KHABÊNG 4
4
Cain Ngãle Abel
1Adam ma ate tangnyũ demnâng rôamjup wah, ngãle ephûmma tema naawûn wah. Tema dela chha chha lahma ngatwah, “Teso ma chohsû lahma Ngãma dela chha lâchoh tek.” Ephûmma tema Cain#4.1 Cain: Are mîn pa Hebrew jabnâng “achoh” ngãma ngatwah rãngrãng dang ekah ngãma mînwah. 2Ediko mĩn tema dela chha Abel wîenchhat wah. Phûmma Abel a saaksokte dâng wah, ngãle Cain a pitmoatte dâng wah. 3Poattheh diko Cain ma pitwah hõngmo ekah kowah Teso nâng joaprãng kohhok wah. 4#Heb 11.4 Ediko Abel mamĩn ate saak ma khhabâng chhatah pa kohhok wah, ngãle joat lahmamĩn ngemchhup chhupsen thhôan pa kohwah. Phûmma Teso pa Abel ngãle tema kohhû ekah demko hûngsên wah, 5Rohkomĩn tema Cain ngãle tema kohhû ekah ko senchoh hõ. Ephûmma Cain nyahrãng rĩnkhah wah, ngãle ate thhen phãng pa litjâ rẽ lahma hûngkê wah. 6Ephûmma Teso ma Cain nâng ngatwah, “Nang rĩn chenrãng khah eko a? ngãle nang thhen phãng chenrãng litjâ eko a? 7Nangma asenli moat ngãko, nanga angit chenrẽ toh;#4.7 nanga angit chenrẽ toh; bã Nangma joap eko pa Ngãma chentha tih. rohkomĩn nangma kaam chhih moat phûmma, pap pa nang kâsek thong ko hûerah. Epa nangkhoh ko pênhûn ehoh, rohkomĩn nangma epa jîenmin.”
8 #
Mt 23.35; Luk 11.51; 1Jhn 3.12 Ediko Cain ma ate naa Abel nâng ngatwah, “Khâ pit nângkã e.”#4.8 Khhama nâng litraang wah wanwantheh nâng Pit nâng phõangkã e;Hebrew nâng are jabkhab pa hõ. Chenthû thin a pit nâng dângpoat ko, Cain ma ate naa nâng wat lahma ritphê wah.
9Ediko Teso ma Cain nâng chhîen wah, “Nangnaa Abel chenko a?”
Tema dânthâng wah, “Ngãma jetmek; Ngã a Ngãnaa sok arête nẽ?”
10 #
Heb 12.24
Ediko Teso ma ngatwah, “Nangma are chêli moatlem pa chenrãng mo eko a? Hah kowah nangnaa hẽ pumma Ngãnâng phuhlit kepte roat rãngrãng dang lahma rakroo ehang. 11Nangma Ngãma tem athoak ekãng chêm pa echoh oh, ngãle nangma pit lata mochhah tû min. Chenthû nangma nang naa ritphetoh ko, hah pumma thunkâ lahma nang naa hẽ tângjok wah. 12Nangma tõ achhah makhiet oko, hah ma chenjô lasen dongthuk min; nanga hahkhoko hum ahah hõma phôang môangte dângmin.”
13Ngãle Cain ma Teso nâng ngatwah, “Ngãnâng are chêmthuk ehang pa Ngãma lata thatô koh ehang. 14Nangma Ngã hahkho kowah, ngãle nang demwah jûnlõ ehang. Ngã a hahkhoko hum ahah hõma phôang môangte edangang, ngãle hẽnma Ngã khẽ ehanga epumma eritphe hang.”
15Phûmma Teso ma dânthâng wah, “Eroh dangmah! hẽnma komĩn nang maritphe hoko, tenâng dep engit phuhlit kepmin.” Ephûmma Teso ma angã ngãma jet lahma laritphe rãng Cain nâng mãnhôan wah. 16Ngãle Cain Teso tâwah chhõan lahma Eden penrĩ thong rãngma sankat nge nâng “Phôang khhôam,” ngãma mîn ekah theko sôngwâng wah.
