JOHAN 3
3
Jisu nah Nicodemus
1Judah muiteume ge pezi Nicodemus bam la, pa Phariseeme maa ga kebamme. 2Zeuziu ge pa Jisu da mie peda ge rang di, “Rabbi, nang au Tinggwang ne langkegai keledeume ge kecu anui ci bam. Migede Tinggwang pecu ngngwa la mecai nang teikela miswa kega bata dung tei gailak.”
3Jisu keli gai, “I nda ge kesangbe rang gaila: migede nna dai lu mecai Tinggwang Hegwangram ngau gailak.”#3:3. dai; mede nreu lam de.
4Nicodemus keteu di, “Dainzwa eh lungh di kedime ge nna dai lulai? Pa pe pui neki ga nlüt delü pia pekenabe nna gailak zing!”
5Jisu keli gai, “I kesangbe nda ge rang gaila, dui nah Rabe gade nna lu mecai migede Tinggwang Hegwangram ga lüt gailak. 6Migede pa puipei pumteih gade nna lula, dede pecu rabe lam de kenna au Rabe gade la. 7I nnui pelane nna dai maisia lie nda ge rang kegaine n swaga diso.#3:7. dai; mede nreu lam de. 8Tingkai pezaira tei eh kehei ga gui dila; cide pekoa tei kegai nnui siu la, mede nnui cide daiga de gwang labi nah daiga mie labi kecu ci lama. Rabe gade kenna leune de cinzwa lie.”
9Nicodemus keteu di, “Aide dainzwa lulai?”
10Jisu keli gai, “Nang au Israel ga keledeu kedihme ge, nah nang aide ci meni? 11I nda ge kesangbe rang gai bam: anui au kecibe rang la nah anui kengaube paaula, dede nnui hang gede anui sam luu lu neu lama. 12I nnui de kideu aide ga ha dung rang kelia dau nnui acu nlum lama; ciciu cai, I nnui dage tinggim ga ha dung rang kelia dau nnui dainzwa acu nlum lu laino? 13Nah Mina Nabe, tinggim gade kehunghbe gwale, migede tinggim ga hangh ma.”#3:13. Sam caide pedum 21 ga jüja mie lubui.
14 #
Pum. 21:9. Mosa hetaideu gade hetah goi nei de tsingtieh reu gage pwacuh kegai nzwa, cinzwa eh Mina Nabe dede pwacuh maisia, 15cinzwa eh pecu nlum kelume leune kelungta kering ngau lu kerane. 16Tinggwang kideube de hung zu kecune pa pe Na pumlibe de peu gai, ciciu eh pecu nlum kelume leune tsai di mene kelungta kering ngau lu kerane. 17Kedanemene Tinggwang pe Na de kideube tutiakbe zie lie lang gai ma, dede cide de kelikelube zie lie eh lang gai.
18Nabe de nlum kelume de au tiak meda; dede nlum kemakme de au tiakbam dida, kedanemene pa Tinggwang na pumlibe de nlum kemakne. 19Aide nzwa tutiakpe ta teila; kebaabe kideu ga gwang da, dede mina dung kebaabe de swa kemuibe de kudi, penui ta dung au sia kecu ziemne. 20Kesia tei kelame au kebaabe de nkau la nah kebaabe ga gwang lak, kedanemene pa pe ta kesia dung de peu mide ngauneula kemakne. 21Dede kesangbe tei kelame au kebaabe da gwang la ciciu eh kebaabe de peu pa tei kela de au Tinggwang samzai lie kecu liah lu kera ziemne.
Jisu nah Johan
22Aide cai, Jisu nah pa ledeukelume Judah deu ga miedi, cika pa penui de tingkak ge ngngwa bam nah duipum tei. 23Johan de Aenon ga duipum tei lu, Salim gade dei kemak ga, kedanemene heni cika dui kiee süt kebam ne. Mina dung peda gwang eh bam, nah pa penui de duipum tei bam. 24#Mat. 14:3; Mrk. 6:17; Luk. 3:19,20.Aide Johan ze hebaangki gage kaikedi dwa.
