Dejla 1
1
O vetuvanje bašo Sveti Duh
1Cenimeja Teofile, ko mo prvo lil pišingjum taro sa so o Isus počmingja te kerel hem te sikavel 2sa dži ko dive koga ov voznesisalilo ko nebo. Angleder te voznesinel pe ko nebo, preku o Sveti Duh dengja zapovedija e apostolen so sine birime. 3Palo po meriba sikavgja lenge hem dengja len but dokazija deka tano dživdo. Saranda dive pojavingja pe sine lenge hem vakerela sine lenge bašo carstvo e Devleskoro.
4I jekh puti, dži kote hala sine lencar, zapovedingja lenge: “Ma ciden tumen taro Erusalim, nego adžikeren o daro so vetingja le mo Dad, so šungjen mandar. 5Soske o Jovan krstingja pajneja, a tumen bašo nekozom dive ka oven krstime e Sveti Duhoja.”
O Isus voznesinela pe ko nebo
6Togaš o apostojla khedinge pe uza leste hem pučle le: “Gospode, ko akava li vreme ka obnovine o carstvo e Izraeleskoro?”
7A ov vakergja lenge: “Nane dendo tumenge te džanen o vremija ili o dive so o Dad čhigja len ki pi vlast. 8Ama ka priminen i sila koga o Sveti Duh ka hulel upro tumende hem tumen ka oven me svedokija ko Erusalim, ki celo Judeja hem ki Samarija, hem dži ko krajo e svetoskoro.”
9Koga phengja lenge adava, voznesisalilo ko nebo anglo lengere jakha, i oblako učhargja le hem našti sine te dikhen le poviše. 10Dži kote dikhena sine ko nebo sar o Isus džala, taro jekh puti duj murša uravde ko parne šeja terdile uza lende, 11hem phenge lenge: “Manušalen tari Galileja, soske tergjovena akate hem dikhena ko nebo? Akava o Isus, so voznesisalilo tumendar ko nebo, ka iranel pe isto sar so dikhlen le sar džala ko nebo.”
O birimo apostoli
12Togaš o apostojla irange pe ko Erusalim taro rido so vikinela pe sine Maslinovo Gora, a taro Erusalim sine dur sar jekh kilometar. 13Koga resle ko gradi, uklinge ki uprini soba kote so bešena sine:
o Petar, o Jovan, o Jakov hem o Andrej,
o Filip hem o Toma,
o Vartolomej hem o Matej,
o Jakov e Alfejeskoro čhavo,
o Simon Zilot hem o Juda e Jakoveskoro čhavo.
14Sarinen ola sekat molinena pe sine zaedno e džuvlencar, e Marijaja i daj e Isuseskiri hem leskere phralencar.
15Ko adala dive o Petar uštilo maškar o vernikija – a ola sine khedime paše šelu biš džene – i o Petar phenge lenge: 16“Phrajlalen, trebela sine te phergjol o Sveto Lil, ko so angleder o Sveti Duh preku o car David vakergja bašo Juda, so sine vodači okolengoro so astarge e Isuse. 17Soske o Juda sine jekh amendar hem amencar sine ki akaja služba.”
18(E parencar so o Juda lela len bašo po lošno delo kingja pe i niva. Adathe o Juda pelo šereja tele, leskoro telo pharilo hem sa leskere pojra iklile. 19Sarine ko Erusalim šunge bašo adava hem adaja niva vikinge la ki pi čhib Akeldama – so značinela: “Ratvali niva.”)
20“Adaleske soj pišimi ko lil e Psalmengoro:
‘Neka leskoro than ovela napuštimo,
hem nijekh te na živinel ki leste.’#Ps 69:25.
Hem:
‘Neka lel leskiri služba javer.’#Ps 109:8.
21Adaleske, trebela te birina jekh taro akala manuša so sine amencar celo vreme dži kote o Gospodari o Isus živinela sine maškar amende, 22počmindor taro e Jovaneskoro krstiba dži ko vreme koga o Isus voznesisalilo ko nebo amendar. Mora jekh lendar te ovel svedoko amencar bašo leskoro uštiba taro mule.”
23Agjar ola predložinge duje muršen: e Josife so vikinela pe sine Varnava (pendžardo sar Just) hem e Matija, 24i molinge pe, vakerindor: “Gospode, tu džaneja sarinengere srcija. Sikav amenge taro akala duj kas biringjan 25te lel akaja apostolsko služba, so o Juda mukhla la te šaj ov džala leske ko than.” 26I frdinge ždrepka, hem i ždrepka peli ko Matij. Agjar ov ulo o dešudujto apostoli.
Currently Selected:
Dejla 1: MAR
Highlight
Copy
Compare
Share
Want to have your highlights saved across all your devices? Sign up or sign in