Mat 8
8
1Nian ramatite lə touɨr, nahuto asul kamairoupən In.
2Kəni ka, airo ru, iərəmim ker rakamɨs i leprosi#8:2 Leprosi in nɨmɨsan tat ker iərəm ramətakɨn nɨvigɨtil. Noua taha Moses ramɨni məma nərəm kamarɨmɨs i leprosi kɨsahiləlan lə nɨmrɨ Ughin. Ap ru Levitikas japta 13-14. rɨva mamsin nowulɨn ton, mamɨni məma, “Iərəmɨra, takəma nakolkeike, Ik nakɨsanən to nol-ɨvtan io.”
3Kəni Iesu ramhuatuin nəlɨmɨn miap in mɨni məma, “Iakolkeike. !Pəs nɨpəlakɨm tɨrɨvt!” Kəni ihue am leprosi tahan kɨnol ɨvt.
4 #
Lev 14:1-32
Kəni Iesu ramɨni ton məma, “Ɨsɨniatɨvan to iərəmim ker, mɨro vɨn mhuatɨkun ik to iərəm asul taha nuhuasɨgan, mofən nofənan ka Moses ramɨni lə Noua Asul, məma tɨrhuatɨkun nar ɨk kəm ilar.”
Iesu ramol ɨvt iolatkokɨn taha kapten asul ker
(Luk 7:1-10)
5Nian Iesu rɨnva Kapeneam, kapten asul ker rɨva ton, iərəm ramərəmɨra lə nəluakɨn min wan hantret (100) taha Rom, mɨrhapɨk ɨpɨk kəm In,
6mɨni məma, “Iərəmɨra, iolatkokɨn tahak ramapɨl imak ikɨn, takrɨ nɨpəlakɨn rɨmɨmɨs, namhean tahan ripɨr ɨpɨk.”
7Kəni Iesu rɨni məma, “Io sakvɨna mamol ɨvt.”
8Mɨro kapten asul rəmarəm mɨni məma, “Iərəmɨra, io iɨsavkɨran məma Ik tɨnakva ima lə nima tahak. Mɨro pəs tɨnakɨni am nakharan, kəni iolatkokɨn tahak tɨrva mɨsanən.
9“Mɨro-in-ka io mɨn iakatite lə nərəmɨra nɨvin, nəluakɨn min nɨvin kamaitite lak. Kəni iakamɨni to ker ‘Vɨn’, kəni rɨvɨn, mɨni to ker mɨn ‘Va’, kəni rɨva, mɨni to iolatkokɨn tahak ‘Ol nar ɨk’, kəni ramol.”
10Nian Iesu ramɨro, ramawɨr, mɨni kəm nərəm kamaiuatisɨgin məma, “Nɨpərhienan iakamɨni to kamiar, iɨsapan əna iərəmim ker ramatəta məklan, iɨsapan ker apa Isrel.
11 #
Luk 13:29
“Kəni iakamɨni to kamiar məma nərəmim min ripɨr takasɨpat masɨfa, marva maiwota-uas to naugɨnan ilar Epraham ne Aesak ne Jekop lə niko lə neai.
12 #
Mat 22:13; 25:30; Luk 13:28 “Mɨro nərərɨ niko tɨfhaliatɨv ilar lə napinəpan. Ikɨn an takaisak əpomh mamaiwalalɨva lə nəlɨvnilar.”
13Kəni ka Iesu ramɨni to kapten asul məma, “Akavɨn, kəni pəs tɨpol kəm ik rolkəma nakamatəta məma tɨpol.” Kəni iolatkokɨn tahan rɨva mɨsanən lə nian ətuatu an.
Iesu ramol ɨvt uhu Pita
(Mak 1:29-31; Luk 4:38-39)
14Nian Iesu rɨva ima lə nima taha Pita, ramap uhu Pita ramakapan ɨpɨk mamapɨl.
15Kəni ramiap nəlɨmɨn, ne nakapanan ramiər lan. Kəni ka ramərmig mamap ɨvt ilar.
Iesu ramol ɨvt nərəmim min ripɨr lə nɨmɨsan thɨnilar
(Mak 1:32-34; Luk 4:40-41)
16Nian rɨnamapinəp, kamaros nərəmim ripɨr nanɨmɨn tat min kamailɨmɨn ilar marva ton. Kəni In ramhaliatɨv nanɨmɨn tat min lə nakharan tahan, mamol ɨvt pətɨm nərəm kamarɨmɨs,
17 #
Aes 53:4
məma nakharan iəni taha Ughin Aesaea rɨnɨnitha tɨrva in nɨpəlakɨn, iərəm ramɨni məklan,
“In atu ramos nɨtətan min kamarol katar,
Mamositha nɨmɨsan min thətar.”
