LUKE 15
15
Gah kedi Meurün
(Mat. 18:12-14)
1 #
Luk. 5:29,30. Cidau heraha kehame dung nah kemaume pe sam kingnei kera peda gwang. 2Ge Phariseeme nah laisiu kecime ncam eh cu, “Aipau de kemaume de ngngwa nah penui de ngngwa matyei lala” dedi. 3Cine pa penui dage samgwa aide ranglia:
4“Nnui mige meurün hai ge bam eh, magade pa cidung ket tei nggah di cai pa daitei lai? Riakhekui eh hekui de renaam gage kainzeu eh mie gah kedi na dede ngau lu kemakta cide de pei zie. 5Nah pa cide pei luge, pa pesui yi eh cide pwa pe hekeutu gage kai lula. 6Nah pa kilung gwang luge, pa pe zangme nah kidame de qu hekwa lü penui dade, ‘Acu ngngwa nnui suiyi lulo! Kedanemene I a meurünna gah kedi na de ngau lu delu’ de la. 7Cinzwa, I nnui dage ranglia zie, helung nreu mede keyi mina makesang riakhekui eh hekui swade kemaume helung nreu kelu ket ziemne tinggim ga misuiyiki zie.
Rangkanggeu Gah kedi
8“Nah mipui ge rangkang goi kerei bam eh ma gade pa ket tei nggah di cai, pa mi ntau lü kilung biak eh lungpang tei cide ngau lu kemakta pei kelak cau puige bam no? 9Nah pa cide ngau luge, pa pe zangme nah kidame de qu hekwa lu delü, ‘Acu ngngwa nnui suiyi lulo, kedanemene I rangkang goi tei nggah kedi de ngau lu delu’ de rang la. 10Cinzwa, I nnui dage ranglia zie, kemaume ge helung nreu kelu ziemne Tinggwang gwame de penui suiyi la.”
Gah kedi Nabe
11Nah pa cu, “Mige pe na hang na bam; 12ge henabe pe pei dade, ‘A pie, hema a mzibe pwa acu peu lo’ dedi. Nah pa pema penai de mzi beu. 13Ma ketie mene pe na henabe pe gu keu hekwa kap lu eh renam kemdei gega mbeuh gwang di, nah pa cika de pa pesuira tei eh pema mpet kap di. 14Nah pa ma pelane mpet kap dige renam cika herakum kumdi cuh di, ge pa maga bam di. 15Cine pa renam cika kelunghme ge ki ga gwang lu, nah cipau de pecu hebak kwa kera pe lu gage lang gai. 16Nah pa hebak tak de tyei nggei gai neu bam di; dede migede pecu magede peu ma. 17Dede pa pelung mrak lü cu, ‘A pei mi zie lui lü pe kila tei kebamme kecang de ketyeipuk kepuih tyei bam, nah to de si bam,’ dede I aika de mzeu eh cai lauda! 18I cuh lü a pei da gwang zieda, nah I peda de, ‘A pie, I tinggim dwa dede nah n dwa dede mau dida; 19acu pwa n na lie qulu dui da; acu lui teu kebam n kilame ge nzwa eh ngngwa lulo’ de rang zie de bam di. 20Nah pa cu lu delü pe pei da gwang.
“Dede pa kemdei ga kela dau de pe pei pecu ngau lü pelung sia di eh pak gwang pecu tuipwa lü kemam. 21Ge pe na peda de, ‘A pie, I tinggimbe dwa dede nah n dwa dede kemau tei dida; acu n na lie qulu bui meda,’ dedi. 22Dede pe pei pe kilame dade cu, ‘Pai yitube keu kelwa gwang, nah cide peu pecu bah lu; nah bakap de pe ba gage kai lu nah pe picum de pe pi gage kai lu; 23nah ketumna pelui keyina de teugwang gi lu, delü anui tyei eh anui suiyi bam go; 24kedanemene a na aide tsaidi dege, pa ring dai luda; pa gah di dege, pecu ngau dai luda,’ dedi. Nah penui penui suiyi eh bam di.
25“Cidau pe na kecingbe luh ga la; nah pa gwang kilungbe mna kegwang dau pa lei ketei nah helim kelim koa siu lu. 26Nah pa kilame hang gede qu lü aide depai tei zeu bi keteu. 27Ge pa peda de, ‘N sinabe gwang bam da, nah n pei ketum pelui keyina de gi luda, kedanemene pa yi nah nkieng la eh pecu ngau dai kelu ziemne’ debeu.
