San Lucas 3
3
Juan Bautista ihi ts'anis hunhat tojh tamchoy
(Mt 3.1-12; Mc 1.1-8; Jn 1.19-28)
1Hopep'ante quince yacheplis tojh Tiberio hope romano lhayis kaniyat t'isan, wit lawhoy p'antetsu Poncio Pilato hope Judea kaniyat. Herodes niyatejp'ante Galilea#3.1 Herodes Antipas niyatej Galilea wit Perea, tojh tolhey lafwcha Herodes tojh Lhamha ileyej hunhat nekchom p'ante tojh 4 a.C., wit lachila Filipo niyatej Iturea wit Traconítide, wit Lisanias niyatej Abilene. 2Anás wit Caifás hopehenp'ante sacerdote lhayis kaniyatey tojh lhamha. Fwala p'antehatsu, Dios tahuyej Juan tojh lham hope Zacarías lhos tojh ihi ts'anis, hunhat tojh tamchoy. 3Wit Juan inekwe nufwu hunhat lhipey tojh ihoye tewukw tojh lhey Jordán. Ifwenhumche wichi tojh yuk:
–Opley Dios wit alhawawtisahen, hopkhilak Dios itoynthen asukwyajhay.
4Tojha lhayom matche lhomet tojh Dios lhometwu Isaías ilesayenp'ante tojh yuk:
"Iche topak tojh t'on temhu ts'anis,
hunhat tojh tamchoy, tojh yuk:
Wa'lhat Lhawekw n'oyij;
wun'oyisha om tatshepiche.
5Nufwu lhipey tojh pitusumche
tiputhihumchela,
nufwu tachenhas tojh tuschepho
tiw'aylhathichelayncho,
wit titshepyenhichehena n'oñhoy
tojh tachufwnhumche,
wit to'isyenla alhuhu n'oñhoy
tojh takutsuchepho.
6Wit nufwu hunhatilh hiw'enlaynlo
Tofwaynthi tojh Dios ichenla alhuhu".
7Wit wichi yihuye yomthilak Juan iwawtisahen lhamilh, tha Juan yuk:
–¡Amilh ahopehen fwotses! ¿Hat'e tojh ifwel amhumche tojh latafwañhisha Dios lawokw tojh tatay alhuhu? 8Alhin'olteshen achemyajhay tojh matche tojh latapiley Awekw. Yajh alhifwenhumche tojh lhuhenkwe, "¡Namilh nahopehen Abraham lapiynhay!" latesej tojh hote Dios yihanej che iwuyneshey che iwelanhat tentey wit yenhopeya Abraham lapiynhay. 9Hote, pajhche wak'alh husan tojh yisthila hal'oy fwettsilh. Nufwu hal'oy tojh iwulhaya wit kuk'a lhay toyisthila tithathiyla itojh.
10Wit wichi tay'otna Juan:
–¿Hat'ep watlok tiwuyeñhen?
11Juan nichelhu wit yuk:
–Elh che hope lakay'eche ihi lus, is che hiw'enhu elh elhajh tojh lajh law'eya; wit elh tojh lhok ihi is che tisi elhajh tojh niw'ena lhok.
12Iche iñhojh tojh tachemlo Roma ka impuesto wit hote lhamilh yihuye hopkhilak lhawawtisaynhen, wit tay'otshana Juan, yuk:
–N'wekw, ¿hat'ep watlok n'wuyeñhen n'lhamilh?
13Juan nichelhu wit yuk:
–Yajh fwayntej laha mak tojh lat'alhejpe wichi.
14Hote iche iñhojh sultawus tojh tay'otshana wit yuk:
–Wit n'lhamilh, ¿hat'ep iwatlok n'wuyeñhen?
Juan nichelhu yuk:
–Yajh suyej mak che hope a'elh, yajh lastena omtes tojh kamatachehen, yajh tsefwna mak tojh niwuyayen'ajhi; wit achemet laha is che ihi tojh ihi.
15Wit wichi mattojh wefw tojh nilhe'nhen wit tay'otshanlhamahen che Juan hope p'iya Tofwaynthi tojh Dios Chenek; 16tha Juan ifwenhu nufwu lhamilh wit yuk:
–N'lham, matche tojh n'wawtisaynej inot; tha n'fwel amhumche tojh nom elh tojh iwawtisaynhila ameshen Espíritu tojh T'amajhchet wit lhoy'a itojh. Lham ehom matche tojh takhajhay inen'u'pe, wit niwuyasey che n'lanche lanisohes t'akay. 17Elh tojh nom tojh tolhche n'n'oyij hiw'enthihena iñhojh tojh isen wit lhoy'a iñhojh tojh fwitses, molhyej iwuye tojh tisaphi mayek wit t'amajhej mak tojh is wit tiwum tojh nisa tithathu itojh tojh n'uma.
