LUKE 1
1
Mraisam
1Kehung Theophilus:
Mina kekiee ge anui kak ga tei kedi dung ha sam pau ge laikai tei süt eh rau gai. 2Penui raitu gade ma aidung de ngau nah sambe pwa zierang tei kegaime ne rang kebeu dung de rau gai. 3Nah cine, nang yilangbe, I maha aidung pelane pe bangdua gade pei sünne kegaine, n ziemne I kerekeu eh cide rau gai de yizie ha cet lu. 4Ncu ledeu kebeu leune kesangsiakbe ncu peu ci lu kerane I aide tei gaila.
Johan Duipum Keteibe ze Nna kera Reci kegai
5 #
1 Hl. 24:10. Herod Judah ga hegwang tei kebam ting dau,#1:5. Judah: aika Palestine deu pelane de rang bam. cingku pei ge pezi Zechariah bam la, pa Abijah cingku rya gade gwang. Pe nau zi au Elizabeth; pa de cingku kelak rya ge gade gwang. 6Penai hang nana Tinggwang dwa gade teilung keyi lungh kera nah Rampaube zai dung nah aja dung pelane mzai cangsiak la. 7Elizabeth hena lungh gailak kedine penai name bam ma, nah Zechariah penai hang nana cing süt ti.
8Tingnai ge Zechariah Kerecaki ga cingkume ge eh pe ta tei bam, tingba ramsang ga penlia ta tei bam. 9Cingkume nzui kela hezai gade, recabam gage marim kehengui ru gai kera pecu dacak eh kedet lu. Cine pa Rampaube Kerecaki ga lüt lu, 10marim kehengui ru kebam bam dap tingdau. Hemaabe hegole kekie tei bam. 11Rampaube gwabe de pecu peu ngau gai, marim kehengui de ru kebam ratakbam zetle sap bam eh. 12Zechariah pecu ngau luge, pa au nrim di nah ngngi di. 13Dede Tinggimgwabe peda ge rang, “Ngngi so, Zechariah! Tinggwang n kekie kingnei luda, nah n nau Elizabeth ncu mipeina ge nna beuzie. Nang pezi Johan msiak zie. 14Pecu nna kelu dau, nang nah mina keda dai kenzwa ge renga nah nnui suiyi zie bi! 15#Pum. 6:3.Pa au Rampaube mikngau gade mina kedihme ge zie. Pa zau mede kesak kenkieng gede sak lak. Pecu nna kelu gade pecu Kemci Rabe kepuih tei zie, 16nah pa Israelme mina kekiee gede penui Tinggwang Rampaube dage ngngwa caili gwang beuzie. 17#Mal. 4:5,6.Pa Rampaube dwa rai gwang zie, caihakecibe Elijah nzwa chi nah nkieng eh. Pa mipei nah hename de ngngwa gwang ncüt beu dai zie; pa makesangme lungning gage samzai tei kemakme de teu nreu caili gwang luzie; pa Rampaube mina dung de pe ziemne telei luzie.”
18Zechariah Tinggimgwabe dage rang gai, “Aide kesang kecu I dainzwa ci lulai? I kecingme ge dida, nah a nau de cing dida.”
19 #
Dan. 8:16; 9:21. Tinggimgwabe keli gai, “I au Gabriel, I Tinggwang dwa ga sap bam la, pa ne acu nda ge Samlia keyi aide pau beu lo lang gailie. 20Dede nang a sam nlum lu meda, cide peting siak dau gwang kera. Nang nlum lu kemakne, nang marang gailak dizie; nda ge a sampet kebeu tingba de cang lu kemaktane nang marang mene bam dizie.”
21Cidau, mina dung Zechariah ze kwa eh dai ziemne Kerecaki ga pa citie ge bam dibi cet eh penui swaga bam di. 22Pa hegole mpet ge, pa penui dage marang gailak di, nah cine penui Kerecaki gade pa marengei ge ngau kecu ci lu. Sam gede rang gailak eh, pa pe ba le penui dage zasi tei lia gai.
