Génesis 8
8
Kay pachapi nishu para thañisqamanta
1Diosmi Noeymanta, shaynallataq hatun barcopi paywan kuska kaq shallqa animalkunamanta hinallataq uywana animalkunamantapas yuyarirqa. Chaymi Diosqa wayrata wayrachimurqa kay pachaman. Hinaqtinmi kay pachapi qocharayaq yakuqa ch'akiyta qallarirqa. 2Uku hallp'a pachamanta yaku t'oqyamuqpas hinallataq alto cielomanta phaqchamuq yakupas thañirurqa. Hinaqtinmi paraqa manaña pararqañachu. 3Chaymi kay pachapi qocharayaq yakuqa pisi-pisillamanta ch'akiyta qallarirqa. Shaynataqa ch'akirqan yakuqa pachak pishqa chunka (150) p'unchaw qepatan. 4Hinaqtinmi qanchis kaq killaqpa chunka qanchisniyoq p'unchawninpi, chay barcoqa huk hatun kaq orqopi takyarqa. Chay orqoqa Ararat ladopin karqa. 5Yakuqa astawanmi ch'akirqa chika-chikallanmanta chunka kaq killakama. Hinaqtinmi chunka kaq killapi primer kaq p'unchawpi alto orqokunaqpa puntankuna rikurirqa.
6Noeyqa tawa chunka p'unchaw pasaruqtinmi, chay barcoqpa ventananta kicharirqa. 7Hinaspan payqa kacharirqa yana colorniyoq *cuervo sutiyoq phawaq animalta. Chaymi chay animalqa lloqsispa phawaykacharqa kayman waqman. Hinaspan ashkha kutita rirqa; hinallataq kutimurqanpas asta kay hallp'a pachapi yaku ch'akinankama. 8Chaymantañataqmi Noeyqa kacharillarqataq huk palomatapas, shaynapi kay hallp'a pachapi yaku ch'akirunñachus icha manaraqchus chayta yachananpaq. 9Chay palomaqa, kay pachapi yaku manaraq ch'akisqanraykun, mana tarirqachu ch'aki hallp'ata tiyananpaq. Chayraykun chay palomaqa barcoman kutimurqa. Hinaqtinmi Noeyqa makinta haywarirqa. Hinaspan chay palomata hap'ispa barco ukuman apayurqa.
10Chaymantan Noeyqa qanchis p'unchawtawanraq suyarqa. Hinaspan hukmanta chay palomata kacharirqa. 11Hinaqtinmi ña tardeyaykushaqtinña, chay palomaqa, siminpi *olivos nisqa aceituna yuraqpa raphinta apayukuspa, kutirqa Noeypa kasqan barcoman. Chaymi Noeyqa yacharqa kay hallp'a pachaqa yaqa ch'akiña kasqanta. 12Noeyqa qanchis p'unchawtaraqmi suyarqa. Hinaspan hukmanta chay palomata kacharirqa. Hinaqtinmi chay palomaqa manaña kutimuranñachu Noeypa kasqanmanqa.
13Soqta pachak hukniyoq (601) watanpi Noé kashaqtinmi, primer kaq killapi hinallataq primer kaq p'unchawpi kay pachapi qocharayaq yakuqa ch'akipurqa. Hinaqtinmi payqa chay barcoqpa techonta wanturispa qawarirqa. Hinaspan rikurqa hallp'aqa ch'akiña kasqanta. 14Iskay kaq killaqpa iskay chunka qanchisniyoq p'unchawninpin kay pachapi hallp'aqa ch'akipurqa. 15Hinaqtinmi Diosqa Noeyta nirqa:
16—Lloqsiychis barcomanta qanpas, warmiykipas, kimsantin qari wawaykikunapas hinallataq qachunniykikunapas. 17Chay barcomantaqa tukuy laya animalkunatapas orqopullaytaqyá: alton phawaq animalkunata, shallqa animalkunata, uywana animalkunata hinallataq pampallanta suchuspa puriq animalkunatapas, shaynapi kay hallp'a pachapi miraspa hunt'anankupaq, nispa.
18Chaymi Noeyqa warmintin, qari wawankunantin hinallataq qachunninkunapiwan ima chay barcomanta lloqsimurqaku. 19Shaynallataqmi chay barcomantaqa llapallan animalkunapas layanman hina lloqsimurqaku, alton phawaq animalkuna, shallqa animalkuna, uywana animalkuna hinallataq pampallanta suchuspa puriq animalkuna ima. 20Hinaqtinmi Noeyqa Señor Diospaq huk *altarta ruwarqa. Hinaspan kay pachapi puriq sacrificanapaq kaq animalkunamanta hinallataq alton phawaq sacrificanapaq kaq animalkunamantawan ima wañuchispa, chay altar hawapi k'anaspa, Diosman *sacrificio ofrendata haywarqa.
21Chaymi Señor Diosqa chay sacrificio ofrendaqpa sumaq asnariyninta repararqa. Hinaspan sonqonpi khaynata nikurqa:
—Runakunaqa warma kasqankumantapachan mana allin ruwaykunallapi sonqonkupi tanteanku. Ichaqa manañan kunanmantaqa runakunaqpa huchanraykuqa kay hallp'a pachataqa ñakasaqñachu. Hinaspapas noqaqa manañan ni hayk'aqpas hukmantaqa kay pachapi llapallan kawsaqkunataqa chinkachisaqñachu, imaynan chinkachirqani shaynataqa. 22Kay pacha kanankamaqa kallanqapunin tarpuypas, cosechakunapas, shiriy tiempopas, ruphay tiempopas, poqoy tiempopas, ch'akiy tiempopas hinallataq p'unchawpas, tutapas, nispa.
