LUKE 9
9
Jisu Apostleme ze Langkegai
(Mat. 10:5-15; Mrk. 6:7-13)
1Ciciu eh pa kereikena bau de qu hekwa lü penui de herakesiabe reu kenkieng nah mateei tei myi lu kera kenkieng pwa penui de peu, 2delü pa penui de Tinggwang Hegwangram ha pwa mide ledeu kera nah mateei de tei myi lu kerane lang gai. 3Nah pa penui de cu “Nnui beu ziemne magede teu so, hetui mede msung mede nku mede peusa, nah mede mcua kena de teu so. 4Nah ki kehei gega lüt de cika bam lu nah cika de tet dai lu. 5#Bat. 13:51. #Luk. 10:4-11.Nah mi nnui de ngngwa lu mecai nnui cipau nam de tet kah di kera dau penui de kemmau keu keliah rehi gade nnui pi gade heciang kehung gidi lo,” debeu.
6Nah penui tet lamna renam dung ga gwang eh Samlia keyi teu mide ledeu nah kehei gade keteeime de tei myi ladi.
Herod Pe lung Herei kedi
(Mat. 14:1-12; Mrk. 6:14-29)
7 #
Mat. 16:14; Mrk. 8:28; Luk. 9:19. Herod hegwangpei ma cidung de tei kedi siupwa pelung keherei di, kedanemene midung ge Johan ketsaime kak gade cu dai di delie rang di, 8nah midung ge Elijah gwang dai bam lie nah kedame dung caihakeci kecingme hang ge cu dai di delie rang la kedine. 9Herod cu, “I Johan peu dang dida; ciciu de I pe ha cikenzwa dungge siu kecu de cau no?” dedi. Nah pa pecu ngau gai zie lie peei ladi.
Jisu Chang Mengei Puk ketei
(Mat. 14:13-21; Mrk. 6:30-44; Jhn. 6:1-14)
10Apostleme nli gwang luge pecu penui ta tei kelu dung ranglia. Ciciu ge pa penui de ngngwa lü nreu pwa Bethsaida lie kecu nam gega gwang di. 11Mina maabe cide ci luge penui pecai sui di; nah pa pesui yi eh penui de ngngwa lu delü penui dage Tinggwang kedih ha ranglia, nah pa mateei tei myi maikesia peda kelame dung de tei myi beu.
12Ciciu eh pe tingbazie cang gwang di zeu; ge kereikena bau peda de, “Mina, maabe de peu renam ga nah luh ga ketyeipuk nah kezeu ni ngau lu kerane penui de lang di lo; kedanemene anui renaam ga lalu,” dedi.
13Dede pa penui dade, “Nnui penui de peu tyei kera ma dungge peu lo,” debeu. Ge penui cu, “Anui nku kwak mengei nah heka pak na gwale ga, anui mie mina pelane ziemne ketyeipuk lui zie lie maige,” dedi. 14Kedanemene cika mina chang mengei kenzwa ge kebam ne.
Nah pa cu pa ne ledeukelume dade, “Penui de peu pemaa tei eh bam lu, mage ga rengei kenzwa gege,” debeu.
15Ge penui cinzwa tei lü peu cidung pelane de bam lu. 16Nah pa nku kwak mengei nah heka pak na de keu lü tinggim ngang pie eh cidung de samlam gai eh tei pang lu delü ledeukelume de mina maabe dwa ge kai beu lo eh pwa beu. 17Nah mina pelane tyei eh nggei lu. Nah pe caisuime penui tyei kebanghbe pah hekwa gwang ge pesuihna hebiena kereikena pah lu.
Peter Jisu ha Kerang
(Mat. 16:13-19; Mrk. 8:27-29)
18Cidau pa ledeukelume de ngngwa lü pekatei kekie tei bam; ge pa penui dade cu, “Mina dung acu cau lie lano?” dedi.
19 #
Mat. 14:1,2; Mrk. 6:14,15; Luk. 9:7,8. Nah penui pe sam keli eh, “Johan mide duipum keteibe; nah kangge cu, Elijah, nah kedame nda caihasam kecime kak gade hang ge cu dida,” dedi. 20#Jhn. 6:68,69.Nah pa penui dade, “Dede nnui be acu cau lie lano?” dedi. Ge Peter cu, “Tinggwang Nabe Khrista,” debeu.
