Matej 26
26
O Evrejska vodačija dogovorinena pe te mudaren e Isuse
1Koga o Isus završingja sa adava, vakergja pe učenikonge: 2“Sar so džanena panda duj dive o prazniko Pasha hem o Čhavo Manušeskoro ka ovel predajmo te čhiven le ko krsto.”
3Togaš o prvosveštenikija hem o starešine e Evrejengere khedinge pe ko dvoro e bare sveštenikoskoro so vikinela pe Kajafa 4hem dogovoringe pe sar te astaren e Isuse ko hovajbe te šaj te mudaren le.
5Ama phenge: “Na ko akava baro Prazniko, te na buninen pe o narodo.”
E Isuseskoro pomazanie ki Vitanija
6Dži kote sine o Isus ki Vitanija, ko kher e Simoneskoro o leprozno, 7sar bešela sine ki sofra, ali jekh romni šišeja soj kerdo taro mermeri, a andre ki leste sine skupo mirizlivo ujle, i oj čhorgja le upro leskoro šero.
8Koga o učenikija dikhle adava, holange hem pučle: “Soske bezveze čhorela pe akava ujle? 9Akava mirizlivo ujle šaj sine te bikinel pe bute parenge hem o pare te del pe e čorolenge.”
10O Isus džangja so vakerena, i pučlja len: “Soske zakačinena akale romna? Oj kergja mange šukaripe. 11O čorole manuša sekat ka oven uza tumende, ama me nane te ovav sekat tumencar. 12Oj čhorindor adava mirizlivo ujle upra mande spremingja mo telo bašo parujbe. 13Čače vakerava tumenge kote i te propovedinel pe o evangelije ko celo sveto, ka vakerel pe adava so kergja, te šaj sarine setinena pe ki late.”
O Juda dogovorinela pe te predajnel e Isuse
14Togaš jekh taro dešuduj učenikija, so vikinela pe sine Juda Iskariot, gelo ko prvosveštenikija 15hem pučlja len: “Kozom pare ka den man ako predajngjum tumenge e Isuse?”
I ola platinge e Judaske trijanda srebrenikija. 16Hem taro adava dive ov rodela sine šuži šanca te predajnel e Isuse.
O Isus bičhavela e učenikon te spreminen i Pasha
17Ko prvo dive taro Prazniko e Beskvasno mareske, o učenikija ale uza ko Isus hem pučle: “Kaj mangeja te dža hem te kera tuke te ha o hajbe baši Pasha?”
18O Isus odgovoringja lenge: “Džan ko gradi ko adava hem adava manuš hem vakeren leske: ‘O učiteli vakerela: Mo vreme tano paše. Tute ka slavinav i Pasha me učenikoncar.’ ”
19I o učenikija kerge sar so phengja lenge o Isus hem adathe spreminge o hajbe e Pashakoro.
O Isus phenela jekh taro dešuduj ka predajnel le
20Koga rakjilo, o Isus bešla ki sofra pe dešuduje učenikoncar, 21i dži kote hana sine o Isus phengja lenge: “Čače vakerava tumenge, jekh tumendar ka predajnel man.”
22Ola but razočarisalile, hem počminge te pučen le jekh po jekh: “Te na sijum me adava, Gospode?”
23A ov odgovoringja lenge: “Adava so bolela mancar ki činija, ov ka predajnel man. 24Čače o Čhavo Manušeskoro mora te merel sar soj pišimo, ama pharo adale manušeske so ka predajnel le! Pošukar ka ovel sine leske te na bijangjovel.”
25Togaš o Juda, o predavniko leskoro pučlja le: “Te na sijum me adava, Učitele?”
O Isus odgovoringja leske: “Agjar i sar so phengjan.”
O Isus hala i posledno večera e učenikoncar
26Dži kote hana sine, o Isus lela o maro, blagodaringja, phagla le hem dengja pe učenikonge hem phengja: “Len hem han, akavaj mo telo.”