Currently Selected:
Génesis 8: QXU
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
Génesis 8
8
Kay pachapi nishu para thañisqamanta
1Diosmi Noeymanta, shaynallataq hatun barcopi paywan kuska kaq shallqa animalkunamanta hinallataq uywana animalkunamantapas yuyarirqa. Chaymi Diosqa wayrata wayrachimurqa kay pachaman. Hinaqtinmi kay pachapi qocharayaq yakuqa ch'akiyta qallarirqa. 2Uku hallp'a pachamanta yaku t'oqyamuqpas hinallataq alto cielomanta phaqchamuq yakupas thañirurqa. Hinaqtinmi paraqa manaña pararqañachu. 3Chaymi kay pachapi qocharayaq yakuqa pisi-pisillamanta ch'akiyta qallarirqa. Shaynataqa ch'akirqan yakuqa pachak pishqa chunka (150) p'unchaw qepatan. 4Hinaqtinmi qanchis kaq killaqpa chunka qanchisniyoq p'unchawninpi, chay barcoqa huk hatun kaq orqopi takyarqa. Chay orqoqa Ararat ladopin karqa. 5Yakuqa astawanmi ch'akirqa chika-chikallanmanta chunka kaq killakama. Hinaqtinmi chunka kaq killapi primer kaq p'unchawpi alto orqokunaqpa puntankuna rikurirqa.
6Noeyqa tawa chunka p'unchaw pasaruqtinmi, chay barcoqpa ventananta kicharirqa. 7Hinaspan payqa kacharirqa yana colorniyoq *cuervo sutiyoq phawaq animalta. Chaymi chay animalqa lloqsispa phawaykacharqa kayman waqman. Hinaspan ashkha kutita rirqa; hinallataq kutimurqanpas asta kay hallp'a pachapi yaku ch'akinankama. 8Chaymantañataqmi Noeyqa kacharillarqataq huk palomatapas, shaynapi kay hallp'a pachapi yaku ch'akirunñachus icha manaraqchus chayta yachananpaq. 9Chay palomaqa, kay pachapi yaku manaraq ch'akisqanraykun, mana tarirqachu ch'aki hallp'ata tiyananpaq. Chayraykun chay palomaqa barcoman kutimurqa. Hinaqtinmi Noeyqa makinta haywarirqa. Hinaspan chay palomata hap'ispa barco ukuman apayurqa.
10Chaymantan Noeyqa qanchis p'unchawtawanraq suyarqa. Hinaspan hukmanta chay palomata kacharirqa. 11Hinaqtinmi ña tardeyaykushaqtinña, chay palomaqa, siminpi *olivos nisqa aceituna yuraqpa raphinta apayukuspa, kutirqa Noeypa kasqan barcoman. Chaymi Noeyqa yacharqa kay hallp'a pachaqa yaqa ch'akiña kasqanta. 12Noeyqa qanchis p'unchawtaraqmi suyarqa. Hinaspan hukmanta chay palomata kacharirqa. Hinaqtinmi chay palomaqa manaña kutimuranñachu Noeypa kasqanmanqa.
13Soqta pachak hukniyoq (601) watanpi Noé kashaqtinmi, primer kaq killapi hinallataq primer kaq p'unchawpi kay pachapi qocharayaq yakuqa ch'akipurqa. Hinaqtinmi payqa chay barcoqpa techonta wanturispa qawarirqa. Hinaspan rikurqa hallp'aqa ch'akiña kasqanta. 14Iskay kaq killaqpa iskay chunka qanchisniyoq p'unchawninpin kay pachapi hallp'aqa ch'akipurqa. 15Hinaqtinmi Diosqa Noeyta nirqa:
16—Lloqsiychis barcomanta qanpas, warmiykipas, kimsantin qari wawaykikunapas hinallataq qachunniykikunapas. 17Chay barcomantaqa tukuy laya animalkunatapas orqopullaytaqyá: alton phawaq animalkunata, shallqa animalkunata, uywana animalkunata hinallataq pampallanta suchuspa puriq animalkunatapas, shaynapi kay hallp'a pachapi miraspa hunt'anankupaq, nispa.
18Chaymi Noeyqa warmintin, qari wawankunantin hinallataq qachunninkunapiwan ima chay barcomanta lloqsimurqaku. 19Shaynallataqmi chay barcomantaqa llapallan animalkunapas layanman hina lloqsimurqaku, alton phawaq animalkuna, shallqa animalkuna, uywana animalkuna hinallataq pampallanta suchuspa puriq animalkuna ima. 20Hinaqtinmi Noeyqa Señor Diospaq huk *altarta ruwarqa. Hinaspan kay pachapi puriq sacrificanapaq kaq animalkunamanta hinallataq alton phawaq sacrificanapaq kaq animalkunamantawan ima wañuchispa, chay altar hawapi k'anaspa, Diosman *sacrificio ofrendata haywarqa.
21Chaymi Señor Diosqa chay sacrificio ofrendaqpa sumaq asnariyninta repararqa. Hinaspan sonqonpi khaynata nikurqa:
—Runakunaqa warma kasqankumantapachan mana allin ruwaykunallapi sonqonkupi tanteanku. Ichaqa manañan kunanmantaqa runakunaqpa huchanraykuqa kay hallp'a pachataqa ñakasaqñachu. Hinaspapas noqaqa manañan ni hayk'aqpas hukmantaqa kay pachapi llapallan kawsaqkunataqa chinkachisaqñachu, imaynan chinkachirqani shaynataqa. 22Kay pacha kanankamaqa kallanqapunin tarpuypas, cosechakunapas, shiriy tiempopas, ruphay tiempopas, poqoy tiempopas, ch'akiy tiempopas hinallataq p'unchawpas, tutapas, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company