LUKE 7
7
Jisu Romme Haireu kedihbe Kila ze Teimmi kebeu
(Mat. 8:5-13)
1Pecai pa mina dung dage sam aidung pelane rang cang dige, pa Capernaum ga gwang di. 2Cika roigwa haireu kedihbe pecu ku kela penkütbe mateei eh tsaidi lai eh bam. 3Pa Jisu ha siu luge peda ge Judahme hangkiame de lang gai eh pecu gwang pe kilabe de tei myi beu lodi. 4Nah penui Jisu da gwang luge penui nggia kiebi eh cu, “Pa au nang pe ziemne tei gailu kebuime ge, 5kedanemene pa anui leuhme de ku nah pa anui synagogue gede tei beulu” dedi.
6Ge Jisu penui ze ngngwa gwang. Pa pe ki gade mdei kemak ga gwang lage haireu kedihbe pe zangme de langpwa peda ge kai eh cu, peda de, “Rampaubo, nkatei ncu tei keherei la helo, kedanemene I ncu peu a kisiu kang lüt lu kebuime melu; 7cine I nude nda gwang kera de cet meda. Dede sambe rang gaibeu lo, ciciu de a nkütbe yi luzie. 8Kedanemene I de hezai kang ga kebamme ge, roigwame a kang ga bam eh: nah I hang ge dage rang eh, ‘Tetti’ dege pa tet dila; nah keda ge dage, ‘Gwang’ dege pa gwang la; nah I a nküt pei de ‘Aide tei gai’ dege pa cide teila,” dedi.
9Jisu aide siu luge pe ziemne pesui gah di, nah nreu gwang mina pecai sui kela maabe dade, “I nnui dage ranglia zie, I Israelme kak gade de kenlum cikenzwa ngau ma” debeu. 10Nah mina langkegaime nli kilung gwang luge, nküt pei de yibam eh ngau lu.
Jisu Hemipui nah gede Tei nring kebeu
11Pecai pa zette#7:11. Pecai zette; laisiu kesa ga bam Pecai benai. Nain lie kecu nam ga gwang, nah pa ne ledeukelume nah mina maadi ge pecu ngngwa gwang. 12Nah pa renam rieki de mna gwang kezeu dau ainie, ketsaime gede pwapet la, pa pe pui nah pumlibe, nah cipau pui de hemipui ge; nah renam gade mina maadi ge pecu ngngwa la. 13Nah Rampaube pecu ngau luge pecu ngau nggia di nah peda de rang eh, “Hap so” debeu. 14Nah pa gwang paaupwarak deu gaige pwa kelame dung nlai mene sap bam di. Nah pa cu, “Rehangbo, I nda ge rang la, cu lu,” debeu. 15Ge ketsaibe cu bam lu delü marang bam di. Nah pa pecu pwa pe pui de peudi.
16Mina pelane ngngi di; nah penui Tinggwang ze twa eh cu, “Caihakeci kedi ge anui kak ga cu bam dida! Nah Tinggwang gwang pe mina dung ze pie gaida,” dedi. 17Nah pe ha aide Judah deu pelane ga nah togwapung kebam nam leune ga rang gwang di.
Baptist Johan dade Samgwame
(Mat. 11:2-19)
18Johan ne ledeukelume aidung pelane peda ge ranglia. 19Nah Johan pa ne ledeukelume hang na de qulu eh penai de langpwa Rampaube dage kai eh, cu, “Nang gwang zie lie kelabe deni, mi anui mi keda gede piebam zie reu no?” de keteu lo beu.
20Ge penai peda gwanglü cu, “Johan mide duipum tei kelabe anai de lang gailie, pa anai de, ‘Nang gwang zie lie kelabe demi, mi anui mi keda gede piebam zie reu no’ zeu lie,” debeu.
21Cipau bamdapkak gade pa mateei keherei kelame dung, mateei kecuk nah herakesiabe ne tei keherei kela kekiee de tei myi beu; nah mikcietme kekiee de peu mangau dai lu 22#Isa. 35:5,6. Isa. 61:1.Ciciu eh pa penui sam keli eh cu, “Gwang delü Johan dage nnai ngau nah siu kelu dung rang beu lo: mikcietme de mangau dai lu zeu, pepi ketelwame de tet lu zeu, kempame dede tei nci luda,#7:22. tei nci luda: 5:12 ga pielu. kwenpangme de masiu lu zeu, ketsaime dede qwak cu lu zeu, kegame de Samlia keyibe rangpwa penui de ledeu bam dida. 23Nah acu mmau kemakbe au samlam pungtu delie,” debeu.
