Numbers 32
32
1రూబేనెవాళెనన్, గాదు వాళేన ఘణే గావ్డి ఢోరేర్ ఖాడు రజేతి యాజేరు కజకొ జాగేన్, గిలాద్ కజకొ జాగె, ఖాడూఁ సారు ఆచ్ జాగె ఛకన్ మాలమ్ కర్లేన్.
2ఓ ఆన్ మోషేతీన్, యాజక్ ఛజకొ ఎలియాజరేతీన్, మళాయేఁవుర్ నాయెకేఁవుతి.
3- అతారోత్, దీబోన్, యాజేర్, నిమ్రా, హెష్బోన్, ఏలాలె, షేబామ్, నెబోన్ బేయోన్, కజకొ జాగె, కతో.
4ఇశ్రాయేలెవాళేర్ సమాజేర్ సమ్నక్, యెహోవా జీతొ జకొ దేశ్ ఖాడూఁవు సారు ఛాజజకొ దేశ్. తార్ సేవక్ ఛాంజకొ హమేన గావ్డి ఢోరేర్ ఖాడు ఛ.
5జేర్ కార్ణె హమర్పర తార్ మేర్ దకాళస్తో, హమేన యోర్ధానేర్ పర్లేవ్డి నలంగావస్జుఁ, తార్ దాస్ ఛాంజకొ హమేన ఏ దేశేన హక్కేర్నాఁయిఁ దేదకన్ కేజనా.
6మోషే రూబేనె వాళేతీన్, గాదువాళేతి, - తమార్ భాయి వ్యార్ మారేన జారె జనా, తమ్ అత్త బ్యాసన్ రేవాసక?
7యెహోవా ఇశ్రాయేలెవాళేన దీనోజకొ దేశేన ఓ నజావజుఁ తమ్ కస్నె ఉందూర్ దలేన హిమ్మత్ నరజుఁ కర్రేచో?
8ఓ దేశేన దేకేన కాదేశ్ బర్నేయాతి, తమార్ బాపేఁవున మ మేలొ జనా, ఓ సదా హన్నూజ్ కీదె కాఁయిఁ ?
9ఓ ఎష్కోల్ కజకొ ఝోాలెమాఁయిఁ జాన్, ఓ దేశేన దేకన్, ఇశ్రాయేలెవాళేర్ దలేమా హిమ్మత్ నరజుఁ కర్నాకె జేతి, యెహోవా ఉందూన దీనోజకొ దేశేన ఓ జాసకె కోని.
10ఓ దాడ యెహోవార్ రీస్ అంఘార్ వేన్.
11- వీస్ వర్సేతిలేన్, జాదా ఉమ్మర్ రేన్, ఈజిప్ట్ దేశేమాఁయితి ఆయెజకొ మన్క్యాఁవుమా, భర్పూర్ దలేతి యెహోవా కోజేన పక్డన్ చాలె జకొ కెనజీవాళొ ఛజకొ యెఫున్నేరొ బేటా కాలేబన్, నూను కజేర్ బేటా యెహోషువా తపన్.
12ఉజ్జి కుణీ సదా భర్పూర్ దలేతి మార్ వాటేమా చాలెకోని. జేర్ కార్ణెమ అబ్రాహామ్, ఇస్సాకన్ యాకోబేన సోగన్ ఖాన్, దీనో జకొ దేశేన ఓ తపన్ ఉజ్జి కుణీ సదా దేక్ సకేని కన్ సోగన్ ఖాదో.
13జనా ఇశ్రాయేలెవాళేపర యెహోవాన అంఘార్ రీస్ ఛూటి జేతి, యెహోవార్ నంజరేమా ఖరాప్ చాల్ చాలెజకొ ఓ పీడీర్ ఆద్మిసే, నాశ్వజేలగు, జంగలేమా ఊ ఉందూన చాళీస్ వర్సేలగు ఫరూకరజుఁ కీదో.
14అబ్బ ఇశ్రాయేలెవాళేఁవుపర యెహోవాన ఉజ్జి జాదా రీస్ ఛుటాడొజుఁ, ఓ పాపీఁవుర్ వలాదేర్ ఛోజకొ తమ్, తమార్ బాపేఁవుర్ బద్లె నివ్టేచో.
