LUKE 23
23
Jisu Pilate dwa Kegwang
(Mat. 27:1-2,11-14; Mrk. 15:1-5; Jhn. 18:28-38)
1Mina maabe pelane cu lu, delü Jisu de ngngwa Pilate dwa ga gwang di; 2cika de penui pecu ngaukerau sam rang eh: “Anui mina aipau de anui leuhme de cwa kela, nah anui de Caesar ha ha helo nah pa pekatei pecu le Khrista hegwangpei ge delie la eh ngau lu” dedi.
3Ge Pilate pecu keteu eh, “Nang Judahme gwangpei deni?” dedi.
Ge pa pe sam keli eh, “Nang kerang deda,” debeu. 4Ge Pilate cingku kedihme nah mina maabe dade rang eh, “I mina aipau de dade kemau gede ngau luma” dedi.
5Dede penui rang kenaang nteei eh, “Pa Galilee gade, nah Judah deu pelane gade nah heni aika de mide ledeu eh mina de deupang pwa lala,” dedi.
Jisu Herod dwa Kegwang
6Pilate sam aide siu luge, mina aipau de Galileeme mi mebi keteu. 7Nah pa Herod deu lebie kelunghme lie kecu ci luge pa pecu langpwa Herod dage kai, cipau de cidau ting Jerusalem ga bam. 8Herod Jisu de ngau luge, pa pesui yi süt di, kedanemene pa Jisu de ngau neu süt la kedine. kedanemene pa aipau dwa pe ha siu, nah pa mimakecang bata tei pecu tei lia zie ha nlum la kelane. 9Cine pa kak ge peda de ma keteu; dede pa pe sam keli ma. 10Cingku kedihme dung nah laisiu kecime pe tai ga sap eh pecu mmau süt bam. 11Ge Herod pe roigwame de ngngwa pecu le ma kemta ge nzwa penui pecu nuih di; pecai peu pecu pai mzai liklik eh teu lü Pilate dage lang gaibeu dai di. 12Ge cipau nai gade Herod penai Pilate ngngwa zangna tei di, aipau dwa au penai kengaurau lala.
Jisu ze gwak di lo Aja kaikebeu
(Mat. 27:15-26; Mrk. l5:6-15; Jhn. 18:39—19:16)
13Ciciu ge Pilate cingku kedihme dung nah hangkiame nah mina dung de qu hekwa lu delü penui dade, 14“Nnui mina aipau de mina dung de pungpang lalie ada ngngwa gwang beu; nah I nnui dwa de pecu keteu da, dede, ainie, I mina aipau de nnui pecu mmau kela nzwa pe mauge de ngau lu melie; 15nah Herod de pe mau ngau lu mene anui dage lang gaibeu dai da. Ainie, pecu tei cet di maikesia mauge de pa tei nzeu ma; 16cine I pecu tei keherei gai eh lungmpet dizie”#23:16. Laisiu kesa pedum 17 kai si la: Kahkegwang Ngyi dau penui ziemne Pilate hebaangme gede lungmpet muih la (Mrk. 15.6 ga pielu). dedi. 17(Kedanemene Kahkegwang ngyibe nai Pilate hebaangme gede penui ziemne lungmpet pet kelane.)
18Dede penui ngngwa sabaq eh, “Mina aipau dede ngngwa tet dilu, nah Barabbas de anui de lungmpet peu lu,” dedi. 19(Barabbas aipau de sorkari de ngaukerau kauge nah mide daptset di, cine pecu hebaangki gage kaizeu.)
20Pilate Jisu de lungmpet peu neu eh penui dade mage rang dai; 21dede penui sabaq eh, “Gwak di, pecu gwak di,” dedi.
22Ma pekecum bede pa penui dade, “Daitei, pa kemau dai kenzwa tage tei nzeu no? Pa tsai lu kebui mauge de I peda de ngau luma; I cine, pecu tei keherei gai eh pecu lungmpet dizie.” dedi.