27Togaš lela i čaša, blagodaringja hem dengja la lenge vakerindor: “Pijen latar sarine. 28Akavaj mo rat e Zaveteskoro, so čhorgjola bute dženenge bašo oprostiba o grevija. 29I vakerava tumenge: nane te pijav više mol, sa dži ko adava dive koga ka pijav tumencar i nevi mol ko carstvo me Dadeskoro.”
30Togaš gilage gili hem gele ki Maslinovo gora.
O Petar ka otkažinel pe taro Isus
31Togaš o Isus phengja lenge: “Akaja rat sarinen ka mukhen man, soske i pišimo:
‘Ka mudarav e pastire,
hem o bakhre ka našen.’#Zah 13:7.
32Ama palo adava, koga ka uštav taro mule, ka džav angleder tumende ki Galileja.”
33A o Petar vakergja leske: “I sarinen te mukhle tut, me nikat nane te mukhav tut!”
34O Isus phengja leske: “Čače vakerava tuke, akaja rat, angleder o bašno te gilavel, tu trin puti ka phene deka na pendžareja man.”
35Ama o Petar vakergja leske: “Ako trebela ka merav tuja, ama nikat nane te kerav adava!”
Hem isto agjar vakerge sa o učenikija.
E Isuseskiri molitva ki Getsimanija
36Togaš o Isus gelo pe učenikoncar ko than so vikinela pe Getsimanija, i phengja lenge: “Bešen akate dži kote me džava adathe te molina man.”
37Lela peja e Petare hem Zavedejeskere duje čhaven. Hem počmingja te ovel tažno hem te ovel le pharipe. 38Togaš phengja lenge: “Doborom mange pharo so osetinava deka mi duša ka phajrol! Ačhoven akate hem oven džangavde mancar.”
39I gelo hari podur, pelo mujeja dži ki phuv hem molingja pe vakerindor: “Mo dad, te šaj, cide mandar akaja čaša e pharipaja, ama neka ovel ti vojla, a na mli.”
40Togaš irangja pe ko učenikija hem arakhla len sar sovena, hem phengja e Petareske: “Našti li sine jekh sati te oven džangavde mancar? 41Oven džangavde hem molinen tumen te na peren ko iskušenie. O duho mangela te kerel adava soj šukar, ama o telo tano slabo.”
42I gelo dujto puti te molinel pe vakerindor: “Mo dad, ako našti cideja akaja čaša e pharipaja, te na pijav latar, neka ovel ti vojla.”
43Koga irangja pe, palem arakhla len sar sovena, soske phandlona sine lengere jakha. 44Ov mukhla len hem gelo panda jekh puti, i trito puti molingja pe vakerindor ista lafija.
45Togaš irangja pe ko učenikija hem phengja lenge: “Panda li sovena hem odmorinena? Akje alo o sati hem o Čhavo Manušeskoro ka ovel predajmo ko vasta e grešnikonge. 46Ušten! Te dža! Akje, paše tano mo predavniko.”
E Isuseskoro astariba
47Dži kote o Isus kerela sine lafi, alo o Juda jekh taro dešuduj učenikija. A leja sine bari gužva, čhurikhencar hem kaštencar, bičhavde taro prvosveštenikija hem taro starešine e Evrejengere.
48A o Juda, leskoro predavniko, angleder dengja len znako vakerindor: “Kas ka čuminav – ov tano. Le astaren.”
49I odma alo uza ko Isus hem phengja: “Zdravo učitele!” Hem čumingja le ki čham.
50A o Isus odgovoringja leske: “Amala, ker adava soleske alan.”
Togaš ale o manuša, astarge e Isuse hem phandle le. 51Adaleske, jekh okolendar so sine e Isuseja astargja pi čhurik, ikalgja la hem khugja e bare sveštenikoskere sluga hem čhingja o kan leskoro.
