MATTHEW 18
18
Sob Pora Dangor Kon Ase?
1Eitu homoi te chella khan Jisu usor te ahhi kene koise, “Sorgo rajyo te sobse dangor tu kon hobo?” 2Aru Tar usor te bacha ekjon mate kene, tarkhan majot te khara koribole dise, 3aru koise, “Moi Hosa kotha koi ase, jodi tumikhan ghurai kene bacha khan nisna nakorile, ketiya bhi sorgo rajyo te jabo naparibo. 4Kon he eitu bacha nisna nijor pora huru hobole mon ase, sorgo rajyo te tar he sob pora dangor hobo.
5“Kon pora Moi laga nam te eitu nisna bacha ke grohon kore, Moi ke grohon kori ase; 6kintu kon he moi ke biswas kora eneka bacha ekjon ke paap koribole diye, eitu manuh karne tu dhan mihin kora pathor dangor ekta gola te bandhi kene samundor paani te dhubi kene mori jua he tar karne bhall hobo.
Paap Porikhya
7“Prithibi nimite bedona, kilemane tate paap koribo dibole porikhya ase! Porikhya ahha tu dorkar ase, kintu kon manuh pora eitu porikhya ahhibole di ase, eitu manuh karne bedona ase. 8Aru jodi tumikhan laga haat pora nahole theng pora paap koribole di ase, eitu kati kene phelai dibi; tumikhan karne theng duita loi kene nahole haat duita loi kene ananta jui te jua bodli, gau te jokhom hoi kene nahole theng nathaki kene ananta jivon pua he bhall ase. 9Aru jodi tumikhan laga soku pora paap koribole di ase, eitu ulai kene phelai dibi; tumikhan karne duita soku loi kene norok jui te jua bodli ekta soku loi kene ananta jivon te jua he bhall ase.
Harai Jua Mer Dristanto
10“Sabi eitu huru bacha khan ke opoman nakoribole hushier kori lobi; kilemane hosa kotha Moi koi ase, sorgo te hole dut khan pora sorgo Pitri laga chehera hodai dekhi ase.#18:10 based text te v. 11 tu likha nai 12Tumi ki bhabe? Jodi ekjon manuh ekso mer thakise, aru taikhan majot pora ekta mer harai jaise, tar pora niranobe tu porbot te shari kene, harai jua ekta tu bisari kene najabo neki? 13Aru jodi tar pora eitu pai, Moi hosa kotha tumikhan ke koi ase, tar harai najua niranobe pora tu harai jua ekta pua te he besi anando hobo. 14Eitu nimite eitu huru bacha khan ekjon ke bhi harai dibole sorgo te thaka Pitri laga itcha nahoi.
Jodi Bhai Pora Tumar Birudh Paap Kore
15“Jodi tumar bhai pora tumar nimite paap kori ase, jabi tumi aru tar majot te tar laga galti tu koi dibi. Jodi tar pora tumi kua kotha te mane loi, tumar bhai ke tumi bachai loise. 16Kintu jodi tar pora mana nai, tumi logot te ekjon nahole duijon loi jabi, tetiya kotha sob tu duijon nahole dinjon laga sakhi pora khara koribo. 17Jodi tar pora taikhan ke bhi mana nai, eitu kotha mondoli ke kobi; aru jodi tar pora mondoli kotha bhi mana nai, tumi khan karne tar tu porjati aru khajana tula paapi manuh khan nisna he hobole dibi. 18Moi hosa kotha tumikhan ke kobo, ki ki prithibi te tumikhan pora bandhibo eitu sorgo te bhi bandhibo, aru ki ki prithibi te tumikhan pora khulibo, sorgo te bhi khulibo. 19Arubhi Moi tumikhan ke koi ase, jodi tumikhan dui jon ekta mon hoi kene eitu prithibi te kiba nimite nibedon kore, eitu sorgo thaka Moi laga Pitri pora taikhan karne kori dibo. 20Kilemane jon jaga te dui jon nahole tin jon Moi laga nam te jama koribo, tate taikhan majot te Moi thakibo.”
Khyama Nadiya Nokor Dristanto
21Tetiya Peter he Tar usor te ahhi kene koise, “Prabhu, Kiman bar moi laga bhai pora moi upor te paap koribo, aru moi tar ke maf koribo? Sat bar naki?” 22Jisu he tar ke koise, Moi tumi ke sat bar eneka kua nai, kintu satur-bar-sat bar koribo lage.