Jisu Pe rei nah Pe tsit ha Mrai Kerang
(Mat. 16:20-28; Mrk. 8:30—9:1)
21Dede pa aide mida gede rang helo penui de kaam bi eh cu, 22“Mina Nabe keherei süt maisia, nah hangkiame nah kecing kedihme nah laisiu kecime ne pecu mlai dizie, delü tei cet dizie, nah lang cumne benai cu dai luzie,” debeu.
23 #
Mat. 10:38; Luk. 14:27. Nah pa pelane dage rang eh, “Mina keheibe de a caisui keneume pekatei pecu ketip lu, nah tingba ramsang pe cross pwa lü a caisui lulo. 24#Mat. 10:39; Luk. 17:33; Jhn. 12:25.Kedanemene mina keheibe de pe pum keli lu keneume cide deu nggah dizie; nah mina keheibe de a ziemne pepum nggah gaibeu lie cai pa cide keli luzie. 25Kedanemene mige kideu pelane mmi pwa pe gu tei lu liede pe pumbe deu nggah di mede deu nkap dilie cai pe kemmyi depai bam no? 26Kedanemene keheibe de a ziemne nah a sam ziemne ngngam di cai Mina Nabe de pe kebaa nah Peibe nah tinggimgwame kemcime kendu hecili eh teu kegwang benai cipau de ziemne ngngam dizie. 27Dede I nnui dage kesangbe rang zeu, aika midung ge Tinggwang hegwangram kengau dwa ketsai nsi kelak dungge sap.”
Jisu Pe Rehi Tei ncam Kelia
(Mat. 17:1-8; Mrk. 9:2-8)
28Pa sam aide rang kedi lang hesetne cai Peter, Johan nah Jakob penui de ngngwa lu delü kekie tei zie lie kideutuh ga hangh di. 29Nah pa kie bam ge pe ju pe rehi tsam di, nah pe paiha liklik di. 30Nah ainie, mi hang na pecu mpau, Mosa penai Elijah, 31penai baaha eh penai de peu ngau gai eh pa tet nli dai kera ha rang, pa cide Jerusalem gade teicang beu kera de. 32Dede Peter nah pecu ngngwa kelame dung zipna süt di dede rak bam, nah penui pe kebaa nah pecu ngngwa sap kebambe kena de ngau. 33Nah mina cii kena de peda de nreu tetti kezeu dau, Peter Jisu dade cu, “Keledeubo, anui aika bam de yi zie lie; anui ha kecum tei go, ket n ziemne, ket Mosa ziemne nah ket Elijah ziemne,” dedi, dede pa cide ci eh rang ma.
34Pa aide rang gaige kemwa ge gwang penui reu gum lu; nah kemwa penui reu ga gwang kelu dau ngngi di. 35#Isa. 42:1; Mat. 3:17; 12:18; Mrk. 1:11; Luk. 3:22. #2 Pe. 1:17-18.Nah makoa ge kemwa gade rangpet eh cu, “Aide a Nah, I kedetkelube; pe sam kingnei lu!” dedi.
36Nah makoa de rang cang dige Jisu katei bam eh ngau lu. Nah penui nlei ma nah penui kengau dung mi dade ranglia ma.
Jisu Kehekimme geze Teimmi kebeu
(Mat. 17:14-18; Mrk. 9:14-27)
37Cipau cai benai penui kideutuh gade nghungh luge mina maadi ge pecu redau lu. 38Nah ainie, mina maabe gade mige sabaq eh “Keledeubo a napei de pie gailo, I nda de a nggia kiela, kedanemene pa a na pumli 39ge ainie, marabe gene tuih tuihzeu, ge pa zette mrara zeu; cide pa pe mcai taahpet kemakta pecu kerahrah zeu, nah pecu tei nnei kedi caide pecu püt rau bihdi di zeu. 40Nah I nang ne ledeukelume de cide gwa di lo a nggia kie, penui tei lu meda,” dedi.
41Jisu cu. “O kenlum kega nah mikai kemak hoi. I dai tiege nnui de ngngwa la nah a lung tie la laino? N napei de aika ngngwa gwang lo” debeu.