52Togaš o Isus phengja leske: “Iran i čhurik ko lakoro than, soske sarinen so ka ikaven čhurik ka meren tari čhurik. 53Tu mislineja deka našti te rodav me Dadestar te bičhavel mange odma akana poviše taro dešuduj vojske angejla? 54Ama te kergjum adava, sar ka phergjol o Sveto Lil so vakerela deka adava mora agjar te ovel?”
55Togaš phengja e manušenge: “Sar buntovnikoske ko than alen čhurikencar hem kaštencar te astaren man? Sekova dive bešava sine ko Hrami hem sikavava sine e manušen, a tumen na astargjen man. 56Ama, sa akava ulo te šaj te phergjol adava so vakerge o prorokija.”
Togaš sa o učenikija mukhle le hem našle.
O Isus anglo baro sudo
57Okola so astarge e Isuse, legarge le ko baro svešteniko o Kajafa, kote so khedinge pe sa o učitejla e Zakoneskere hem o starešine. 58Ama o Petar duraldan džala sine palo Isus, sa dži ko dvoro e bare sveštenikoskoro, i khugja andre hem bešla e čuvarencar te dikhel so ka ovel.
59A o prvosveštenikija, o starešine hem o učitejla e Zakoneskere, rodena sine nesavo hovavno dokaz te arakhen te šaj te mudaren e Isuse, 60ama našti sine te arakhen, iako ale but hovavne svedokija.
A ko krajo ale duj džene 61hem phenge: “Akava manuš phengja: ‘Šaj te peravav akava Hrami e Devleskoro hem trine divenge palem te vazdav le.’ ”
62Togaš uštilo o baro svešteniko hem pučlja e Isuse: “Nane li tut so te phene ko akava so vakerena protiv tute?”
63Ama o Isus kjutingja.
I o baro svešteniko phengja leske: “Dava tut sovli upro dživdo Devel, phen amenge tu li sijan o Hristos, o Čhavo e Devleskoro?”
64O Isus odgovoringja leske: “Agjar i sar so phengjan. Ama vakerava tumenge: taro akava dive ka dikhen o Čhavo Manušeskoro sar bešela tari desno strana e Najsilno Devleskiri hem sar avela upro oblakija e neboskere.”
65Togaš o baro svešteniko pharagja pe šeja hem phengja: “Hulingja upro Devel! So trebela amen više svedokija? Akje, akana šungjen sar hulinela. 66So mislinena?”
Ola odgovoringe: “Zaslužinela te merel!”
67Togaš čhungarge le ko muj hem khuge le boksencar. A javera khuvena le sine šamarkencar, 68vakerindor: “Hristos, prorokujn amenge, koj khugja tut?”
O Petar otkažinela pe taro Isus
69Dži kote o Petar bešela sine ko dvoro, ali ki leste jekh slugjinka hem phengja: “Tu da sijan sine e Isuseja tari Galileja!”
70A o Petar anglo sarinen otkažisalilo vakerindor: “Na džanava bašo so pheneja!”
71Togaš iklilo avrik angli porta, i dikhla le jekh javer slugjinka hem phengja e manušenge so sine adathe: “Akava sine e Isuseja taro Nazaret!”
72Ama o Petar palem otkažisalilo hem hala sovli: “Na pendžarava adale manuše!”
73Na nakhla but palo adava, okola so sine adathe gele ko Petar hem phenge leske: “Tu čače sijan jekh lendar, soske to keriba lafi adava sikavela.”
74Togaš o Petar počmingja te del pe armanja hem te hal sovli: “Na pendžarava adale manuše!”
I odma o bašno gilagja. 75Togaš o Petar setingja pe ko lafija e Isuseskere so phengja leske: “Angleder o bašno te gilavel, tu trin puti ka phene deka na pendžareja man.” I iklilo avrik hem silno rungja.