28“Dede pa perata di nah kilung nlüt lak liedi. Pe pei hegole pet eh pecu tum, 29dede pa pe pei sam keli eh cu, ‘Ainie, I mmi aikiee ge n gwa tei gwang, nah I madaude n sam mzai ta dima; dede nang madaude I a zangme ngngwa matyei kera hemeuna gede acu peu ma. 30Dede n na aipau de n ma helihpui dung de ngngwa tyei lü gwang ge, nang pe ziemne ketum pelui keyina de gi lu!’ dedi. 31Ge pa peda de, ‘A na, nang acu ngngwa lamuih la, nah a gu kela leune n gu da. 32#Mat. 6:24.Dede anui suiyi nah renga bam kerabe, kedanemene n sinabe tsai dige, ring dai luda, nah pa gah di dege, pecu ngau dai luda.’ ”
Currently Selected:
LUKE 15: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
LUKE 15
15
Gah kedi Meurün
(Mat. 18:12-14)
1 #
Luk. 5:29,30. Cidau heraha kehame dung nah kemaume pe sam kingnei kera peda gwang. 2Ge Phariseeme nah laisiu kecime ncam eh cu, “Aipau de kemaume de ngngwa nah penui de ngngwa matyei lala” dedi. 3Cine pa penui dage samgwa aide ranglia:
4“Nnui mige meurün hai ge bam eh, magade pa cidung ket tei nggah di cai pa daitei lai? Riakhekui eh hekui de renaam gage kainzeu eh mie gah kedi na dede ngau lu kemakta cide de pei zie. 5Nah pa cide pei luge, pa pesui yi eh cide pwa pe hekeutu gage kai lula. 6Nah pa kilung gwang luge, pa pe zangme nah kidame de qu hekwa lü penui dade, ‘Acu ngngwa nnui suiyi lulo! Kedanemene I a meurünna gah kedi na de ngau lu delu’ de la. 7Cinzwa, I nnui dage ranglia zie, helung nreu mede keyi mina makesang riakhekui eh hekui swade kemaume helung nreu kelu ket ziemne tinggim ga misuiyiki zie.
Rangkanggeu Gah kedi
8“Nah mipui ge rangkang goi kerei bam eh ma gade pa ket tei nggah di cai, pa mi ntau lü kilung biak eh lungpang tei cide ngau lu kemakta pei kelak cau puige bam no? 9Nah pa cide ngau luge, pa pe zangme nah kidame de qu hekwa lu delü, ‘Acu ngngwa nnui suiyi lulo, kedanemene I rangkang goi tei nggah kedi de ngau lu delu’ de rang la. 10Cinzwa, I nnui dage ranglia zie, kemaume ge helung nreu kelu ziemne Tinggwang gwame de penui suiyi la.”
Gah kedi Nabe
11Nah pa cu, “Mige pe na hang na bam; 12ge henabe pe pei dade, ‘A pie, hema a mzibe pwa acu peu lo’ dedi. Nah pa pema penai de mzi beu. 13Ma ketie mene pe na henabe pe gu keu hekwa kap lu eh renam kemdei gega mbeuh gwang di, nah pa cika de pa pesuira tei eh pema mpet kap di. 14Nah pa ma pelane mpet kap dige renam cika herakum kumdi cuh di, ge pa maga bam di. 15Cine pa renam cika kelunghme ge ki ga gwang lu, nah cipau de pecu hebak kwa kera pe lu gage lang gai. 16Nah pa hebak tak de tyei nggei gai neu bam di; dede migede pecu magede peu ma. 17Dede pa pelung mrak lü cu, ‘A pei mi zie lui lü pe kila tei kebamme kecang de ketyeipuk kepuih tyei bam, nah to de si bam,’ dede I aika de mzeu eh cai lauda! 18I cuh lü a pei da gwang zieda, nah I peda de, ‘A pie, I tinggim dwa dede nah n dwa dede mau dida; 19acu pwa n na lie qulu dui da; acu lui teu kebam n kilame ge nzwa eh ngngwa lulo’ de rang zie de bam di. 20Nah pa cu lu delü pe pei da gwang.
“Dede pa kemdei ga kela dau de pe pei pecu ngau lü pelung sia di eh pak gwang pecu tuipwa lü kemam. 21Ge pe na peda de, ‘A pie, I tinggimbe dwa dede nah n dwa dede kemau tei dida; acu n na lie qulu bui meda,’ dedi. 22Dede pe pei pe kilame dade cu, ‘Pai yitube keu kelwa gwang, nah cide peu pecu bah lu; nah bakap de pe ba gage kai lu nah pe picum de pe pi gage kai lu; 23nah ketumna pelui keyina de teugwang gi lu, delü anui tyei eh anui suiyi bam go; 24kedanemene a na aide tsaidi dege, pa ring dai luda; pa gah di dege, pecu ngau dai luda,’ dedi. Nah penui penui suiyi eh bam di.
25“Cidau pe na kecingbe luh ga la; nah pa gwang kilungbe mna kegwang dau pa lei ketei nah helim kelim koa siu lu. 26Nah pa kilame hang gede qu lü aide depai tei zeu bi keteu. 27Ge pa peda de, ‘N sinabe gwang bam da, nah n pei ketum pelui keyina de gi luda, kedanemene pa yi nah nkieng la eh pecu ngau dai kelu ziemne’ debeu.
28“Dede pa perata di nah kilung nlüt lak liedi. Pe pei hegole pet eh pecu tum, 29dede pa pe pei sam keli eh cu, ‘Ainie, I mmi aikiee ge n gwa tei gwang, nah I madaude n sam mzai ta dima; dede nang madaude I a zangme ngngwa matyei kera hemeuna gede acu peu ma. 30Dede n na aipau de n ma helihpui dung de ngngwa tyei lü gwang ge, nang pe ziemne ketum pelui keyina de gi lu!’ dedi. 31Ge pa peda de, ‘A na, nang acu ngngwa lamuih la, nah a gu kela leune n gu da. 32#Mat. 6:24.Dede anui suiyi nah renga bam kerabe, kedanemene n sinabe tsai dige, ring dai luda, nah pa gah di dege, pecu ngau dai luda.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.