JOHAN 12
12
Bethany ga Jisu ze Keniaklu
(Mat. 26:6-13; Mrk. 14:3-9)
1Kahkegwang ngyi dwa lang herok ne dau, Jisu Bethany ga miedi, Lazarus, pa ne pecu ketsai gade teucuh kebeube ki ga. 2Penui cika Jisu ziemne taktyei ge telei gai, cika Martha ne hegwa tei gai; Lazarus be cai kaira ga Jisu ze ngngwa ntum kebam hang ge. 3#Luk. 7:37,38.Pecai Mary nard kencibe le tei kelu marim kehengui pemi whung süt kecu ge litre piege pwalu, cide Jisu pi gage rui gai, delü cide pe tam le neu gai. Marim keyi de ki pelane ga perim le puih di. 4Jisu ne ledeukelu hang ge, Judas Iscariot pecu tuih gaibeu kerabe de rang di, 5“Daitei eh marim kehengui aide rangkang goi#12:5. rangkang goi: 6:7 ga pielu. 300 le zwa lu delü rangkang de pwa kegame de peudi meno?” 6Pa aide rang kecu, pa kegame mapie kelane ma, dede pa au keregame ge kecune. Pa rangkang bung pungla nah cika de keu lula. 7Dede Jisu rang di, “Pecu püt ti! Pecu peu pa tei kebam de acu kekung benai ziemne kaizeu lu. 8#Hez. 15:11.Nnui au kegame de ngngwa bam muihzie, dede nnui acu ngngwa bam muih lak.”
Lazarus ze kemmau Ciem kepeei
9Mina kekiee ge Jisu Bethany ga bam lie kecu siu lu, cine penui cika miedi, Jisu rünne ziemne mene Lazarus ze de ngau gai kerane, Jisu pecu ketsai gade qwakcuh kelu bede. 10Cine cingku kedihme Lazarus ze de teitset di kera heciem riam lu, 11kedanemene pe ziemne Judahme kekiee ge penui de mlai di eh Jisu ze nlum di zeu kecune.
Jerusalem ga Hecili eh Kelüt
(Mat. 21:1-11; Mrk. 11:1-11; Luk. 19:28-40)
12Pecai benai Kahkegwang Ngyi ga gwang kebam mina maadibe Jisu au Jerusalem ga gwang la delie kecu siu lu. 13#Lei. 118:25,26.Cine penui Palm kiak pwalu delü sabaq eh pecu redau kera tetpet, “Tinggwang ze twa! Rampaube zi teu eh gwang kelabe de peu Tinggwang ze samlam beu lo! Israel Gwangpei de Tinggwang samlam beu lo!”
14Jisu Gada ge ngau lu delü cipau reu ga cwa gwang, kesanglaisiu kerang nzwa eh,
15 #
Zek. 9:9. “Ngngi diso, Zion namdi!
Aika n gwangpei gwang la,
gadana ge reu ga cua la.”
16Pa ledeukelume cipau tingdau aide ci ma;
dede Jisu ze kendu ga teucuh luge, penui kesanglaisiu aide pe ha ranglia nah aide penui tei gailie kecu ci lu.
17Mina dung Jisu Lazarus ze herau gade qu mpet nah ketsai gade pecu qwakcuh kelu dau dainzwa dibi kecu rang gai. 18Ciziemne hemaabe pecu redau lu kedanemene pa miswa kega bata aide tei kegai penui siu kelu ne. 19Pecai Phariseeme hang gege dade rang di, “Nnui pielo, anui nkieng lulai mezing da! Pielo, kideu pelane au pecai suila dida!”
Greekme kangge Jisu ze kepeei
20Hengyi dau reca kerane Jerusalem ga mie kecume kak ga Greekme ge la. 21Penui Philip da mie (Pa au Galilee ga Bethsaida gade gwang) eh rang di, “Kedihbo, anui Jisu ze ngau neu lalie.”
22Philip mie Andrew dage rang beu, nah penai hang na mie Jisu dage rang beu. 23Jisu penui dage keli gai, “Mina Nabe kendu kedi ngau lu kera bamdapkak cu gwang bam dida. 24I nnui dage kesangbe ranglia la: Wheat pum ge kideu ga cak mie eh tsai gai kemak cai mei pum ge so sima. Magade cide tsai gai cai, cide meitsi kekiee ge buih lula. 25#Mat. 10:39; 16:25; Mrk. 8:35; Luk. 9:24; 17:33.Keheibe de pekatei pe teilung hungkela leune cide tei nggah dizie; keheibe de kideu aika de pekatei pe teilung nkau kelube cide kelungta kering ziemne kaizeu luzie. 26Keheibe de a gwa tei keneume a caisui lulo, ciciu de a kilabe I kebam ga acu ngngwa bam luzie. Nah a Pei ne a gwa tei kelame de rüt zie.
