KENDEU 4
4
Cain penai Abel
1Pecai Adam pe nau ze ngngwa nauhepei zai tei di, ge pa tetlak di. Pa mipeina gede nna lu eh cu, “Rampaube ngha kebeu gade I mipeina gede ngau luda” dedi. Cine pa pezi Cain#4:1. Cain: Aipau zi de Ibri gade “Ngaukelu” kecu koa ge nzwa. mtak lu. 2Pecai pa mipeina keda ge Abel ze nna dai lu. Abel meurün kekwame ge tei di, dede Cain au heta ketaame ge. 3Matie mene Cain pe luhlüt mei pung gwang lu delü Rampaube ze reca tei beu. 4#Ibr. 11:4.Pecai Abel pe meurün mciu kelu raitube teugwang, teitset lu, delü cide yitube pwa reca tei beu. Rampaube Abel nah pe ratak pesui lu, 5dede pa Cain nah pe reca de gidi. Cain deiga cu di, nah pa pe rata eh zingtip di. 6Ge Rampaube Cain dade rang eh, “Daitei nang n rata lano? Daitei nang deiga ju pungla no? 7Nang petaube tei lulie cai, nang nuirum bam zieda;#4:7. nang nuihrum bam zie; mede I n makai de luu luzie nage. dede nang bata kesia tei kedine, kemau n kimui ga kwa bam. Cide n reu di neu zeu, dede nang cide swa nkieng lu maisia” dedi.
8 #
Mat. 23:35; Luk. 11:51; 1 Jn. 3:12. Pecai Cain pe sinabe Abel dade rang eh, “Anai luh ga mie go”#4:8. Anai renaamkang ga mie go; Ibri ga aipau sam dung de ga. dedi. Penai renaamkang ga lage, Cain pe sinabe lam nreu gwang pecu teitset ti.
9 Rampaube Cain ze keteu eh, “Daiga n sinabe Abel lano?” dedi.
Ge pa keli eh, “I ci ma. I a sinabe ze kekwabe ni?” dedi.
10 #
Ibr. 12:24. Ge Rampaube rang eh, “Nang daitei kehing aide tei di dino? N sinabe jai kideu gade ada ge mra gai bam dida, hequm peei beu lo kecu koa ge nzwa eh. 11Nang reset pung dida nah kideube taatyei si gailak da. Cide n sinabe jai nrob luda nang pecu teitset kegai dau cide luu lu zie lie pe mui ngnga kecu nzwa eh. 12Nang meibang ling zie lie de, kideube magede lungh cu beulak; nang kideu ga n ki ga eh rwapwa kelame gedi zieda” debeu.
13Ge Cain Rampaube dade rang eh, “Saja aide a ziemne whung zu I pung gailak. 14Nang kideube gade acu gwagi di zeu nah nang kebam gade gwagi di zeu. I kideu ga ki gah eh rwapwa kelame gedi zieda, nah acu ngaukelu keheibe de acu teitset ti zieda” dedi.
15Dede Rampaube keli eh, “Lak. Mina keheibe de ncu teitset cai, hequm gade mina sena de luu dai zie” debeu. Cine Rampaube Cain reu gage migede pecu teitset ti helo eh marehi ge kai. 16Ge Cain Rampaube dade tetti delü kideu ge “Rwa kela” ga lungh di, cide Eden tingbangle bam.
Cain Leuhme
17Cain penai pe nau mipeina ge ngau lü pezi Enoch msiak lu. Pecai Cain renam ge tei lu delü cide pe napei zi teu qulu. 18Enoch pe na mipeina ge Irad lungh lu, cipau de Mehujael pei, nah Mehujael pe napei ge bam, pezi Methushael, cipau de Lamech pei. 19Lamech pe nau hang na, Adah penai Zillah. 20Adah Jabal ze nna lu, cipau de hekaune guii nah paiki ga lungh kelame pao.
21Pe sinabe Jubal, cipau de lei tei nah harp nah nrina koa kelame pelane pao. 22Zillah ne Tubal Cain ze nna lu, cipau de hetah goi nah hegoi teu mania leune#4:22. mania leune teila; raukehedet kegwabe ket ga Hegoi ta teikela leune pao. teila. Tubal Cain tipui au Naamah. 23Lamech pe nau kena dage rang eh,
“Adah nah Zillah, a koa kingnei lulo:
I rehangme gede teitset tida kedanemene pa acu tei kecune. 24Cain ze teitset kecune mina hang sena de luu teu di cai,
Acu dapketset me dade au mina 77 ge hequm luu zie.”
Seth penai Enosh
25Adam penai pe nau mipeina keda gede nna lu. Pa rang eh, “Tinggwang Abel, Cain ne teitset kedibe keloi tei kera acu mipeina gede peu da” dedi. Cine pa pezi Seth#4:25. Seth: Aipau zi de Ibri gade “Peu gaida” “kecu koa ge nzwa.” mtak lu. 26Seth pe na mipeina lungh lu, pa pezi Enosh ntak lu. Ciciu eh cipau cai mina dung kereca gade kemci Rampaube zi teu pe bangdua cuh di.
