LUKE 13
13
Nnui Mau gade Nreu lumai Ketsai
1Cipau ting siak dau cika kebam midung ge Jisu dage Galileeme ge Tinggwang dage ratak tei beu kebam dau penui de Pilate ne teitset dilie eh rang beu. 2Ge pa penui sam keli eh, “Penui ciciu eh keherei kecu nnui Galileeme cidung de Galileeme kedame dung swa mauki lie cet lani? 3I nnui dage ranglia zie. Ma, dede nnui nnui lung nreu lumai nnui pelane de cinzwa kap dizie. 4Mede mina hang kereiheset reu Siloam ga tsuqoa moimie penui de tei cet kedime dung, nnui kecet cidung de Jerusalem ga kelunghme pelane swa mauki lie bam ni? 5I nnui de ranglia zie, ma, dede nnui lung nreu lumai cidung de nzwakap dizie.”
Nzüt Tsirwa Bang
6Nah pa samgwa aide rang: “Mige pe gurie gage nzüt bang ge ling lu; nah pa cika petsi pei gwang, dede ngau luma. 7Ge pa hegurie kekwabe dade, ‘Ainie, I mmi kecum ge aipau nzüt bang tsi de pei eh gwang, nah I kette ngau luma. Cide bidi, daitei cide nnya tei nkap bam la?’ 8Ge pa pe sam keli eh, ‘Kedihbo, peu cide de hekum de bam lu rie, I cide tei mduu nah nnya keyi kai kemakne. 9Nah ma gade cide nkikum petsi buih lu cai yida; dede mecai nang cide bidi lubui’” dedi.
Qiabwak Pui geze Teimmi kebeu
10Pa Sabbath nai synagogue gade mide ledeu bam. 11Nah cika mmi kereiheset ge marabe gene pecu ngngwa kela puige bam; pa pe qiabwak di eh nzang lu tadi. 12Nah Jisu pecu ngau luge pa pecu qu lü peda de, “Mipoe, n mateei de tei myi beu dida,” debeu. 13Nah pa pe reu gage pe ba hwa gai, ge pa nzang zette lu eh pa Tinggwang de twa di.
14 #
Tet. 20:9,10; Hez. 5:13,14. Dede Jisu Sabbath nai mide tei myi kebeu ne synagogue reu kedibe perata di, nah pa mina dung dade, “Matei lu maikesia tingba lang herok ne bam; tingbazie cidung dau gwang mide tei myi lu, dede Sabbath nai so,” dedi.
15Ge Rampaube pe sam keli eh, “Nnui hezaitei kelame dung! Nnui ketket kecu kemtak benai pe tumseu mede pe gada pe ki gade hiaklü ngngwa mie peu dui sak la meni? 16Nah mipui aide Abraham napui mege, Satan ne pecu mmi kereiheset kaangteu kela Sabbath nai hebaang aide gade pecu lungmpet beu kerabe meni?” dedi. 17Pa aide rang kegai dau pe ngauraume de hengam di; nah mina pelane pa makeyi pelane tei kegai dung ziemne penui suiyi süt di.
Ziegitsi Samgwa
(Mat. 13:31-32; Mrk. 4:30-32)
18Ge pa cu, “Tinggwang hegwang daipai nzwa no? Nah I cide daipai le keu keda lai? 19Cide au ziegitsi pum ge mige cide teu pe gurie gage ling kegai de nzwa; nah cide lungh cu lü tsingbang kedi tei lula, nah tinggim ruine dung pe kiak gage penui chip teu lula,” debeu.
Tsehi Samgwa
(Mat. 13:33)
20Nah pa rang dai eh cu, “I Tinggwang hegwang daipai de keu kedaa gai laino? 21Cide au tsehi mipui ge cide teu toktwa kecum ge gage ruiza gai eh hiakap kelu nzwa da,” debeu.
