MARK 7
7
Reetirewaz Aru Hukum
1Tetiya Pharisees khan he Jerusalem pora ahha konuba pondit khan logot te jama kori kene Jisu usor te ahhise, 2tarkhan pora Jisu laga chella khan haat letra hoi kene khua dekhise, mane haat nadhulai kene khua. 3(Kilemane Pharisees aru Jews khan para haat safa nakori kene ketiya bhi nakhai, eitu Jews laga reetirewaz niyom rakhibo nimite hoise; 4aru ketiya bazar pora ahhe, safa kora dhorom niyom te taikhan nijor safa nakori kene nakhai; aru dusera eneka niyom besi taikhan pora palon kori thakise, matlab bati safa kora, deksi safa kora, aru pitol laga deksi khan safa kora). 5Tetiya Pharisees aru pondit khan pora Tar ke hudise, “Tumi laga chella khan pora Jews laga reetirewaz niyom nisna kile nathake, kintu haat letra pora khai ase?” 6Aru Tar pora taikhan ke koise, “Likhi kene thaka nisna, tumi kopotiya khan nimite he Isaiah bhavobadi pora thik bhavobani dise,
“‘Eitu manuh khan he taikhan mukh pora moi ke sonman kori ase,
kintu taikhan laga mon tu moi pora dur te ase;
7lab nathaka te taikhan pora moi ke aradhana kori ase,
manuh khan pora bonai thaka niyom he hastro eneka sikhai ase.’
8Tumikhan pora Isor laga hukum shari kene manuh khan laga reetirewaz tu he bhall pora dhorise.”
9Aru Tar pora taikhan ke koise, “Isor laga hukum tiyag kori di kene nijor laga reetirewaz palon koribole tumikhan raasta bhall bonai kene ase! 10Kilemane Moses pora koise, ‘Amaa baba ke sonman koribi’; aru ‘kon he amaa baba ke beya kotha koi, eitu manuh tu hosa bhi morai dibo’; 11Kintu tumikhan pora koi ase, ‘Jodi manuh ekjon pora amaa baba ke koi, moi pora ki madad apuni pabole ase, eitu Isor nimite dise’ (Corban, eitu Isor logot te diya)— 12Tetiya tumikhan pora koi, eitu manuh pora amaa baba ke madad nakorile bhi eku nahoi, 13Teneka Jews laga reetirewaz niyom, ki tumikhan pora palon kori ahhise, eitu nimite Isor laga hukum tu kam nathaka nisna kori di ase. Aru eitu nisna besi tumikhan pora kori ase.”
Ki Pora Ekjon Ke Letra Kore
14Tetiya Tar usor te manuh khan arubhi mati kene taikhan logot te koise, “tumikhan sob pora moi ke hunibi, aru buji lobi: 15ki bahar pora pet bhitor te jai eitu pora manuh ekjon ke letra nakore; kintu ki mon bhitor pora bahar te ulai ahhe, eitu pora he letra kore.”#7:15 based text te v. 16 tu likha nai 17Aru ketiya Tar manuh khan ke shari dise, aru ghor bhitor te humai jaise, Tar laga chella khan pora eitu dristanto laga ortho nimite hudise. 18Aru Tar he tarkhan ke koise, “Tetiya tumikhan bhi bujibole gyan nai neki? Manuh ekjon karne bahar pora ki pet bhitor te humai jai, eitu pora tai ke letra nakore, eitu tumikhan pora najane? 19Kilemane eitu mon napongche, kintu pet te he jai, aru eitu nisna ulai jai?” (Eitu nisna, khua lua bostu sob safa he ase eneka Tar pora koise.) 20Aru Tar he koise, “Manuh ekjon pora ki ulai ahhe, eitu pora he manuh ke letra kori diye. 21Kilemane bhitor pora he manuh ekjon laga mon te beya bhabna sob ulai, beisa, choor kora, manuh morai diya, biyobichar, 22dusera laga bostu lalos kora, beya kam, thogai diya, gau-mangso-itcha kora, dusera nisna hobole itcha hua, dusera ke bodnam diya, phutani, okora kam. 23Eitu beya kam sob bhitor pora ahhe, aru eitu khan pora he ekjon ke letra kore.”
