KENDEU 9
9
Tinggwang Noah ze Samkakkelu
1 #
Ken. 1:28. Tinggwang Noah nah pe name ze samlam beu eh cu, “Hena kekiee lungh lu, ciciu eh n leuhme kideu pelane reu lungh lu kerane. 2Makaune, nruine, nah heka dung pelane n mye hing eh lungh zie. Penui de n kenkieng kang gage kai beu dida. 3Nang penui de tyei lu buida, nah tsehei nei kendiak de; I n taktyei tei kera cidung pelane ncu peu la. 4Nang tyei kelakbe cai heteih hejai ncüt kecu de; I aide kaamla kedanemene hejai ga kering la kecune. 5Keheibe de mina keringria luupwa di cai pecu saja peu zie. Makaune mina keringria luupwa kedibe de I ketsai le saja peu zie.” 6#Ken. 1:26; Tet. 20:13.Mina ze Tinggwang nzwa tei lu, cine keheibe de mide teitset kecu bede peu mina kedame de pecu teitset tizie.
7 #
Ken. 1:28. “Nang n name kekiee lungh hingh lu, ciciu eh n leuhme kideu pelane reu lungh lu kerane” debeu.
8Tinggwang Noah nah pe name dage rang eh, 9“I cu ncu nah n leuhme ze ngngwa samkak zeuda, 10nah kaungih kengngih pelane de ngngwa nruine pelane, makaune pelane liem gade ncu ngngwa mpet kelu keheibe de. 11Sam aidung de teu I ncu ngngwa samkak la: Madaude kaungih kengngih leune de duinaii gele nkap dai kelak I sampet gaila: madaude duinaii ne kideube de nkap dai lakta. 12I ncu nah kaungih kengngih pelane de ngngwa kelungta samkak kelu rehi gade, 13I a gu mpi ge kemwa gage kai gaila. Cide I hangdeu bede ngngwa samkak kelu rehi ge zie. 14I kemwa teu ting gum lude nah ningnariah ngau kedi dau, 15I nda ge nah makaune pelane dage duinaii ne madaude kaungih kengngih pelane de nkap dai laklie a sam kaikebeu de nsung luzie. 16Ningnariah kemwa ga pet kecu dau, I cide ngau lü kideu reu ga kaungih kengngih pelane anai kak ga samkak kelu de nsung luzie. 17Cide I kaungih kengngih pelane dage a sam pet kebeu rehi deda.”
Noah nah Pe Name
18Noah name liem gade mpet kelume cai Shem, Ham, nah Japheth. (Ham au Canaan pei da.) 19Noah napei hang cum aidung de kideu ga mina leuh pao dung da.
20Noah heta ketaame ge, pa ne kube luh ta raitube da. 21Pa zau kesa sak luge, pa sak miee di, ge pe paini ra di, delü pe paiki ga paaula zeu bam. 22Ham, Canaan pei, pe pei paaula kebam ngau luge, pa hegole pet pe sinabe kena dage ranglia. 23Ge Shem penai Japheth pai ge teu lü cide penai caile penai hekeutu gage kai lu. Penai caisin paiki ga tet lüt penai pei ze haa lu, penai zu nreu lü pa paaula kebam ngau melu rane. 24Noah ncing dai lü pe na henatube peda ge daipai tei gai bi kecu ci luge, 25pa rang, “Canaan reset pung kelube tei lulo! Pa pe swacingbe kena gu hebaang tei zie. 26Rampaube ze ketwa peu lo, Shem Tinggwang! Canaan Shem baang tei zie. 27Tinggwang ze peu Japheth#9:27. Japheth: Aipau zi de Ibri gade “Kiee si” kecu koa ge nzwa. de tei nkiee beu lo! Pe leuhme ze peu Shem leuhme ze ngngwa lungh lu! Canaan au Japheth baang tei zie.” 28Duinaii cai Noah mmi 350 lungh lu. 29delü mmi 950 dau tsaidi.