25Johan caisuime kangge Judah#3:25. Judahme ge; Laisiu kesa ga bam Judahme ge. me gede renet gade hui kenci ta marang renia bam. 26Cine penui mie Johan dage rang gai, “Keledeubo, nang Jordan tingbangle ncu ngngwa kebam bede nsung bam ha, nang pe ha rang kegaibe de? Pa cu duipum tei bam dida, nah mina leune peda gwang di zeuda!”
27Johan keli gai, “Migede Tinggwang ne pecu peu maige magede ngau gailak. 28#Jhn. 1:20.I rang kegai de nnui ne zierangme da, ‘I au Messiah ma, dede acu pedwa lang nswa gai.’ 29lakciupui au lakciupei gulie; dede lakciube zangbe, pe tai ga sap eh kingnei kebambe, au lakciube koa siu luge pa pesui lu. Ainzwa a suiyi teicang luda. 30Pa nlang kidi maisia da I nlang cam kedi dau.”
Tinggim gade Kegwangbe
31Nreuhle de kegwangbe au pelane swa dihki. Kideube gade kegwangbe kideube gu nah kideube ha rang la, dede tinggim gade kegwangbe au ma pelane reu lie. 32pa au pa kengaube nah kesiube rang la, dede migede pe sam luu luma. 33Dede pe sam luu kelume aide gade Tinggwang au masang lie kecu ranglia nci gaila. 34Tinggwang ne langkegaibe Tinggwang sam rang la, kedanemene Tinggwang pecu pe Rabe kepuih peu kelane. 35#Mat. 11:27; Luk. 10:22.Peibe pecu hung la nah maleune kaipwa pe kenkieng gage kai dida. 36Nabe de nlum kelu leune kelungta kering bam dida; Nabe samzai tei kemakme kering ngau gailak, dede Tinggwang saja kang ga bam dizie.
Currently Selected:
JOHAN 3: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
JOHAN 3
3
Jisu nah Nicodemus
1Judah muiteume ge pezi Nicodemus bam la, pa Phariseeme maa ga kebamme. 2Zeuziu ge pa Jisu da mie peda ge rang di, “Rabbi, nang au Tinggwang ne langkegai keledeume ge kecu anui ci bam. Migede Tinggwang pecu ngngwa la mecai nang teikela miswa kega bata dung tei gailak.”
3Jisu keli gai, “I nda ge kesangbe rang gaila: migede nna dai lu mecai Tinggwang Hegwangram ngau gailak.”#3:3. dai; mede nreu lam de.
4Nicodemus keteu di, “Dainzwa eh lungh di kedime ge nna dai lulai? Pa pe pui neki ga nlüt delü pia pekenabe nna gailak zing!”
5Jisu keli gai, “I kesangbe nda ge rang gaila, dui nah Rabe gade nna lu mecai migede Tinggwang Hegwangram ga lüt gailak. 6Migede pa puipei pumteih gade nna lula, dede pecu rabe lam de kenna au Rabe gade la. 7I nnui pelane nna dai maisia lie nda ge rang kegaine n swaga diso.#3:7. dai; mede nreu lam de. 8Tingkai pezaira tei eh kehei ga gui dila; cide pekoa tei kegai nnui siu la, mede nnui cide daiga de gwang labi nah daiga mie labi kecu ci lama. Rabe gade kenna leune de cinzwa lie.”
9Nicodemus keteu di, “Aide dainzwa lulai?”
10Jisu keli gai, “Nang au Israel ga keledeu kedihme ge, nah nang aide ci meni? 11I nda ge kesangbe rang gai bam: anui au kecibe rang la nah anui kengaube paaula, dede nnui hang gede anui sam luu lu neu lama. 12I nnui de kideu aide ga ha dung rang kelia dau nnui acu nlum lama; ciciu cai, I nnui dage tinggim ga ha dung rang kelia dau nnui dainzwa acu nlum lu laino? 13Nah Mina Nabe, tinggim gade kehunghbe gwale, migede tinggim ga hangh ma.”#3:13. Sam caide pedum 21 ga jüja mie lubui.