Syrophoenicia Tiruta Ekjoni Laga Biswas
24Aru tate pora Tar uthi kene Tyre aru Sidon nagor te jaise. Aru Tar ekta ghor te humaise, aru konu manuh logot te bhi janai dibole monn thaka nai, kintu eneka lukabole para nai. 25Kintu loge loge mahila ekjoni, kon laga sowali bhut pora dhori thakise, tai Jisu ahha tu hunise, aru ahhi kene Jisu laga theng te athukarhi loise. 26Tetiya eitu Syrophoenician te jonom hua, porjati mahila ekjoni thakise. Aru tai laga sowali logot te thaka bhut tu khedai dibole Jisu ke onurudh korise. 27Aru Jisu he tai ke koise, “Bacha khan ke pahila khabole dibi, kilemane taikhan laga khua lua loi kene kukur khan ke diya tu thik nahoi.” 28Kintu tai pora Jisu ke uttar dise, “Hoi, Prabhu; kintu kukur pora bhi mez laga niche te bacha khan pora girai diya tukura tukuri tu khabo pare.” 29Aru Jisu he tai ke koise, “Tumi eneka kua karne, etiya tumi nijor raasta te jabo pare; ohusi atma pora tumi laga sowali ke sharise.” 30Aru tai ghor te jaise, aru bacha tu ohusi atma pora shari kene, charpai te ghumai kene paise.
Kan Benga Ekjon Jisu He Hustho Kora
31Tetiya Tyre nagor para Tar ghurai ahhise aru Sidon nagor par kori kene Galilee samundor phale Decapolis jaga te jaise. 32Aru taikhan pora kan benga aru buba ekjon anise, aru eitu manuh upor te haat pora chubole taikhan pora Jisu ke onurudh korise. 33Aru jama kori thaka manuh khan majot pora eitu manuh ke alag jaga te loi jaise aru tar laga kan te anguli humai di kene Tar laga thuk lagaise aru jiva te chuise; 34aru sorgo phale sai kene eitu manuh ke koise, “Ephphatha,” eitu mane, “Khuli jabi.” 35Aru eitu manuh laga kan aru jiva bhi khulise aru kotha thik kobole parise. 36Aru kon ke bhi nakobole Jisu he taikhan ke mana korise; kintu mana korile bhi khobor tu besi he janai dise. 37Aru taikhan nijor he bujibo napara asorit paise, aru koise, “Tar kora kam sob tu bhall he kore ase, kan benga bhi huni bole dise, aru jiva beya bhi kotha kobole dise.”
Currently Selected:
MARK 7: NagaMe
Highlight
Share
Copy
Want to have your highlights saved across all your devices? Sign up or sign in
© 2014, The Bible Society of India
All rights reserved.
MARK 7
7
Reetirewaz Aru Hukum
1Tetiya Pharisees khan he Jerusalem pora ahha konuba pondit khan logot te jama kori kene Jisu usor te ahhise, 2tarkhan pora Jisu laga chella khan haat letra hoi kene khua dekhise, mane haat nadhulai kene khua. 3(Kilemane Pharisees aru Jews khan para haat safa nakori kene ketiya bhi nakhai, eitu Jews laga reetirewaz niyom rakhibo nimite hoise; 4aru ketiya bazar pora ahhe, safa kora dhorom niyom te taikhan nijor safa nakori kene nakhai; aru dusera eneka niyom besi taikhan pora palon kori thakise, matlab bati safa kora, deksi safa kora, aru pitol laga deksi khan safa kora). 5Tetiya Pharisees aru pondit khan pora Tar ke hudise, “Tumi laga chella khan pora Jews laga reetirewaz niyom nisna kile nathake, kintu haat letra pora khai ase?” 6Aru Tar pora taikhan ke koise, “Likhi kene thaka nisna, tumi kopotiya khan nimite he Isaiah bhavobadi pora thik bhavobani dise,
“‘Eitu manuh khan he taikhan mukh pora moi ke sonman kori ase,
kintu taikhan laga mon tu moi pora dur te ase;
7lab nathaka te taikhan pora moi ke aradhana kori ase,
manuh khan pora bonai thaka niyom he hastro eneka sikhai ase.’
8Tumikhan pora Isor laga hukum shari kene manuh khan laga reetirewaz tu he bhall pora dhorise.”
9Aru Tar pora taikhan ke koise, “Isor laga hukum tiyag kori di kene nijor laga reetirewaz palon koribole tumikhan raasta bhall bonai kene ase! 10Kilemane Moses pora koise, ‘Amaa baba ke sonman koribi’; aru ‘kon he amaa baba ke beya kotha koi, eitu manuh tu hosa bhi morai dibo’; 11Kintu tumikhan pora koi ase, ‘Jodi manuh ekjon pora amaa baba ke koi, moi pora ki madad apuni pabole ase, eitu Isor nimite dise’ (Corban, eitu Isor logot te diya)— 12Tetiya tumikhan pora koi, eitu manuh pora amaa baba ke madad nakorile bhi eku nahoi, 13Teneka Jews laga reetirewaz niyom, ki tumikhan pora palon kori ahhise, eitu nimite Isor laga hukum tu kam nathaka nisna kori di ase. Aru eitu nisna besi tumikhan pora kori ase.”
