Matie Obɛɛn b'ɔ̃nkaan
Obɛɛn b'ɔ̃nkaan
Ɔ̃swɛn-ɔ̃nkaan wu ɛ̃kwel wa Nsia yi Ngesɛ wu eli mbuul ngɔmɔ̃ wu Ɔ̃yuda wu ási ekɔɔl li ela. Akiool ba tsɔɔn aliaal ndiri mbuul ondɛ Matie wu ɔ̃twal-mpal, ngɔmɔ̃ onse antam a Yeso kuun ye buaal. Ndɛ okel ol'Ayuda, bvool odzii k'asuo bɔ me nkuul a m'ákel onse Ondoo b'otsɔɔn kwɛn Yeso oyi me ndɔɔ yi asa m'élieel aliaal-ɛ̃kiɛɛn a Nziã. Anga-ãyal bakyɛ atsam ndiri Matie onge wu aswɛn mpɛ̃-a-mpɛ̃ a mvel wu ɛ̃nkuun-nsiaan (70) ye wu ɛ̃kuun-mpuɔ̃ (80) ke mbee a otsɔɔn o Nzɔ a Nziã yi Yelusalem.
Ɔ̃nkaan wa Nsia yi Ngesɛ wu abɛɛn m'ɔ̃luo wu ankɔɔ a Yeso, oburu b'aburu ndɛ y'obwee o ndɛ (1–2) y'ãtee ã Dzaã Batis (3.1-12), opongo o Yeso y'ombio b'embio ɔ̃pfu ndɛ, obɛɛn b'ebɛɛn ndɛ ɔ̃sal ke Ngalile (3.13–4.16).
Akoo k'akab ɔ̃nkaan wu m'ebaal etaan bvi ela bvi ãtee ã Yeso.
Ebaal ki ɛ̃kwel eyɛɛn m'ãtee ã Yeso m'ãtal okaal b'ɛ̃kwal, y'emvieel bvi emfa bwɛn emfa. Ãtee m'ãnduru ola onse mɔ̃ mbueel mã «ke ywel a nkio» (4.17–8.17).
Ebaal ki bviaal etal ãnkunkwa m'ewi Yeso ayio, ŋ'ɛ̃kwɛl ye k'etam ndɛ bɔ ontam (8.18–12.21).
Ebaal ki etyel esuo kwɛn Yeso nã ali, eyɛɛn m'ɛ̃tsuun ɛ̃ ndɛ y'Afalisaye, y'ayiool b'ãngel, y'ãmboo m'éketa ndɛ m'ãsuo emfa ki eli Okwɛn a ywel. Kyɛ hɛ̃ eyɛɛn m'emvieel y'oboo b'ãluu m'emfa bwɛn emfa(12.22–16.20).
Ebaal ki enã eyɛɛn me ndɔɔ ãmpal ã Yeso ye mã b'anɔɔn a ndɛ. Ebaal okyɛ hɛ̃ eyɛɛn me b'otal emfa ki edzuu Ebvɔɔn ye ki bvoo a akiool. Kyɛ bvool eyɛɛn me ndɔɔ ãmboo ã Yeso m'ãtal Okwɛn o ywel (16.21–20.34).
Ebaal ki etaan esuo osam o Yeso Yelusalem, y'otaal mpɛɛ̃-a-mpɛɛ̃ a ndɛ y'amfam b'Ayuda. Kyɛ hɛ̃ eyɛɛn me ndɔɔ a emfa ki awal ɔ̃yɛɛl me ndɔɔ ãlio mã ntɔ (21.1–25.46).
Ŋ'eyii efa ɔ̃nkaan, Matie ayɛɛn m'osiin b'asiin Yeso, obiri b'abiri ndɛ ola Pilate, okwa y'osiool o ndɛ (26.1–28.20). Ke mbee a ŋ'esiool Yeso onse b'ákwi, ndɛ otam antam otam ndiri: «Eyi, esa kwɛn onse ɛ̃kiri mvieel baal akal ayio a mɛ̃...» (28.19-20).
Currently Selected:
Matie Obɛɛn b'ɔ̃nkaan: ngz
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.