42Pa gwang kezeu dau herakesiabe pecu kelien mie eh pecu tei kera di. Dede Jisu mci kemak rabe de kesei eh hena nabe de tei myi beu eh pecu pwa pe pei de peu dai di. 43Nah penui pelane Tinggwang kenkieng kedi ngau eh penui sui gah kap di.
Jisu Petsit ha Rang dai kecu
(Mat. 17:22-23; Mrk. 9:30-32)
Mina dung Jisu tei kegai dung ngau penui macang bam, cidau Jisu pe caisuime dage rang,
44“I nnui dage rang lai kebam de nsungta diso! Mina Nabe de mina kenkieng ba gage tui gaidi lau delu.” 45Dede penui sam aide ci ma, peu penui de cet kai kelak ne cide penui dade nkim di; nah penui sam aide peda de keteu ngngi di.
Cau ne Dihtu no?
(Mat. 18:1-5; Mrk. 9:33-37)
46 #
Luk. 22:24. Penui kak gade cau dung ne dihtu zie bi rang eh kesamlim di. 47Dede Jisu penui lungning ci luge, pa hename gede teupwa pe tai gage kailü penui dade cu, 48#Mat. 10:40; Luk. 10:16; Jhn. 13:20.“Keheibe de a zi gade hena aina dede ngngwa kelume acu langkegaibe de ngngwa lula; kedanemene nnui pelane kak gade ceutu be au kedibe delu” debeu.
Nnui ze Nco Kemakbe au Nnui Kilam da
(Mrk. 9:38-40)
49Johan pe sam keli eh cu, “Keledeubo, anui mige n zi gade herakesiabe de gwa la eh ngau, nah anui pecu kaam dida, kedanemene pa anui caisui melu” dedi.
50Dede Jisu peda de “Pecu kaam so; kedanemene pa nnui de mmau kemakpe au nnui kilam delu” debeu.
Samaria ga Renam ge Jisu ze Kemlai
51Pecu ngngwa nghang di kera ting mna gwang di kezeu dau, pa Jerusalem ga hangh kerale ge pema nghwa gaidi. 52Nah samgwame de pedwa mrai lang nswa gaidi, cidung de Samariame nam gega lüt, pe ziemne telei kera; 53dede mina dung pecu ngngwa lak liedi, kedanemene pa Jerusalem lege pema nghwa gai kedine. 54#2 Hg. 1:9-16.Nah pa ne ledeukelube kena Jakob penai Johan cide ngau luge cu, “Rampaubo, nang peu anai de tinggim gade mi hungh lo rang gai eh penui de ru kedi n sui ni?”#9:54. Laisiu Kesa ga bam Elijah tei kegai nzwa. dedi.
55Dede Jisu nreu gwang penai de kesei gai.#9:55. Laisiu kesa ga bam nah rang gai, “Nnai dai Rabe ge gu bi ci ma; kedanemene Mina Nabe mina teilung nkap di zie lie gwang ma, dede penui de keli lu kerane.” 56Nah Jisu nah pe caisuime renam keda gage gwang di.
Jisu Caisuime Ketei
(Mat. 8:19-22)
57Penui lampui ga mie kela dau mige peda de cu, “Nang kegwang leu ga I de n caisui zie lie” dedi.
58Jisu cu, “Maiserung dung penui koiki bam nah tinggim ruine de penui chip bam; dede Mina Nabe au pe peu kezeu bam de gah” debeu.
59Mi keda ge dade pa cu, “A caisui lu” dedi.
Dede pa cu “Rampaubo, peu acu keraibe gwang delü a pei de kung di relo” dedi.
60Dede pa cu, “Ketsaime de peu ketsaime de kung lu, dede nang au mie Tinggwang hegwangram ha mide ledeu lo” debeu.
61 #
1 Hg. 19:20. Mi keda ge cu, “I n caisui zie, Rampaubo; dede peu acu keraibe a kilung ga kebamme de gwang keresiu rai rie lo” dedi.
62Jisu peda de, “Migede hepeih pwa lü cainok gwang pie dai cai Tinggwang hegwangram name tei lu dau gailak” debeu.