Riəkɨs məma takoatisɨgin Iesu
(Luk 9:57-62)
18Nian Iesu ramap məma nahuto asul kamarva ton, ramɨni to tahan nərəmim məma takarɨn lə tən ləvinpən ləvtai tehe.
19Kəni ka iətɨkun ker taha Noua rɨva mamɨni ton məma, “Iətɨkun, sakoatisɨgin Ik pətɨvɨn ikɨn tɨnakvɨn ikɨn.”
20Mɨro Iesu ramɨni ton məma, “Kuri iatipɨn min nɨpəg kapiəl a ikɨn thɨnilar, ne nɨmənɨk taha nɨmagoago nimanilar a ikɨn, mɨro Io Nərɨ Iərəmim imak rɨka ikɨn sakapɨl ikɨn.”
21Kəni tahan ker mɨn iərəmim ramɨni ton məma, “Iərəmɨra, pəs sakaupan mɨvɨn mɨrənɨm tahak tata.”
22Mɨro Iesu ramɨni ton məma, “Oatisɨgin Io, məpəs nərəm kamarɨmɨs məma takarənɨm thɨnilar nərəmim iərəm kamarɨmɨs.”
Nɨmətag ne tehe kamuɨtəlɨgin Iesu
(Mak 4:35-41; Luk 8:22-25)
23Kəni ka rɨvɨn lə niko ɨsuas ker, tahan nərəmim min kamaroatisɨgin.
24Kəni ka, airo ru, nɨmətag asul ker ramərmig lə tehe, tehe natɨrepaluin niko. Mɨro In ramapɨl.
25Kəni kamarva mamasɨg mani məma, “!Iərəmɨra, osmiuh katar, natəkaimɨnɨm!”
26Mɨro ramɨni to ilar məma, “?Rɨtol nakamarəgɨn? !Natətean thəmiar rɨsuas akɨn!” Kəni ka ramərmig mamənhiau nɨmətag ne tehe, kəni ramɨmɨlinu akɨn.
27Kəni nərəmim min an kamaiwɨr, mɨmani məma, “?Iərəmim ɨtol ɨk, iərəm nɨmətag ne tehe kamuɨtəlɨgin?”
Iesu ramhaliatɨv nanɨmɨn tat lə iərəmim kiu
(Mak 5:1-20; Luk 8:26-39)
28Nian rɨnva lə nɨvtai tehe, lə tən taha namin Kərkesa, iərəmim mil kiu kamiasɨpən ikɨn kamrənɨmar ikɨn mamuail-tosɨgin, nanɨmɨn tat ramalɨmɨn ilau. Ilau kuavkɨri iatipɨn, mol məma nərəmim kɨsarouan suatu an.
29Ilau kamuaun əpomh mamuɨni məma, “?Iesu, Ik Nərɨ Ughin, nɨva məma tɨnakol nəta kəm kamlau? ?Nɨva məma tɨnakol namhean asul kəm kamlau, nian rɨsolan əna nian ətuatu tahan?”
30Nɨkɨpəs min ripɨr kamarugɨn isou takrɨn to ilau.
31Kəni ka nanɨmɨn tat min kameirhapɨk ɨsanən ton mɨmani məma, “Takəma tɨnakhaliatɨv kamar, pəs tɨnakeghənin kamar məma sakarɨn mamailɨmɨn nɨkɨpəs min an.”
32Kəni ramɨni to ilar məma, “!Arɨn!” Kəni ka kamariər marɨn mamailɨmɨn nɨkɨpəs min. Kəni ka, airo ru, nɨkɨpəs min pətɨm kamari ɨpɨk lə nɨkɨlhi nar marɨn lə tehe, maimɨnɨm lə tehe.
33Mɨro nərəm kamaiugɨn ilar kamaikɨm mamarɨn lauanu mamaivsitoin narɨmnar min pətɨm ɨk, mɨmaniatɨv nar kamol lə wus mil an nanɨmɨn tat min kɨmamailɨmɨn ilau.
34Kəni ka nərəmim pətɨm lauanu an kamariər marɨn to Iesu, mameirhapɨk ɨsanən kəm In məma In tɨriər lə tən thɨnilar.
Iesu ramol ɨvt iərəmim ker takrɨ nɨpəlakɨn rɨmɨmɨs
(Mak 2:1-12; Luk 5:17-26)
Currently Selected:
Mat 8: Lenakel NT
Highlight
Share
Copy
Want to have your highlights saved across all your devices? Sign up or sign in
(c) 2023 Covenanter Press - Presbyterian Reformed Church of Australia
Mat 8
8
1Nian ramatite lə touɨr, nahuto asul kamairoupən In.