23Kerecaki ga heta ketei peting cang kedi dau, Zechariah kilung ga caili gwang di. 24Pecai matie mene pe nau Elizabeth tetlak di nah kei mengei ge kilung bam di. 25Pa rang gai, “Cu au Rampaube acu ngha beu da. Mina dade a ngngam de keugi dida!”
Jisu Ze Nna kera Reci kegai
26Elizabeth tetlak kedi kei herok dige Tinggwang tinggimgwabe Gabriel ze Galilee ga renam ge Nazareth gage lang gai. 27#Mat. 1:18.Pa relei ge Hegwangpei David leuhme pezi Joseph lie kecu gede ngngwa lungh kera samtei pwa kebam ziemne sam ge la. Releipui zi au Mary. 28Tinggimgwabe peda gwang eh cu, “Lungciep nda bam lulo! Rampaube ncu ngngwa la nah ncu samlam süt beu da!”
29Tinggimgwabe sam dene Mary ze kebwak süt di, nah pa pe sam kieh de daipai bi cet pe swaga di. 30Tinggimgwabe peda ge rang gai, “Ngngi so, Mary; Tinggwang ncu ngaunggia la. 31#Mat. 1:21.Nang tetlak lü mipeina ge nna luzie, nah nang pezi Jisu msiak zie. 32#2 Sa. 7:12,13,16; Isa. 9:7.Pa au dizie nah pecu le Hutube Tinggwang nah lie qu zie. Rampaube Tinggwang pecu peu hegwang tei zie, pe pao David nzwa eh, 33nah pa au kelungta Jakob leuhme gwangpei tei zie; pe hegwangram madau gede penlih dilak!”
34Tinggimgwabe dade Mary rang gai, “I leitin ge. Cine dainzwa, aiciu lulai?”
35Tinggimgwabe keli gai, “Kemci Rabe n reu ga gwang zie, nah Tinggwang kenkieng nreu ga bam luzie. Aide ziemne kemci nabe de Tinggwang Na lie qu zie. 36N kibaume pui Elizabeth ze nsung lu. Pa hena lungh gai laklie rang di, dede pa de cu kei herok tetlak la dida, pa cing süt di delie de. 37#Ken. 18:14.Kedanemene Tinggwang tei gai kelak au magede gah lu.” 38Mary rang gai, “I au Rampaube kilapui da; nang kerang nzwa ada ge peu tei gailu.” Nah Tinggimgwabe pecu püt di.
Mary, Elizabeth da Kemie
39Pecai matie mene Mary ntei lu delü Judah kideutuh nam renam gega kelwa miedi. 40Pa Zechariah ki ga lüt eh Elizabeth ze kelum gai. 41Elizabeth au Mary kelumkegai de siu luge, pelung ga ngena nlai di. Elizabeth ze Kemci Rabe ne pui lu 42delü sabaq eh rang gai, “Nang au mipui pelane kak de samlam pungtu, nah nang nna lu kera na de samlam pungtu! 43Daitei makedihh aide ada ge tei gai laino, a Rampaube pui gwang acu pie kela? 44Kedanemene nang kellum kegai kwa siu kerikezi, a lung ga hena nabe suiyi teu nsau bam dida. 45Rampaube sam nda kegwang de teicang kesang lu kera nlum kelu nang dai kenzwa gede samlam pung no!”
Mary Ketwa lei
46Mary rang gai,
“A mlung au Rampaube de twa la;
47Tinggwang acu kelikelube ziemne a rabe au pesui yibam,
48 #
1 Sa. 1:11. kedanemene pa acu nsung gaida, kehenah pe kilabe de! Cu gade mina pelane acu samlam lie qu zie,
49kenkieng Tinggwang a ziemne tei kegai makedih dung ziemne. Pezi au mci;
50ceheu ge gade keda gega
pa pecu rüt kelame de ngaugia pwalia beula.
51Pa pe ba kenkieng de hwapet luda
delü ngang kelame de penui mariam pelane si eh tei zang dida.
