MARK 5
5
Jisu He Ohusi Atma Pora Dhori Thaka Manuh Hustho Kora
1Taikhan samundor dusera jaga phale pongchise, eitu Gerasenes nagor thakise. 2Aru ketiya Jisu nao pora ulai ahhise, loge loge letra ohusi atma thaka manuh ekjon koborsthan pora ulai ahhi kene log korise. 3Kon koborsthan majote he thakise. Aru konu manuh pora bhi tar ke bandhibole para nai, luha rosi pora bhi para nai, 4kilemane tar ke luha rosi aru dusera rosi pora bandhise, kintu eitu khan bhi tar pora tukura kori kene bhangai diye. Konu manuh pora bhi tar ke dhoribole tagot thaka nai. 5Raati-din sob koborsthan majote thakise aru pahar jaga te kandi kene, pathor pora tar nijor gau te kati thakise. 6Aru dur pora ketiya tar he Jisu ke dekhise, tar polai ahhi kene Tar aage te athukarhi kene korise. 7Aru dangor awaz di kene, tar he koise, “Mahan Isor laga Putro Jisu, Apuni moi logot ki koribole ase? Moi Isor laga nam te koi ase, moi ke dukh nadibi.” 8Kilemane Jisu he tar ke koi thakise, “Tumi letra ohusi atma, eitu manuh pora ulai jabi!” 9Aru Jisu he tar ke hudise, “Tumar nam ki ase?” Tar he koise, “Moi laga nam tu Legion ase; kilemane amikhan besi ase.” 10Aru eitu jaga pora dusera te taikhan ke napathabole Jisu ke besi onurudh kori koise. 11Eitu homoi te pahar jaga phale gahuri besi palli thakise, 12aru taikhan pora onurudh korise, “amikhan ke eitu gahuri khan majot te ghusibole pathai dibi.” 13Eitu karne Jisu he taikhan ke jabole dise. Aru ohusi atma tu ulai kene, gahuri khan logote ghusi jaise; aru gahuri dui hazar nisna rangkhang phale polai jai kene samundor paani te dhubise.
14Gahuri roikhya kora khan tu polai jaise, aru khobor tu nagor aru sohor sob te koise. Aru ki hoise eitu sabole manuh khan sob ulai ahhise. 15Aru taikhan sob Jisu usor te ahhise, aru tate ohusi atma thaka manuh, kon logot te legion thakise, eitu manuh bhi kapoor pindhi kene, aru mon-mogos thik hoi kene bohi thakise, aru taikhan sob bhoi lagise. 16Aru kon he dekhise taikhan pora ohusi atma thaka manuh aru gahuri khan logote ki hoise, eitu kotha manuh khan ke koise. 17Aru taikhan jaga pora jai jabole Jisu ke onurudh korise. 18Aru Tar nao te bohi bole jua homoi te bhut pora dhori kene thaka manuh Jisu logote jabole onurudh korise. 19Kintu Tar he mana kori kene koise, “Tumi laga saathi khan logot te ghor te jabi, aru Prabhu pora tumi karne kiman kam korise aru doya dekhaise eitu kobi.” 20Aru tar jai kene Jisu pora kiman dangor kam korise eitu khobor tu janai dibole Decapolis pora shuru hoise, aru manuh khan sob pora asorit lagise.
Jisu He Tiruta Ekjoni aru Jairus Laga Sowali Hustho Kora
21Aru ketiya Jisu he nao te samundor par hoi kene dusera jaga phale pongchise, besi manuh Tar usor te jama korise; aru Tar samundor usor te thakise. 22Tetiya girja ghor laga sasonkorta majot te ekjon, Jairus thakise; tar he Jisu ke dekhi kene, Tar laga theng te athukarhise 23aru Tar ke onurudh kori, koise, “Moi laga sobse huru sowali tu moribole homoi pongchise. Ahhibi, Apuni laga haat pora tai logot te chui dibi tetiya tai bhall hobo aru jinda thakibo.” 24Tetiya Jisu he tar logot te jaise.
Aru besi manuh jama kori kene Tar usor te ahhise. 25Aru tate baroh saal khoon jai kene bemar hoi thaka tiruta ekjoni thakise, 26aru besi doctor logot te sikisa kori kene, tai laga sampoti sob khorcha holebhi bhall hua nai, kintu besi beya he hoi jaise. 27Tai pora Jisu laga khobor tu hunise, aru manuh khan majot pora Jisu laga piche te ahhi kene Tar laga kapoor te chuise. 28Kilemane tai koise, “Jodi Tar laga kapoor te holebhi chui dile moi bhall hoi jabo.” 29Aru loge loge khoon jua tu rukhi jaise; tetiya tai laga gau te bemar tu hustho hoise eneka jani loise. 30Aru Jisu he, Tar pora shakti jua tu jani loise, aru loge loge jama kori thaka manuh khan phale ghurai kene koise, “Kon pora Moi laga kapoor te chuise?” 31Aru Tar laga chella khan pora Tar ke koise, “Sob phale jama kori thaka manuh khan pora Apuni ke dhakai ase, kintu Apuni koi ase, ‘Kon pora Moi ke chuise?’” 32Aru kon pora chuise eitu janibole Jisu he sob phale saise. 33Kintu eitu tiruta he tai logot te ki hoise eitu jani kene, bhoi pora kapi-kapi kene Jisu usor te athukarhise, aru hosa khisa sob tu koi dise. 34Aru Jisu he tai ke koise, “Putri, tumar biswas pora tumi hustho hoise; shanti te jabi, aru tumar bemar pora bhall hoi kene thakibi.”
