Rom 4
4
1జేతి జీవ్డార్ వడీ అప్ణో బాప్ ఛజకో అబ్రహామేన కాఁయి మళో కన్ కాఁ ?
2అబ్రాహామ్ కిదోజే కామేర్ కార్ణే ఊ నీయత్ దార్ కన్ కేరావతో, ఓన మొట్పణ్ పాయెన కారణ్ రచ, పణ్ ఊ దేవేర్ ముణాంగ వేసకేనీ.
3దేవేర్ గ్రంథేమా కాఁయిఛ?, అబ్రహామ్ దేవేన విశ్వాస్ కీదో. ఊ ఓన నియత్దార్ కన్ గణాయో.
4కామ్ కరేవాళేన ఓర్ బాఁయి ఓన రుణజ్, పణ్ ధరమ్ కన్ కేరాయెనీ.
5కామ్ నకరజూఁ, భక్తి ఛేని జేన నియత్దారేర్ నైఁ గణజే దేవేన నమ్మెవాళేన, ఓర్ విశ్వాస్ ఓన నీయత్దారేర్నాఁయిఁ గణావచ
6హన్నూజ్ కామేన న దేకజుఁ, ఏక్ ఆద్మీన నియత్దార్ కన్ దేవ్ గణజనా ఊ ఆద్మీ నసీబార్ కన్, దావీద్ సదా కేరోచ.
7కసేనకతో దేవ్ కేర్ అపరాధేన మాఫ్ కరచకో, కేర్ పాప్ ఊ మేట్ కరచకో ఊ నసీబ్దార్.
8కేన ప్రభు దోష్ కీదోకొనిజె లేకేమాలచకో ఊ కత్రాయికో నసీబార్.
9ఈ నసీబేర్ వాత్ సున్నత్ లీదేజేర్ వడీతీకేమేలేచ క నవతో సున్నత్ ఛేని జేన సదా కేమేలేచ? కూఁ కతో అబ్రహామ్ దేవేన విశ్వాస్ కిదో. ఓర్ విశ్వాసేర్ కార్ణే దేవ్ ఓన నియత్ దార్ కన్ గణోకన్ అపణ్ కాం చాఁ కోనిక ?.
10ఆచో ఈ వాత్ కన్నా చాలీ? అబ్రాహామ్ సున్నత్ కర్లిదో జేర్ ఆంగ క, పచ్చ? పచ్చ కొని, సున్నత్ కరాయో జేర్ ఆంగజ్.
11ఉజ్జీ సున్నత్ ఛేనిజకో వతోయి సదా, విశ్వాస్ కీదేజేనసేన ఊ బాప్ వేన్ రజేర్ కార్ణే ఉందేన నీయతేర్ నిశానేర్నాఁయిఁ రేన ఊ సున్నత్ కర్లిదోకోని జేర్ ఆంగజ్ ఓన ఛజే విశ్వాసేర్ వడీర్ నీయతేర్ నిశానేర్ ముద్రార్నాఁయి ఊ సున్నత్ కరాలీదో
12ఉజ్జీ ఊ సున్నత్ కరాలీదే జేర్ సదా బాప్ వేన్ రేన, కతో ఓ సున్నత్ కరాలీదే జకోజ్ కన్ కోనిపణ్ సున్నత్ లేల్దో కొని జేర్ ఆంగ ఆపణ్ బాప్ అబ్రాహామ్ బంచ్రోజే విశ్వాసేర్ జీవ్ణో బంచ్రే జేతి ఉందేన సదా అబ్రాహామ్ బాప్ వేన్ రజూఁ ఊ ఓ నిశానేన పాల్దో.
13అబ్రాహామ్ జగ్ సారీన హక్దార్ వచ కన్ కజకో వాగ్దాన్ అబ్రహామేనక, ఓర్ వలాదేనక ధరమ్ శాస్త్రేర్ వడీతి మళోకోని పణ్ విశ్వాసేర్ వడీతి ఆయోజకొ నీయతేర్ కార్ణేజ్ మాళో.
14ధరమ్ శాస్త్రేర్ సంబంధి హక్దార్ వేన్ రతో, విశ్వాసేర్ కార్ణే ఫాయోదో ఛేని, వాగ్దాన్ సదా కామ్ నదజుఁవేజావచ.
15కసేన కతో ధరమ్ శాస్త్ర్ రోషణ్ ఛుటాడచ; పణ్ ధరమ్ శాస్తర్ నరతో ఓన లంగేరో కజకోసదా రేని.
16ఏర్ కార్ణే ఓ వాగ్దానేన సారి వలాదేన కతో ధరమ్ శాస్త్ర్ ఛజేనజ్ కోని పణ్ అబ్రాహామేన ఛజకో విశ్వాస్ ఛజేనసేన సదా ఘట్ వేణో కన్ కృపార్ కార్ణేతి రజూఁ ఊ విశ్వాసేర్ కారణ్ వేన్ ఛ.