23Dede penui rang kenaang nteei eh sabaq eh pecu gwak di lodi. Ciciu eh penui kwa nkieng lu. 24Cine Pilate penui kie kela de peu zie lie aja kai beudi. 25Pa sorkari de ngaurau eh nah mide dapketset hebaangki gage baang kenzeube de, penui pecu kie kebambe de, lungmpet peudi; dede pa Jisu de au kaipwa penui de penui suibe tei lulo beudi.
Jisu ze Kegwak
(Mat. 27:32-44; Mrk. 15:21-32; Jhn. 19:17-27)
26Nah penui pecu ngngwa mie kela dau penui Cyrene ge Simon kedale de gwang la eh pecu tuih lü pe reu gage cross pwa gaibeu, delü peu pwa Jisu caisui gwang.
27Nah mina maadi pecai sui gwang nah mipui maadi de pecai sui eh pecu heei nah hap eh gwang la. 28Dede Jisu penui de nreu pie eh cu “Jerusalem napuime dung, a ziemne hap so, dede nnuikatei nnui ziemne nah nnui name dung ziemne hap lu. 29Kedanemene, ainie, ‘Penui hena kega pui dung nah mipui madau gede nepam kemakme peracitu lie! de rang kera ting de gwang zeu.’ 30#Hos. 10:8; Keu. 6:16.Penui lamlwa dung dade, ‘Anui reu moimie lo!’ nah kideutuh dung dade, ‘Anui de gum lu!’ de rang cu zie. 31Kedanemene penui tsingring dage ai kenzwa tei gai cai tsingtsai dage au dai kenzwa ge tei gai zie no?”
32Mi kedame kemau ketei hang na dede pecu ngngwa teitset di kerane ngngwa gwang. 33Nah penui ‘Calvary’ lie kecu heni gega gwang luge, cika ge penui pecu au kemau keteime kena de si eh gwak di, hang gede pe zetle nah keda gede pe hile. 34#Lei. 22:18.Nah Jisu cu, “A pie, penui mau gi beu lo! Kedanemene penui tei kesap de ci bam melu”#23:34. Laisiu kesa ga bam ma Jisu cu, “A pie, penui mau gi beu lo! Kedanemene penui tei kesap de ci bam melu.” dedi.
Nah penui hezi rau lü kedet eh pe pai pe ni mzi lu. 35#Lei. 22:7.Nah mina dung kwa eh sap bam; dede hangkiame pecu nuih eh cu, “Pa kedame de keli lula; pa Khristabe Tinggwang kedetkelube decai, peu pekatei pecu keli lulo!” 36#Lei. 69:21.Roigwame de pe tai ga gwang kehiadui pecu peu nah pecu nuih eh cu, 37“Nang Judahme Hegwang bede cai nkatei ncu keli lulo!” dedi.
38Pe peu reu gage de “Aide Judahme Gwangpei da,” de eh Greek, Latin nah Ibrime led kage de rau gai.
39Kemaume gwak kenzeube kena hang ge pau pecu mlai eh cu, “Nang Khrista meni? Nkatei ncu de nah anai dede keli lulo!” dedi.
40Dede kedabe pecu kesei eh cu, “Nang Tinggwang de hing meni? Nang de pa nzwa eh mmau kedi ga bam. 41Nah anai de au kemmau petau da; kedanemene anai au anai ta ziehi ngau zeu; dede mina aipau de au kemau gede tei ma,” dedi. 42Nah pa cu, “Jisu, nang n hegwangram ga gwang kelu dau acu nsung gailo!” dedi.
43Ge pa cu peda de, “I nda ge rang siakte lia zie, henai gade nang kereluini ga acu ngngwa bam di zieda” debeu.