Kimui Kenrumbe
(Mat. 7:13-14,21-23)
22Pa renam kedi nah keceuna dung ga mie ledeu eh tet kah gwang Jerusalem lege tet gaidi. 23Nah midung ge peda de, “Rampaubo, kelikelu cam zie ni?” dedi. Ge pa penui dade, 24“Herie kenrumbe gade lüt kera nnui laikai tei lu; kedanemene I nnui dage ranglia zie, mina kekiee lüt kera peei zie nah lüt gailak. 25Kilung keteube kikambe nkui dizie. nah nnui hegole sap lü kikambe kekuhng eh cu, ‘Rampaubo, anui de nkei beu lo’ de zie. Dede pa cu, ‘Nnui dai gade gwang labi I ci ma’ de dizie. 26Ciciu de nnui rang cu zie, ‘Anui nang kebam gade matyei masak nah nang anui lampui gade anui de ledeu’ de zie. 27#Lei. 6:8.Dede pa cu, ‘I nnui dage ranglia zie, nnui dai gade gwang labi I ci ma: nnui kesia keteime aika de tet dilu!’ de dizie. 28#Mat. 22:13; 25:30. #Mat. 8:11,12.Cika de nnui hap nah geigim pung bam dizie, cidau nnui Abraham nah Isaac nah Jakob nah caihakecime pelane Tinggwang hegwang ga bam eh ngau luzie, nah nnui de gwa mpet dizie. 29Nah mina dung tingbangle nah tingtünle nah tingpeule de nah tingpile de gwang zie, delü Tinggwang hegwangbahm ga bam zie. 30#Mat. 19:30; 20:16; Mrk. 10:31.Nah ainie, kekamme rai dizie nah keraime kam dizie,” debeu.
Jerusalem ziemne Kehap
(Mat. 23:37-39)
31Cipau ting siak dau Phariseeme ge peda gwanglü cu, “Aika de tet dilu, kedanemene Herod ncu teitset di neu bam kedine,” dedi.
32Ge pa penui dade, “Gwang delü cipau maiserung dage rang beu, ‘Ainie, I herakesiabe de gwa, nah I henai penai ncünne mide tei myi zie, nah lang pekecum benai a ta teicang dizie.’ 33Dede I henai nah ncünne nah ndane tet la maisia; kedanemene caihakecime ge Jerusalem gwale de tsaidi daulak lu!
34“O Jerusalem, Jerusalem, caihakecime de daptset nah nda ge langkegaime de ntsu le saam la kela! I nruipui pe name dung de pe hesiu kang gage kehekwa nzwa n name dung de dai kenzwa gede keu hekwa lu neu cu no, dede nang peu acu ciciu luma! 35Ainie, n ki au gi dida. Nah I nda ge ranglia zie, nang acu ngau dai lakta nang, ‘Rampaube zi teu kegwangbe de peu hetwa pung kelube tei lulo’ de rang kera ting gwang cang kemaktane.”#Lei. 118:26; Jer. 22:5.
Currently Selected:
LUKE 13: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
LUKE 13
13
Nnui Mau gade Nreu lumai Ketsai
1Cipau ting siak dau cika kebam midung ge Jisu dage Galileeme ge Tinggwang dage ratak tei beu kebam dau penui de Pilate ne teitset dilie eh rang beu. 2Ge pa penui sam keli eh, “Penui ciciu eh keherei kecu nnui Galileeme cidung de Galileeme kedame dung swa mauki lie cet lani? 3I nnui dage ranglia zie. Ma, dede nnui nnui lung nreu lumai nnui pelane de cinzwa kap dizie. 4Mede mina hang kereiheset reu Siloam ga tsuqoa moimie penui de tei cet kedime dung, nnui kecet cidung de Jerusalem ga kelunghme pelane swa mauki lie bam ni? 5I nnui de ranglia zie, ma, dede nnui lung nreu lumai cidung de nzwakap dizie.”
Nzüt Tsirwa Bang
6Nah pa samgwa aide rang: “Mige pe gurie gage nzüt bang ge ling lu; nah pa cika petsi pei gwang, dede ngau luma. 7Ge pa hegurie kekwabe dade, ‘Ainie, I mmi kecum ge aipau nzüt bang tsi de pei eh gwang, nah I kette ngau luma. Cide bidi, daitei cide nnya tei nkap bam la?’ 8Ge pa pe sam keli eh, ‘Kedihbo, peu cide de hekum de bam lu rie, I cide tei mduu nah nnya keyi kai kemakne. 9Nah ma gade cide nkikum petsi buih lu cai yida; dede mecai nang cide bidi lubui’” dedi.
Qiabwak Pui geze Teimmi kebeu
10Pa Sabbath nai synagogue gade mide ledeu bam. 11Nah cika mmi kereiheset ge marabe gene pecu ngngwa kela puige bam; pa pe qiabwak di eh nzang lu tadi. 12Nah Jisu pecu ngau luge pa pecu qu lü peda de, “Mipoe, n mateei de tei myi beu dida,” debeu. 13Nah pa pe reu gage pe ba hwa gai, ge pa nzang zette lu eh pa Tinggwang de twa di.