Currently Selected:
Matej 26: MAR
Highlight
Copy
Compare
Share
Want to have your highlights saved across all your devices? Sign up or sign in
Matej 26
26
O Evrejska vodačija dogovorinena pe te mudaren e Isuse
1Koga o Isus završingja sa adava, vakergja pe učenikonge: 2“Sar so džanena panda duj dive o prazniko Pasha hem o Čhavo Manušeskoro ka ovel predajmo te čhiven le ko krsto.”
3Togaš o prvosveštenikija hem o starešine e Evrejengere khedinge pe ko dvoro e bare sveštenikoskoro so vikinela pe Kajafa 4hem dogovoringe pe sar te astaren e Isuse ko hovajbe te šaj te mudaren le.
5Ama phenge: “Na ko akava baro Prazniko, te na buninen pe o narodo.”
E Isuseskoro pomazanie ki Vitanija
6Dži kote sine o Isus ki Vitanija, ko kher e Simoneskoro o leprozno, 7sar bešela sine ki sofra, ali jekh romni šišeja soj kerdo taro mermeri, a andre ki leste sine skupo mirizlivo ujle, i oj čhorgja le upro leskoro šero.
8Koga o učenikija dikhle adava, holange hem pučle: “Soske bezveze čhorela pe akava ujle? 9Akava mirizlivo ujle šaj sine te bikinel pe bute parenge hem o pare te del pe e čorolenge.”
10O Isus džangja so vakerena, i pučlja len: “Soske zakačinena akale romna? Oj kergja mange šukaripe. 11O čorole manuša sekat ka oven uza tumende, ama me nane te ovav sekat tumencar. 12Oj čhorindor adava mirizlivo ujle upra mande spremingja mo telo bašo parujbe. 13Čače vakerava tumenge kote i te propovedinel pe o evangelije ko celo sveto, ka vakerel pe adava so kergja, te šaj sarine setinena pe ki late.”
O Juda dogovorinela pe te predajnel e Isuse
14Togaš jekh taro dešuduj učenikija, so vikinela pe sine Juda Iskariot, gelo ko prvosveštenikija 15hem pučlja len: “Kozom pare ka den man ako predajngjum tumenge e Isuse?”
I ola platinge e Judaske trijanda srebrenikija. 16Hem taro adava dive ov rodela sine šuži šanca te predajnel e Isuse.
O Isus bičhavela e učenikon te spreminen i Pasha
17Ko prvo dive taro Prazniko e Beskvasno mareske, o učenikija ale uza ko Isus hem pučle: “Kaj mangeja te dža hem te kera tuke te ha o hajbe baši Pasha?”
18O Isus odgovoringja lenge: “Džan ko gradi ko adava hem adava manuš hem vakeren leske: ‘O učiteli vakerela: Mo vreme tano paše. Tute ka slavinav i Pasha me učenikoncar.’ ”
19I o učenikija kerge sar so phengja lenge o Isus hem adathe spreminge o hajbe e Pashakoro.
O Isus phenela jekh taro dešuduj ka predajnel le
20Koga rakjilo, o Isus bešla ki sofra pe dešuduje učenikoncar, 21i dži kote hana sine o Isus phengja lenge: “Čače vakerava tumenge, jekh tumendar ka predajnel man.”
22Ola but razočarisalile, hem počminge te pučen le jekh po jekh: “Te na sijum me adava, Gospode?”
23A ov odgovoringja lenge: “Adava so bolela mancar ki činija, ov ka predajnel man. 24Čače o Čhavo Manušeskoro mora te merel sar soj pišimo, ama pharo adale manušeske so ka predajnel le! Pošukar ka ovel sine leske te na bijangjovel.”
25Togaš o Juda, o predavniko leskoro pučlja le: “Te na sijum me adava, Učitele?”
O Isus odgovoringja leske: “Agjar i sar so phengjan.”