Jisu Tsit
(Mat. 27:45-56; Mrk. 15:33-41; Jhn. 19:28-30)
44-45 #
Tet. 26:31-33. Cidau bam peherokbe di, nah cidau kideu reu pelane ga bam hekui kecang tingmui di, cidau tingnaimik pe kebaa gah di; nah Kerecaki ga pailim de hak kena tei di. 46#Lei. 31:5.Cidau Jisu sabaq eh cu, “A pie, n ba gage a rabe kaila!” dedi. Nah aide rang gai eh pa pe rabe kai beudi.
47Nah haireu kedihbe ma cide tei kedi ngau eh pa Tinggwang de twa eh cu, “Kesang mina aipau de makesangme ge!” dedi.
48Nah mina cide pie zie lie nkwa kebam pelane cidung de tei kedi ngau eh penui heqarak kepeu eh kilung nli gwang di. 49#Luk. 8:2,3.Nah pecu ngngwa kelame dung nah mipui Galilee gade pecai sui kegwangme kemdei ga sap eh ma cidung de ngau.
Jisu ze Kekung
(Mat. 27:57-61; Mrk. 15:42-47; Jhn. 19:38-42)
50-51Cidau mige pezi Joseph lie kecu ge Judahme nam Arimathea ga lungh la. Pa penui nkwa ga hangkia keyi nah makesangme ge, pa hangkia kedame dung de ngngwa kesuizwa eh matei ma, nah pa Tinggwang hegwang tei gwang kera pie lala. 52Mina aipau de Pilate da gwang eh Jisu paau kie lu. 53Delü pa cide lwak nghungh lü linen pai gage hezui lu delü pecu mige dede madau gede kai kemak rau ge gage pecu pwa zeudi. 54Cipau nai ma ketelei benai tingba, nah kemtak tingbabe gwang zeu.
55Mipui Galilee gade pecu ngngwa kegwangme de pecu ngngwa mie eh pe rauh nah pecu kung kecu ngau; 56#Tet. 20:10; Hez. 5:14.ge penui nli gwanglü ma perim kehengui dung nah macaa dung pei hekwa lu.
Sabbath nai, penui zai ga nzwa delü mtak lu.
Currently Selected:
LUKE 23: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
LUKE 23
23
Jisu Pilate dwa Kegwang
(Mat. 27:1-2,11-14; Mrk. 15:1-5; Jhn. 18:28-38)
1Mina maabe pelane cu lu, delü Jisu de ngngwa Pilate dwa ga gwang di; 2cika de penui pecu ngaukerau sam rang eh: “Anui mina aipau de anui leuhme de cwa kela, nah anui de Caesar ha ha helo nah pa pekatei pecu le Khrista hegwangpei ge delie la eh ngau lu” dedi.
3Ge Pilate pecu keteu eh, “Nang Judahme gwangpei deni?” dedi.
Ge pa pe sam keli eh, “Nang kerang deda,” debeu. 4Ge Pilate cingku kedihme nah mina maabe dade rang eh, “I mina aipau de dade kemau gede ngau luma” dedi.
5Dede penui rang kenaang nteei eh, “Pa Galilee gade, nah Judah deu pelane gade nah heni aika de mide ledeu eh mina de deupang pwa lala,” dedi.
Jisu Herod dwa Kegwang
6Pilate sam aide siu luge, mina aipau de Galileeme mi mebi keteu. 7Nah pa Herod deu lebie kelunghme lie kecu ci luge pa pecu langpwa Herod dage kai, cipau de cidau ting Jerusalem ga bam. 8Herod Jisu de ngau luge, pa pesui yi süt di, kedanemene pa Jisu de ngau neu süt la kedine. kedanemene pa aipau dwa pe ha siu, nah pa mimakecang bata tei pecu tei lia zie ha nlum la kelane. 9Cine pa kak ge peda de ma keteu; dede pa pe sam keli ma. 10Cingku kedihme dung nah laisiu kecime pe tai ga sap eh pecu mmau süt bam. 11Ge Herod pe roigwame de ngngwa pecu le ma kemta ge nzwa penui pecu nuih di; pecai peu pecu pai mzai liklik eh teu lü Pilate dage lang gaibeu dai di. 12Ge cipau nai gade Herod penai Pilate ngngwa zangna tei di, aipau dwa au penai kengaurau lala.