18Tojh molhyejtsu, Juan iwulafwunyajha wit iwusilotayej wichi Tosilotyajh tojh Is. 19Wit hote ifwunej niyat Herodes tojh yenlach'efwaya latiche Herodías, tojh hope lachila lach'efwa, wit hote ifwuneshej nufwu mak tojh ni'isa tojh lham iwuye. 20Tojh lapesey Herodes yakhu tojh iwuye mak tojh ni'isa, tachema Juan wit inañhit.
Juan iwawtisayen Jesús
(Mt 3.13-17; Mc 1.9-11)
21Tojh Juan kamajh iwawtisaynhen nufwu wichi, nom Jesús hopkhilak hote Juan iwawtisayen hop lham; wit tojh iwut'alhyajha, pele lhich'enhi 22wit Espíritu tojh T'amajhchet ineyncho hotewuye hukwinatajh, tojh yihu'pe Jesús wit iche topak tojh ilotey temhu pele tojh yuk:
–Ahope N'lhos, tojh mattojh n'ñhemen, wit n'tshepi amey.
Jesús tetselh p'ante
(Mt 1.1-17)
23Jesús iwutesa tojh iwuchemeta tojh ihi treinta yacheplis, wit wichi fwitajh Jesús hopep'ante José lhos, wit José hope Elí lhos, 24wit Elí hope Matat lhos, wit Matat hope Leví lhos, wit Leví hope Melquí lhos, wit Melquí hope Janai lhos, wit Janai hope José lhos, 25wit José hope Matatías lhos, wit Matatías hope Amós lhos, wit Amós hope Nahúm lhos, wit Nahúm hope Eslí lhos, wit Eslí hope Nagai lhos 26wit Nagai hope Máhat lhos, wit Máhat hope Matatías lhos, wit Matatías hope Semeí lhos, wit Semeí hope Josec lhos, wit Josec hope Joiadá lhos, 27wit Joiadá hope Johanán lhos, wit Johanán hope Resá lhos, wit Resá hope Zorobabel lhos, wit Zorobabel hope Salatiel lhos, wit Salatiel hope Nerí lhos, 28wit Nerí hope Melquí lhos, wit Melquí hope Adí lhos, wit Adí hope Cosam lhos, wit Cosam hope Elmadam lhos, wit Elmadam hope Er lhos, 29wit Er hope Jesús lhos, wit Jesús hope Eliézer lhos, wit Eliézer hope Jorim lhos, wit Jorim hope Matat lhos, 30wit Matat hope Leví lhos, wit Leví hope Simeón lhos, wit Simeón hope Judá lhos, wit Judá hope José lhos, wit José hope Jonam lhos, wit Jonam hope Eliaquim lhos, 31wit Eliaquim hope Meleá lhos, wit Meleá hope Mená lhos, wit Mená hope Matatá lhos, wit Matatá hope Natán lhos, 32wit Natán hope David lhos, wit David hope Jesé lhos, wit Jesé hope Obed lhos, wit Obed hope Booz lhos, wit Booz hope Sélah lhos, wit Sélah hope Nahasón lhos 33wit Nahasón hope Aminadab lhos, wit Aminadab hope Admín lhos, wit Admín hope Arní lhos, wit Arní hope Hesrón lhos, wit Hesrón hope Fares lhos, wit Fares hope Judá lhos, 34wit Judá hope Jacob lhos, wit Jacob hope Isaac lhos, wit Isaac hope Abraham lhos, wit Abraham hope Térah lhos, wit Térah hope Nahor lhos, 35wit Nahor hope Serug lhos, wit Serug hope Ragau lhos, wit Ragau hope Péleg lhos, wit Péleg hope Éber lhos, wit Éber hope Sélah lhos, 36wit Sélah hope Cainán lhos, wit Cainán hope Arfaxad lhos, wit Arfaxad hope Sem lhos, wit Sem hope Noé lhos, wit Noé hope Lámec lhos, 37wit Lámec hope Matusalén lhos, wit Matusalén hope Henoc lhos, wit Henoc hope Jéred lhos, wit Jéred hope Mahalaleel lhos, wit Mahalaleel hope Cainán lhos, 38wit Cainán hope Enós lhos, wit Enós hope Set lhos, wit Set hope Adán lhos, wit Adán hope Dios lhos.