23“Eitu karne sorgo rajyo tu ekta raja, kon pora nijor nokor khan logot te sampoti thik thak rakhi bole itcha hoise, eitu logot te tulona koribo pare. 24Ketiya tar he hisap-kitab koribole shuru hoise, ekjon kon he tar logote ek hazar talent dhaar thakise eitu anise; 25aru tar pora tera bole napara karne, malik pora tar ke bikiri koribole hukum dise, tar patni aru chokra sowali khan sob aru tar laga ki ki ase sob, bikiri kori kene, dhaar sob tu tera bole hukum dise. 26Tetiya nokor pora athukarhi kene, onurudh kori koise, ‘Malik, moi ke olop homoi dibi, aru moi sob terai dibo.’ 27Aru nokor ke morom hua karne malik pora tar ke shari kene dhaar sob tu maaf kori dise. 28Kintu eke nokor tu, ketiya tar ulai jaise, tar nijor laga saathi nokor ekjon ke log paise, kon pora tar ke ekso denarii dhaar kori thakise; aru tar laga gola te dhori kene tar koise, ‘Tumi laga dhaar tu etiya dibi’ 29Tetiya tar laga saathi nokor pora athukarhi kene tar ke onurudh kori koise, ‘Moi ke morom kori kene olop homoi dibi, aru moi sob terai dibo.’ 30Tar pora mana nai aru jai kene nijor saathi nokor tu dhaar sob nadiya tak bandhighor te rakhi dise. 31Ketiya tar eke nokor khan pora ki ki hoise eitu dekhise, taikhan besi mon dukh hoise, aru taikhan jai kene eitu khobor sob tu malik ke koise. 32Tetiya malik pora tar ke mate kene koise, ‘Tumi mon tera nokor! Tumi onurudh kora karne moi tumi laga dhaar sob tu maf kori dise; 33aru moi keneka tumi ke maaf korise, eneka tumi bhi tumar saathi nokor logot te maaf koribo para nai?’ 34Aru khong uthi kene tar laga malik pora tar tu bandhi ghor roikhya haat te, dhaar sob tu nadiya tak rakhibole di dise. 35Jodi tumi khan mon sob pora tumar bhai ke maaf nakori, teneka sorgot thaka Pitri pora bhi maf nakoribo.”
Currently Selected:
MATTHEW 18: NagaMe
Highlight
Share
Copy
Want to have your highlights saved across all your devices? Sign up or sign in
© 2014, The Bible Society of India
All rights reserved.
MATTHEW 18
18
Sob Pora Dangor Kon Ase?
1Eitu homoi te chella khan Jisu usor te ahhi kene koise, “Sorgo rajyo te sobse dangor tu kon hobo?” 2Aru Tar usor te bacha ekjon mate kene, tarkhan majot te khara koribole dise, 3aru koise, “Moi Hosa kotha koi ase, jodi tumikhan ghurai kene bacha khan nisna nakorile, ketiya bhi sorgo rajyo te jabo naparibo. 4Kon he eitu bacha nisna nijor pora huru hobole mon ase, sorgo rajyo te tar he sob pora dangor hobo.
5“Kon pora Moi laga nam te eitu nisna bacha ke grohon kore, Moi ke grohon kori ase; 6kintu kon he moi ke biswas kora eneka bacha ekjon ke paap koribole diye, eitu manuh karne tu dhan mihin kora pathor dangor ekta gola te bandhi kene samundor paani te dhubi kene mori jua he tar karne bhall hobo.
Paap Porikhya
7“Prithibi nimite bedona, kilemane tate paap koribo dibole porikhya ase! Porikhya ahha tu dorkar ase, kintu kon manuh pora eitu porikhya ahhibole di ase, eitu manuh karne bedona ase. 8Aru jodi tumikhan laga haat pora nahole theng pora paap koribole di ase, eitu kati kene phelai dibi; tumikhan karne theng duita loi kene nahole haat duita loi kene ananta jui te jua bodli, gau te jokhom hoi kene nahole theng nathaki kene ananta jivon pua he bhall ase. 9Aru jodi tumikhan laga soku pora paap koribole di ase, eitu ulai kene phelai dibi; tumikhan karne duita soku loi kene norok jui te jua bodli ekta soku loi kene ananta jivon te jua he bhall ase.
