KHABÊNG 6
6
Mihnyãn Nyũchha Chhihjâ
1 #
Job 1.6; 2.1 Chenthû mihnyãn nyũchha hahtokkhoh ko jat ajâ phûmma, ngãle dihiak chha heh chha rê phûmma, 2rangkhhethung wah hehma wanwantheh ma#6.2, 4 rangkhhethung wah; bã joban heh chha dela chha;bã Joban chha dela chha heh. are dihiak nyũ heh phãngsen khêwah, ephûmma thinma chenko hûn ekah a epa kepwah. 3Ediko Teso ma ngatwah, “Ngãma mihnyãn heh rôantang rôanjêng rãng lahin thuk min; chenrãngma ngãko thin a hẽ angem mihnyãn. Ade phûmma thin a châtheh roaknîî rangpâ nôma ajah lahin tû min.” 4#Rok 13.33Ere sanpoat ko, ngãle edikomĩn, hahtokkhoh wah mihnyãn dihiak nyũ ngãle rangkhhethung wah mihnyãn heh chhũ achha phoangdong jat heh dâng wah. Thin a khhama nâng nyahrãng ahãng lõchãn ngãle dong alõ dâng wah.
5 #
Mt 24.37; Luk 17.26; 1Pet 3.20 Teso ma hahtokkhoh wah mihnyãn nyũchha heh moatlem chhih pa ajahthêm chhihmo lahma khê phûmma, ngãle thin hûng nâng rôantang achhih lôlôjû thonghûn lahma khê phûmma, 6tema mihnyãn pa hôan lakma hahtokkhoh ko lâmôang thîentek ngãma chhih thônghûn wah. Ngãle tema hûngnâng nyahrãng chhih thônghûn wah. 7ngãle tema ngatwah, “Ngãma hôantek mihnyãn heh Ngãma mahsiet rẽ ang, ngãle ngem angah, kupchhãng phãnphe ngãle rangkho wah wõ hehmĩn, chenrãng hôantek a ngãma chhih thonghûn ekãng.” 8Rohkomĩn Teso Noah demnâng asen dâng wah.
Noah
9-10 #
2Pet 2.5
Are heh Noah ngĩnkõng. Tenâng dela chha wãrem dâng wah, Shem, Ham, ngãle Japheth dâng wah. Noah nâng achhih chenni jô ahõ dâng wah, ngãle ate sanpoat ko ate lôlôbã mihnyãn sen dâng wah. Te a Joban demnâng arôam ma sông wah. 11rohkomĩn ahân heh angã ngã Joban mitsok ko achhih tutã dâng wah, ngãle chentô therup nâng buh awat mîn lãnlãn dâng wah. 12Ngãle Joban ma hahtokkhoh ko sû lahma epa chhihkhê wah, chenrãngma ngãko mihnyãn heh phangtang ma moatlem chhih mo lahma tutã khêwah.
13Ngãle Joban ma Noah nâng ngatwah, “Ngãma mihnyãn nyũchha phangtang thhôansiet rãng thẽm ekãng. Ngãma thin phangtang ritphe ang, chenrãngma ngãko hahtokkhoh phangtang buh awat mîn lãnlãn dang ekah. 14Nangrãng ma Gofar bãng wah khhôankho hôan oh. Khhôankho ko mâmâ kûnnoak hôan oh, ngãle epa akhoh akhhen phangtang tiennyek ma doap hut oh. 15Khhôankho pa châ belîî roak bengâ phut ajêng, roak engit phut bengâ akhaa, ngãle roakbelîî phut bengâ achôang hôan oh. 16Khhôankho ko subsub oh#6.16 sub; bã pôngkâ kâsek. ngãle sub ngãle tukthhen chham tungko the chaak echhi inchi eset thîen oh. Epa dêngrem hôan lohma achham ko kâsek hôan oh. 17Ngãma hahtokkhoh wah chentô ahînte jat heh ritphê rãng jodông ma lûmthuk rãng ngãekãng. Hahtokkhoh wah tongtong apa phangtang ritmin. 18Rohkomĩn Ngãma nãng demnâng Tôam esem mîn e. Khhôankho khhenko nang tangnyũ demko nyupwãng oh, nang chha dela chha hehmĩn, ngãle thin tangnyũ hehmĩn siet hû oh. 19-20Thin a ahîn ma dângrãngma nang demko khhôankho ko chentô ngem angah ngãle wõ hehwah anyũ alã sietwên oh. 21Ediko nang demko lirup phhekchhah li hehwah nang rãngmĩn ngãle thin rãngmĩn kepwên oh.” 22#Heb 11.7Joban ma chentô chîentah heh Noah ma moat wah.