52 #
Job. 5:11; 12:19. Pa hegwang kenkiengme de penui gwang bahm dung gade teukei
delü kehenahme de teucuh luda.
53Pa makeyi dung pwa kemzeume de tyeinggei beu da,
nah keheime de bakei eh langgi dida.
54Pa anui paome dage sampet de kaizeu luda,
nah pe kila Israel de ngha kera gwang luda.
55 #
Ken. 17:7. #1 Sa. 2:1-10.Pa Abraham ze ngaugia pwalia kera nsung luda pelane
nah kelungta pe leuhme dage!”
56Mary au Elizabeth ze kei cum kenzwa ge ngngwa bam eh pecai kilung caili gwang di.
Johan Duipum Keteibe ze Kenna
57Elizabeth nna kera ting gwang di, nah pa mipeina gede nna lu. 58Pe kidame nah kibaume Rampaube peda de dai kenzwa gede yibi kecu siu lu, nah penui pelane pecu ngngwa penui suiyi di.
59 #
Lev. 12:3. Ngena de mtakkak ge dige, penui pe geu rum kera gwang lu, nah penui pezi pe pei zi leuh eh, Zechariah ntak kera teicu. 60Dede pe pui rang gai, “Lak! Pezi au Johan zie.”
61Penui peda ge rang di, “Dede nnui kibaume cipau zi migede gah!” 62Pecai penui pe pei dage zasi tei gai, pa hena nabe zi daipai neubi keteu eh.
63Zechariah kerau kwak ge kie lü rau gai, “Pezi Johan.” Penui pelane dai kenzwa ge penui swaga dibi! 64Cipau ting siak dau Zechariah marang dai lu, nah pa Rampaube de twa cuh di. 65Kidame pelane kengngi le puih di, nah ma aidung de ha Judah deu kideutuh nam pelane ga tei zang gwang di. 66Mina leune cide kesiume cide cet di delü keteu di, “Henana aide dai ketei nage zie no?” Kedanemene pe reu ga Rampaube kenkieng kebam ncigi di delu.
Zechariah Caihasam
67Johan pei Zechariah au Kemci Rabe le kepuih tei di, nah pa Tinggwang sam rang gai:
68“Anui Rampaube ze twa go,
Israel Tinggwang ze! Pa pe mina dung ze kengha ga gwang da nah penui ze lungmpet luda.
69Pa anui ziemne kenkieng kelikelube ge peu da, pe kilabe David leuhme ge.
70Pa nda ge pe gu kemci caihakecime dage sampet beu
71pa anui ze anui ngauraume dade keli beuzie kecu,
anui de nkau kela pelane kenkieng gade.
72Pa anui paome dage ngaugia pwalia zie lie rang beu nah pe
samkak kemci de nsung lu kera.
73-74Anui pao Abraham dage reset ge peu sünne eh
pa anui ngauraume dade anui ze keli beu kera sampet gai
nah anui ze peu ngngi mene pe gwa tei kera,
75ciciu eh anui pe dwa de mci nah masanglu kerane anui teilung
tingbazie pelane.
76 #
Mal. 3:1. “Nang, a na, ncu le Hutube Tinggwang gu caihakecibe ge lie qu zie.
Nang Rampaube dwa ga rai gwang zie.
Pe ziemne lampui telei kerane,
77pe mina dung dage penui de keli lu zie lie
rang beu kera penui mau dung gikebeu gade.
78Anui Tinggwang au mide ngaunggia nah nciep.
Pa kelikelu Tinggwang reba de peu anui reu ga baa luzie
79 #
Isa. 9:2. nah ketsai mie kemui ga lungh kelame pelane da tinggim gade taubaa lu kerane lungciep lampui gage anui pikie saulia gai kerane.”
80Hena nabe lungh cu lu nah pumteih nah rabe mmi cu lu. Pa Israelme mtei mikngau tei kepet tingba cang kemaktane hetaideu ga lungh.
