PASONIR KORMO 2
2
Pobitro Atma Ahha
1Pentecost din tu ketiya pongchise, tarkhan sob ekta jaga te he eke logot te thakise. 2Aru achanak te jur pora hava mara nisna awaz ekta sorgo pora ahhise, aru tarkhan bohi thaka ghor sob tu bhorta hoise. 3Aru jui laga jiva nisna alag alag ulai kene sob manuh upor te ahhise aru thaki jaise. 4Aru taikhan sob Pobitro Atma pora bhorta hoi jaise aru Pobitro Atma pora ulai diya nisna taikhan sob pora dusera jiva te alag alag bhasa kobole shuru hoise.
5Hei homoi Jews dhorom thik lua manuh khan akash niche te alag alag desh pora Jerusalem te jama kori kene thakise. 6Aru eitu hala-gula awaz tu huni kene genti napara manuh khan sob jama korise, aru taikhan pora ki hoise eitu asorit lagise, kilemane taikhan sob pora nijor laga bhasa te kotha kua hunise. 7Aru taikhan asorit upor te asorit lagi kene koise, “Eitu khan sob Galilee laga kotha kua manuh khan nahoi neki? 8Aru eitu keneka hoi kene amikhan sob pora nijor nijor laga bhasa te kotha kua huni ase? 9Parthians aru Mede aru Elamites aru Mesopotamia, Judea aru Cappadocia, Pontus aru Asia, 10Phrygia aru Pamphylia, Egypt aru Cyrene logot thaka Libya ekta bhag, aru Rome pora ahha alohi, 11Jews aru porjati kon Jews hoise taikhan, Cretans aru Arab manuh—taikhan pora Isor laga dangor kam kora amikhan sob laga bhasa te kua huni ase.” 12Aru taikhan sob asorit pora eitu ki hoi ase nabuji kene ekjon pora ekjon ke hudise, “Eitu laga matlab tu ki ase?” 13Kintu konuba pora dhemali kori kene koise, “Taikhan sob tu notun draikhya-roh pora nisa hoise.”
Pentecost Din Te Peter Laga Susamachar
14Kintu Peter he ekgharo jon logot te khara korise aru tar awaz chillai kene manuh khan ke kotha koise, “Judea laga manuh khan aru Jerusalem te jama kori thaka manuh khan, moi laga kotha te dhyan koribi aru eitu jani lobi. 15Kilemane tumikhan pora bhabna kora nisna eitu manuh khan nisa hua nai, kilemane etiya tin-bhag homoi#2:15 9:00Am nisna din he ase. 16Kintu eitu Joel bhavobadi pora ki koise, eitu he ase:
17“‘Aru antim din te eneka hobo, Isor he koi ase,
manuh sob laga upor te Moi laga Atma pathai dibo,
aru tumikhan laga lora-sowali khan pora bhavobani dibo,
aru tumikhan laga jawan chokra khan pora dorshan dekhibo,
aru tumikhan laga bridho khan pora sapna dekhibo;
18moi laga daas aru daasi khan logot te bhi
eitu din te Moi laga Atma pathai dibo, aru taikhan pora bhi bhavobani dibo.
19Aru upor phale sorgo te Moi asorit dekhai dibo
aru niche prithibi te sign dekhai dibo,
khoon aru jui aru dhunga ulabo;
20Prabhu laga dangor aru mahima din nahha aage te,
Belli tu andhera hoi jabo,
aru chandro tu khoon nisna lal hoi jabo.
21Aru eneka hobo, kon kon pora Prabhu laga nam te matibo taikhan sob poritran pabo.’
22“Israel manuh khan, eitu kotha khan hunibi: Nazareth laga Jisu, kon Isor pora tumikhan karne pathaise, tar pora dangor aru asorit kam aru sign tumikhan majot te kora dekhaise— 23Isor laga khatang faisla aru Tar aage pora jani kene thaka hisap te eitu Jisu tu kanoon namana khan laga haat pora tumikhan he Tar ke kros te morai dise. 24kintu Isor he Tar ke jinda uthai dise, aru mora laga tagot harai dise, kilemane mora pora Tar ke dhori rakhibole napare. 25Kilemane David pora Tar karne eneka koi ase,
“‘Moi laga aage te Prabhu hodai dekhi thaki ase,
kilemane bhoi pora moi nahilibo nimite Tar moi laga daina haat te ase;
26eitu nimite moi laga mon khushi thaki ase aru moi laga jiva pora anando kori ase;
moi moribole laga gau mangso bhi akha kori thakibo.
