŋaloi. Ŋa abaŋ daŋanlon tamolpain daŋan kiliadin egin noag, ŋa aenta tataz ŋaŋaloilakoi.#Kor II 11:29; Rom 11:14 23Ŋa abaŋ e daŋan totol gamunoi ŋenauŋame, meginpe me mai aenta maip apeleŋaniwoi.#Fil 1:5
Krisgaz seŋanekoi wedeŋanip demadowoi.
24Aŋ so aloŋ paluknen baŋailon ai daŋan nug betenaebetenaedime, ge taimon mon imugseg seŋanek naon ŋaleime? Megin mon aŋ mai aŋalewoi apalu.#Tim II 4:7; Fil 3:14 25Baŋaikamaŋ daŋan i abaŋ daŋanlon dewedeŋanig demadodime. I moztalit pasak miliauime me deŋalewoi denaudime, ge id talit samoinen tealak teŋalewoi tepalutame.#Tim II 2:4, 5; Pet I 5:4 26Mewoige ŋa ilogse iloglemeg so ŋepaluŋame, se tim mon ŋufuniŋame egin nimag so ŋetaniŋame. 27Tea, ŋa tinig ŋugusuleg begabeg egin paeglon ŋenau, teap ŋa aenta azu ŋipidinlap ŋa dadog ibitagoi.#Rom 8:13; 13:14
New Testament published by the British and Foreign Bible Society in 1960. Genesis published by the Australian Bible Society in 1971.