Jisu ze gwak di lo Aja kaikebeu
(Mat. 27:15-26; Mrk. l5:6-15; Jhn. 18:39—19:16)
13Ciciu ge Pilate cingku kedihme dung nah hangkiame nah mina dung de qu hekwa lu delü penui dade, 14“Nnui mina aipau de mina dung de pungpang lalie ada ngngwa gwang beu; nah I nnui dwa de pecu keteu da, dede, ainie, I mina aipau de nnui pecu mmau kela nzwa pe mauge de ngau lu melie; 15nah Herod de pe mau ngau lu mene anui dage lang gaibeu dai da. Ainie, pecu tei cet di maikesia mauge de pa tei nzeu ma; 16cine I pecu tei keherei gai eh lungmpet dizie”#23:16. Laisiu kesa pedum 17 kai si la: Kahkegwang Ngyi dau penui ziemne Pilate hebaangme gede lungmpet muih la (Mrk. 15.6 ga pielu). dedi. 17(Kedanemene Kahkegwang ngyibe nai Pilate hebaangme gede penui ziemne lungmpet pet kelane.)
18Dede penui ngngwa sabaq eh, “Mina aipau dede ngngwa tet dilu, nah Barabbas de anui de lungmpet peu lu,” dedi. 19(Barabbas aipau de sorkari de ngaukerau kauge nah mide daptset di, cine pecu hebaangki gage kaizeu.)
20Pilate Jisu de lungmpet peu neu eh penui dade mage rang dai; 21dede penui sabaq eh, “Gwak di, pecu gwak di,” dedi.
22Ma pekecum bede pa penui dade, “Daitei, pa kemau dai kenzwa tage tei nzeu no? Pa tsai lu kebui mauge de I peda de ngau luma; I cine, pecu tei keherei gai eh pecu lungmpet dizie.” dedi.
23Dede penui rang kenaang nteei eh sabaq eh pecu gwak di lodi. Ciciu eh penui kwa nkieng lu. 24Cine Pilate penui kie kela de peu zie lie aja kai beudi. 25Pa sorkari de ngaurau eh nah mide dapketset hebaangki gage baang kenzeube de, penui pecu kie kebambe de, lungmpet peudi; dede pa Jisu de au kaipwa penui de penui suibe tei lulo beudi.
Jisu ze Kegwak
(Mat. 27:32-44; Mrk. 15:21-32; Jhn. 19:17-27)
26Nah penui pecu ngngwa mie kela dau penui Cyrene ge Simon kedale de gwang la eh pecu tuih lü pe reu gage cross pwa gaibeu, delü peu pwa Jisu caisui gwang.
27Nah mina maadi pecai sui gwang nah mipui maadi de pecai sui eh pecu heei nah hap eh gwang la. 28Dede Jisu penui de nreu pie eh cu “Jerusalem napuime dung, a ziemne hap so, dede nnuikatei nnui ziemne nah nnui name dung ziemne hap lu. 29Kedanemene, ainie, ‘Penui hena kega pui dung nah mipui madau gede nepam kemakme peracitu lie! de rang kera ting de gwang zeu.’ 30#Hos. 10:8; Keu. 6:16.Penui lamlwa dung dade, ‘Anui reu moimie lo!’ nah kideutuh dung dade, ‘Anui de gum lu!’ de rang cu zie. 31Kedanemene penui tsingring dage ai kenzwa tei gai cai tsingtsai dage au dai kenzwa ge tei gai zie no?”
32Mi kedame kemau ketei hang na dede pecu ngngwa teitset di kerane ngngwa gwang. 33Nah penui ‘Calvary’ lie kecu heni gega gwang luge, cika ge penui pecu au kemau keteime kena de si eh gwak di, hang gede pe zetle nah keda gede pe hile. 34#Lei. 22:18.Nah Jisu cu, “A pie, penui mau gi beu lo! Kedanemene penui tei kesap de ci bam melu”#23:34. Laisiu kesa ga bam ma Jisu cu, “A pie, penui mau gi beu lo! Kedanemene penui tei kesap de ci bam melu.” dedi.