17ఊ విశ్వాస్ రకాడో జకో దేవేర్ సమ్నక్, కతో మర్గేజేన బంచాడే వాళోన్, ఛేనిజేన ఛజూఁ బలాయేవాళోఛజకో దేవేర్ సమ్నక్, ఊ అప్ణేన సేన బాప్ వేన్ ఛ -ఏర్ కార్ణే,
18-మ తోన ఘణ్ జనూన బాపెర్నాఁయి నియమ్ కీదోంచుఁ కన్ లకన్ ఛ-తార్ వలాద్ హన్ను రచ కన్ కో జేర్ కార్ణే, ఊ ఘణ్ జనూన బాప్ వేన్ రజూఁ, భారోసేర్ ఆధార్ ఛేని జనా ఊ భారోసేతి రేన్ విశ్వాస్ రకాడో.
19ఉజ్జే ఊ విశ్వాసేర్ వడీ కమ్ జోరి నవజూఁ, ఢైఁసి సో వర్సేరో వేన్ ర, ఓ వక్తేపర ఓర్ జీవ్డా మోతేర్ ఢైఁసి ఛకనన్, శారా సదా ఛుచాబర్ జణేర్ తాకత్ ఛేనికన్ సోంచ్ కీదోపణ్,
20అవిశ్వాసేతి దేవేర్ వాగ్దానేర్వడి అన్మాన్ నకరజూఁ,
21దేవేన మహిమా కరన్, వాగ్దాన్ దీనొ జకో దేవ్ ఊ వాగ్దాన్ దీనొ జేన భర్పూర్ కరెన శక్తిమాన్ ఛకన్ విశ్వాస్ రకాడన్, విశ్వాసేర్ వడి బళ్ పాయో.
22జేతీజ్ ఓర్ విశ్వాసేర్ కార్ణే ఊ ఓన నీయతేర్నాఁయిఁ గణాయో.
23నియత్దార్ కన్ కేరాయొజకో వాతే ఓర్ సారూజ్ లకోకొనిపణ్.
24అప్ణో ప్రభు యేసూన మర్గేజేమాఁయిఁతీ వటాడోజే దేవేన విశ్వాస్ రకాడ్రే జకో అపణ్ సదా నియత్దార్ కన్ కేరావ్ణో కన్ అపణే వాస్ సదా లకన్ ఛ.
25ఊ యేసు అపణ్ పాపేవాస మర్జాన్, అపణేన నీయత్ దారేర్నాఁయిఁ కరేన జీవ్తో ఉటో.
Currently Selected:
Rom 4: Lambadi
Highlight
Copy
Compare
Share
Want to have your highlights saved across all your devices? Sign up or sign in
© 2025, The Bible Society of India
All rights reserved
Rom 4
4
1జేతి జీవ్డార్ వడీ అప్ణో బాప్ ఛజకో అబ్రహామేన కాఁయి మళో కన్ కాఁ ?
2అబ్రాహామ్ కిదోజే కామేర్ కార్ణే ఊ నీయత్ దార్ కన్ కేరావతో, ఓన మొట్పణ్ పాయెన కారణ్ రచ, పణ్ ఊ దేవేర్ ముణాంగ వేసకేనీ.
3దేవేర్ గ్రంథేమా కాఁయిఛ?, అబ్రహామ్ దేవేన విశ్వాస్ కీదో. ఊ ఓన నియత్దార్ కన్ గణాయో.
4కామ్ కరేవాళేన ఓర్ బాఁయి ఓన రుణజ్, పణ్ ధరమ్ కన్ కేరాయెనీ.
5కామ్ నకరజూఁ, భక్తి ఛేని జేన నియత్దారేర్ నైఁ గణజే దేవేన నమ్మెవాళేన, ఓర్ విశ్వాస్ ఓన నీయత్దారేర్నాఁయిఁ గణావచ
6హన్నూజ్ కామేన న దేకజుఁ, ఏక్ ఆద్మీన నియత్దార్ కన్ దేవ్ గణజనా ఊ ఆద్మీ నసీబార్ కన్, దావీద్ సదా కేరోచ.
7కసేనకతో దేవ్ కేర్ అపరాధేన మాఫ్ కరచకో, కేర్ పాప్ ఊ మేట్ కరచకో ఊ నసీబ్దార్.
8కేన ప్రభు దోష్ కీదోకొనిజె లేకేమాలచకో ఊ కత్రాయికో నసీబార్.
9ఈ నసీబేర్ వాత్ సున్నత్ లీదేజేర్ వడీతీకేమేలేచ క నవతో సున్నత్ ఛేని జేన సదా కేమేలేచ? కూఁ కతో అబ్రహామ్ దేవేన విశ్వాస్ కిదో. ఓర్ విశ్వాసేర్ కార్ణే దేవ్ ఓన నియత్ దార్ కన్ గణోకన్ అపణ్ కాం చాఁ కోనిక ?.
10ఆచో ఈ వాత్ కన్నా చాలీ? అబ్రాహామ్ సున్నత్ కర్లిదో జేర్ ఆంగ క, పచ్చ? పచ్చ కొని, సున్నత్ కరాయో జేర్ ఆంగజ్.