Currently Selected:
LUKE 1: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
LUKE 1
1
Mraisam
1Kehung Theophilus:
Mina kekiee ge anui kak ga tei kedi dung ha sam pau ge laikai tei süt eh rau gai. 2Penui raitu gade ma aidung de ngau nah sambe pwa zierang tei kegaime ne rang kebeu dung de rau gai. 3Nah cine, nang yilangbe, I maha aidung pelane pe bangdua gade pei sünne kegaine, n ziemne I kerekeu eh cide rau gai de yizie ha cet lu. 4Ncu ledeu kebeu leune kesangsiakbe ncu peu ci lu kerane I aide tei gaila.
Johan Duipum Keteibe ze Nna kera Reci kegai
5 #
1 Hl. 24:10. Herod Judah ga hegwang tei kebam ting dau,#1:5. Judah: aika Palestine deu pelane de rang bam. cingku pei ge pezi Zechariah bam la, pa Abijah cingku rya gade gwang. Pe nau zi au Elizabeth; pa de cingku kelak rya ge gade gwang. 6Penai hang nana Tinggwang dwa gade teilung keyi lungh kera nah Rampaube zai dung nah aja dung pelane mzai cangsiak la. 7Elizabeth hena lungh gailak kedine penai name bam ma, nah Zechariah penai hang nana cing süt ti.
8Tingnai ge Zechariah Kerecaki ga cingkume ge eh pe ta tei bam, tingba ramsang ga penlia ta tei bam. 9Cingkume nzui kela hezai gade, recabam gage marim kehengui ru gai kera pecu dacak eh kedet lu. Cine pa Rampaube Kerecaki ga lüt lu, 10marim kehengui ru kebam bam dap tingdau. Hemaabe hegole kekie tei bam. 11Rampaube gwabe de pecu peu ngau gai, marim kehengui de ru kebam ratakbam zetle sap bam eh. 12Zechariah pecu ngau luge, pa au nrim di nah ngngi di. 13Dede Tinggimgwabe peda ge rang, “Ngngi so, Zechariah! Tinggwang n kekie kingnei luda, nah n nau Elizabeth ncu mipeina ge nna beuzie. Nang pezi Johan msiak zie. 14Pecu nna kelu dau, nang nah mina keda dai kenzwa ge renga nah nnui suiyi zie bi! 15#Pum. 6:3.Pa au Rampaube mikngau gade mina kedihme ge zie. Pa zau mede kesak kenkieng gede sak lak. Pecu nna kelu gade pecu Kemci Rabe kepuih tei zie, 16nah pa Israelme mina kekiee gede penui Tinggwang Rampaube dage ngngwa caili gwang beuzie. 17#Mal. 4:5,6.Pa Rampaube dwa rai gwang zie, caihakecibe Elijah nzwa chi nah nkieng eh. Pa mipei nah hename de ngngwa gwang ncüt beu dai zie; pa makesangme lungning gage samzai tei kemakme de teu nreu caili gwang luzie; pa Rampaube mina dung de pe ziemne telei luzie.”
18Zechariah Tinggimgwabe dage rang gai, “Aide kesang kecu I dainzwa ci lulai? I kecingme ge dida, nah a nau de cing dida.”
19 #
Dan. 8:16; 9:21. Tinggimgwabe keli gai, “I au Gabriel, I Tinggwang dwa ga sap bam la, pa ne acu nda ge Samlia keyi aide pau beu lo lang gailie. 20Dede nang a sam nlum lu meda, cide peting siak dau gwang kera. Nang nlum lu kemakne, nang marang gailak dizie; nda ge a sampet kebeu tingba de cang lu kemaktane nang marang mene bam dizie.”
21Cidau, mina dung Zechariah ze kwa eh dai ziemne Kerecaki ga pa citie ge bam dibi cet eh penui swaga bam di. 22Pa hegole mpet ge, pa penui dage marang gailak di, nah cine penui Kerecaki gade pa marengei ge ngau kecu ci lu. Sam gede rang gailak eh, pa pe ba le penui dage zasi tei lia gai.