15తమ్ ఓర్ వాటేమా నచాలొజుఁ, హాటొ ఫర్ జాయోతో, ఉజ్జి ఊ జనూన ఏ జంగలేమాజ్ రేజావజుఁ కరియె. హన్ను తమ్ ఏ సారి సమాజేన నాశ్ వేజావజుఁకరోచొ కన్ కో.
16జేతి ఓ, ఓర్కన ఆన్, - హమ్ అత్త హమార్ ఖాడూఁవు సారు దొడ్డీఁవునన్, హమార్ ఛుచాబరె సారు శారేఁవున భాంద్లాంచాఁ.
17ఇశ్రాయేలెవాళేఁవున ఉందూర్ ఉందూర్ జాగేఁవుమా పూంచాడ్దాఁ జేలగు హమ్ ఉందూర్ ముణాంగ వ్యార్ మారేన తయ్యార్ వేన్ ఆంగ చాలాంచాఁ పణ్ హమార్ ఛుచాబర్ ఏ దేశేమా వస్రేజేర్ డర్ ఛజేతి ప్రహారీతి భందేజకొ ఏ శారేఁవుర్ గడేఁవుమా వసచ.
18ఇశ్రాయేలెవాళేఁవుమా హర్యేక్ ఓర్ ఓర్ హక్కేర్ జాయిజాతేన పావజేలగు, హమార్ ఘరేఁన ఫరన్ ఆవాఁని.
19ఉగ్మణేసామ్ యోర్ధానేర్ వర్లేవ్డి హమార్ హక్కేర్ జాయిజాత్ హమేన మళ్గోజేర్ కార్ణె, యోర్ధానేర్ పర్లేవ్డి దూరేమా ఛజకొ జాయిజాతేన ఉందూర్ సాత్ భాగ్ లాని కన్కే.
20జనా మోషే ఉందూతి, - తమ్ తమార్ వాతేపర రేన్, యెహోవార్ సమ్నక్ వ్యార్ మారేన తయార్ వేన్, యెహోవా ఓర్ సమ్నకేతి ఓర్ దుశ్మణీవున భడ్కాద జేలగు.
21యెహోవార్ సమ్నక్ తమ్ సే వ్యార్ మారేన, తయార్ రేన్, యోర్ధానేర్ పర్లేవ్డి జాయెుతో.
22ఊ దేశ్ యెహోవార్ సమ్నక్ జీత్ పాలజేర్ పచ్చ, తమ్ ఫరన్ ఆన్, యెహోవార్ నంజ్రేమాన్, ఇశ్రాయేలెవాళేఁవుర్ నంజ్రేమా దోష్ ఛేనిజకొ వేన్ రోచో. జనా ఈ దేశ్, యెహోవార్ సమ్నక్ తమార్ హక్కేర్ జాయిజాత్ వేజావచ.
23తమ్ హన్ను న కరోతో, యెహోవార్ నంజ్రేమా పాప్ కీదేజకొ వేన్ రోచో జేతి తమార్ పాప్ తమేన పకల్డచ (తమార్ పాపేర్ ఫళ్ - తమేన మళచ) కన్ మాలమ్ కర్లో.
24తమ్ తమార్ ఛుచాబరె సారు, శారేఁవున తమార్ డారేఁవుసారు దొడ్డీఁవున భాంద్లేన్, తమార్ మూండెమాఁయితి ఆయి జకొ వాతేన పక్డన్ కరో కన్కో.
25జనా గాదువాళన్, రూబేనెవాళ్, మోషేతి, - హమార్ ప్రభూ హకమ్ దీనొ జూంజ్, తార్ దాస్ ఛాంజకొ హమ్ కరాంచాఁ.
26హమార్ బేటిబేటా, హమారిబీరే, హమార్ డారేన్, హమార్ గావ్డి ఢోర్ సే ఓత్త గిలాద్ కజే శారేమా రచ.
27తార్ దాస్ ఛాఁ జకొ హమ్, కతో, హమార్ సేనామా ఛజకొ హర్యేక్ సిపాయి, హమార్ ప్రభూ కోజూఁ, యెహోవార్ సమ్నక్ వ్యార్ మారేన యోర్ధానేర్ పర్లేవ్డి ఆవాంచాఁ కన్ కే.
