KENDEU 35
35
Tinggwang Bethel gade Jakob ze Samlam kebeu
1 #
Ken. 28:11-17. Tinggwang Jakob dade, “Bethel ga kelwa miecu, delü cika lungh lu. Cika ge recabam ge pwa I, Tinggwang nang n swacingbe Esau dade pak ketet dau ncu peu ngau kegaibe de peu lo” dedi.
2Cine Jakob pe kelak nah pecu ngngwa kela pelane dade cu “Nang sangme rabe dung kebam de keugi dilu; nnui ze tei mci lu delü paici bah lu. 3Anui aika püt ti eh Bethel ga mie zieda, cika de Tinggwang, I a rei tingdau acu ngha nah I kemie leu ga acu ngngwa kelabe, dage recabam ge tei beuzie” dedi. 4Cine penui sangme rabe dung pelane nah penui mlih kela mlih dung pelane pwa Jakob ze peudi. Pa cidung de Shechem tai ga mhu bang kang gage kung di.
5Jakob nah pe name tetcu gaige; namdame da ngngi süt kecu gwang di nah penui penui ze zui ma. 6Jakob pe mina pelane ze ngngwa lü Luz ga gwang lu, Canaan deu ga kebam cide de cu Bethel lie qu la. 7Pa cika ge recabam ge tei lü heni cide de El Bethel lie qulu, kedanemene pa pe swacingbe dade pak kela dau cika de Tinggwang pecu peu ngau kegaine. 8Rebecca kilapui Deborah tsaidi eh pecu pwa Bethel nkangle bie mhu bang kang gage kung di. Cine cipau zi de “Kehap Mhu” lie msiak lu.
9Jakob Mesopotamia gade caili gwang luge, Tinggwang peu pecu ngau gai eh pecu samlam beu. 10#Ken. 32:28.Tinggwang peda ze, “N zi au Jakob, dede cu gade cide Israel di zieda” debeu. Cine Tinggwang pezi Israel msiak beu. 11#Ken. 17:4-8.Nah Tinggwang peda ze, “I au Nkiengtube Tinggwang. N name kekiee lungh lu. Heleuh dung nda ze lungh gwang zie, nah nang hegwangme pao be tei zie. 12I Abraham penai Isaac ze kepeube deu de pwa ncu peu zie, nah I cide n caide pwa n leuhme ze peu zie” debeu. 13Pecai Tinggwang pecu püt ti. 14#Ken. 28:18-19.Cika Tinggwang peda ge marang kecu gage, Jakob kensung tsusum ge sum lu delü zau olive caa pe reu gage rui gai eh cide tei nci lu. 15Pa heni be zi Bethel msiak lu.
Rachel Tsit
16Jakob nah pe kelak Bethel püt ti nah penui Ephrath gade mdei la reu kecune, Rachel nna hi cang gwang di; nah pa keherei ladi. 17Pa pe na tedteei süt ti kecu dau kengha pui cu peda ze, “Ngngi diso, Rachel; cide au mipeina ge” debeu. 18Dede pa tsai lai zeudi, nah pa ngngih tüt kecu dau, pa pe na zi Benoni#35:18. Benoni: Aipau zi de Ibri gade pekieh “A lungrei napei.” msiak lu, dede pe pei pezi Benjamin#35:18. Benjamin: Aipau zi de Ibri gade pekieh “Pe rayi kera napei.” msiak lu.
19Rachel tsai dige, pecu pwa Ephrath lampui kuung gage kung di, cu cide de Bethlehem lie qu bam. 20Jakob cika ge kensung tsusum sum lu, nah cide henai kecang de Rachel rau riet pwabam. 21Jakob mlai si gai eh Eder tsuqoa hegole ge pet pe ramzeuki tei lu.
Jakob Name
(1 Hg. 2:1-2)
22 #
Ken. 49:4. Jakob cipau deu ga lungh kebam dau, Reuben pe pei nau nauseupui hang ge Bilhah ze ngngwa kemmha ta tei di; Jakob cide siu eh pe rata süt ti. Jakob pe name 12 bam.#35:22 Paopai rangswa kela nah perata di; Ibri gade aipau samtie de ga. 23Leah name cai Reuben (Jakob nah cingtu be), Simeon, Levi, Judah, Issachar, nah Zebulun. 24Rachel na kena cai Joseph penai Benjamin. 25Rachel baangpui Bilhah na kena cai Dan penai Naphtali. 26Leah baangpui na kena cai Gad penai Asher. Aipau na dung dede Mesopotamia gade nna lu.
Isaac Tsit
27 #
Ken. 13:18. Jakob Hebron tai Mamre ga, ndaa Abraham penai Isaac kelungh ga, pe pei Isaac da miedi. 28Isaac mmi 180 lungh lü 29cing süt eh tsaidi; nah pena kena Esau penai Jakob pecu kung di.