35Ketiya Jisu kotha koi thakise, eitu sasonkorta laga ghor pora konuba manuh ahhi kene koise, “Apuni laga sowali tu mori jaise. Etiya Guru ke kile dukh dibo?” 36Kintu taikhan pora ki koise, eitu ene nahuni kene, Jisu he girja ghor laga sasonkorta ke koise, “Bhoi nakoribi, biswas he koribi.” 37Aru Jisu pora kon bhi ahhibole diya nai, khali Peter, James aru James laga bhai John he loi jaise. 38Ketiya tarkhan girja ghor laga sasonkorta ghor te ahhise, Jisu he hala-gula sob tu hunise, aru manuh khan mon dukh hoi kene jur pora kanda sob dekhise. 39Aru ketiya Tar ghor te humai jaise, Jisu he taikhan ke koise, “Ki nimite eneka hala-gula kori kene kandi ase? Bacha tu mora nai kintu ghumai ase.” 40Aru taikhan pora Jisu ke hangsai dise. Kintu Jisu he manuh khan sob tu bahar te ulabole dise, aru bacha laga amaa-baba aru Tar logot te thaka chella khan ke he loi kene, bacha thaka jaga te jaise. 41Sowali laga haat te dhori kene Jisu he koise, “Talitha Cumi;” eitu ortho hoise, “Huru sowali, Moi tumi ke koi ase, uthibi.” 42Aru loge loge sowali tu uthise aru beraise (tai laga umor tu baroh saal thakise) aru loge loge asorit pora manuh khan mon bhorta hoise. 43Aru Jisu he tan hukum di kene, kon ke bhi eitu janibole nadibi eneka taikhan ke koise aru sowali logot te kiba ekta khilai dibole koise.
Currently Selected:
MARK 5: NagaMe
Highlight
Share
Copy
Want to have your highlights saved across all your devices? Sign up or sign in
© 2014, The Bible Society of India
All rights reserved.
MARK 5
5
Jisu He Ohusi Atma Pora Dhori Thaka Manuh Hustho Kora
1Taikhan samundor dusera jaga phale pongchise, eitu Gerasenes nagor thakise. 2Aru ketiya Jisu nao pora ulai ahhise, loge loge letra ohusi atma thaka manuh ekjon koborsthan pora ulai ahhi kene log korise. 3Kon koborsthan majote he thakise. Aru konu manuh pora bhi tar ke bandhibole para nai, luha rosi pora bhi para nai, 4kilemane tar ke luha rosi aru dusera rosi pora bandhise, kintu eitu khan bhi tar pora tukura kori kene bhangai diye. Konu manuh pora bhi tar ke dhoribole tagot thaka nai. 5Raati-din sob koborsthan majote thakise aru pahar jaga te kandi kene, pathor pora tar nijor gau te kati thakise. 6Aru dur pora ketiya tar he Jisu ke dekhise, tar polai ahhi kene Tar aage te athukarhi kene korise. 7Aru dangor awaz di kene, tar he koise, “Mahan Isor laga Putro Jisu, Apuni moi logot ki koribole ase? Moi Isor laga nam te koi ase, moi ke dukh nadibi.” 8Kilemane Jisu he tar ke koi thakise, “Tumi letra ohusi atma, eitu manuh pora ulai jabi!” 9Aru Jisu he tar ke hudise, “Tumar nam ki ase?” Tar he koise, “Moi laga nam tu Legion ase; kilemane amikhan besi ase.” 10Aru eitu jaga pora dusera te taikhan ke napathabole Jisu ke besi onurudh kori koise. 11Eitu homoi te pahar jaga phale gahuri besi palli thakise, 12aru taikhan pora onurudh korise, “amikhan ke eitu gahuri khan majot te ghusibole pathai dibi.” 13Eitu karne Jisu he taikhan ke jabole dise. Aru ohusi atma tu ulai kene, gahuri khan logote ghusi jaise; aru gahuri dui hazar nisna rangkhang phale polai jai kene samundor paani te dhubise.