Jisu petsit ha Rang kegai
27“Cu a lung keherei dida — I daipai rang laino? I rang zie ni, ‘Peibo, bamdapkak aide peu a reu ga gwang helo eh’? Dede I cide ziemne gwang luda ciciu eh I keherei bamdapkak de kah gwang lu kerane. 28Peibo, n zi gage kendu teugwang lulo!”
Pecai Tinggim gade makoa ge rang gai, “I kendu cide nda teugwang luda, nah I cide tei dai zie.”
29Cika kesap hemaabe makoa de siu lu, nah midung ge cide au tingceu koa liedi, dede kedame dung rang di, “Tinggimgwame ge peda ge marang da!”
30Dede Jisu penui dage rang gai, “A ziemne makoa aide rang ma, dede nnui ziemne dedi, 31Cu au kideu aide de mmau kera ting dida: Cu kideu ga kedibe de kelien gidi zieda. 32Acu kideu gade pwacuh lude, I mina leune de ada ngngwa gwang luzie.” 33(Pa aide rang kegai gade pa rei eh tsaibeu kera tsit ha saulia gaibeu.)
34 #
Lei. 110:4; Isa. 9:7; Eze. 37:25; Dan. 7:14. Hemaabe keli gai, “Anui Zai anui dage kerang au Messiah kelungta lungh zie lie zeu. Cine nang dainzwa Mina Nabe de pwacuh maisia de eh rang lu laino? Mina Nabe cau no?” dedi.
35Jisu keli gai, “Kebaabe nnui da tie kemak nage bam si ziereu. Nnui kebaa kebam dau nnui lampui ga tet si gailu, ciciu eh kemuibe de nnui reu ga gwang melu kerane; kedanemene kemui ga tet kelabe au pa daiga mie labi ci la melu. 36Ciciu de kebaabe de nlum lu, nnui cide kebam dau, ciciu de nnui kebaabe mina dung tei luzie.”
Mina dung Nlum kemak
Jisu aide rang kedi cai, pa tet penui dade mbaih di. 37Penui dwa gade pa miswa kega bata aidung pelane tei gai liede, penui pecu nlum lu tadi, 38#Isa. 53:1.ciciu eh caihakecibe Isaiah kerang de cang lu kerane:
“Rampaubo, anui rang kegai sam de cau ne nlum luno?
Rampaube cau de pe kenkieng keulia gai no?”
39Nah cine penui nlum gailak di, kedanemene Isaiah rang si gai,
40 #
Isa. 6:10. “Tinggwang ne penui mik teiciet di,
nah penui lung nkui di,
ciciu eh penui mik mangau tadi
nah penui lung maci lu tadi,
nah penui ada nreu gwang ma, de eh Tinggwang rang la,
I penui de tei myi beu kera.”
41Isaiah aide rang gai kedanemene pa Jisu kendu ngau nah pe ha rang gai kecune.
42Ciciu liede, Judah kenkieng dung kekiee ge Jisu ze nlum lu; dede Phariseeme ziemne penui cide mdu eh rang ma, ciciu eh synagogue gade mjo di melu kerane. 43Penui au Tinggwang suibe swa mina suibe penui suiyi la.
Jisu sam ne Tutiak
44Jisu sabaq eh rang gai, “Keheibe de acu nlum kelube acu rünne mene acu langkegaibe dede nlum la. 45Acu ngau kela keheibe acu langkegaibe dede ngau la. 46I kideube ga kebaabe tei eh gwang, ciciu eh keheibe de acu nlum kelube kemui ga bam melu kerane. 47Keheibe de a sam siu lü cide mzai mecai I pecu tiak lak. I kideube tu tiak kera gwang ma, dede cide de keli lu kerane. 48Keheibe de acu mlai nah a sam luu lu kemak bede pecu tiak kera mige bam. I sam rang kegaibe ne kekam benai pe tutiakbe tei zie! 49Aide kesang, kedanemene I a kenkieng gade marang gai ma, dede acu langkegai Peibe ne I daipai rang nah pau maisia bi acu aja kepeu ne. 50Nah pe aja ne kelungta kering teugwang beu kela I ci bam. Cine rang kelabe au Peibe ne acu pau lo eh rang kebeube lie.”