24Johan samgwame tet dige, pa mina maabe dage Johan ha ranglia cu; “Nnui renaam ga depai pie zie lie pet no? Tingkai ne gui nlai kebam teku bang ni? 25Nnui depai pie zie lie pet no? Mina pai kenciep kebah ge deni? Ainie, mina pe pai pe ni keyi teu kecu nah kehega eh lungh kelame au kedihme ki ga bam lie. 26Ciciu cai nnui depai pie zie lie pet no? Caihakecime ge ni? Yeo, I nnui dage ranglia zie, caihakecime ge swade di reu. 27#Mal. 3:1.Cipau de au pe ha ainzwa raupwa kelabe deda, ‘Ainie, I n samgwabe de n dwa lang gai zeu, cipau de n dwa n lampui telei zie.’ 28I nnui dage ranglia zie, mipui dade lungh gwang kelu migede Johan swa di kima; ciciu de Tinggwang kedi gade au ceutuna bede pe swa dihki,” debeu.
29 #
Mat. 21:32; Luk. 3:12. Cidau mina pelane nah heraha kehame de si eh Johan duipum keteibe ba gade duipum tei kelume sam aide siu lu eh Tinggwang ze twa di; 30dede Phariseeme nah Hezai kecime au pecu peu penui ze duipum tei mene Tinggwang lungning mlai di.
31“Ciciu cai I mina aipau hoi dede depai le keu keda gai zie no, nah penui depai nzwa no? 32Penui au liitak ni ga bam eh ketket dade, ‘Anui nrina nnui dage koah gai zeu, dede nnui lim lu meda; anui peheei rang gai dede nnui hap lu meda.’ 33Kedanemene Johan duipum keteibe nku tyei ma nah zau sak mene gwang; ge nnui rang eh cu, ‘Pa herakesiabe ze ngngwa la’ dedi. 34Mina Nabe matyei masak eh gwang; ge nnui ‘Ainie, ketyei kauge nah zausak kauge, heraha kehame nah kemaube zangbe pei!’ dedi. 35Dede Tinggwang maci macet au pe name pelane ne kesang lie dida.”
Jisu Simon Pharisee Ki ga Kegwang
36Phariseeme hang ge pecu ngngwa matyei zie lie ku nah pa Phariseebe ki ga lüt lü matyei zie lie bam lu. 37#Mat. 26:7; Mrk. 14:3; Jhn. 12:3.Nah ainie, renam ga mipui kemau ketei puige Jisu Phariseebe ki gade matyei zie lie kebam ci luge, pa alabaster bung perim hengui süt kecu teugwang 38eh pecaile sap eh hap bam, ciciu eh pa pe mikdui le pe pi kena tei hwah di, nah pe tam le pwa noicang di eh pe pi kemam gai delü macaa le pwa cide keniak. 39Ciciu ge Phariseeme ketaktyei zie lie pecu ku kegaibe cide ngau luge, pekatei pe lung gade, “Aipau de caihakecime ge lie cai pa pecu deu kebambe pui de cau nah dai kenzwa puige bi ci luzie nage, kedanemene pa kemaume gelu,” de mning bam di.
40Nah Jisu peda ge pe sam keli eh cu, “Simon, I nda ge mage rang kera bam lie,” debeu.
Ge pa cu, “Dai ah, Keledeubo?” dedi.
41“Rangkang mide repok peu kelame ge, mi hang na pe pauh pungla; mige denarii hai mengei nah migebe rengei. 42Penai peu gailak dige pa penai hang nana de nggah beudi. Penai cau be pecu pesui yiki zie no?” debeu. 43Simon cu, “I cet kecu pecu nggah kiee kebeube zie,” dedi.
Ge pa peda de cu, “Nang rangdau da,” debeu. 44Ciciu eh pa mipui lambie nreu gwanglü Simon dade, “Nang mipui aide de ngau mi? I n kilung lüt lu, nang a pi hui kera dui peu ma, dede pa au pe mikdui le a pi tei hwah lü cide pe tam le noicang dida. 45Nang au a pi kemam ma, dede I lüt kelu gade pa a pi kemam kecu mtak ma. 46Nang macaa pwa a peu nniak ma, dede pa macaa pwa a pi nniak. 47Cine, I nda ge rang zie, pe mau, kiee süt, cidung de gi beu dida, kedanemene pa acu ku süt kecune; dede gi ncam pwa pecu kepeube pa ku cam” debeu. 48Nah pa peda de cu, “N mau dung gi beu dida,” debeu.
49Ciciu ge mi pecu ngngwa ketaktyei kebamme penui kak gade rang eh cu, “Aide cau no, pa mimau de gi beu kelu?” dedi,
50Nah pa mipui de dage rang eh, “N kenlum le ncu keli luda; mlung nciep eh gwang cu,” debeu.