Currently Selected:
San Lucas 3: WBNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Wichí del Bermejo © Sociedad Bíblica Argentina
San Lucas 3
3
Juan Bautista ihi ts'anis hunhat tojh tamchoy
(Mt 3.1-12; Mc 1.1-8; Jn 1.19-28)
1Hopep'ante quince yacheplis tojh Tiberio hope romano lhayis kaniyat t'isan, wit lawhoy p'antetsu Poncio Pilato hope Judea kaniyat. Herodes niyatejp'ante Galilea#3.1 Herodes Antipas niyatej Galilea wit Perea, tojh tolhey lafwcha Herodes tojh Lhamha ileyej hunhat nekchom p'ante tojh 4 a.C., wit lachila Filipo niyatej Iturea wit Traconítide, wit Lisanias niyatej Abilene. 2Anás wit Caifás hopehenp'ante sacerdote lhayis kaniyatey tojh lhamha. Fwala p'antehatsu, Dios tahuyej Juan tojh lham hope Zacarías lhos tojh ihi ts'anis, hunhat tojh tamchoy. 3Wit Juan inekwe nufwu hunhat lhipey tojh ihoye tewukw tojh lhey Jordán. Ifwenhumche wichi tojh yuk:
–Opley Dios wit alhawawtisahen, hopkhilak Dios itoynthen asukwyajhay.
4Tojha lhayom matche lhomet tojh Dios lhometwu Isaías ilesayenp'ante tojh yuk:
"Iche topak tojh t'on temhu ts'anis,
hunhat tojh tamchoy, tojh yuk:
Wa'lhat Lhawekw n'oyij;
wun'oyisha om tatshepiche.
5Nufwu lhipey tojh pitusumche
tiputhihumchela,
nufwu tachenhas tojh tuschepho
tiw'aylhathichelayncho,
wit titshepyenhichehena n'oñhoy
tojh tachufwnhumche,
wit to'isyenla alhuhu n'oñhoy
tojh takutsuchepho.
6Wit nufwu hunhatilh hiw'enlaynlo
Tofwaynthi tojh Dios ichenla alhuhu".
7Wit wichi yihuye yomthilak Juan iwawtisahen lhamilh, tha Juan yuk:
–¡Amilh ahopehen fwotses! ¿Hat'e tojh ifwel amhumche tojh latafwañhisha Dios lawokw tojh tatay alhuhu? 8Alhin'olteshen achemyajhay tojh matche tojh latapiley Awekw. Yajh alhifwenhumche tojh lhuhenkwe, "¡Namilh nahopehen Abraham lapiynhay!" latesej tojh hote Dios yihanej che iwuyneshey che iwelanhat tentey wit yenhopeya Abraham lapiynhay. 9Hote, pajhche wak'alh husan tojh yisthila hal'oy fwettsilh. Nufwu hal'oy tojh iwulhaya wit kuk'a lhay toyisthila tithathiyla itojh.
10Wit wichi tay'otna Juan:
–¿Hat'ep watlok tiwuyeñhen?
11Juan nichelhu wit yuk:
–Elh che hope lakay'eche ihi lus, is che hiw'enhu elh elhajh tojh lajh law'eya; wit elh tojh lhok ihi is che tisi elhajh tojh niw'ena lhok.
12Iche iñhojh tojh tachemlo Roma ka impuesto wit hote lhamilh yihuye hopkhilak lhawawtisaynhen, wit tay'otshana Juan, yuk:
–N'wekw, ¿hat'ep watlok n'wuyeñhen n'lhamilh?
13Juan nichelhu wit yuk:
–Yajh fwayntej laha mak tojh lat'alhejpe wichi.
14Hote iche iñhojh sultawus tojh tay'otshana wit yuk:
–Wit n'lhamilh, ¿hat'ep iwatlok n'wuyeñhen?
Juan nichelhu yuk:
–Yajh suyej mak che hope a'elh, yajh lastena omtes tojh kamatachehen, yajh tsefwna mak tojh niwuyayen'ajhi; wit achemet laha is che ihi tojh ihi.
15Wit wichi mattojh wefw tojh nilhe'nhen wit tay'otshanlhamahen che Juan hope p'iya Tofwaynthi tojh Dios Chenek; 16tha Juan ifwenhu nufwu lhamilh wit yuk:
–N'lham, matche tojh n'wawtisaynej inot; tha n'fwel amhumche tojh nom elh tojh iwawtisaynhila ameshen Espíritu tojh T'amajhchet wit lhoy'a itojh. Lham ehom matche tojh takhajhay inen'u'pe, wit niwuyasey che n'lanche lanisohes t'akay. 17Elh tojh nom tojh tolhche n'n'oyij hiw'enthihena iñhojh tojh isen wit lhoy'a iñhojh tojh fwitses, molhyej iwuye tojh tisaphi mayek wit t'amajhej mak tojh is wit tiwum tojh nisa tithathu itojh tojh n'uma.