Currently Selected:
LUKE 9: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
LUKE 9
9
Jisu Apostleme ze Langkegai
(Mat. 10:5-15; Mrk. 6:7-13)
1Ciciu eh pa kereikena bau de qu hekwa lü penui de herakesiabe reu kenkieng nah mateei tei myi lu kera kenkieng pwa penui de peu, 2delü pa penui de Tinggwang Hegwangram ha pwa mide ledeu kera nah mateei de tei myi lu kerane lang gai. 3Nah pa penui de cu “Nnui beu ziemne magede teu so, hetui mede msung mede nku mede peusa, nah mede mcua kena de teu so. 4Nah ki kehei gega lüt de cika bam lu nah cika de tet dai lu. 5#Bat. 13:51. #Luk. 10:4-11.Nah mi nnui de ngngwa lu mecai nnui cipau nam de tet kah di kera dau penui de kemmau keu keliah rehi gade nnui pi gade heciang kehung gidi lo,” debeu.
6Nah penui tet lamna renam dung ga gwang eh Samlia keyi teu mide ledeu nah kehei gade keteeime de tei myi ladi.
Herod Pe lung Herei kedi
(Mat. 14:1-12; Mrk. 6:14-29)
7 #
Mat. 16:14; Mrk. 8:28; Luk. 9:19. Herod hegwangpei ma cidung de tei kedi siupwa pelung keherei di, kedanemene midung ge Johan ketsaime kak gade cu dai di delie rang di, 8nah midung ge Elijah gwang dai bam lie nah kedame dung caihakeci kecingme hang ge cu dai di delie rang la kedine. 9Herod cu, “I Johan peu dang dida; ciciu de I pe ha cikenzwa dungge siu kecu de cau no?” dedi. Nah pa pecu ngau gai zie lie peei ladi.
Jisu Chang Mengei Puk ketei
(Mat. 14:13-21; Mrk. 6:30-44; Jhn. 6:1-14)
10Apostleme nli gwang luge pecu penui ta tei kelu dung ranglia. Ciciu ge pa penui de ngngwa lü nreu pwa Bethsaida lie kecu nam gega gwang di. 11Mina maabe cide ci luge penui pecai sui di; nah pa pesui yi eh penui de ngngwa lu delü penui dage Tinggwang kedih ha ranglia, nah pa mateei tei myi maikesia peda kelame dung de tei myi beu.
12Ciciu eh pe tingbazie cang gwang di zeu; ge kereikena bau peda de, “Mina, maabe de peu renam ga nah luh ga ketyeipuk nah kezeu ni ngau lu kerane penui de lang di lo; kedanemene anui renaam ga lalu,” dedi.
13Dede pa penui dade, “Nnui penui de peu tyei kera ma dungge peu lo,” debeu. Ge penui cu, “Anui nku kwak mengei nah heka pak na gwale ga, anui mie mina pelane ziemne ketyeipuk lui zie lie maige,” dedi. 14Kedanemene cika mina chang mengei kenzwa ge kebam ne.
Nah pa cu pa ne ledeukelume dade, “Penui de peu pemaa tei eh bam lu, mage ga rengei kenzwa gege,” debeu.
15Ge penui cinzwa tei lü peu cidung pelane de bam lu. 16Nah pa nku kwak mengei nah heka pak na de keu lü tinggim ngang pie eh cidung de samlam gai eh tei pang lu delü ledeukelume de mina maabe dwa ge kai beu lo eh pwa beu. 17Nah mina pelane tyei eh nggei lu. Nah pe caisuime penui tyei kebanghbe pah hekwa gwang ge pesuihna hebiena kereikena pah lu.
Peter Jisu ha Kerang
(Mat. 16:13-19; Mrk. 8:27-29)
18Cidau pa ledeukelume de ngngwa lü pekatei kekie tei bam; ge pa penui dade cu, “Mina dung acu cau lie lano?” dedi.
19 #
Mat. 14:1,2; Mrk. 6:14,15; Luk. 9:7,8. Nah penui pe sam keli eh, “Johan mide duipum keteibe; nah kangge cu, Elijah, nah kedame nda caihasam kecime kak gade hang ge cu dida,” dedi. 20#Jhn. 6:68,69.Nah pa penui dade, “Dede nnui be acu cau lie lano?” dedi. Ge Peter cu, “Tinggwang Nabe Khrista,” debeu.