14 #
Pum. 21:9. Mosa hetaideu gade hetah goi nei de tsingtieh reu gage pwacuh kegai nzwa, cinzwa eh Mina Nabe dede pwacuh maisia, 15cinzwa eh pecu nlum kelume leune kelungta kering ngau lu kerane. 16Tinggwang kideube de hung zu kecune pa pe Na pumlibe de peu gai, ciciu eh pecu nlum kelume leune tsai di mene kelungta kering ngau lu kerane. 17Kedanemene Tinggwang pe Na de kideube tutiakbe zie lie lang gai ma, dede cide de kelikelube zie lie eh lang gai.
18Nabe de nlum kelume de au tiak meda; dede nlum kemakme de au tiakbam dida, kedanemene pa Tinggwang na pumlibe de nlum kemakne. 19Aide nzwa tutiakpe ta teila; kebaabe kideu ga gwang da, dede mina dung kebaabe de swa kemuibe de kudi, penui ta dung au sia kecu ziemne. 20Kesia tei kelame au kebaabe de nkau la nah kebaabe ga gwang lak, kedanemene pa pe ta kesia dung de peu mide ngauneula kemakne. 21Dede kesangbe tei kelame au kebaabe da gwang la ciciu eh kebaabe de peu pa tei kela de au Tinggwang samzai lie kecu liah lu kera ziemne.
Jisu nah Johan
22Aide cai, Jisu nah pa ledeukelume Judah deu ga miedi, cika pa penui de tingkak ge ngngwa bam nah duipum tei. 23Johan de Aenon ga duipum tei lu, Salim gade dei kemak ga, kedanemene heni cika dui kiee süt kebam ne. Mina dung peda gwang eh bam, nah pa penui de duipum tei bam. 24#Mat. 14:3; Mrk. 6:17; Luk. 3:19,20.Aide Johan ze hebaangki gage kaikedi dwa.
25Johan caisuime kangge Judah#3:25. Judahme ge; Laisiu kesa ga bam Judahme ge. me gede renet gade hui kenci ta marang renia bam. 26Cine penui mie Johan dage rang gai, “Keledeubo, nang Jordan tingbangle ncu ngngwa kebam bede nsung bam ha, nang pe ha rang kegaibe de? Pa cu duipum tei bam dida, nah mina leune peda gwang di zeuda!”
27Johan keli gai, “Migede Tinggwang ne pecu peu maige magede ngau gailak. 28#Jhn. 1:20.I rang kegai de nnui ne zierangme da, ‘I au Messiah ma, dede acu pedwa lang nswa gai.’ 29lakciupui au lakciupei gulie; dede lakciube zangbe, pe tai ga sap eh kingnei kebambe, au lakciube koa siu luge pa pesui lu. Ainzwa a suiyi teicang luda. 30Pa nlang kidi maisia da I nlang cam kedi dau.”
Tinggim gade Kegwangbe
31Nreuhle de kegwangbe au pelane swa dihki. Kideube gade kegwangbe kideube gu nah kideube ha rang la, dede tinggim gade kegwangbe au ma pelane reu lie. 32pa au pa kengaube nah kesiube rang la, dede migede pe sam luu luma. 33Dede pe sam luu kelume aide gade Tinggwang au masang lie kecu ranglia nci gaila. 34Tinggwang ne langkegaibe Tinggwang sam rang la, kedanemene Tinggwang pecu pe Rabe kepuih peu kelane. 35#Mat. 11:27; Luk. 10:22.Peibe pecu hung la nah maleune kaipwa pe kenkieng gage kai dida. 36Nabe de nlum kelu leune kelungta kering bam dida; Nabe samzai tei kemakme kering ngau gailak, dede Tinggwang saja kang ga bam dizie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.