Currently Selected:
LUKE 7: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
LUKE 7
7
Jisu Romme Haireu kedihbe Kila ze Teimmi kebeu
(Mat. 8:5-13)
1Pecai pa mina dung dage sam aidung pelane rang cang dige, pa Capernaum ga gwang di. 2Cika roigwa haireu kedihbe pecu ku kela penkütbe mateei eh tsaidi lai eh bam. 3Pa Jisu ha siu luge peda ge Judahme hangkiame de lang gai eh pecu gwang pe kilabe de tei myi beu lodi. 4Nah penui Jisu da gwang luge penui nggia kiebi eh cu, “Pa au nang pe ziemne tei gailu kebuime ge, 5kedanemene pa anui leuhme de ku nah pa anui synagogue gede tei beulu” dedi.
6Ge Jisu penui ze ngngwa gwang. Pa pe ki gade mdei kemak ga gwang lage haireu kedihbe pe zangme de langpwa peda ge kai eh cu, peda de, “Rampaubo, nkatei ncu tei keherei la helo, kedanemene I ncu peu a kisiu kang lüt lu kebuime melu; 7cine I nude nda gwang kera de cet meda. Dede sambe rang gaibeu lo, ciciu de a nkütbe yi luzie. 8Kedanemene I de hezai kang ga kebamme ge, roigwame a kang ga bam eh: nah I hang ge dage rang eh, ‘Tetti’ dege pa tet dila; nah keda ge dage, ‘Gwang’ dege pa gwang la; nah I a nküt pei de ‘Aide tei gai’ dege pa cide teila,” dedi.
9Jisu aide siu luge pe ziemne pesui gah di, nah nreu gwang mina pecai sui kela maabe dade, “I nnui dage ranglia zie, I Israelme kak gade de kenlum cikenzwa ngau ma” debeu. 10Nah mina langkegaime nli kilung gwang luge, nküt pei de yibam eh ngau lu.
Jisu Hemipui nah gede Tei nring kebeu
11Pecai pa zette#7:11. Pecai zette; laisiu kesa ga bam Pecai benai. Nain lie kecu nam ga gwang, nah pa ne ledeukelume nah mina maadi ge pecu ngngwa gwang. 12Nah pa renam rieki de mna gwang kezeu dau ainie, ketsaime gede pwapet la, pa pe pui nah pumlibe, nah cipau pui de hemipui ge; nah renam gade mina maadi ge pecu ngngwa la. 13Nah Rampaube pecu ngau luge pecu ngau nggia di nah peda de rang eh, “Hap so” debeu. 14Nah pa gwang paaupwarak deu gaige pwa kelame dung nlai mene sap bam di. Nah pa cu, “Rehangbo, I nda ge rang la, cu lu,” debeu. 15Ge ketsaibe cu bam lu delü marang bam di. Nah pa pecu pwa pe pui de peudi.
16Mina pelane ngngi di; nah penui Tinggwang ze twa eh cu, “Caihakeci kedi ge anui kak ga cu bam dida! Nah Tinggwang gwang pe mina dung ze pie gaida,” dedi. 17Nah pe ha aide Judah deu pelane ga nah togwapung kebam nam leune ga rang gwang di.
Baptist Johan dade Samgwame
(Mat. 11:2-19)
18Johan ne ledeukelume aidung pelane peda ge ranglia. 19Nah Johan pa ne ledeukelume hang na de qulu eh penai de langpwa Rampaube dage kai eh, cu, “Nang gwang zie lie kelabe deni, mi anui mi keda gede piebam zie reu no?” de keteu lo beu.
20Ge penai peda gwanglü cu, “Johan mide duipum tei kelabe anai de lang gailie, pa anai de, ‘Nang gwang zie lie kelabe demi, mi anui mi keda gede piebam zie reu no’ zeu lie,” debeu.
21Cipau bamdapkak gade pa mateei keherei kelame dung, mateei kecuk nah herakesiabe ne tei keherei kela kekiee de tei myi beu; nah mikcietme kekiee de peu mangau dai lu 22#Isa. 35:5,6. Isa. 61:1.Ciciu eh pa penui sam keli eh cu, “Gwang delü Johan dage nnai ngau nah siu kelu dung rang beu lo: mikcietme de mangau dai lu zeu, pepi ketelwame de tet lu zeu, kempame dede tei nci luda,#7:22. tei nci luda: 5:12 ga pielu. kwenpangme de masiu lu zeu, ketsaime dede qwak cu lu zeu, kegame de Samlia keyibe rangpwa penui de ledeu bam dida. 23Nah acu mmau kemakbe au samlam pungtu delie,” debeu.