O Isus hala i posledno večera e učenikoncar
26Dži kote hana sine, o Isus lela o maro, blagodaringja, phagla le hem dengja pe učenikonge hem phengja: “Len hem han, akavaj mo telo.”
27Togaš lela i čaša, blagodaringja hem dengja la lenge vakerindor: “Pijen latar sarine. 28Akavaj mo rat e Zaveteskoro, so čhorgjola bute dženenge bašo oprostiba o grevija. 29I vakerava tumenge: nane te pijav više mol, sa dži ko adava dive koga ka pijav tumencar i nevi mol ko carstvo me Dadeskoro.”
30Togaš gilage gili hem gele ki Maslinovo gora.
O Petar ka otkažinel pe taro Isus
31Togaš o Isus phengja lenge: “Akaja rat sarinen ka mukhen man, soske i pišimo:
‘Ka mudarav e pastire,
hem o bakhre ka našen.’#Zah 13:7.
32Ama palo adava, koga ka uštav taro mule, ka džav angleder tumende ki Galileja.”
33A o Petar vakergja leske: “I sarinen te mukhle tut, me nikat nane te mukhav tut!”
34O Isus phengja leske: “Čače vakerava tuke, akaja rat, angleder o bašno te gilavel, tu trin puti ka phene deka na pendžareja man.”
35Ama o Petar vakergja leske: “Ako trebela ka merav tuja, ama nikat nane te kerav adava!”
Hem isto agjar vakerge sa o učenikija.
E Isuseskiri molitva ki Getsimanija
36Togaš o Isus gelo pe učenikoncar ko than so vikinela pe Getsimanija, i phengja lenge: “Bešen akate dži kote me džava adathe te molina man.”
37Lela peja e Petare hem Zavedejeskere duje čhaven. Hem počmingja te ovel tažno hem te ovel le pharipe. 38Togaš phengja lenge: “Doborom mange pharo so osetinava deka mi duša ka phajrol! Ačhoven akate hem oven džangavde mancar.”
39I gelo hari podur, pelo mujeja dži ki phuv hem molingja pe vakerindor: “Mo dad, te šaj, cide mandar akaja čaša e pharipaja, ama neka ovel ti vojla, a na mli.”
40Togaš irangja pe ko učenikija hem arakhla len sar sovena, hem phengja e Petareske: “Našti li sine jekh sati te oven džangavde mancar? 41Oven džangavde hem molinen tumen te na peren ko iskušenie. O duho mangela te kerel adava soj šukar, ama o telo tano slabo.”
42I gelo dujto puti te molinel pe vakerindor: “Mo dad, ako našti cideja akaja čaša e pharipaja, te na pijav latar, neka ovel ti vojla.”
43Koga irangja pe, palem arakhla len sar sovena, soske phandlona sine lengere jakha. 44Ov mukhla len hem gelo panda jekh puti, i trito puti molingja pe vakerindor ista lafija.
45Togaš irangja pe ko učenikija hem phengja lenge: “Panda li sovena hem odmorinena? Akje alo o sati hem o Čhavo Manušeskoro ka ovel predajmo ko vasta e grešnikonge. 46Ušten! Te dža! Akje, paše tano mo predavniko.”
E Isuseskoro astariba
47Dži kote o Isus kerela sine lafi, alo o Juda jekh taro dešuduj učenikija. A leja sine bari gužva, čhurikhencar hem kaštencar, bičhavde taro prvosveštenikija hem taro starešine e Evrejengere.
48A o Juda, leskoro predavniko, angleder dengja len znako vakerindor: “Kas ka čuminav – ov tano. Le astaren.”
49I odma alo uza ko Isus hem phengja: “Zdravo učitele!” Hem čumingja le ki čham.
50A o Isus odgovoringja leske: “Amala, ker adava soleske alan.”
Togaš ale o manuša, astarge e Isuse hem phandle le. 51Adaleske, jekh okolendar so sine e Isuseja astargja pi čhurik, ikalgja la hem khugja e bare sveštenikoskere sluga hem čhingja o kan leskoro.