Currently Selected:
KENDEU 35: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 35
35
Tinggwang Bethel gade Jakob ze Samlam kebeu
1 #
Ken. 28:11-17. Tinggwang Jakob dade, “Bethel ga kelwa miecu, delü cika lungh lu. Cika ge recabam ge pwa I, Tinggwang nang n swacingbe Esau dade pak ketet dau ncu peu ngau kegaibe de peu lo” dedi.
2Cine Jakob pe kelak nah pecu ngngwa kela pelane dade cu “Nang sangme rabe dung kebam de keugi dilu; nnui ze tei mci lu delü paici bah lu. 3Anui aika püt ti eh Bethel ga mie zieda, cika de Tinggwang, I a rei tingdau acu ngha nah I kemie leu ga acu ngngwa kelabe, dage recabam ge tei beuzie” dedi. 4Cine penui sangme rabe dung pelane nah penui mlih kela mlih dung pelane pwa Jakob ze peudi. Pa cidung de Shechem tai ga mhu bang kang gage kung di.
5Jakob nah pe name tetcu gaige; namdame da ngngi süt kecu gwang di nah penui penui ze zui ma. 6Jakob pe mina pelane ze ngngwa lü Luz ga gwang lu, Canaan deu ga kebam cide de cu Bethel lie qu la. 7Pa cika ge recabam ge tei lü heni cide de El Bethel lie qulu, kedanemene pa pe swacingbe dade pak kela dau cika de Tinggwang pecu peu ngau kegaine. 8Rebecca kilapui Deborah tsaidi eh pecu pwa Bethel nkangle bie mhu bang kang gage kung di. Cine cipau zi de “Kehap Mhu” lie msiak lu.
9Jakob Mesopotamia gade caili gwang luge, Tinggwang peu pecu ngau gai eh pecu samlam beu. 10#Ken. 32:28.Tinggwang peda ze, “N zi au Jakob, dede cu gade cide Israel di zieda” debeu. Cine Tinggwang pezi Israel msiak beu. 11#Ken. 17:4-8.Nah Tinggwang peda ze, “I au Nkiengtube Tinggwang. N name kekiee lungh lu. Heleuh dung nda ze lungh gwang zie, nah nang hegwangme pao be tei zie. 12I Abraham penai Isaac ze kepeube deu de pwa ncu peu zie, nah I cide n caide pwa n leuhme ze peu zie” debeu. 13Pecai Tinggwang pecu püt ti. 14#Ken. 28:18-19.Cika Tinggwang peda ge marang kecu gage, Jakob kensung tsusum ge sum lu delü zau olive caa pe reu gage rui gai eh cide tei nci lu. 15Pa heni be zi Bethel msiak lu.
Rachel Tsit
16Jakob nah pe kelak Bethel püt ti nah penui Ephrath gade mdei la reu kecune, Rachel nna hi cang gwang di; nah pa keherei ladi. 17Pa pe na tedteei süt ti kecu dau kengha pui cu peda ze, “Ngngi diso, Rachel; cide au mipeina ge” debeu. 18Dede pa tsai lai zeudi, nah pa ngngih tüt kecu dau, pa pe na zi Benoni#35:18. Benoni: Aipau zi de Ibri gade pekieh “A lungrei napei.” msiak lu, dede pe pei pezi Benjamin#35:18. Benjamin: Aipau zi de Ibri gade pekieh “Pe rayi kera napei.” msiak lu.
19Rachel tsai dige, pecu pwa Ephrath lampui kuung gage kung di, cu cide de Bethlehem lie qu bam. 20Jakob cika ge kensung tsusum sum lu, nah cide henai kecang de Rachel rau riet pwabam. 21Jakob mlai si gai eh Eder tsuqoa hegole ge pet pe ramzeuki tei lu.
Jakob Name
(1 Hg. 2:1-2)
22 #
Ken. 49:4. Jakob cipau deu ga lungh kebam dau, Reuben pe pei nau nauseupui hang ge Bilhah ze ngngwa kemmha ta tei di; Jakob cide siu eh pe rata süt ti. Jakob pe name 12 bam.#35:22 Paopai rangswa kela nah perata di; Ibri gade aipau samtie de ga. 23Leah name cai Reuben (Jakob nah cingtu be), Simeon, Levi, Judah, Issachar, nah Zebulun. 24Rachel na kena cai Joseph penai Benjamin. 25Rachel baangpui Bilhah na kena cai Dan penai Naphtali. 26Leah baangpui na kena cai Gad penai Asher. Aipau na dung dede Mesopotamia gade nna lu.
Isaac Tsit
27 #
Ken. 13:18. Jakob Hebron tai Mamre ga, ndaa Abraham penai Isaac kelungh ga, pe pei Isaac da miedi. 28Isaac mmi 180 lungh lü 29cing süt eh tsaidi; nah pena kena Esau penai Jakob pecu kung di.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.