28జేతి మోషే ఉందూర్ వడీతి, యాజక్ ఛజకొ ఎలియాజరేన, నూను కజేర్ బేటా, యెహోషువానన్, ఇశ్రాయేలేవాళేఁవుర్ గోతేఁవుర్ బాప్ దాదాఁవుర్ కట్మాళేఁవుర్ నాయెకేఁవున హకమ్ దేన్ ఉందూతి హన్నుకో.
29- గాదు వాళన్, రూబేనెవాళ్ సే, యెహోవార్ సమ్నక్ వ్యార్ మారేన తయార్ వేన్, తమార్ సాత్ యోర్ధానేర్ పర్లేవ్డి ఆవతో, ఊ దేశ్ తమార్ హాతేతి జీత్ పాలజేర్పచ్చ, తమ్ గిలాద్ దేశేన ఉందూర్ హక్కేర్ జాయిజాతేర్నాఁయి దేదేణో.
30పణ్ ఓ తమార్ సాత భళన్, సిపాయివేన్ పర్లేవ్డి న నిక్ళతో, ఓ, కనాన్ దేశేమాజ్, తమార్ వచ్చజ్ హక్కేర్ ఛజకొ జాయిజాతేన పావచకన్ కో జనా.
31గాదు వాళన్, రూబేనెవాళ్, - యెహోవా, తార్ దాస్ ఛాఁ జకొ హమాతి కోజూంజ్ కరాంచాఁ.
32హమ్ యెహోవార్ సమ్నక్, వ్యార్ మారేన తయ్యార్ వేన్, నందీ లంగన్, కనాన్ దేశేమా జాఁవాంచాఁ. జనా హమ్ యోర్ధానేర్ వర్లేవ్డి ఛజకొ జాయిజాతేన హక్కేర్నాఁయి పాలాంచాఁ కన్ జవాబ్ దీనే.
33జనా మోషే ఉందూన, కతో, గాదువాళేన, రూబేనె వాళేనన్, యోసేపేర్ బేటా ఛజకొ మనష్షేర్ ఆదొ గోతెవాళేన, అమోరేవాళేర్ రాజ్ ఛజకొ సీహోనేర్ రాజ్యేన, బాషానేర్ రాజ్ ఛజకొ ఓగు కజేర్ రాజ్యేనన్, ఓర్ ఆస్పాస్ ఛజకొ శారేఁవుతి సాత్ ఓ దేశేర్ ఘేరన్ ఛజకొ ఓ దేశేర్ శారేఁవున దేదీనో.
34గాదువాళ్, దీబోన్, అతారోతన్, అరోయేర్.
35అత్రోత్, షాపాన్, యాజేర్, మెుగ్బేహా, బెత్నిమ్రాన్, బెత్హారాన్.
36కజకొ ప్రహారీతి భందన్ రజకొ శారేన్, మందాఁవుసారు దొడ్డీవున భాంద్లీదే.
37రూబేనెవాళ్, దూస్రేనామేతి ఛజకొ హెష్బోన్, ఎలాలె, కిర్యతాయీమ్, నేబోన్, బయల్మెయోన్.
38షిబ్మా కజకొ శారేవున భాందన్, ఓ భాందె జకొ శారేవున దుస్రొనామ్ పాడే.
39మనష్షేర్ బేటా ఛజకొ మాకీరెవాళ్, గిలాదె పర జాన్, ఓన పకల్డేన్, ఓమా ఛజకొ అమోరెవాళేఁవున భడ్కాదీనే.
40మోషే, మనష్షేర్ బేటా, ఛజకొ మాకీరేన గిలాదూన దేదీనో, ఊ ఒత్త వస్గో.
41మనష్షేర్ బేటా యాయీర్ జాన్, ఉందూర్ గామేఁవున పకల్డేన్, ఉందూన యాయిరేర్ గామ్ కన్ నామ్ పాడో.
42నోబహాు జాన్, కెనాతు కజేనన్, ఓర్ గామెఁవున పకల్డేన్ ఓన నోబహాు కన్ కజకొ ఓర్ నామ్ పాల్డీదో.