23Kerecaki ga heta ketei peting cang kedi dau, Zechariah kilung ga caili gwang di. 24Pecai matie mene pe nau Elizabeth tetlak di nah kei mengei ge kilung bam di. 25Pa rang gai, “Cu au Rampaube acu ngha beu da. Mina dade a ngngam de keugi dida!”
Jisu Ze Nna kera Reci kegai
26Elizabeth tetlak kedi kei herok dige Tinggwang tinggimgwabe Gabriel ze Galilee ga renam ge Nazareth gage lang gai. 27#Mat. 1:18.Pa relei ge Hegwangpei David leuhme pezi Joseph lie kecu gede ngngwa lungh kera samtei pwa kebam ziemne sam ge la. Releipui zi au Mary. 28Tinggimgwabe peda gwang eh cu, “Lungciep nda bam lulo! Rampaube ncu ngngwa la nah ncu samlam süt beu da!”
29Tinggimgwabe sam dene Mary ze kebwak süt di, nah pa pe sam kieh de daipai bi cet pe swaga di. 30Tinggimgwabe peda ge rang gai, “Ngngi so, Mary; Tinggwang ncu ngaunggia la. 31#Mat. 1:21.Nang tetlak lü mipeina ge nna luzie, nah nang pezi Jisu msiak zie. 32#2 Sa. 7:12,13,16; Isa. 9:7.Pa au dizie nah pecu le Hutube Tinggwang nah lie qu zie. Rampaube Tinggwang pecu peu hegwang tei zie, pe pao David nzwa eh, 33nah pa au kelungta Jakob leuhme gwangpei tei zie; pe hegwangram madau gede penlih dilak!”
34Tinggimgwabe dade Mary rang gai, “I leitin ge. Cine dainzwa, aiciu lulai?”
35Tinggimgwabe keli gai, “Kemci Rabe n reu ga gwang zie, nah Tinggwang kenkieng nreu ga bam luzie. Aide ziemne kemci nabe de Tinggwang Na lie qu zie. 36N kibaume pui Elizabeth ze nsung lu. Pa hena lungh gai laklie rang di, dede pa de cu kei herok tetlak la dida, pa cing süt di delie de. 37#Ken. 18:14.Kedanemene Tinggwang tei gai kelak au magede gah lu.” 38Mary rang gai, “I au Rampaube kilapui da; nang kerang nzwa ada ge peu tei gailu.” Nah Tinggimgwabe pecu püt di.
Mary, Elizabeth da Kemie
39Pecai matie mene Mary ntei lu delü Judah kideutuh nam renam gega kelwa miedi. 40Pa Zechariah ki ga lüt eh Elizabeth ze kelum gai. 41Elizabeth au Mary kelumkegai de siu luge, pelung ga ngena nlai di. Elizabeth ze Kemci Rabe ne pui lu 42delü sabaq eh rang gai, “Nang au mipui pelane kak de samlam pungtu, nah nang nna lu kera na de samlam pungtu! 43Daitei makedihh aide ada ge tei gai laino, a Rampaube pui gwang acu pie kela? 44Kedanemene nang kellum kegai kwa siu kerikezi, a lung ga hena nabe suiyi teu nsau bam dida. 45Rampaube sam nda kegwang de teicang kesang lu kera nlum kelu nang dai kenzwa gede samlam pung no!”
Mary Ketwa lei
46Mary rang gai,
“A mlung au Rampaube de twa la;
47Tinggwang acu kelikelube ziemne a rabe au pesui yibam,
48 #
1 Sa. 1:11. kedanemene pa acu nsung gaida, kehenah pe kilabe de! Cu gade mina pelane acu samlam lie qu zie,
49kenkieng Tinggwang a ziemne tei kegai makedih dung ziemne. Pezi au mci;
50ceheu ge gade keda gega
pa pecu rüt kelame de ngaugia pwalia beula.