27Kilemane hades te apuni moi laga atma tu nasharibo,
nahole apuni laga Pobitro Ekjon ke puchibo jabole nadibo.
28Apuni jivon laga raasta tu moi ke janibole dise;
apunar usor te moi ke khushi bhorta hobole dibo.’
29“Bhai khan, amar purush-pitri David morise aru moidam dise, aru tar laga koborsthan aji tak amikhan majot te ase, eitu laga kotha thik ase eneka moi kobo pare. 30Eitu nimite bhavobadi ekta nisna, aru Isor pora tar laga khandan pora ekjon tar laga singsason te bohai dibo eneka kosom kora jani thaka karne, 31tar aage pora Khrista ponuruthan laga dekhise aru kotha koise, tar hades te shari diya nai, nahole tar laga mangso tu puchi jabole diya nai. 32Eitu Jisu tu Isor pora jinda uthai dise, aru eitu nimite amikhan sob bhi sakhi ase. 33Eitu nimite pitri Isor laga daina haat te tar ke uthai dise aru Pitri pora protigya diya nisna Pobitro Atma Tar darai eitu manuh khan upor te dhali dise aru eitu tumikhan pora dekhi ase aru huni ase. 34Kilemane David nijor he sorgo te utha nai, kintu tar nijor pora koise,
“‘Prabhu pora moi laga Prabhu ke koise,
moi tumi laga dushman khan ke tumi laga theng niche te narakha tak,
35Moi laga daina haat te bohibi.’
36Eitu karne Israel manuh khan sob pora hosa ase eneka jani lobi, eitu Jisu kon tumikhan pora kros te morai dise, Isor he Tar ke Prabhu aru Khrista bonai dise.”
37Eitu homoi te ketiya taikhan pora eitu hunise taikhan mon besi bikhai kene Peter aru pasonir khan ke koise, “Bhai khan, amikhan pora ki koribo lage?” 38Aru Peter pora taikhan ke koise, “Paap pora khyama pabo karne, Mon ghurai kene tumikhan sob Jisu Khrista laga nam te baptisma lobi, aru tumikhan pora Isor laga inam Pobitro Atma pabo. 39Kilemane protigya tu tumikhan aru tumikhan laga khandan aru kon kon dur te ase taikhan sob, kon Prabhu Isor pora mati kene ase taikhan sob nimite ase.” 40Aru dusera kotha besi loi kene tar pora sakhi dise aru taikhan mon uthai dise, aru koise, “Eitu tera-mera jugh pora nijor ke bachai lobi.” 41Eitu karne kiman jon pora tar kotha mani loise taikhan baptisma loise, aru eitu din te tin hazar atma bachai kene tar khan logot te mili loise.
Biswasi Khan Hohobhagita Kora
42Aru pasonir khan pora sikhai diya aru hohobhagita kora te taikhan sob mon di kene roti bhag kora aru prathana te thakise. 43Aru sob manuh atma upor te asorit laga bhoi ekta ahhi jaise, kilemane Isor laga asorit kam pasonir khan pora kora sign dekhise. 44Aru kiman manuh biswas korise taikhan sob eke logot mili kene thakise aru sob jinis tu eke laga hoise. 45Aru taikhan pora nijor laga sampoti aru bostu bikiri kori kene anise aru dorkar thaka hisap te eitu bhag kori dise. 46Aru hodai din eke logot te mondoli te jama kora aru nijor ghor te roti bhag kora, eitu sob te taikhan khushi kori kene thakise, 47Isor ke stuti kori kene aru manuh khan sob pora bhall paise. Aru poritran pua manuh khan Prabhu pora hodai din besi besi hobole dise.
Currently Selected:
PASONIR KORMO 2: NagaMe
Highlight
Share
Copy
Want to have your highlights saved across all your devices? Sign up or sign in
© 2014, The Bible Society of India
All rights reserved.