14Gahuri roikhya kora khan tu polai jaise, aru khobor tu nagor aru sohor sob te koise. Aru ki hoise eitu sabole manuh khan sob ulai ahhise. 15Aru taikhan sob Jisu usor te ahhise, aru tate ohusi atma thaka manuh, kon logot te legion thakise, eitu manuh bhi kapoor pindhi kene, aru mon-mogos thik hoi kene bohi thakise, aru taikhan sob bhoi lagise. 16Aru kon he dekhise taikhan pora ohusi atma thaka manuh aru gahuri khan logote ki hoise, eitu kotha manuh khan ke koise. 17Aru taikhan jaga pora jai jabole Jisu ke onurudh korise. 18Aru Tar nao te bohi bole jua homoi te bhut pora dhori kene thaka manuh Jisu logote jabole onurudh korise. 19Kintu Tar he mana kori kene koise, “Tumi laga saathi khan logot te ghor te jabi, aru Prabhu pora tumi karne kiman kam korise aru doya dekhaise eitu kobi.” 20Aru tar jai kene Jisu pora kiman dangor kam korise eitu khobor tu janai dibole Decapolis pora shuru hoise, aru manuh khan sob pora asorit lagise.
Jisu He Tiruta Ekjoni aru Jairus Laga Sowali Hustho Kora
21Aru ketiya Jisu he nao te samundor par hoi kene dusera jaga phale pongchise, besi manuh Tar usor te jama korise; aru Tar samundor usor te thakise. 22Tetiya girja ghor laga sasonkorta majot te ekjon, Jairus thakise; tar he Jisu ke dekhi kene, Tar laga theng te athukarhise 23aru Tar ke onurudh kori, koise, “Moi laga sobse huru sowali tu moribole homoi pongchise. Ahhibi, Apuni laga haat pora tai logot te chui dibi tetiya tai bhall hobo aru jinda thakibo.” 24Tetiya Jisu he tar logot te jaise.
Aru besi manuh jama kori kene Tar usor te ahhise. 25Aru tate baroh saal khoon jai kene bemar hoi thaka tiruta ekjoni thakise, 26aru besi doctor logot te sikisa kori kene, tai laga sampoti sob khorcha holebhi bhall hua nai, kintu besi beya he hoi jaise. 27Tai pora Jisu laga khobor tu hunise, aru manuh khan majot pora Jisu laga piche te ahhi kene Tar laga kapoor te chuise. 28Kilemane tai koise, “Jodi Tar laga kapoor te holebhi chui dile moi bhall hoi jabo.” 29Aru loge loge khoon jua tu rukhi jaise; tetiya tai laga gau te bemar tu hustho hoise eneka jani loise. 30Aru Jisu he, Tar pora shakti jua tu jani loise, aru loge loge jama kori thaka manuh khan phale ghurai kene koise, “Kon pora Moi laga kapoor te chuise?” 31Aru Tar laga chella khan pora Tar ke koise, “Sob phale jama kori thaka manuh khan pora Apuni ke dhakai ase, kintu Apuni koi ase, ‘Kon pora Moi ke chuise?’” 32Aru kon pora chuise eitu janibole Jisu he sob phale saise. 33Kintu eitu tiruta he tai logot te ki hoise eitu jani kene, bhoi pora kapi-kapi kene Jisu usor te athukarhise, aru hosa khisa sob tu koi dise. 34Aru Jisu he tai ke koise, “Putri, tumar biswas pora tumi hustho hoise; shanti te jabi, aru tumar bemar pora bhall hoi kene thakibi.”
35Ketiya Jisu kotha koi thakise, eitu sasonkorta laga ghor pora konuba manuh ahhi kene koise, “Apuni laga sowali tu mori jaise. Etiya Guru ke kile dukh dibo?” 36Kintu taikhan pora ki koise, eitu ene nahuni kene, Jisu he girja ghor laga sasonkorta ke koise, “Bhoi nakoribi, biswas he koribi.” 37Aru Jisu pora kon bhi ahhibole diya nai, khali Peter, James aru James laga bhai John he loi jaise. 38Ketiya tarkhan girja ghor laga sasonkorta ghor te ahhise, Jisu he hala-gula sob tu hunise, aru manuh khan mon dukh hoi kene jur pora kanda sob dekhise. 39Aru ketiya Tar ghor te humai jaise, Jisu he taikhan ke koise, “Ki nimite eneka hala-gula kori kene kandi ase? Bacha tu mora nai kintu ghumai ase.” 40Aru taikhan pora Jisu ke hangsai dise. Kintu Jisu he manuh khan sob tu bahar te ulabole dise, aru bacha laga amaa-baba aru Tar logot te thaka chella khan ke he loi kene, bacha thaka jaga te jaise. 41Sowali laga haat te dhori kene Jisu he koise, “Talitha Cumi;” eitu ortho hoise, “Huru sowali, Moi tumi ke koi ase, uthibi.” 42Aru loge loge sowali tu uthise aru beraise (tai laga umor tu baroh saal thakise) aru loge loge asorit pora manuh khan mon bhorta hoise. 43Aru Jisu he tan hukum di kene, kon ke bhi eitu janibole nadibi eneka taikhan ke koise aru sowali logot te kiba ekta khilai dibole koise.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, The Bible Society of India
All rights reserved.