51Pa pe ba kenkieng de hwapet luda
delü ngang kelame de penui mariam pelane si eh tei zang dida.
52 #
Job. 5:11; 12:19. Pa hegwang kenkiengme de penui gwang bahm dung gade teukei
delü kehenahme de teucuh luda.
53Pa makeyi dung pwa kemzeume de tyeinggei beu da,
nah keheime de bakei eh langgi dida.
54Pa anui paome dage sampet de kaizeu luda,
nah pe kila Israel de ngha kera gwang luda.
55 #
Ken. 17:7. #1 Sa. 2:1-10.Pa Abraham ze ngaugia pwalia kera nsung luda pelane
nah kelungta pe leuhme dage!”
56Mary au Elizabeth ze kei cum kenzwa ge ngngwa bam eh pecai kilung caili gwang di.
Johan Duipum Keteibe ze Kenna
57Elizabeth nna kera ting gwang di, nah pa mipeina gede nna lu. 58Pe kidame nah kibaume Rampaube peda de dai kenzwa gede yibi kecu siu lu, nah penui pelane pecu ngngwa penui suiyi di.
59 #
Lev. 12:3. Ngena de mtakkak ge dige, penui pe geu rum kera gwang lu, nah penui pezi pe pei zi leuh eh, Zechariah ntak kera teicu. 60Dede pe pui rang gai, “Lak! Pezi au Johan zie.”
61Penui peda ge rang di, “Dede nnui kibaume cipau zi migede gah!” 62Pecai penui pe pei dage zasi tei gai, pa hena nabe zi daipai neubi keteu eh.
63Zechariah kerau kwak ge kie lü rau gai, “Pezi Johan.” Penui pelane dai kenzwa ge penui swaga dibi! 64Cipau ting siak dau Zechariah marang dai lu, nah pa Rampaube de twa cuh di. 65Kidame pelane kengngi le puih di, nah ma aidung de ha Judah deu kideutuh nam pelane ga tei zang gwang di. 66Mina leune cide kesiume cide cet di delü keteu di, “Henana aide dai ketei nage zie no?” Kedanemene pe reu ga Rampaube kenkieng kebam ncigi di delu.
Zechariah Caihasam
67Johan pei Zechariah au Kemci Rabe le kepuih tei di, nah pa Tinggwang sam rang gai:
68“Anui Rampaube ze twa go,
Israel Tinggwang ze! Pa pe mina dung ze kengha ga gwang da nah penui ze lungmpet luda.
69Pa anui ziemne kenkieng kelikelube ge peu da, pe kilabe David leuhme ge.
70Pa nda ge pe gu kemci caihakecime dage sampet beu
71pa anui ze anui ngauraume dade keli beuzie kecu,
anui de nkau kela pelane kenkieng gade.
72Pa anui paome dage ngaugia pwalia zie lie rang beu nah pe
samkak kemci de nsung lu kera.
73-74Anui pao Abraham dage reset ge peu sünne eh
pa anui ngauraume dade anui ze keli beu kera sampet gai
nah anui ze peu ngngi mene pe gwa tei kera,
75ciciu eh anui pe dwa de mci nah masanglu kerane anui teilung
tingbazie pelane.
76 #
Mal. 3:1. “Nang, a na, ncu le Hutube Tinggwang gu caihakecibe ge lie qu zie.
Nang Rampaube dwa ga rai gwang zie.
Pe ziemne lampui telei kerane,
77pe mina dung dage penui de keli lu zie lie
rang beu kera penui mau dung gikebeu gade.
78Anui Tinggwang au mide ngaunggia nah nciep.
Pa kelikelu Tinggwang reba de peu anui reu ga baa luzie
79 #
Isa. 9:2. nah ketsai mie kemui ga lungh kelame pelane da tinggim gade taubaa lu kerane lungciep lampui gage anui pikie saulia gai kerane.”
80Hena nabe lungh cu lu nah pumteih nah rabe mmi cu lu. Pa Israelme mtei mikngau tei kepet tingba cang kemaktane hetaideu ga lungh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.