Currently Selected:
JOHAN 12: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
JOHAN 12
12
Bethany ga Jisu ze Keniaklu
(Mat. 26:6-13; Mrk. 14:3-9)
1Kahkegwang ngyi dwa lang herok ne dau, Jisu Bethany ga miedi, Lazarus, pa ne pecu ketsai gade teucuh kebeube ki ga. 2Penui cika Jisu ziemne taktyei ge telei gai, cika Martha ne hegwa tei gai; Lazarus be cai kaira ga Jisu ze ngngwa ntum kebam hang ge. 3#Luk. 7:37,38.Pecai Mary nard kencibe le tei kelu marim kehengui pemi whung süt kecu ge litre piege pwalu, cide Jisu pi gage rui gai, delü cide pe tam le neu gai. Marim keyi de ki pelane ga perim le puih di. 4Jisu ne ledeukelu hang ge, Judas Iscariot pecu tuih gaibeu kerabe de rang di, 5“Daitei eh marim kehengui aide rangkang goi#12:5. rangkang goi: 6:7 ga pielu. 300 le zwa lu delü rangkang de pwa kegame de peudi meno?” 6Pa aide rang kecu, pa kegame mapie kelane ma, dede pa au keregame ge kecune. Pa rangkang bung pungla nah cika de keu lula. 7Dede Jisu rang di, “Pecu püt ti! Pecu peu pa tei kebam de acu kekung benai ziemne kaizeu lu. 8#Hez. 15:11.Nnui au kegame de ngngwa bam muihzie, dede nnui acu ngngwa bam muih lak.”
Lazarus ze kemmau Ciem kepeei
9Mina kekiee ge Jisu Bethany ga bam lie kecu siu lu, cine penui cika miedi, Jisu rünne ziemne mene Lazarus ze de ngau gai kerane, Jisu pecu ketsai gade qwakcuh kelu bede. 10Cine cingku kedihme Lazarus ze de teitset di kera heciem riam lu, 11kedanemene pe ziemne Judahme kekiee ge penui de mlai di eh Jisu ze nlum di zeu kecune.
Jerusalem ga Hecili eh Kelüt
(Mat. 21:1-11; Mrk. 11:1-11; Luk. 19:28-40)
12Pecai benai Kahkegwang Ngyi ga gwang kebam mina maadibe Jisu au Jerusalem ga gwang la delie kecu siu lu. 13#Lei. 118:25,26.Cine penui Palm kiak pwalu delü sabaq eh pecu redau kera tetpet, “Tinggwang ze twa! Rampaube zi teu eh gwang kelabe de peu Tinggwang ze samlam beu lo! Israel Gwangpei de Tinggwang samlam beu lo!”
14Jisu Gada ge ngau lu delü cipau reu ga cwa gwang, kesanglaisiu kerang nzwa eh,
15 #
Zek. 9:9. “Ngngi diso, Zion namdi!
Aika n gwangpei gwang la,
gadana ge reu ga cua la.”
16Pa ledeukelume cipau tingdau aide ci ma;
dede Jisu ze kendu ga teucuh luge, penui kesanglaisiu aide pe ha ranglia nah aide penui tei gailie kecu ci lu.
17Mina dung Jisu Lazarus ze herau gade qu mpet nah ketsai gade pecu qwakcuh kelu dau dainzwa dibi kecu rang gai. 18Ciziemne hemaabe pecu redau lu kedanemene pa miswa kega bata aide tei kegai penui siu kelu ne. 19Pecai Phariseeme hang gege dade rang di, “Nnui pielo, anui nkieng lulai mezing da! Pielo, kideu pelane au pecai suila dida!”
Greekme kangge Jisu ze kepeei
20Hengyi dau reca kerane Jerusalem ga mie kecume kak ga Greekme ge la. 21Penui Philip da mie (Pa au Galilee ga Bethsaida gade gwang) eh rang di, “Kedihbo, anui Jisu ze ngau neu lalie.”
22Philip mie Andrew dage rang beu, nah penai hang na mie Jisu dage rang beu. 23Jisu penui dage keli gai, “Mina Nabe kendu kedi ngau lu kera bamdapkak cu gwang bam dida. 24I nnui dage kesangbe ranglia la: Wheat pum ge kideu ga cak mie eh tsai gai kemak cai mei pum ge so sima. Magade cide tsai gai cai, cide meitsi kekiee ge buih lula. 25#Mat. 10:39; 16:25; Mrk. 8:35; Luk. 9:24; 17:33.Keheibe de pekatei pe teilung hungkela leune cide tei nggah dizie; keheibe de kideu aika de pekatei pe teilung nkau kelube cide kelungta kering ziemne kaizeu luzie. 26Keheibe de a gwa tei keneume a caisui lulo, ciciu de a kilabe I kebam ga acu ngngwa bam luzie. Nah a Pei ne a gwa tei kelame de rüt zie.