Currently Selected:
KENDEU 4: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 4
4
Cain penai Abel
1Pecai Adam pe nau ze ngngwa nauhepei zai tei di, ge pa tetlak di. Pa mipeina gede nna lu eh cu, “Rampaube ngha kebeu gade I mipeina gede ngau luda” dedi. Cine pa pezi Cain#4:1. Cain: Aipau zi de Ibri gade “Ngaukelu” kecu koa ge nzwa. mtak lu. 2Pecai pa mipeina keda ge Abel ze nna dai lu. Abel meurün kekwame ge tei di, dede Cain au heta ketaame ge. 3Matie mene Cain pe luhlüt mei pung gwang lu delü Rampaube ze reca tei beu. 4#Ibr. 11:4.Pecai Abel pe meurün mciu kelu raitube teugwang, teitset lu, delü cide yitube pwa reca tei beu. Rampaube Abel nah pe ratak pesui lu, 5dede pa Cain nah pe reca de gidi. Cain deiga cu di, nah pa pe rata eh zingtip di. 6Ge Rampaube Cain dade rang eh, “Daitei nang n rata lano? Daitei nang deiga ju pungla no? 7Nang petaube tei lulie cai, nang nuirum bam zieda;#4:7. nang nuihrum bam zie; mede I n makai de luu luzie nage. dede nang bata kesia tei kedine, kemau n kimui ga kwa bam. Cide n reu di neu zeu, dede nang cide swa nkieng lu maisia” dedi.
8 #
Mat. 23:35; Luk. 11:51; 1 Jn. 3:12. Pecai Cain pe sinabe Abel dade rang eh, “Anai luh ga mie go”#4:8. Anai renaamkang ga mie go; Ibri ga aipau sam dung de ga. dedi. Penai renaamkang ga lage, Cain pe sinabe lam nreu gwang pecu teitset ti.
9 Rampaube Cain ze keteu eh, “Daiga n sinabe Abel lano?” dedi.
Ge pa keli eh, “I ci ma. I a sinabe ze kekwabe ni?” dedi.
10 #
Ibr. 12:24. Ge Rampaube rang eh, “Nang daitei kehing aide tei di dino? N sinabe jai kideu gade ada ge mra gai bam dida, hequm peei beu lo kecu koa ge nzwa eh. 11Nang reset pung dida nah kideube taatyei si gailak da. Cide n sinabe jai nrob luda nang pecu teitset kegai dau cide luu lu zie lie pe mui ngnga kecu nzwa eh. 12Nang meibang ling zie lie de, kideube magede lungh cu beulak; nang kideu ga n ki ga eh rwapwa kelame gedi zieda” debeu.
13Ge Cain Rampaube dade rang eh, “Saja aide a ziemne whung zu I pung gailak. 14Nang kideube gade acu gwagi di zeu nah nang kebam gade gwagi di zeu. I kideu ga ki gah eh rwapwa kelame gedi zieda, nah acu ngaukelu keheibe de acu teitset ti zieda” dedi.
15Dede Rampaube keli eh, “Lak. Mina keheibe de ncu teitset cai, hequm gade mina sena de luu dai zie” debeu. Cine Rampaube Cain reu gage migede pecu teitset ti helo eh marehi ge kai. 16Ge Cain Rampaube dade tetti delü kideu ge “Rwa kela” ga lungh di, cide Eden tingbangle bam.
Cain Leuhme
17Cain penai pe nau mipeina ge ngau lü pezi Enoch msiak lu. Pecai Cain renam ge tei lu delü cide pe napei zi teu qulu. 18Enoch pe na mipeina ge Irad lungh lu, cipau de Mehujael pei, nah Mehujael pe napei ge bam, pezi Methushael, cipau de Lamech pei. 19Lamech pe nau hang na, Adah penai Zillah. 20Adah Jabal ze nna lu, cipau de hekaune guii nah paiki ga lungh kelame pao.
21Pe sinabe Jubal, cipau de lei tei nah harp nah nrina koa kelame pelane pao. 22Zillah ne Tubal Cain ze nna lu, cipau de hetah goi nah hegoi teu mania leune#4:22. mania leune teila; raukehedet kegwabe ket ga Hegoi ta teikela leune pao. teila. Tubal Cain tipui au Naamah. 23Lamech pe nau kena dage rang eh,
“Adah nah Zillah, a koa kingnei lulo:
I rehangme gede teitset tida kedanemene pa acu tei kecune. 24Cain ze teitset kecune mina hang sena de luu teu di cai,
Acu dapketset me dade au mina 77 ge hequm luu zie.”
Seth penai Enosh
25Adam penai pe nau mipeina keda gede nna lu. Pa rang eh, “Tinggwang Abel, Cain ne teitset kedibe keloi tei kera acu mipeina gede peu da” dedi. Cine pa pezi Seth#4:25. Seth: Aipau zi de Ibri gade “Peu gaida” “kecu koa ge nzwa.” mtak lu. 26Seth pe na mipeina lungh lu, pa pezi Enosh ntak lu. Ciciu eh cipau cai mina dung kereca gade kemci Rampaube zi teu pe bangdua cuh di.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.