Currently Selected:
KHABÊNG 6: Nokte
Highlight
Share
Copy
Want to have your highlights saved across all your devices? Sign up or sign in
The Bible Society of India
KHABÊNG 6
6
Mihnyãn Nyũchha Chhihjâ
1 #
Job 1.6; 2.1 Chenthû mihnyãn nyũchha hahtokkhoh ko jat ajâ phûmma, ngãle dihiak chha heh chha rê phûmma, 2rangkhhethung wah hehma wanwantheh ma#6.2, 4 rangkhhethung wah; bã joban heh chha dela chha;bã Joban chha dela chha heh. are dihiak nyũ heh phãngsen khêwah, ephûmma thinma chenko hûn ekah a epa kepwah. 3Ediko Teso ma ngatwah, “Ngãma mihnyãn heh rôantang rôanjêng rãng lahin thuk min; chenrãngma ngãko thin a hẽ angem mihnyãn. Ade phûmma thin a châtheh roaknîî rangpâ nôma ajah lahin tû min.” 4#Rok 13.33Ere sanpoat ko, ngãle edikomĩn, hahtokkhoh wah mihnyãn dihiak nyũ ngãle rangkhhethung wah mihnyãn heh chhũ achha phoangdong jat heh dâng wah. Thin a khhama nâng nyahrãng ahãng lõchãn ngãle dong alõ dâng wah.
5 #
Mt 24.37; Luk 17.26; 1Pet 3.20 Teso ma hahtokkhoh wah mihnyãn nyũchha heh moatlem chhih pa ajahthêm chhihmo lahma khê phûmma, ngãle thin hûng nâng rôantang achhih lôlôjû thonghûn lahma khê phûmma, 6tema mihnyãn pa hôan lakma hahtokkhoh ko lâmôang thîentek ngãma chhih thônghûn wah. Ngãle tema hûngnâng nyahrãng chhih thônghûn wah. 7ngãle tema ngatwah, “Ngãma hôantek mihnyãn heh Ngãma mahsiet rẽ ang, ngãle ngem angah, kupchhãng phãnphe ngãle rangkho wah wõ hehmĩn, chenrãng hôantek a ngãma chhih thonghûn ekãng.” 8Rohkomĩn Teso Noah demnâng asen dâng wah.
Noah
9-10 #
2Pet 2.5
Are heh Noah ngĩnkõng. Tenâng dela chha wãrem dâng wah, Shem, Ham, ngãle Japheth dâng wah. Noah nâng achhih chenni jô ahõ dâng wah, ngãle ate sanpoat ko ate lôlôbã mihnyãn sen dâng wah. Te a Joban demnâng arôam ma sông wah. 11rohkomĩn ahân heh angã ngã Joban mitsok ko achhih tutã dâng wah, ngãle chentô therup nâng buh awat mîn lãnlãn dâng wah. 12Ngãle Joban ma hahtokkhoh ko sû lahma epa chhihkhê wah, chenrãngma ngãko mihnyãn heh phangtang ma moatlem chhih mo lahma tutã khêwah.
13Ngãle Joban ma Noah nâng ngatwah, “Ngãma mihnyãn nyũchha phangtang thhôansiet rãng thẽm ekãng. Ngãma thin phangtang ritphe ang, chenrãngma ngãko hahtokkhoh phangtang buh awat mîn lãnlãn dang ekah. 14Nangrãng ma Gofar bãng wah khhôankho hôan oh. Khhôankho ko mâmâ kûnnoak hôan oh, ngãle epa akhoh akhhen phangtang tiennyek ma doap hut oh. 15Khhôankho pa châ belîî roak bengâ phut ajêng, roak engit phut bengâ akhaa, ngãle roakbelîî phut bengâ achôang hôan oh. 16Khhôankho ko subsub oh#6.16 sub; bã pôngkâ kâsek. ngãle sub ngãle tukthhen chham tungko the chaak echhi inchi eset thîen oh. Epa dêngrem hôan lohma achham ko kâsek hôan oh. 17Ngãma hahtokkhoh wah chentô ahînte jat heh ritphê rãng jodông ma lûmthuk rãng ngãekãng. Hahtokkhoh wah tongtong apa phangtang ritmin. 18Rohkomĩn Ngãma nãng demnâng Tôam esem mîn e. Khhôankho khhenko nang tangnyũ demko nyupwãng oh, nang chha dela chha hehmĩn, ngãle thin tangnyũ hehmĩn siet hû oh. 19-20Thin a ahîn ma dângrãngma nang demko khhôankho ko chentô ngem angah ngãle wõ hehwah anyũ alã sietwên oh. 21Ediko nang demko lirup phhekchhah li hehwah nang rãngmĩn ngãle thin rãngmĩn kepwên oh.” 22#Heb 11.7Joban ma chentô chîentah heh Noah ma moat wah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India