Jisu petsit ha Rang kegai
27“Cu a lung keherei dida — I daipai rang laino? I rang zie ni, ‘Peibo, bamdapkak aide peu a reu ga gwang helo eh’? Dede I cide ziemne gwang luda ciciu eh I keherei bamdapkak de kah gwang lu kerane. 28Peibo, n zi gage kendu teugwang lulo!”
Pecai Tinggim gade makoa ge rang gai, “I kendu cide nda teugwang luda, nah I cide tei dai zie.”
29Cika kesap hemaabe makoa de siu lu, nah midung ge cide au tingceu koa liedi, dede kedame dung rang di, “Tinggimgwame ge peda ge marang da!”
30Dede Jisu penui dage rang gai, “A ziemne makoa aide rang ma, dede nnui ziemne dedi, 31Cu au kideu aide de mmau kera ting dida: Cu kideu ga kedibe de kelien gidi zieda. 32Acu kideu gade pwacuh lude, I mina leune de ada ngngwa gwang luzie.” 33(Pa aide rang kegai gade pa rei eh tsaibeu kera tsit ha saulia gaibeu.)
34 #
Lei. 110:4; Isa. 9:7; Eze. 37:25; Dan. 7:14. Hemaabe keli gai, “Anui Zai anui dage kerang au Messiah kelungta lungh zie lie zeu. Cine nang dainzwa Mina Nabe de pwacuh maisia de eh rang lu laino? Mina Nabe cau no?” dedi.
35Jisu keli gai, “Kebaabe nnui da tie kemak nage bam si ziereu. Nnui kebaa kebam dau nnui lampui ga tet si gailu, ciciu eh kemuibe de nnui reu ga gwang melu kerane; kedanemene kemui ga tet kelabe au pa daiga mie labi ci la melu. 36Ciciu de kebaabe de nlum lu, nnui cide kebam dau, ciciu de nnui kebaabe mina dung tei luzie.”
Mina dung Nlum kemak
Jisu aide rang kedi cai, pa tet penui dade mbaih di. 37Penui dwa gade pa miswa kega bata aidung pelane tei gai liede, penui pecu nlum lu tadi, 38#Isa. 53:1.ciciu eh caihakecibe Isaiah kerang de cang lu kerane:
“Rampaubo, anui rang kegai sam de cau ne nlum luno?
Rampaube cau de pe kenkieng keulia gai no?”
39Nah cine penui nlum gailak di, kedanemene Isaiah rang si gai,
40 #
Isa. 6:10. “Tinggwang ne penui mik teiciet di,
nah penui lung nkui di,
ciciu eh penui mik mangau tadi
nah penui lung maci lu tadi,
nah penui ada nreu gwang ma, de eh Tinggwang rang la,
I penui de tei myi beu kera.”
41Isaiah aide rang gai kedanemene pa Jisu kendu ngau nah pe ha rang gai kecune.
42Ciciu liede, Judah kenkieng dung kekiee ge Jisu ze nlum lu; dede Phariseeme ziemne penui cide mdu eh rang ma, ciciu eh synagogue gade mjo di melu kerane. 43Penui au Tinggwang suibe swa mina suibe penui suiyi la.
Jisu sam ne Tutiak
44Jisu sabaq eh rang gai, “Keheibe de acu nlum kelube acu rünne mene acu langkegaibe dede nlum la. 45Acu ngau kela keheibe acu langkegaibe dede ngau la. 46I kideube ga kebaabe tei eh gwang, ciciu eh keheibe de acu nlum kelube kemui ga bam melu kerane. 47Keheibe de a sam siu lü cide mzai mecai I pecu tiak lak. I kideube tu tiak kera gwang ma, dede cide de keli lu kerane. 48Keheibe de acu mlai nah a sam luu lu kemak bede pecu tiak kera mige bam. I sam rang kegaibe ne kekam benai pe tutiakbe tei zie! 49Aide kesang, kedanemene I a kenkieng gade marang gai ma, dede acu langkegai Peibe ne I daipai rang nah pau maisia bi acu aja kepeu ne. 50Nah pe aja ne kelungta kering teugwang beu kela I ci bam. Cine rang kelabe au Peibe ne acu pau lo eh rang kebeube lie.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.