PASONIR KORMO 2
2
Pobitro Atma Ahha
1Pentecost din tu ketiya pongchise, tarkhan sob ekta jaga te he eke logot te thakise. 2Aru achanak te jur pora hava mara nisna awaz ekta sorgo pora ahhise, aru tarkhan bohi thaka ghor sob tu bhorta hoise. 3Aru jui laga jiva nisna alag alag ulai kene sob manuh upor te ahhise aru thaki jaise. 4Aru taikhan sob Pobitro Atma pora bhorta hoi jaise aru Pobitro Atma pora ulai diya nisna taikhan sob pora dusera jiva te alag alag bhasa kobole shuru hoise.
5Hei homoi Jews dhorom thik lua manuh khan akash niche te alag alag desh pora Jerusalem te jama kori kene thakise. 6Aru eitu hala-gula awaz tu huni kene genti napara manuh khan sob jama korise, aru taikhan pora ki hoise eitu asorit lagise, kilemane taikhan sob pora nijor laga bhasa te kotha kua hunise. 7Aru taikhan asorit upor te asorit lagi kene koise, “Eitu khan sob Galilee laga kotha kua manuh khan nahoi neki? 8Aru eitu keneka hoi kene amikhan sob pora nijor nijor laga bhasa te kotha kua huni ase? 9Parthians aru Mede aru Elamites aru Mesopotamia, Judea aru Cappadocia, Pontus aru Asia, 10Phrygia aru Pamphylia, Egypt aru Cyrene logot thaka Libya ekta bhag, aru Rome pora ahha alohi, 11Jews aru porjati kon Jews hoise taikhan, Cretans aru Arab manuh—taikhan pora Isor laga dangor kam kora amikhan sob laga bhasa te kua huni ase.” 12Aru taikhan sob asorit pora eitu ki hoi ase nabuji kene ekjon pora ekjon ke hudise, “Eitu laga matlab tu ki ase?” 13Kintu konuba pora dhemali kori kene koise, “Taikhan sob tu notun draikhya-roh pora nisa hoise.”
Pentecost Din Te Peter Laga Susamachar
14Kintu Peter he ekgharo jon logot te khara korise aru tar awaz chillai kene manuh khan ke kotha koise, “Judea laga manuh khan aru Jerusalem te jama kori thaka manuh khan, moi laga kotha te dhyan koribi aru eitu jani lobi. 15Kilemane tumikhan pora bhabna kora nisna eitu manuh khan nisa hua nai, kilemane etiya tin-bhag homoi#2:15 9:00Am nisna din he ase. 16Kintu eitu Joel bhavobadi pora ki koise, eitu he ase:
17“‘Aru antim din te eneka hobo, Isor he koi ase,
manuh sob laga upor te Moi laga Atma pathai dibo,
aru tumikhan laga lora-sowali khan pora bhavobani dibo,
aru tumikhan laga jawan chokra khan pora dorshan dekhibo,
aru tumikhan laga bridho khan pora sapna dekhibo;
18moi laga daas aru daasi khan logot te bhi
eitu din te Moi laga Atma pathai dibo, aru taikhan pora bhi bhavobani dibo.
19Aru upor phale sorgo te Moi asorit dekhai dibo
aru niche prithibi te sign dekhai dibo,
khoon aru jui aru dhunga ulabo;
20Prabhu laga dangor aru mahima din nahha aage te,
Belli tu andhera hoi jabo,
aru chandro tu khoon nisna lal hoi jabo.
21Aru eneka hobo, kon kon pora Prabhu laga nam te matibo taikhan sob poritran pabo.’
22“Israel manuh khan, eitu kotha khan hunibi: Nazareth laga Jisu, kon Isor pora tumikhan karne pathaise, tar pora dangor aru asorit kam aru sign tumikhan majot te kora dekhaise— 23Isor laga khatang faisla aru Tar aage pora jani kene thaka hisap te eitu Jisu tu kanoon namana khan laga haat pora tumikhan he Tar ke kros te morai dise. 24kintu Isor he Tar ke jinda uthai dise, aru mora laga tagot harai dise, kilemane mora pora Tar ke dhori rakhibole napare. 25Kilemane David pora Tar karne eneka koi ase,
“‘Moi laga aage te Prabhu hodai dekhi thaki ase,
kilemane bhoi pora moi nahilibo nimite Tar moi laga daina haat te ase;
26eitu nimite moi laga mon khushi thaki ase aru moi laga jiva pora anando kori ase;
moi moribole laga gau mangso bhi akha kori thakibo.