Cain Chhũ Achha Heh
17Cain ngãle ate tangnyũ nîîma dela chha chha lahma Enoch ngãma mînwah. Ediko Cain pa hahdaang hôan lahma ere hahdaang mîn pa ate chha mîn pa kohwah. 18Enoch ma Irad chhat wah, ngãle Irad a Mehujail wã, ngãle Mehujail a Methusail wã, ngãle Methusail a Lamech wã. 19Ngãle Lamech ma tangnyũ wãnîî kepwah. Wãtheh mîn pa Ada, ngãle hân wãtheh mîn pa Zila. 20Adah ma Jabal chhat wah; te a Tembuhum nâng sõng lahma nyem achhah pêmte heh wã. 21Ate phõ mîn pa Jabul; te a chentô jat nongtêmte ngãle harp ediko pũpe mette jat heh wã. 22Zillah mamĩn Tubal Cain chhat wah, tema chentô jat dẽng apah chhahkhem#4.22 tema chentô jat dẽng apah chhahkhem heh hôan wah; khhama nâng litraang wah wantheh nâng chentô jaan aman wah chhahkhem hôante heh te awã. heh jaanmien ngãle jaanwah hôan wah. Tubal Cain naa dihiak nyã pa Naamah dâng wah.
23Lamech ma ate tangnyũ nâng ngatwah,
“Adah ngãle Zillah, Ngãnâng jetattan hah:
Ngãma paangmih phõ ritphetek chenrãngma ngãko tema Ngãnâng wat ehang.
24 #
Mt 18.22
Cain ritphê dĩ wãengit litritphê min madang ako,
Hẽnma Ngã ritphe ehanga ekowah roak engit wãengit litritphê min.”
Seth Ngãle Enosh
25Adam ngãle ate tangnyũ nîîma dela chha ahân mĩn chhat wah. Tema ngatwah, “Cain ma ritphetah Abel litko Joban ma ngãnâng dela chha koh ehang.” Ephûmma tema Seth#4.25 Seth: Are mîn pa Hebrew jabnâng “akoh” ngãma ngatwah rãngrãng dang ekah. ngãma mînwah. 26Seth ma dela chha chha lahma tema Enos mînwah. Ere sanpoat phûmma mihnyãn hehma rangsôam ko Teso toangtang mîn pa kepwah.
Currently Selected:
KHABÊNG 4: Nokte
Highlight
Share
Copy
Want to have your highlights saved across all your devices? Sign up or sign in
The Bible Society of India
KHABÊNG 4
4
Cain Ngãle Abel
1Adam ma ate tangnyũ demnâng rôamjup wah, ngãle ephûmma tema naawûn wah. Tema dela chha chha lahma ngatwah, “Teso ma chohsû lahma Ngãma dela chha lâchoh tek.” Ephûmma tema Cain#4.1 Cain: Are mîn pa Hebrew jabnâng “achoh” ngãma ngatwah rãngrãng dang ekah ngãma mînwah. 2Ediko mĩn tema dela chha Abel wîenchhat wah. Phûmma Abel a saaksokte dâng wah, ngãle Cain a pitmoatte dâng wah. 3Poattheh diko Cain ma pitwah hõngmo ekah kowah Teso nâng joaprãng kohhok wah. 4#Heb 11.4 Ediko Abel mamĩn ate saak ma khhabâng chhatah pa kohhok wah, ngãle joat lahmamĩn ngemchhup chhupsen thhôan pa kohwah. Phûmma Teso pa Abel ngãle tema kohhû ekah demko hûngsên wah, 5Rohkomĩn tema Cain ngãle tema kohhû ekah ko senchoh hõ. Ephûmma Cain nyahrãng rĩnkhah wah, ngãle ate thhen phãng pa litjâ rẽ lahma hûngkê wah. 6Ephûmma Teso ma Cain nâng ngatwah, “Nang rĩn chenrãng khah eko a? ngãle nang thhen phãng chenrãng litjâ eko a? 7Nangma asenli moat ngãko, nanga angit chenrẽ toh;#4.7 nanga angit chenrẽ toh; bã Nangma joap eko pa Ngãma chentha tih. rohkomĩn nangma kaam chhih moat phûmma, pap pa nang kâsek thong ko hûerah. Epa nangkhoh ko pênhûn ehoh, rohkomĩn nangma epa jîenmin.”