2Kəni ka, airo ru, iərəmim ker rakamɨs i leprosi#8:2 Leprosi in nɨmɨsan tat ker iərəm ramətakɨn nɨvigɨtil. Noua taha Moses ramɨni məma nərəm kamarɨmɨs i leprosi kɨsahiləlan lə nɨmrɨ Ughin. Ap ru Levitikas japta 13-14. rɨva mamsin nowulɨn ton, mamɨni məma, “Iərəmɨra, takəma nakolkeike, Ik nakɨsanən to nol-ɨvtan io.”
3Kəni Iesu ramhuatuin nəlɨmɨn miap in mɨni məma, “Iakolkeike. !Pəs nɨpəlakɨm tɨrɨvt!” Kəni ihue am leprosi tahan kɨnol ɨvt.
4 #
Lev 14:1-32
Kəni Iesu ramɨni ton məma, “Ɨsɨniatɨvan to iərəmim ker, mɨro vɨn mhuatɨkun ik to iərəm asul taha nuhuasɨgan, mofən nofənan ka Moses ramɨni lə Noua Asul, məma tɨrhuatɨkun nar ɨk kəm ilar.”
Iesu ramol ɨvt iolatkokɨn taha kapten asul ker
(Luk 7:1-10)
5Nian Iesu rɨnva Kapeneam, kapten asul ker rɨva ton, iərəm ramərəmɨra lə nəluakɨn min wan hantret (100) taha Rom, mɨrhapɨk ɨpɨk kəm In,
6mɨni məma, “Iərəmɨra, iolatkokɨn tahak ramapɨl imak ikɨn, takrɨ nɨpəlakɨn rɨmɨmɨs, namhean tahan ripɨr ɨpɨk.”
7Kəni Iesu rɨni məma, “Io sakvɨna mamol ɨvt.”
8Mɨro kapten asul rəmarəm mɨni məma, “Iərəmɨra, io iɨsavkɨran məma Ik tɨnakva ima lə nima tahak. Mɨro pəs tɨnakɨni am nakharan, kəni iolatkokɨn tahak tɨrva mɨsanən.
9“Mɨro-in-ka io mɨn iakatite lə nərəmɨra nɨvin, nəluakɨn min nɨvin kamaitite lak. Kəni iakamɨni to ker ‘Vɨn’, kəni rɨvɨn, mɨni to ker mɨn ‘Va’, kəni rɨva, mɨni to iolatkokɨn tahak ‘Ol nar ɨk’, kəni ramol.”
10Nian Iesu ramɨro, ramawɨr, mɨni kəm nərəm kamaiuatisɨgin məma, “Nɨpərhienan iakamɨni to kamiar, iɨsapan əna iərəmim ker ramatəta məklan, iɨsapan ker apa Isrel.
11 #
Luk 13:29
“Kəni iakamɨni to kamiar məma nərəmim min ripɨr takasɨpat masɨfa, marva maiwota-uas to naugɨnan ilar Epraham ne Aesak ne Jekop lə niko lə neai.
12 #
Mat 22:13; 25:30; Luk 13:28 “Mɨro nərərɨ niko tɨfhaliatɨv ilar lə napinəpan. Ikɨn an takaisak əpomh mamaiwalalɨva lə nəlɨvnilar.”
13Kəni ka Iesu ramɨni to kapten asul məma, “Akavɨn, kəni pəs tɨpol kəm ik rolkəma nakamatəta məma tɨpol.” Kəni iolatkokɨn tahan rɨva mɨsanən lə nian ətuatu an.
Iesu ramol ɨvt uhu Pita
(Mak 1:29-31; Luk 4:38-39)
14Nian Iesu rɨva ima lə nima taha Pita, ramap uhu Pita ramakapan ɨpɨk mamapɨl.
15Kəni ramiap nəlɨmɨn, ne nakapanan ramiər lan. Kəni ka ramərmig mamap ɨvt ilar.
Iesu ramol ɨvt nərəmim min ripɨr lə nɨmɨsan thɨnilar
(Mak 1:32-34; Luk 4:40-41)
16Nian rɨnamapinəp, kamaros nərəmim ripɨr nanɨmɨn tat min kamailɨmɨn ilar marva ton. Kəni In ramhaliatɨv nanɨmɨn tat min lə nakharan tahan, mamol ɨvt pətɨm nərəm kamarɨmɨs,
17 #
Aes 53:4
məma nakharan iəni taha Ughin Aesaea rɨnɨnitha tɨrva in nɨpəlakɨn, iərəm ramɨni məklan,
“In atu ramos nɨtətan min kamarol katar,
Mamositha nɨmɨsan min thətar.”