27Kilemane hades te apuni moi laga atma tu nasharibo,
nahole apuni laga Pobitro Ekjon ke puchibo jabole nadibo.
28Apuni jivon laga raasta tu moi ke janibole dise;
apunar usor te moi ke khushi bhorta hobole dibo.’
29“Bhai khan, amar purush-pitri David morise aru moidam dise, aru tar laga koborsthan aji tak amikhan majot te ase, eitu laga kotha thik ase eneka moi kobo pare. 30Eitu nimite bhavobadi ekta nisna, aru Isor pora tar laga khandan pora ekjon tar laga singsason te bohai dibo eneka kosom kora jani thaka karne, 31tar aage pora Khrista ponuruthan laga dekhise aru kotha koise, tar hades te shari diya nai, nahole tar laga mangso tu puchi jabole diya nai. 32Eitu Jisu tu Isor pora jinda uthai dise, aru eitu nimite amikhan sob bhi sakhi ase. 33Eitu nimite pitri Isor laga daina haat te tar ke uthai dise aru Pitri pora protigya diya nisna Pobitro Atma Tar darai eitu manuh khan upor te dhali dise aru eitu tumikhan pora dekhi ase aru huni ase. 34Kilemane David nijor he sorgo te utha nai, kintu tar nijor pora koise,
“‘Prabhu pora moi laga Prabhu ke koise,
moi tumi laga dushman khan ke tumi laga theng niche te narakha tak,
35Moi laga daina haat te bohibi.’
36Eitu karne Israel manuh khan sob pora hosa ase eneka jani lobi, eitu Jisu kon tumikhan pora kros te morai dise, Isor he Tar ke Prabhu aru Khrista bonai dise.”
37Eitu homoi te ketiya taikhan pora eitu hunise taikhan mon besi bikhai kene Peter aru pasonir khan ke koise, “Bhai khan, amikhan pora ki koribo lage?” 38Aru Peter pora taikhan ke koise, “Paap pora khyama pabo karne, Mon ghurai kene tumikhan sob Jisu Khrista laga nam te baptisma lobi, aru tumikhan pora Isor laga inam Pobitro Atma pabo. 39Kilemane protigya tu tumikhan aru tumikhan laga khandan aru kon kon dur te ase taikhan sob, kon Prabhu Isor pora mati kene ase taikhan sob nimite ase.” 40Aru dusera kotha besi loi kene tar pora sakhi dise aru taikhan mon uthai dise, aru koise, “Eitu tera-mera jugh pora nijor ke bachai lobi.” 41Eitu karne kiman jon pora tar kotha mani loise taikhan baptisma loise, aru eitu din te tin hazar atma bachai kene tar khan logot te mili loise.
Biswasi Khan Hohobhagita Kora
42Aru pasonir khan pora sikhai diya aru hohobhagita kora te taikhan sob mon di kene roti bhag kora aru prathana te thakise. 43Aru sob manuh atma upor te asorit laga bhoi ekta ahhi jaise, kilemane Isor laga asorit kam pasonir khan pora kora sign dekhise. 44Aru kiman manuh biswas korise taikhan sob eke logot mili kene thakise aru sob jinis tu eke laga hoise. 45Aru taikhan pora nijor laga sampoti aru bostu bikiri kori kene anise aru dorkar thaka hisap te eitu bhag kori dise. 46Aru hodai din eke logot te mondoli te jama kora aru nijor ghor te roti bhag kora, eitu sob te taikhan khushi kori kene thakise, 47Isor ke stuti kori kene aru manuh khan sob pora bhall paise. Aru poritran pua manuh khan Prabhu pora hodai din besi besi hobole dise.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, The Bible Society of India
All rights reserved.