Nah penui hezi rau lü kedet eh pe pai pe ni mzi lu. 35#Lei. 22:7.Nah mina dung kwa eh sap bam; dede hangkiame pecu nuih eh cu, “Pa kedame de keli lula; pa Khristabe Tinggwang kedetkelube decai, peu pekatei pecu keli lulo!” 36#Lei. 69:21.Roigwame de pe tai ga gwang kehiadui pecu peu nah pecu nuih eh cu, 37“Nang Judahme Hegwang bede cai nkatei ncu keli lulo!” dedi.
38Pe peu reu gage de “Aide Judahme Gwangpei da,” de eh Greek, Latin nah Ibrime led kage de rau gai.
39Kemaume gwak kenzeube kena hang ge pau pecu mlai eh cu, “Nang Khrista meni? Nkatei ncu de nah anai dede keli lulo!” dedi.
40Dede kedabe pecu kesei eh cu, “Nang Tinggwang de hing meni? Nang de pa nzwa eh mmau kedi ga bam. 41Nah anai de au kemmau petau da; kedanemene anai au anai ta ziehi ngau zeu; dede mina aipau de au kemau gede tei ma,” dedi. 42Nah pa cu, “Jisu, nang n hegwangram ga gwang kelu dau acu nsung gailo!” dedi.
43Ge pa cu peda de, “I nda ge rang siakte lia zie, henai gade nang kereluini ga acu ngngwa bam di zieda” debeu.
Jisu Tsit
(Mat. 27:45-56; Mrk. 15:33-41; Jhn. 19:28-30)
44-45 #
Tet. 26:31-33. Cidau bam peherokbe di, nah cidau kideu reu pelane ga bam hekui kecang tingmui di, cidau tingnaimik pe kebaa gah di; nah Kerecaki ga pailim de hak kena tei di. 46#Lei. 31:5.Cidau Jisu sabaq eh cu, “A pie, n ba gage a rabe kaila!” dedi. Nah aide rang gai eh pa pe rabe kai beudi.
47Nah haireu kedihbe ma cide tei kedi ngau eh pa Tinggwang de twa eh cu, “Kesang mina aipau de makesangme ge!” dedi.
48Nah mina cide pie zie lie nkwa kebam pelane cidung de tei kedi ngau eh penui heqarak kepeu eh kilung nli gwang di. 49#Luk. 8:2,3.Nah pecu ngngwa kelame dung nah mipui Galilee gade pecai sui kegwangme kemdei ga sap eh ma cidung de ngau.
Jisu ze Kekung
(Mat. 27:57-61; Mrk. 15:42-47; Jhn. 19:38-42)
50-51Cidau mige pezi Joseph lie kecu ge Judahme nam Arimathea ga lungh la. Pa penui nkwa ga hangkia keyi nah makesangme ge, pa hangkia kedame dung de ngngwa kesuizwa eh matei ma, nah pa Tinggwang hegwang tei gwang kera pie lala. 52Mina aipau de Pilate da gwang eh Jisu paau kie lu. 53Delü pa cide lwak nghungh lü linen pai gage hezui lu delü pecu mige dede madau gede kai kemak rau ge gage pecu pwa zeudi. 54Cipau nai ma ketelei benai tingba, nah kemtak tingbabe gwang zeu.
55Mipui Galilee gade pecu ngngwa kegwangme de pecu ngngwa mie eh pe rauh nah pecu kung kecu ngau; 56#Tet. 20:10; Hez. 5:14.ge penui nli gwanglü ma perim kehengui dung nah macaa dung pei hekwa lu.
Sabbath nai, penui zai ga nzwa delü mtak lu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.