Riəkɨs məma takoatisɨgin Iesu
(Luk 9:57-62)
18Nian Iesu ramap məma nahuto asul kamarva ton, ramɨni to tahan nərəmim məma takarɨn lə tən ləvinpən ləvtai tehe.
19Kəni ka iətɨkun ker taha Noua rɨva mamɨni ton məma, “Iətɨkun, sakoatisɨgin Ik pətɨvɨn ikɨn tɨnakvɨn ikɨn.”
20Mɨro Iesu ramɨni ton məma, “Kuri iatipɨn min nɨpəg kapiəl a ikɨn thɨnilar, ne nɨmənɨk taha nɨmagoago nimanilar a ikɨn, mɨro Io Nərɨ Iərəmim imak rɨka ikɨn sakapɨl ikɨn.”
21Kəni tahan ker mɨn iərəmim ramɨni ton məma, “Iərəmɨra, pəs sakaupan mɨvɨn mɨrənɨm tahak tata.”
22Mɨro Iesu ramɨni ton məma, “Oatisɨgin Io, məpəs nərəm kamarɨmɨs məma takarənɨm thɨnilar nərəmim iərəm kamarɨmɨs.”
Nɨmətag ne tehe kamuɨtəlɨgin Iesu
(Mak 4:35-41; Luk 8:22-25)
23Kəni ka rɨvɨn lə niko ɨsuas ker, tahan nərəmim min kamaroatisɨgin.
24Kəni ka, airo ru, nɨmətag asul ker ramərmig lə tehe, tehe natɨrepaluin niko. Mɨro In ramapɨl.
25Kəni kamarva mamasɨg mani məma, “!Iərəmɨra, osmiuh katar, natəkaimɨnɨm!”
26Mɨro ramɨni to ilar məma, “?Rɨtol nakamarəgɨn? !Natətean thəmiar rɨsuas akɨn!” Kəni ka ramərmig mamənhiau nɨmətag ne tehe, kəni ramɨmɨlinu akɨn.
27Kəni nərəmim min an kamaiwɨr, mɨmani məma, “?Iərəmim ɨtol ɨk, iərəm nɨmətag ne tehe kamuɨtəlɨgin?”
Iesu ramhaliatɨv nanɨmɨn tat lə iərəmim kiu
(Mak 5:1-20; Luk 8:26-39)
28Nian rɨnva lə nɨvtai tehe, lə tən taha namin Kərkesa, iərəmim mil kiu kamiasɨpən ikɨn kamrənɨmar ikɨn mamuail-tosɨgin, nanɨmɨn tat ramalɨmɨn ilau. Ilau kuavkɨri iatipɨn, mol məma nərəmim kɨsarouan suatu an.
29Ilau kamuaun əpomh mamuɨni məma, “?Iesu, Ik Nərɨ Ughin, nɨva məma tɨnakol nəta kəm kamlau? ?Nɨva məma tɨnakol namhean asul kəm kamlau, nian rɨsolan əna nian ətuatu tahan?”
30Nɨkɨpəs min ripɨr kamarugɨn isou takrɨn to ilau.
31Kəni ka nanɨmɨn tat min kameirhapɨk ɨsanən ton mɨmani məma, “Takəma tɨnakhaliatɨv kamar, pəs tɨnakeghənin kamar məma sakarɨn mamailɨmɨn nɨkɨpəs min an.”
32Kəni ramɨni to ilar məma, “!Arɨn!” Kəni ka kamariər marɨn mamailɨmɨn nɨkɨpəs min. Kəni ka, airo ru, nɨkɨpəs min pətɨm kamari ɨpɨk lə nɨkɨlhi nar marɨn lə tehe, maimɨnɨm lə tehe.
33Mɨro nərəm kamaiugɨn ilar kamaikɨm mamarɨn lauanu mamaivsitoin narɨmnar min pətɨm ɨk, mɨmaniatɨv nar kamol lə wus mil an nanɨmɨn tat min kɨmamailɨmɨn ilau.
34Kəni ka nərəmim pətɨm lauanu an kamariər marɨn to Iesu, mameirhapɨk ɨsanən kəm In məma In tɨriər lə tən thɨnilar.
Iesu ramol ɨvt iərəmim ker takrɨ nɨpəlakɨn rɨmɨmɨs
(Mak 2:1-12; Luk 5:17-26)
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) 2023 Covenanter Press - Presbyterian Reformed Church of Australia