Harai Jua Mer Dristanto
10“Sabi eitu huru bacha khan ke opoman nakoribole hushier kori lobi; kilemane hosa kotha Moi koi ase, sorgo te hole dut khan pora sorgo Pitri laga chehera hodai dekhi ase.#18:10 based text te v. 11 tu likha nai 12Tumi ki bhabe? Jodi ekjon manuh ekso mer thakise, aru taikhan majot pora ekta mer harai jaise, tar pora niranobe tu porbot te shari kene, harai jua ekta tu bisari kene najabo neki? 13Aru jodi tar pora eitu pai, Moi hosa kotha tumikhan ke koi ase, tar harai najua niranobe pora tu harai jua ekta pua te he besi anando hobo. 14Eitu nimite eitu huru bacha khan ekjon ke bhi harai dibole sorgo te thaka Pitri laga itcha nahoi.
Jodi Bhai Pora Tumar Birudh Paap Kore
15“Jodi tumar bhai pora tumar nimite paap kori ase, jabi tumi aru tar majot te tar laga galti tu koi dibi. Jodi tar pora tumi kua kotha te mane loi, tumar bhai ke tumi bachai loise. 16Kintu jodi tar pora mana nai, tumi logot te ekjon nahole duijon loi jabi, tetiya kotha sob tu duijon nahole dinjon laga sakhi pora khara koribo. 17Jodi tar pora taikhan ke bhi mana nai, eitu kotha mondoli ke kobi; aru jodi tar pora mondoli kotha bhi mana nai, tumi khan karne tar tu porjati aru khajana tula paapi manuh khan nisna he hobole dibi. 18Moi hosa kotha tumikhan ke kobo, ki ki prithibi te tumikhan pora bandhibo eitu sorgo te bhi bandhibo, aru ki ki prithibi te tumikhan pora khulibo, sorgo te bhi khulibo. 19Arubhi Moi tumikhan ke koi ase, jodi tumikhan dui jon ekta mon hoi kene eitu prithibi te kiba nimite nibedon kore, eitu sorgo thaka Moi laga Pitri pora taikhan karne kori dibo. 20Kilemane jon jaga te dui jon nahole tin jon Moi laga nam te jama koribo, tate taikhan majot te Moi thakibo.”
Khyama Nadiya Nokor Dristanto
21Tetiya Peter he Tar usor te ahhi kene koise, “Prabhu, Kiman bar moi laga bhai pora moi upor te paap koribo, aru moi tar ke maf koribo? Sat bar naki?” 22Jisu he tar ke koise, Moi tumi ke sat bar eneka kua nai, kintu satur-bar-sat bar koribo lage.
23“Eitu karne sorgo rajyo tu ekta raja, kon pora nijor nokor khan logot te sampoti thik thak rakhi bole itcha hoise, eitu logot te tulona koribo pare. 24Ketiya tar he hisap-kitab koribole shuru hoise, ekjon kon he tar logote ek hazar talent dhaar thakise eitu anise; 25aru tar pora tera bole napara karne, malik pora tar ke bikiri koribole hukum dise, tar patni aru chokra sowali khan sob aru tar laga ki ki ase sob, bikiri kori kene, dhaar sob tu tera bole hukum dise. 26Tetiya nokor pora athukarhi kene, onurudh kori koise, ‘Malik, moi ke olop homoi dibi, aru moi sob terai dibo.’ 27Aru nokor ke morom hua karne malik pora tar ke shari kene dhaar sob tu maaf kori dise. 28Kintu eke nokor tu, ketiya tar ulai jaise, tar nijor laga saathi nokor ekjon ke log paise, kon pora tar ke ekso denarii dhaar kori thakise; aru tar laga gola te dhori kene tar koise, ‘Tumi laga dhaar tu etiya dibi’ 29Tetiya tar laga saathi nokor pora athukarhi kene tar ke onurudh kori koise, ‘Moi ke morom kori kene olop homoi dibi, aru moi sob terai dibo.’ 30Tar pora mana nai aru jai kene nijor saathi nokor tu dhaar sob nadiya tak bandhighor te rakhi dise. 31Ketiya tar eke nokor khan pora ki ki hoise eitu dekhise, taikhan besi mon dukh hoise, aru taikhan jai kene eitu khobor sob tu malik ke koise. 32Tetiya malik pora tar ke mate kene koise, ‘Tumi mon tera nokor! Tumi onurudh kora karne moi tumi laga dhaar sob tu maf kori dise; 33aru moi keneka tumi ke maaf korise, eneka tumi bhi tumar saathi nokor logot te maaf koribo para nai?’ 34Aru khong uthi kene tar laga malik pora tar tu bandhi ghor roikhya haat te, dhaar sob tu nadiya tak rakhibole di dise. 35Jodi tumi khan mon sob pora tumar bhai ke maaf nakori, teneka sorgot thaka Pitri pora bhi maf nakoribo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, The Bible Society of India
All rights reserved.