Jisu Pe rei nah Pe tsit ha Mrai Kerang
(Mat. 16:20-28; Mrk. 8:30—9:1)
21Dede pa aide mida gede rang helo penui de kaam bi eh cu, 22“Mina Nabe keherei süt maisia, nah hangkiame nah kecing kedihme nah laisiu kecime ne pecu mlai dizie, delü tei cet dizie, nah lang cumne benai cu dai luzie,” debeu.
23 #
Mat. 10:38; Luk. 14:27. Nah pa pelane dage rang eh, “Mina keheibe de a caisui keneume pekatei pecu ketip lu, nah tingba ramsang pe cross pwa lü a caisui lulo. 24#Mat. 10:39; Luk. 17:33; Jhn. 12:25.Kedanemene mina keheibe de pe pum keli lu keneume cide deu nggah dizie; nah mina keheibe de a ziemne pepum nggah gaibeu lie cai pa cide keli luzie. 25Kedanemene mige kideu pelane mmi pwa pe gu tei lu liede pe pumbe deu nggah di mede deu nkap dilie cai pe kemmyi depai bam no? 26Kedanemene keheibe de a ziemne nah a sam ziemne ngngam di cai Mina Nabe de pe kebaa nah Peibe nah tinggimgwame kemcime kendu hecili eh teu kegwang benai cipau de ziemne ngngam dizie. 27Dede I nnui dage kesangbe rang zeu, aika midung ge Tinggwang hegwangram kengau dwa ketsai nsi kelak dungge sap.”
Jisu Pe Rehi Tei ncam Kelia
(Mat. 17:1-8; Mrk. 9:2-8)
28Pa sam aide rang kedi lang hesetne cai Peter, Johan nah Jakob penui de ngngwa lu delü kekie tei zie lie kideutuh ga hangh di. 29Nah pa kie bam ge pe ju pe rehi tsam di, nah pe paiha liklik di. 30Nah ainie, mi hang na pecu mpau, Mosa penai Elijah, 31penai baaha eh penai de peu ngau gai eh pa tet nli dai kera ha rang, pa cide Jerusalem gade teicang beu kera de. 32Dede Peter nah pecu ngngwa kelame dung zipna süt di dede rak bam, nah penui pe kebaa nah pecu ngngwa sap kebambe kena de ngau. 33Nah mina cii kena de peda de nreu tetti kezeu dau, Peter Jisu dade cu, “Keledeubo, anui aika bam de yi zie lie; anui ha kecum tei go, ket n ziemne, ket Mosa ziemne nah ket Elijah ziemne,” dedi, dede pa cide ci eh rang ma.
34Pa aide rang gaige kemwa ge gwang penui reu gum lu; nah kemwa penui reu ga gwang kelu dau ngngi di. 35#Isa. 42:1; Mat. 3:17; 12:18; Mrk. 1:11; Luk. 3:22. #2 Pe. 1:17-18.Nah makoa ge kemwa gade rangpet eh cu, “Aide a Nah, I kedetkelube; pe sam kingnei lu!” dedi.
36Nah makoa de rang cang dige Jisu katei bam eh ngau lu. Nah penui nlei ma nah penui kengau dung mi dade ranglia ma.
Jisu Kehekimme geze Teimmi kebeu
(Mat. 17:14-18; Mrk. 9:14-27)
37Cipau cai benai penui kideutuh gade nghungh luge mina maadi ge pecu redau lu. 38Nah ainie, mina maabe gade mige sabaq eh “Keledeubo a napei de pie gailo, I nda de a nggia kiela, kedanemene pa a na pumli 39ge ainie, marabe gene tuih tuihzeu, ge pa zette mrara zeu; cide pa pe mcai taahpet kemakta pecu kerahrah zeu, nah pecu tei nnei kedi caide pecu püt rau bihdi di zeu. 40Nah I nang ne ledeukelume de cide gwa di lo a nggia kie, penui tei lu meda,” dedi.
41Jisu cu. “O kenlum kega nah mikai kemak hoi. I dai tiege nnui de ngngwa la nah a lung tie la laino? N napei de aika ngngwa gwang lo” debeu.