Currently Selected:
KENDEU 9: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 9
9
Tinggwang Noah ze Samkakkelu
1 #
Ken. 1:28. Tinggwang Noah nah pe name ze samlam beu eh cu, “Hena kekiee lungh lu, ciciu eh n leuhme kideu pelane reu lungh lu kerane. 2Makaune, nruine, nah heka dung pelane n mye hing eh lungh zie. Penui de n kenkieng kang gage kai beu dida. 3Nang penui de tyei lu buida, nah tsehei nei kendiak de; I n taktyei tei kera cidung pelane ncu peu la. 4Nang tyei kelakbe cai heteih hejai ncüt kecu de; I aide kaamla kedanemene hejai ga kering la kecune. 5Keheibe de mina keringria luupwa di cai pecu saja peu zie. Makaune mina keringria luupwa kedibe de I ketsai le saja peu zie.” 6#Ken. 1:26; Tet. 20:13.Mina ze Tinggwang nzwa tei lu, cine keheibe de mide teitset kecu bede peu mina kedame de pecu teitset tizie.
7 #
Ken. 1:28. “Nang n name kekiee lungh hingh lu, ciciu eh n leuhme kideu pelane reu lungh lu kerane” debeu.
8Tinggwang Noah nah pe name dage rang eh, 9“I cu ncu nah n leuhme ze ngngwa samkak zeuda, 10nah kaungih kengngih pelane de ngngwa nruine pelane, makaune pelane liem gade ncu ngngwa mpet kelu keheibe de. 11Sam aidung de teu I ncu ngngwa samkak la: Madaude kaungih kengngih leune de duinaii gele nkap dai kelak I sampet gaila: madaude duinaii ne kideube de nkap dai lakta. 12I ncu nah kaungih kengngih pelane de ngngwa kelungta samkak kelu rehi gade, 13I a gu mpi ge kemwa gage kai gaila. Cide I hangdeu bede ngngwa samkak kelu rehi ge zie. 14I kemwa teu ting gum lude nah ningnariah ngau kedi dau, 15I nda ge nah makaune pelane dage duinaii ne madaude kaungih kengngih pelane de nkap dai laklie a sam kaikebeu de nsung luzie. 16Ningnariah kemwa ga pet kecu dau, I cide ngau lü kideu reu ga kaungih kengngih pelane anai kak ga samkak kelu de nsung luzie. 17Cide I kaungih kengngih pelane dage a sam pet kebeu rehi deda.”
Noah nah Pe Name
18Noah name liem gade mpet kelume cai Shem, Ham, nah Japheth. (Ham au Canaan pei da.) 19Noah napei hang cum aidung de kideu ga mina leuh pao dung da.
20Noah heta ketaame ge, pa ne kube luh ta raitube da. 21Pa zau kesa sak luge, pa sak miee di, ge pe paini ra di, delü pe paiki ga paaula zeu bam. 22Ham, Canaan pei, pe pei paaula kebam ngau luge, pa hegole pet pe sinabe kena dage ranglia. 23Ge Shem penai Japheth pai ge teu lü cide penai caile penai hekeutu gage kai lu. Penai caisin paiki ga tet lüt penai pei ze haa lu, penai zu nreu lü pa paaula kebam ngau melu rane. 24Noah ncing dai lü pe na henatube peda ge daipai tei gai bi kecu ci luge, 25pa rang, “Canaan reset pung kelube tei lulo! Pa pe swacingbe kena gu hebaang tei zie. 26Rampaube ze ketwa peu lo, Shem Tinggwang! Canaan Shem baang tei zie. 27Tinggwang ze peu Japheth#9:27. Japheth: Aipau zi de Ibri gade “Kiee si” kecu koa ge nzwa. de tei nkiee beu lo! Pe leuhme ze peu Shem leuhme ze ngngwa lungh lu! Canaan au Japheth baang tei zie.” 28Duinaii cai Noah mmi 350 lungh lu. 29delü mmi 950 dau tsaidi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.