Currently Selected:
Numbers 32: Lambadi
Highlight
Copy
Compare
Share
Want to have your highlights saved across all your devices? Sign up or sign in
© 2025, The Bible Society of India
All rights reserved
Numbers 32
32
1రూబేనెవాళెనన్, గాదు వాళేన ఘణే గావ్డి ఢోరేర్ ఖాడు రజేతి యాజేరు కజకొ జాగేన్, గిలాద్ కజకొ జాగె, ఖాడూఁ సారు ఆచ్ జాగె ఛకన్ మాలమ్ కర్లేన్.
2ఓ ఆన్ మోషేతీన్, యాజక్ ఛజకొ ఎలియాజరేతీన్, మళాయేఁవుర్ నాయెకేఁవుతి.
3- అతారోత్, దీబోన్, యాజేర్, నిమ్రా, హెష్బోన్, ఏలాలె, షేబామ్, నెబోన్ బేయోన్, కజకొ జాగె, కతో.
4ఇశ్రాయేలెవాళేర్ సమాజేర్ సమ్నక్, యెహోవా జీతొ జకొ దేశ్ ఖాడూఁవు సారు ఛాజజకొ దేశ్. తార్ సేవక్ ఛాంజకొ హమేన గావ్డి ఢోరేర్ ఖాడు ఛ.
5జేర్ కార్ణె హమర్పర తార్ మేర్ దకాళస్తో, హమేన యోర్ధానేర్ పర్లేవ్డి నలంగావస్జుఁ, తార్ దాస్ ఛాంజకొ హమేన ఏ దేశేన హక్కేర్నాఁయిఁ దేదకన్ కేజనా.
6మోషే రూబేనె వాళేతీన్, గాదువాళేతి, - తమార్ భాయి వ్యార్ మారేన జారె జనా, తమ్ అత్త బ్యాసన్ రేవాసక?
7యెహోవా ఇశ్రాయేలెవాళేన దీనోజకొ దేశేన ఓ నజావజుఁ తమ్ కస్నె ఉందూర్ దలేన హిమ్మత్ నరజుఁ కర్రేచో?
8ఓ దేశేన దేకేన కాదేశ్ బర్నేయాతి, తమార్ బాపేఁవున మ మేలొ జనా, ఓ సదా హన్నూజ్ కీదె కాఁయిఁ ?
9ఓ ఎష్కోల్ కజకొ ఝోాలెమాఁయిఁ జాన్, ఓ దేశేన దేకన్, ఇశ్రాయేలెవాళేర్ దలేమా హిమ్మత్ నరజుఁ కర్నాకె జేతి, యెహోవా ఉందూన దీనోజకొ దేశేన ఓ జాసకె కోని.
10ఓ దాడ యెహోవార్ రీస్ అంఘార్ వేన్.
11- వీస్ వర్సేతిలేన్, జాదా ఉమ్మర్ రేన్, ఈజిప్ట్ దేశేమాఁయితి ఆయెజకొ మన్క్యాఁవుమా, భర్పూర్ దలేతి యెహోవా కోజేన పక్డన్ చాలె జకొ కెనజీవాళొ ఛజకొ యెఫున్నేరొ బేటా కాలేబన్, నూను కజేర్ బేటా యెహోషువా తపన్.
12ఉజ్జి కుణీ సదా భర్పూర్ దలేతి మార్ వాటేమా చాలెకోని. జేర్ కార్ణెమ అబ్రాహామ్, ఇస్సాకన్ యాకోబేన సోగన్ ఖాన్, దీనో జకొ దేశేన ఓ తపన్ ఉజ్జి కుణీ సదా దేక్ సకేని కన్ సోగన్ ఖాదో.
13జనా ఇశ్రాయేలెవాళేపర యెహోవాన అంఘార్ రీస్ ఛూటి జేతి, యెహోవార్ నంజరేమా ఖరాప్ చాల్ చాలెజకొ ఓ పీడీర్ ఆద్మిసే, నాశ్వజేలగు, జంగలేమా ఊ ఉందూన చాళీస్ వర్సేలగు ఫరూకరజుఁ కీదో.
14అబ్బ ఇశ్రాయేలెవాళేఁవుపర యెహోవాన ఉజ్జి జాదా రీస్ ఛుటాడొజుఁ, ఓ పాపీఁవుర్ వలాదేర్ ఛోజకొ తమ్, తమార్ బాపేఁవుర్ బద్లె నివ్టేచో.