14 #
Tet. 20:9,10; Hez. 5:13,14. Dede Jisu Sabbath nai mide tei myi kebeu ne synagogue reu kedibe perata di, nah pa mina dung dade, “Matei lu maikesia tingba lang herok ne bam; tingbazie cidung dau gwang mide tei myi lu, dede Sabbath nai so,” dedi.
15Ge Rampaube pe sam keli eh, “Nnui hezaitei kelame dung! Nnui ketket kecu kemtak benai pe tumseu mede pe gada pe ki gade hiaklü ngngwa mie peu dui sak la meni? 16Nah mipui aide Abraham napui mege, Satan ne pecu mmi kereiheset kaangteu kela Sabbath nai hebaang aide gade pecu lungmpet beu kerabe meni?” dedi. 17Pa aide rang kegai dau pe ngauraume de hengam di; nah mina pelane pa makeyi pelane tei kegai dung ziemne penui suiyi süt di.
Ziegitsi Samgwa
(Mat. 13:31-32; Mrk. 4:30-32)
18Ge pa cu, “Tinggwang hegwang daipai nzwa no? Nah I cide daipai le keu keda lai? 19Cide au ziegitsi pum ge mige cide teu pe gurie gage ling kegai de nzwa; nah cide lungh cu lü tsingbang kedi tei lula, nah tinggim ruine dung pe kiak gage penui chip teu lula,” debeu.
Tsehi Samgwa
(Mat. 13:33)
20Nah pa rang dai eh cu, “I Tinggwang hegwang daipai de keu kedaa gai laino? 21Cide au tsehi mipui ge cide teu toktwa kecum ge gage ruiza gai eh hiakap kelu nzwa da,” debeu.
Kimui Kenrumbe
(Mat. 7:13-14,21-23)
22Pa renam kedi nah keceuna dung ga mie ledeu eh tet kah gwang Jerusalem lege tet gaidi. 23Nah midung ge peda de, “Rampaubo, kelikelu cam zie ni?” dedi. Ge pa penui dade, 24“Herie kenrumbe gade lüt kera nnui laikai tei lu; kedanemene I nnui dage ranglia zie, mina kekiee lüt kera peei zie nah lüt gailak. 25Kilung keteube kikambe nkui dizie. nah nnui hegole sap lü kikambe kekuhng eh cu, ‘Rampaubo, anui de nkei beu lo’ de zie. Dede pa cu, ‘Nnui dai gade gwang labi I ci ma’ de dizie. 26Ciciu de nnui rang cu zie, ‘Anui nang kebam gade matyei masak nah nang anui lampui gade anui de ledeu’ de zie. 27#Lei. 6:8.Dede pa cu, ‘I nnui dage ranglia zie, nnui dai gade gwang labi I ci ma: nnui kesia keteime aika de tet dilu!’ de dizie. 28#Mat. 22:13; 25:30. #Mat. 8:11,12.Cika de nnui hap nah geigim pung bam dizie, cidau nnui Abraham nah Isaac nah Jakob nah caihakecime pelane Tinggwang hegwang ga bam eh ngau luzie, nah nnui de gwa mpet dizie. 29Nah mina dung tingbangle nah tingtünle nah tingpeule de nah tingpile de gwang zie, delü Tinggwang hegwangbahm ga bam zie. 30#Mat. 19:30; 20:16; Mrk. 10:31.Nah ainie, kekamme rai dizie nah keraime kam dizie,” debeu.
Jerusalem ziemne Kehap
(Mat. 23:37-39)
31Cipau ting siak dau Phariseeme ge peda gwanglü cu, “Aika de tet dilu, kedanemene Herod ncu teitset di neu bam kedine,” dedi.
32Ge pa penui dade, “Gwang delü cipau maiserung dage rang beu, ‘Ainie, I herakesiabe de gwa, nah I henai penai ncünne mide tei myi zie, nah lang pekecum benai a ta teicang dizie.’ 33Dede I henai nah ncünne nah ndane tet la maisia; kedanemene caihakecime ge Jerusalem gwale de tsaidi daulak lu!
34“O Jerusalem, Jerusalem, caihakecime de daptset nah nda ge langkegaime de ntsu le saam la kela! I nruipui pe name dung de pe hesiu kang gage kehekwa nzwa n name dung de dai kenzwa gede keu hekwa lu neu cu no, dede nang peu acu ciciu luma! 35Ainie, n ki au gi dida. Nah I nda ge ranglia zie, nang acu ngau dai lakta nang, ‘Rampaube zi teu kegwangbe de peu hetwa pung kelube tei lulo’ de rang kera ting gwang cang kemaktane.”#Lei. 118:26; Jer. 22:5.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.