42Pa gwang kezeu dau herakesiabe pecu kelien mie eh pecu tei kera di. Dede Jisu mci kemak rabe de kesei eh hena nabe de tei myi beu eh pecu pwa pe pei de peu dai di. 43Nah penui pelane Tinggwang kenkieng kedi ngau eh penui sui gah kap di.
Jisu Petsit ha Rang dai kecu
(Mat. 17:22-23; Mrk. 9:30-32)
Mina dung Jisu tei kegai dung ngau penui macang bam, cidau Jisu pe caisuime dage rang,
44“I nnui dage rang lai kebam de nsungta diso! Mina Nabe de mina kenkieng ba gage tui gaidi lau delu.” 45Dede penui sam aide ci ma, peu penui de cet kai kelak ne cide penui dade nkim di; nah penui sam aide peda de keteu ngngi di.
Cau ne Dihtu no?
(Mat. 18:1-5; Mrk. 9:33-37)
46 #
Luk. 22:24. Penui kak gade cau dung ne dihtu zie bi rang eh kesamlim di. 47Dede Jisu penui lungning ci luge, pa hename gede teupwa pe tai gage kailü penui dade cu, 48#Mat. 10:40; Luk. 10:16; Jhn. 13:20.“Keheibe de a zi gade hena aina dede ngngwa kelume acu langkegaibe de ngngwa lula; kedanemene nnui pelane kak gade ceutu be au kedibe delu” debeu.
Nnui ze Nco Kemakbe au Nnui Kilam da
(Mrk. 9:38-40)
49Johan pe sam keli eh cu, “Keledeubo, anui mige n zi gade herakesiabe de gwa la eh ngau, nah anui pecu kaam dida, kedanemene pa anui caisui melu” dedi.
50Dede Jisu peda de “Pecu kaam so; kedanemene pa nnui de mmau kemakpe au nnui kilam delu” debeu.
Samaria ga Renam ge Jisu ze Kemlai
51Pecu ngngwa nghang di kera ting mna gwang di kezeu dau, pa Jerusalem ga hangh kerale ge pema nghwa gaidi. 52Nah samgwame de pedwa mrai lang nswa gaidi, cidung de Samariame nam gega lüt, pe ziemne telei kera; 53dede mina dung pecu ngngwa lak liedi, kedanemene pa Jerusalem lege pema nghwa gai kedine. 54#2 Hg. 1:9-16.Nah pa ne ledeukelube kena Jakob penai Johan cide ngau luge cu, “Rampaubo, nang peu anai de tinggim gade mi hungh lo rang gai eh penui de ru kedi n sui ni?”#9:54. Laisiu Kesa ga bam Elijah tei kegai nzwa. dedi.
55Dede Jisu nreu gwang penai de kesei gai.#9:55. Laisiu kesa ga bam nah rang gai, “Nnai dai Rabe ge gu bi ci ma; kedanemene Mina Nabe mina teilung nkap di zie lie gwang ma, dede penui de keli lu kerane.” 56Nah Jisu nah pe caisuime renam keda gage gwang di.
Jisu Caisuime Ketei
(Mat. 8:19-22)
57Penui lampui ga mie kela dau mige peda de cu, “Nang kegwang leu ga I de n caisui zie lie” dedi.
58Jisu cu, “Maiserung dung penui koiki bam nah tinggim ruine de penui chip bam; dede Mina Nabe au pe peu kezeu bam de gah” debeu.
59Mi keda ge dade pa cu, “A caisui lu” dedi.
Dede pa cu “Rampaubo, peu acu keraibe gwang delü a pei de kung di relo” dedi.
60Dede pa cu, “Ketsaime de peu ketsaime de kung lu, dede nang au mie Tinggwang hegwangram ha mide ledeu lo” debeu.
61 #
1 Hg. 19:20. Mi keda ge cu, “I n caisui zie, Rampaubo; dede peu acu keraibe a kilung ga kebamme de gwang keresiu rai rie lo” dedi.
62Jisu peda de, “Migede hepeih pwa lü cainok gwang pie dai cai Tinggwang hegwangram name tei lu dau gailak” debeu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.