24Johan samgwame tet dige, pa mina maabe dage Johan ha ranglia cu; “Nnui renaam ga depai pie zie lie pet no? Tingkai ne gui nlai kebam teku bang ni? 25Nnui depai pie zie lie pet no? Mina pai kenciep kebah ge deni? Ainie, mina pe pai pe ni keyi teu kecu nah kehega eh lungh kelame au kedihme ki ga bam lie. 26Ciciu cai nnui depai pie zie lie pet no? Caihakecime ge ni? Yeo, I nnui dage ranglia zie, caihakecime ge swade di reu. 27#Mal. 3:1.Cipau de au pe ha ainzwa raupwa kelabe deda, ‘Ainie, I n samgwabe de n dwa lang gai zeu, cipau de n dwa n lampui telei zie.’ 28I nnui dage ranglia zie, mipui dade lungh gwang kelu migede Johan swa di kima; ciciu de Tinggwang kedi gade au ceutuna bede pe swa dihki,” debeu.
29 #
Mat. 21:32; Luk. 3:12. Cidau mina pelane nah heraha kehame de si eh Johan duipum keteibe ba gade duipum tei kelume sam aide siu lu eh Tinggwang ze twa di; 30dede Phariseeme nah Hezai kecime au pecu peu penui ze duipum tei mene Tinggwang lungning mlai di.
31“Ciciu cai I mina aipau hoi dede depai le keu keda gai zie no, nah penui depai nzwa no? 32Penui au liitak ni ga bam eh ketket dade, ‘Anui nrina nnui dage koah gai zeu, dede nnui lim lu meda; anui peheei rang gai dede nnui hap lu meda.’ 33Kedanemene Johan duipum keteibe nku tyei ma nah zau sak mene gwang; ge nnui rang eh cu, ‘Pa herakesiabe ze ngngwa la’ dedi. 34Mina Nabe matyei masak eh gwang; ge nnui ‘Ainie, ketyei kauge nah zausak kauge, heraha kehame nah kemaube zangbe pei!’ dedi. 35Dede Tinggwang maci macet au pe name pelane ne kesang lie dida.”
Jisu Simon Pharisee Ki ga Kegwang
36Phariseeme hang ge pecu ngngwa matyei zie lie ku nah pa Phariseebe ki ga lüt lü matyei zie lie bam lu. 37#Mat. 26:7; Mrk. 14:3; Jhn. 12:3.Nah ainie, renam ga mipui kemau ketei puige Jisu Phariseebe ki gade matyei zie lie kebam ci luge, pa alabaster bung perim hengui süt kecu teugwang 38eh pecaile sap eh hap bam, ciciu eh pa pe mikdui le pe pi kena tei hwah di, nah pe tam le pwa noicang di eh pe pi kemam gai delü macaa le pwa cide keniak. 39Ciciu ge Phariseeme ketaktyei zie lie pecu ku kegaibe cide ngau luge, pekatei pe lung gade, “Aipau de caihakecime ge lie cai pa pecu deu kebambe pui de cau nah dai kenzwa puige bi ci luzie nage, kedanemene pa kemaume gelu,” de mning bam di.
40Nah Jisu peda ge pe sam keli eh cu, “Simon, I nda ge mage rang kera bam lie,” debeu.
Ge pa cu, “Dai ah, Keledeubo?” dedi.
41“Rangkang mide repok peu kelame ge, mi hang na pe pauh pungla; mige denarii hai mengei nah migebe rengei. 42Penai peu gailak dige pa penai hang nana de nggah beudi. Penai cau be pecu pesui yiki zie no?” debeu. 43Simon cu, “I cet kecu pecu nggah kiee kebeube zie,” dedi.
Ge pa peda de cu, “Nang rangdau da,” debeu. 44Ciciu eh pa mipui lambie nreu gwanglü Simon dade, “Nang mipui aide de ngau mi? I n kilung lüt lu, nang a pi hui kera dui peu ma, dede pa au pe mikdui le a pi tei hwah lü cide pe tam le noicang dida. 45Nang au a pi kemam ma, dede I lüt kelu gade pa a pi kemam kecu mtak ma. 46Nang macaa pwa a peu nniak ma, dede pa macaa pwa a pi nniak. 47Cine, I nda ge rang zie, pe mau, kiee süt, cidung de gi beu dida, kedanemene pa acu ku süt kecune; dede gi ncam pwa pecu kepeube pa ku cam” debeu. 48Nah pa peda de cu, “N mau dung gi beu dida,” debeu.
49Ciciu ge mi pecu ngngwa ketaktyei kebamme penui kak gade rang eh cu, “Aide cau no, pa mimau de gi beu kelu?” dedi,
50Nah pa mipui de dage rang eh, “N kenlum le ncu keli luda; mlung nciep eh gwang cu,” debeu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.