2 Pedro 2
2
Njaji icanantacape teculjetsa
1Ninipiatsakja napeculricu inuparrutacape teculjetsa njaji irraelitanai; njite caitsakjautsa ninica icanantacape teculjetsa ipeculricu. Nja nacanantavatsa ljiaji teculredalritsa curricadanacuatsa yanji cuancadanacuca, njaa namjepatautsa ljiaji Waminalri iwentalrina lrirranashu; lrima ljiaji nanaitjalri kjeyavatsa ljirrapitetacana. 2Aimautsa njaji inaitjacape cayu nacaishu, nanaitjaca ljiaji nanaiquica mashidalri napeyunda njite naikjauteutsa njaji cacuvatsa mashina lrinacu ljiaji inipu ajadalri. 3Lrikjautevatsa ljiaji napeyucapua palrata, nacashatautsa sha lrishu ljiaji icanatakjeti teculjedalri; mitsa currinatsautsa pacapa tape narsu lirsu ljiaji njerrapjitalriutsa, ima upipiena lricada njerrapjitakena.
4Curripia Dios iperdona njaji Angelenai inaitjacapepia mashi, mitsa lripecupiana aji tjewacawerriculje mawayacadalri njite lricadana cadaucaverriculje, lripapina njite lricada naufau nirse akjerrecautsa lrinana yuucao ljiaji lricaitecawautsa naacuna pjiumi. 5Curripiatsakja Dios iperdona njaji yufacapepia upi, mitsa lrimenacapia unia macadalri nanacu njaji ashianai mashiperritsa, njite apadapiatsa Noe lriyumjeta, ljiaji icanantacadapia paufacarruwa caiji Dios yumacapishu, njite sieteda inaiqui.#Gn 6:5—7:24; 8:18 6Caipitsakja Dios jirrapitetaca njaji yaacalre Sodoma njite Gomorra tsakja, lrimjaitana akjerreca naufau lriwayuljemitsa, nacapacarruatsa naicau cuajicautsa lrinaitjaca njaji mashiperri. 7Mitsa lriyumjetapia ljiaji Lot, apadapia achia matsiadalri, inunapia lricaulre lricapaca cuanca naufacau mashidalrinacu naji inaiki.#Gn 19:1-16,29 8Ljiapia achia machiadalrica lriufapia napeculricu, ljirrapitapia lricaulre yapiya lrikjaute ljiaji imachicanati lricapalri njite ljimirri jecuapicuan.
9Ljiaji waminalri ljiaji lrienjitaca jirrapjitakjeti yuya njaji yufacape caiji lriumacapishu, njite ljiajishakja lricadaca njerrapitja njaji machiperri atee ljiadavasha lricaiteca nacuna. 10Ljiaji Waminalri ljirrapitetapjavasha njaji ipeyucape inaitaca ljiaji nawaopiakje mashidalri njite njaji imacuadatacape ljiaji Waminalri. Icatsa njaji padalreperri njite caumjetanjialreperri, curriperri ifiu imutuetaca yacuti machiperri napeyalje njaji cacunaperri yenunrseperripja; 11mitsadekja, naji angelenai, ninitja narrupjaca jurre jidati njite cacunaperripjata nauya njaji icanantaperri teculesha, currin nataitamitsa, namutuetaca yacuti machidalri Waminalri ipjeyalje narsu naji cacunaperri yenunrseperripja.
12Njaji achianaica njaji icasha caiperricaji maficalrishu: mavaupiakjeperritsa, naufa caji naumacapishu njite namutu nacau jaledauca inaiquinai jipacarruna njite nainucarruna. Cacuna machi cuandanalricucatsa curridalritsa nanji cucacan; mitsa mayamivatsana caiji mayamicapishu njaji maficalrinai, 13njerrapitautsa lrima ljiaji nacadacapua apaana jirrapita. Catima najiacacau nacadacarrua nanaitacarru macadatsa cuajicasha naumaca nacapaverricu pjiumi. ¡Capaimannaperricana, aacadanacuna iinai iwaketacacadanacua iijñacadanacu najuwitacacau lishu ljiaji nayupica!
14Nacapaca icuan inarru canpjatsa navaopiakje naumaca nanaitca machi ruapiya; currin yamica nanaita ljiaji machidalri. Nacadaa nanaitja namashicanau njaji mjaidaaperri shepaca caicarruna nacaishu; canjikjeperri iñaituca irsuvava; naumatsa aima nananiva. Nini Dios icapacana caiji macadawanaishuperri. 15Manalreperricana, njeenacapua lriuya ljiaji inipu mayacankjai. Nanaitja ljiaminitsa mashidalrica lrinaitjalripia ljiaji inuparritacaita Balaam, lrirri ljiaji Bosor, ipeyucadapia inaijtjaca mashi lripeyucapua palrata. 16Njite pia nacuitani lrimashicana ima: apana burro inarruna macunintsa cacucani lrirsu caiji cacucapishu apada inaiqui njite currinatsa lripietaca lrinaitja caiji maajicadalrimshu.
17Nja icanantacapepiaca njaji, caipericanaji uunipau maunitenadalri shutsa, caiperriji apada iyadauca caulri idendashu; lricadanipena jirrapita caidalrivetsa aji apafe cadaucaverricupja. 18Ljiaji nacaiterri cai pjemicaniji canaicadalrsihupa mitsa macuadadalricadanatsani, njite lrishu ljiaji nacatimatacashuda nadada naufalripia inacu, navaupiakje mashidalri yapiya nauma nacadaca nanaitja maashi njaji camipetua shenitacacau lriuya ljiaji mashidalri. 19Nacaite inaiquinai irsu nataitaca nanaitjaca cucacatsa nauma, mitsa naaminitsa currim nataita namacaca ljiaji maashidalri imashiketalriutsana, ima curricada yami panaitjaca pamashicanao currim pataita papitucao lriuya ljiaji imashicanati. 20Niini njaji ipitucapena lriuya ljiaji nanaitjanda macadatsa jalredaucalricu naajicapua ljiaji Waminalri Jesucristo Iyumjetacaita faa, nacadacadatsenakja lipapina ljiaji namatsicana njite nacadaa lriajii nanacu, maashinapjautsa naufaaca lriuya ljiaji naufacaoljepia curricatua njaji Dios. 21Ima matsiapjanta narsu ljiaji currica njaaji ljiaji inipu mayacankjai liuya ljiaji naajicani njite currim nanaitja caiji Dios inacapishu nanaitjaca. 22Ima limutucao nanacu ljiaji yacuti caiji nacaitecapishu: "Ljiaji tsinu ljidiatsenakja lriñja licantjanda"#Pr 26:11 njite "Ljiaji cutsi nacushunda lridiatsenakja lriursuawa jutojutopalrirricu".
Currently Selected:
2 Pedro 2: kpc
Highlight
Copy
Compare
Share
Want to have your highlights saved across all your devices? Sign up or sign in
© 2025 CLAN
© 2025 Seed Company