8 #
Mt 23.35; Luk 11.51; 1Jhn 3.12 Ediko Cain ma ate naa Abel nâng ngatwah, “Khâ pit nângkã e.”#4.8 Khhama nâng litraang wah wanwantheh nâng Pit nâng phõangkã e;Hebrew nâng are jabkhab pa hõ. Chenthû thin a pit nâng dângpoat ko, Cain ma ate naa nâng wat lahma ritphê wah.
9Ediko Teso ma Cain nâng chhîen wah, “Nangnaa Abel chenko a?”
Tema dânthâng wah, “Ngãma jetmek; Ngã a Ngãnaa sok arête nẽ?”
10 #
Heb 12.24
Ediko Teso ma ngatwah, “Nangma are chêli moatlem pa chenrãng mo eko a? Hah kowah nangnaa hẽ pumma Ngãnâng phuhlit kepte roat rãngrãng dang lahma rakroo ehang. 11Nangma Ngãma tem athoak ekãng chêm pa echoh oh, ngãle nangma pit lata mochhah tû min. Chenthû nangma nang naa ritphetoh ko, hah pumma thunkâ lahma nang naa hẽ tângjok wah. 12Nangma tõ achhah makhiet oko, hah ma chenjô lasen dongthuk min; nanga hahkhoko hum ahah hõma phôang môangte dângmin.”
13Ngãle Cain ma Teso nâng ngatwah, “Ngãnâng are chêmthuk ehang pa Ngãma lata thatô koh ehang. 14Nangma Ngã hahkho kowah, ngãle nang demwah jûnlõ ehang. Ngã a hahkhoko hum ahah hõma phôang môangte edangang, ngãle hẽnma Ngã khẽ ehanga epumma eritphe hang.”
15Phûmma Teso ma dânthâng wah, “Eroh dangmah! hẽnma komĩn nang maritphe hoko, tenâng dep engit phuhlit kepmin.” Ephûmma Teso ma angã ngãma jet lahma laritphe rãng Cain nâng mãnhôan wah. 16Ngãle Cain Teso tâwah chhõan lahma Eden penrĩ thong rãngma sankat nge nâng “Phôang khhôam,” ngãma mîn ekah theko sôngwâng wah.
Cain Chhũ Achha Heh
17Cain ngãle ate tangnyũ nîîma dela chha chha lahma Enoch ngãma mînwah. Ediko Cain pa hahdaang hôan lahma ere hahdaang mîn pa ate chha mîn pa kohwah. 18Enoch ma Irad chhat wah, ngãle Irad a Mehujail wã, ngãle Mehujail a Methusail wã, ngãle Methusail a Lamech wã. 19Ngãle Lamech ma tangnyũ wãnîî kepwah. Wãtheh mîn pa Ada, ngãle hân wãtheh mîn pa Zila. 20Adah ma Jabal chhat wah; te a Tembuhum nâng sõng lahma nyem achhah pêmte heh wã. 21Ate phõ mîn pa Jabul; te a chentô jat nongtêmte ngãle harp ediko pũpe mette jat heh wã. 22Zillah mamĩn Tubal Cain chhat wah, tema chentô jat dẽng apah chhahkhem#4.22 tema chentô jat dẽng apah chhahkhem heh hôan wah; khhama nâng litraang wah wantheh nâng chentô jaan aman wah chhahkhem hôante heh te awã. heh jaanmien ngãle jaanwah hôan wah. Tubal Cain naa dihiak nyã pa Naamah dâng wah.
23Lamech ma ate tangnyũ nâng ngatwah,
“Adah ngãle Zillah, Ngãnâng jetattan hah:
Ngãma paangmih phõ ritphetek chenrãngma ngãko tema Ngãnâng wat ehang.
24 #
Mt 18.22
Cain ritphê dĩ wãengit litritphê min madang ako,
Hẽnma Ngã ritphe ehanga ekowah roak engit wãengit litritphê min.”
Seth Ngãle Enosh
25Adam ngãle ate tangnyũ nîîma dela chha ahân mĩn chhat wah. Tema ngatwah, “Cain ma ritphetah Abel litko Joban ma ngãnâng dela chha koh ehang.” Ephûmma tema Seth#4.25 Seth: Are mîn pa Hebrew jabnâng “akoh” ngãma ngatwah rãngrãng dang ekah. ngãma mînwah. 26Seth ma dela chha chha lahma tema Enos mînwah. Ere sanpoat phûmma mihnyãn hehma rangsôam ko Teso toangtang mîn pa kepwah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India