Ki Pora Ekjon Ke Letra Kore
14Tetiya Tar usor te manuh khan arubhi mati kene taikhan logot te koise, “tumikhan sob pora moi ke hunibi, aru buji lobi: 15ki bahar pora pet bhitor te jai eitu pora manuh ekjon ke letra nakore; kintu ki mon bhitor pora bahar te ulai ahhe, eitu pora he letra kore.”#7:15 based text te v. 16 tu likha nai 17Aru ketiya Tar manuh khan ke shari dise, aru ghor bhitor te humai jaise, Tar laga chella khan pora eitu dristanto laga ortho nimite hudise. 18Aru Tar he tarkhan ke koise, “Tetiya tumikhan bhi bujibole gyan nai neki? Manuh ekjon karne bahar pora ki pet bhitor te humai jai, eitu pora tai ke letra nakore, eitu tumikhan pora najane? 19Kilemane eitu mon napongche, kintu pet te he jai, aru eitu nisna ulai jai?” (Eitu nisna, khua lua bostu sob safa he ase eneka Tar pora koise.) 20Aru Tar he koise, “Manuh ekjon pora ki ulai ahhe, eitu pora he manuh ke letra kori diye. 21Kilemane bhitor pora he manuh ekjon laga mon te beya bhabna sob ulai, beisa, choor kora, manuh morai diya, biyobichar, 22dusera laga bostu lalos kora, beya kam, thogai diya, gau-mangso-itcha kora, dusera nisna hobole itcha hua, dusera ke bodnam diya, phutani, okora kam. 23Eitu beya kam sob bhitor pora ahhe, aru eitu khan pora he ekjon ke letra kore.”
Syrophoenicia Tiruta Ekjoni Laga Biswas
24Aru tate pora Tar uthi kene Tyre aru Sidon nagor te jaise. Aru Tar ekta ghor te humaise, aru konu manuh logot te bhi janai dibole monn thaka nai, kintu eneka lukabole para nai. 25Kintu loge loge mahila ekjoni, kon laga sowali bhut pora dhori thakise, tai Jisu ahha tu hunise, aru ahhi kene Jisu laga theng te athukarhi loise. 26Tetiya eitu Syrophoenician te jonom hua, porjati mahila ekjoni thakise. Aru tai laga sowali logot te thaka bhut tu khedai dibole Jisu ke onurudh korise. 27Aru Jisu he tai ke koise, “Bacha khan ke pahila khabole dibi, kilemane taikhan laga khua lua loi kene kukur khan ke diya tu thik nahoi.” 28Kintu tai pora Jisu ke uttar dise, “Hoi, Prabhu; kintu kukur pora bhi mez laga niche te bacha khan pora girai diya tukura tukuri tu khabo pare.” 29Aru Jisu he tai ke koise, “Tumi eneka kua karne, etiya tumi nijor raasta te jabo pare; ohusi atma pora tumi laga sowali ke sharise.” 30Aru tai ghor te jaise, aru bacha tu ohusi atma pora shari kene, charpai te ghumai kene paise.
Kan Benga Ekjon Jisu He Hustho Kora
31Tetiya Tyre nagor para Tar ghurai ahhise aru Sidon nagor par kori kene Galilee samundor phale Decapolis jaga te jaise. 32Aru taikhan pora kan benga aru buba ekjon anise, aru eitu manuh upor te haat pora chubole taikhan pora Jisu ke onurudh korise. 33Aru jama kori thaka manuh khan majot pora eitu manuh ke alag jaga te loi jaise aru tar laga kan te anguli humai di kene Tar laga thuk lagaise aru jiva te chuise; 34aru sorgo phale sai kene eitu manuh ke koise, “Ephphatha,” eitu mane, “Khuli jabi.” 35Aru eitu manuh laga kan aru jiva bhi khulise aru kotha thik kobole parise. 36Aru kon ke bhi nakobole Jisu he taikhan ke mana korise; kintu mana korile bhi khobor tu besi he janai dise. 37Aru taikhan nijor he bujibo napara asorit paise, aru koise, “Tar kora kam sob tu bhall he kore ase, kan benga bhi huni bole dise, aru jiva beya bhi kotha kobole dise.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, The Bible Society of India
All rights reserved.