52Togaš o Isus phengja leske: “Iran i čhurik ko lakoro than, soske sarinen so ka ikaven čhurik ka meren tari čhurik. 53Tu mislineja deka našti te rodav me Dadestar te bičhavel mange odma akana poviše taro dešuduj vojske angejla? 54Ama te kergjum adava, sar ka phergjol o Sveto Lil so vakerela deka adava mora agjar te ovel?”
55Togaš phengja e manušenge: “Sar buntovnikoske ko than alen čhurikencar hem kaštencar te astaren man? Sekova dive bešava sine ko Hrami hem sikavava sine e manušen, a tumen na astargjen man. 56Ama, sa akava ulo te šaj te phergjol adava so vakerge o prorokija.”
Togaš sa o učenikija mukhle le hem našle.
O Isus anglo baro sudo
57Okola so astarge e Isuse, legarge le ko baro svešteniko o Kajafa, kote so khedinge pe sa o učitejla e Zakoneskere hem o starešine. 58Ama o Petar duraldan džala sine palo Isus, sa dži ko dvoro e bare sveštenikoskoro, i khugja andre hem bešla e čuvarencar te dikhel so ka ovel.
59A o prvosveštenikija, o starešine hem o učitejla e Zakoneskere, rodena sine nesavo hovavno dokaz te arakhen te šaj te mudaren e Isuse, 60ama našti sine te arakhen, iako ale but hovavne svedokija.
A ko krajo ale duj džene 61hem phenge: “Akava manuš phengja: ‘Šaj te peravav akava Hrami e Devleskoro hem trine divenge palem te vazdav le.’ ”
62Togaš uštilo o baro svešteniko hem pučlja e Isuse: “Nane li tut so te phene ko akava so vakerena protiv tute?”
63Ama o Isus kjutingja.
I o baro svešteniko phengja leske: “Dava tut sovli upro dživdo Devel, phen amenge tu li sijan o Hristos, o Čhavo e Devleskoro?”
64O Isus odgovoringja leske: “Agjar i sar so phengjan. Ama vakerava tumenge: taro akava dive ka dikhen o Čhavo Manušeskoro sar bešela tari desno strana e Najsilno Devleskiri hem sar avela upro oblakija e neboskere.”
65Togaš o baro svešteniko pharagja pe šeja hem phengja: “Hulingja upro Devel! So trebela amen više svedokija? Akje, akana šungjen sar hulinela. 66So mislinena?”
Ola odgovoringe: “Zaslužinela te merel!”
67Togaš čhungarge le ko muj hem khuge le boksencar. A javera khuvena le sine šamarkencar, 68vakerindor: “Hristos, prorokujn amenge, koj khugja tut?”
O Petar otkažinela pe taro Isus
69Dži kote o Petar bešela sine ko dvoro, ali ki leste jekh slugjinka hem phengja: “Tu da sijan sine e Isuseja tari Galileja!”
70A o Petar anglo sarinen otkažisalilo vakerindor: “Na džanava bašo so pheneja!”
71Togaš iklilo avrik angli porta, i dikhla le jekh javer slugjinka hem phengja e manušenge so sine adathe: “Akava sine e Isuseja taro Nazaret!”
72Ama o Petar palem otkažisalilo hem hala sovli: “Na pendžarava adale manuše!”
73Na nakhla but palo adava, okola so sine adathe gele ko Petar hem phenge leske: “Tu čače sijan jekh lendar, soske to keriba lafi adava sikavela.”
74Togaš o Petar počmingja te del pe armanja hem te hal sovli: “Na pendžarava adale manuše!”
I odma o bašno gilagja. 75Togaš o Petar setingja pe ko lafija e Isuseskere so phengja leske: “Angleder o bašno te gilavel, tu trin puti ka phene deka na pendžareja man.” I iklilo avrik hem silno rungja.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in