15తమ్ ఓర్ వాటేమా నచాలొజుఁ, హాటొ ఫర్ జాయోతో, ఉజ్జి ఊ జనూన ఏ జంగలేమాజ్ రేజావజుఁ కరియె. హన్ను తమ్ ఏ సారి సమాజేన నాశ్ వేజావజుఁకరోచొ కన్ కో.
16జేతి ఓ, ఓర్కన ఆన్, - హమ్ అత్త హమార్ ఖాడూఁవు సారు దొడ్డీఁవునన్, హమార్ ఛుచాబరె సారు శారేఁవున భాంద్లాంచాఁ.
17ఇశ్రాయేలెవాళేఁవున ఉందూర్ ఉందూర్ జాగేఁవుమా పూంచాడ్దాఁ జేలగు హమ్ ఉందూర్ ముణాంగ వ్యార్ మారేన తయ్యార్ వేన్ ఆంగ చాలాంచాఁ పణ్ హమార్ ఛుచాబర్ ఏ దేశేమా వస్రేజేర్ డర్ ఛజేతి ప్రహారీతి భందేజకొ ఏ శారేఁవుర్ గడేఁవుమా వసచ.
18ఇశ్రాయేలెవాళేఁవుమా హర్యేక్ ఓర్ ఓర్ హక్కేర్ జాయిజాతేన పావజేలగు, హమార్ ఘరేఁన ఫరన్ ఆవాఁని.
19ఉగ్మణేసామ్ యోర్ధానేర్ వర్లేవ్డి హమార్ హక్కేర్ జాయిజాత్ హమేన మళ్గోజేర్ కార్ణె, యోర్ధానేర్ పర్లేవ్డి దూరేమా ఛజకొ జాయిజాతేన ఉందూర్ సాత్ భాగ్ లాని కన్కే.
20జనా మోషే ఉందూతి, - తమ్ తమార్ వాతేపర రేన్, యెహోవార్ సమ్నక్ వ్యార్ మారేన తయార్ వేన్, యెహోవా ఓర్ సమ్నకేతి ఓర్ దుశ్మణీవున భడ్కాద జేలగు.
21యెహోవార్ సమ్నక్ తమ్ సే వ్యార్ మారేన, తయార్ రేన్, యోర్ధానేర్ పర్లేవ్డి జాయెుతో.
22ఊ దేశ్ యెహోవార్ సమ్నక్ జీత్ పాలజేర్ పచ్చ, తమ్ ఫరన్ ఆన్, యెహోవార్ నంజ్రేమాన్, ఇశ్రాయేలెవాళేఁవుర్ నంజ్రేమా దోష్ ఛేనిజకొ వేన్ రోచో. జనా ఈ దేశ్, యెహోవార్ సమ్నక్ తమార్ హక్కేర్ జాయిజాత్ వేజావచ.
23తమ్ హన్ను న కరోతో, యెహోవార్ నంజ్రేమా పాప్ కీదేజకొ వేన్ రోచో జేతి తమార్ పాప్ తమేన పకల్డచ (తమార్ పాపేర్ ఫళ్ - తమేన మళచ) కన్ మాలమ్ కర్లో.
24తమ్ తమార్ ఛుచాబరె సారు, శారేఁవున తమార్ డారేఁవుసారు దొడ్డీఁవున భాంద్లేన్, తమార్ మూండెమాఁయితి ఆయి జకొ వాతేన పక్డన్ కరో కన్కో.
25జనా గాదువాళన్, రూబేనెవాళ్, మోషేతి, - హమార్ ప్రభూ హకమ్ దీనొ జూంజ్, తార్ దాస్ ఛాంజకొ హమ్ కరాంచాఁ.
26హమార్ బేటిబేటా, హమారిబీరే, హమార్ డారేన్, హమార్ గావ్డి ఢోర్ సే ఓత్త గిలాద్ కజే శారేమా రచ.
27తార్ దాస్ ఛాఁ జకొ హమ్, కతో, హమార్ సేనామా ఛజకొ హర్యేక్ సిపాయి, హమార్ ప్రభూ కోజూఁ, యెహోవార్ సమ్నక్ వ్యార్ మారేన యోర్ధానేర్ పర్లేవ్డి ఆవాంచాఁ కన్ కే.