11ఉజ్జీ సున్నత్ ఛేనిజకో వతోయి సదా, విశ్వాస్ కీదేజేనసేన ఊ బాప్ వేన్ రజేర్ కార్ణే ఉందేన నీయతేర్ నిశానేర్నాఁయిఁ రేన ఊ సున్నత్ కర్లిదోకోని జేర్ ఆంగజ్ ఓన ఛజే విశ్వాసేర్ వడీర్ నీయతేర్ నిశానేర్ ముద్రార్నాఁయి ఊ సున్నత్ కరాలీదో
12ఉజ్జీ ఊ సున్నత్ కరాలీదే జేర్ సదా బాప్ వేన్ రేన, కతో ఓ సున్నత్ కరాలీదే జకోజ్ కన్ కోనిపణ్ సున్నత్ లేల్దో కొని జేర్ ఆంగ ఆపణ్ బాప్ అబ్రాహామ్ బంచ్రోజే విశ్వాసేర్ జీవ్ణో బంచ్రే జేతి ఉందేన సదా అబ్రాహామ్ బాప్ వేన్ రజూఁ ఊ ఓ నిశానేన పాల్దో.
13అబ్రాహామ్ జగ్ సారీన హక్దార్ వచ కన్ కజకో వాగ్దాన్ అబ్రహామేనక, ఓర్ వలాదేనక ధరమ్ శాస్త్రేర్ వడీతి మళోకోని పణ్ విశ్వాసేర్ వడీతి ఆయోజకొ నీయతేర్ కార్ణేజ్ మాళో.
14ధరమ్ శాస్త్రేర్ సంబంధి హక్దార్ వేన్ రతో, విశ్వాసేర్ కార్ణే ఫాయోదో ఛేని, వాగ్దాన్ సదా కామ్ నదజుఁవేజావచ.
15కసేన కతో ధరమ్ శాస్త్ర్ రోషణ్ ఛుటాడచ; పణ్ ధరమ్ శాస్తర్ నరతో ఓన లంగేరో కజకోసదా రేని.
16ఏర్ కార్ణే ఓ వాగ్దానేన సారి వలాదేన కతో ధరమ్ శాస్త్ర్ ఛజేనజ్ కోని పణ్ అబ్రాహామేన ఛజకో విశ్వాస్ ఛజేనసేన సదా ఘట్ వేణో కన్ కృపార్ కార్ణేతి రజూఁ ఊ విశ్వాసేర్ కారణ్ వేన్ ఛ.
17ఊ విశ్వాస్ రకాడో జకో దేవేర్ సమ్నక్, కతో మర్గేజేన బంచాడే వాళోన్, ఛేనిజేన ఛజూఁ బలాయేవాళోఛజకో దేవేర్ సమ్నక్, ఊ అప్ణేన సేన బాప్ వేన్ ఛ -ఏర్ కార్ణే,
18-మ తోన ఘణ్ జనూన బాపెర్నాఁయి నియమ్ కీదోంచుఁ కన్ లకన్ ఛ-తార్ వలాద్ హన్ను రచ కన్ కో జేర్ కార్ణే, ఊ ఘణ్ జనూన బాప్ వేన్ రజూఁ, భారోసేర్ ఆధార్ ఛేని జనా ఊ భారోసేతి రేన్ విశ్వాస్ రకాడో.
19ఉజ్జే ఊ విశ్వాసేర్ వడీ కమ్ జోరి నవజూఁ, ఢైఁసి సో వర్సేరో వేన్ ర, ఓ వక్తేపర ఓర్ జీవ్డా మోతేర్ ఢైఁసి ఛకనన్, శారా సదా ఛుచాబర్ జణేర్ తాకత్ ఛేనికన్ సోంచ్ కీదోపణ్,
20అవిశ్వాసేతి దేవేర్ వాగ్దానేర్వడి అన్మాన్ నకరజూఁ,
21దేవేన మహిమా కరన్, వాగ్దాన్ దీనొ జకో దేవ్ ఊ వాగ్దాన్ దీనొ జేన భర్పూర్ కరెన శక్తిమాన్ ఛకన్ విశ్వాస్ రకాడన్, విశ్వాసేర్ వడి బళ్ పాయో.
22జేతీజ్ ఓర్ విశ్వాసేర్ కార్ణే ఊ ఓన నీయతేర్నాఁయిఁ గణాయో.
23నియత్దార్ కన్ కేరాయొజకో వాతే ఓర్ సారూజ్ లకోకొనిపణ్.
24అప్ణో ప్రభు యేసూన మర్గేజేమాఁయిఁతీ వటాడోజే దేవేన విశ్వాస్ రకాడ్రే జకో అపణ్ సదా నియత్దార్ కన్ కేరావ్ణో కన్ అపణే వాస్ సదా లకన్ ఛ.
25ఊ యేసు అపణ్ పాపేవాస మర్జాన్, అపణేన నీయత్ దారేర్నాఁయిఁ కరేన జీవ్తో ఉటో.
© 2025, The Bible Society of India
All rights reserved