18Tojh molhyejtsu, Juan iwulafwunyajha wit iwusilotayej wichi Tosilotyajh tojh Is. 19Wit hote ifwunej niyat Herodes tojh yenlach'efwaya latiche Herodías, tojh hope lachila lach'efwa, wit hote ifwuneshej nufwu mak tojh ni'isa tojh lham iwuye. 20Tojh lapesey Herodes yakhu tojh iwuye mak tojh ni'isa, tachema Juan wit inañhit.
Juan iwawtisayen Jesús
(Mt 3.13-17; Mc 1.9-11)
21Tojh Juan kamajh iwawtisaynhen nufwu wichi, nom Jesús hopkhilak hote Juan iwawtisayen hop lham; wit tojh iwut'alhyajha, pele lhich'enhi 22wit Espíritu tojh T'amajhchet ineyncho hotewuye hukwinatajh, tojh yihu'pe Jesús wit iche topak tojh ilotey temhu pele tojh yuk:
–Ahope N'lhos, tojh mattojh n'ñhemen, wit n'tshepi amey.
Jesús tetselh p'ante
(Mt 1.1-17)
23Jesús iwutesa tojh iwuchemeta tojh ihi treinta yacheplis, wit wichi fwitajh Jesús hopep'ante José lhos, wit José hope Elí lhos, 24wit Elí hope Matat lhos, wit Matat hope Leví lhos, wit Leví hope Melquí lhos, wit Melquí hope Janai lhos, wit Janai hope José lhos, 25wit José hope Matatías lhos, wit Matatías hope Amós lhos, wit Amós hope Nahúm lhos, wit Nahúm hope Eslí lhos, wit Eslí hope Nagai lhos 26wit Nagai hope Máhat lhos, wit Máhat hope Matatías lhos, wit Matatías hope Semeí lhos, wit Semeí hope Josec lhos, wit Josec hope Joiadá lhos, 27wit Joiadá hope Johanán lhos, wit Johanán hope Resá lhos, wit Resá hope Zorobabel lhos, wit Zorobabel hope Salatiel lhos, wit Salatiel hope Nerí lhos, 28wit Nerí hope Melquí lhos, wit Melquí hope Adí lhos, wit Adí hope Cosam lhos, wit Cosam hope Elmadam lhos, wit Elmadam hope Er lhos, 29wit Er hope Jesús lhos, wit Jesús hope Eliézer lhos, wit Eliézer hope Jorim lhos, wit Jorim hope Matat lhos, 30wit Matat hope Leví lhos, wit Leví hope Simeón lhos, wit Simeón hope Judá lhos, wit Judá hope José lhos, wit José hope Jonam lhos, wit Jonam hope Eliaquim lhos, 31wit Eliaquim hope Meleá lhos, wit Meleá hope Mená lhos, wit Mená hope Matatá lhos, wit Matatá hope Natán lhos, 32wit Natán hope David lhos, wit David hope Jesé lhos, wit Jesé hope Obed lhos, wit Obed hope Booz lhos, wit Booz hope Sélah lhos, wit Sélah hope Nahasón lhos 33wit Nahasón hope Aminadab lhos, wit Aminadab hope Admín lhos, wit Admín hope Arní lhos, wit Arní hope Hesrón lhos, wit Hesrón hope Fares lhos, wit Fares hope Judá lhos, 34wit Judá hope Jacob lhos, wit Jacob hope Isaac lhos, wit Isaac hope Abraham lhos, wit Abraham hope Térah lhos, wit Térah hope Nahor lhos, 35wit Nahor hope Serug lhos, wit Serug hope Ragau lhos, wit Ragau hope Péleg lhos, wit Péleg hope Éber lhos, wit Éber hope Sélah lhos, 36wit Sélah hope Cainán lhos, wit Cainán hope Arfaxad lhos, wit Arfaxad hope Sem lhos, wit Sem hope Noé lhos, wit Noé hope Lámec lhos, 37wit Lámec hope Matusalén lhos, wit Matusalén hope Henoc lhos, wit Henoc hope Jéred lhos, wit Jéred hope Mahalaleel lhos, wit Mahalaleel hope Cainán lhos, 38wit Cainán hope Enós lhos, wit Enós hope Set lhos, wit Set hope Adán lhos, wit Adán hope Dios lhos.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Wichí del Bermejo © Sociedad Bíblica Argentina