28జేతి మోషే ఉందూర్ వడీతి, యాజక్ ఛజకొ ఎలియాజరేన, నూను కజేర్ బేటా, యెహోషువానన్, ఇశ్రాయేలేవాళేఁవుర్ గోతేఁవుర్ బాప్ దాదాఁవుర్ కట్మాళేఁవుర్ నాయెకేఁవున హకమ్ దేన్ ఉందూతి హన్నుకో.
29- గాదు వాళన్, రూబేనెవాళ్ సే, యెహోవార్ సమ్నక్ వ్యార్ మారేన తయార్ వేన్, తమార్ సాత్ యోర్ధానేర్ పర్లేవ్డి ఆవతో, ఊ దేశ్ తమార్ హాతేతి జీత్ పాలజేర్పచ్చ, తమ్ గిలాద్ దేశేన ఉందూర్ హక్కేర్ జాయిజాతేర్నాఁయి దేదేణో.
30పణ్ ఓ తమార్ సాత భళన్, సిపాయివేన్ పర్లేవ్డి న నిక్ళతో, ఓ, కనాన్ దేశేమాజ్, తమార్ వచ్చజ్ హక్కేర్ ఛజకొ జాయిజాతేన పావచకన్ కో జనా.
31గాదు వాళన్, రూబేనెవాళ్, - యెహోవా, తార్ దాస్ ఛాఁ జకొ హమాతి కోజూంజ్ కరాంచాఁ.
32హమ్ యెహోవార్ సమ్నక్, వ్యార్ మారేన తయ్యార్ వేన్, నందీ లంగన్, కనాన్ దేశేమా జాఁవాంచాఁ. జనా హమ్ యోర్ధానేర్ వర్లేవ్డి ఛజకొ జాయిజాతేన హక్కేర్నాఁయి పాలాంచాఁ కన్ జవాబ్ దీనే.
33జనా మోషే ఉందూన, కతో, గాదువాళేన, రూబేనె వాళేనన్, యోసేపేర్ బేటా ఛజకొ మనష్షేర్ ఆదొ గోతెవాళేన, అమోరేవాళేర్ రాజ్ ఛజకొ సీహోనేర్ రాజ్యేన, బాషానేర్ రాజ్ ఛజకొ ఓగు కజేర్ రాజ్యేనన్, ఓర్ ఆస్పాస్ ఛజకొ శారేఁవుతి సాత్ ఓ దేశేర్ ఘేరన్ ఛజకొ ఓ దేశేర్ శారేఁవున దేదీనో.
34గాదువాళ్, దీబోన్, అతారోతన్, అరోయేర్.
35అత్రోత్, షాపాన్, యాజేర్, మెుగ్బేహా, బెత్నిమ్రాన్, బెత్హారాన్.
36కజకొ ప్రహారీతి భందన్ రజకొ శారేన్, మందాఁవుసారు దొడ్డీవున భాంద్లీదే.
37రూబేనెవాళ్, దూస్రేనామేతి ఛజకొ హెష్బోన్, ఎలాలె, కిర్యతాయీమ్, నేబోన్, బయల్మెయోన్.
38షిబ్మా కజకొ శారేవున భాందన్, ఓ భాందె జకొ శారేవున దుస్రొనామ్ పాడే.
39మనష్షేర్ బేటా ఛజకొ మాకీరెవాళ్, గిలాదె పర జాన్, ఓన పకల్డేన్, ఓమా ఛజకొ అమోరెవాళేఁవున భడ్కాదీనే.
40మోషే, మనష్షేర్ బేటా, ఛజకొ మాకీరేన గిలాదూన దేదీనో, ఊ ఒత్త వస్గో.
41మనష్షేర్ బేటా యాయీర్ జాన్, ఉందూర్ గామేఁవున పకల్డేన్, ఉందూన యాయిరేర్ గామ్ కన్ నామ్ పాడో.
42నోబహాు జాన్, కెనాతు కజేనన్, ఓర్ గామెఁవున పకల్డేన్ ఓన నోబహాు కన్ కజకొ ఓర్ నామ్ పాల్డీదో.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025, The Bible Society of India
All rights reserved