genesis 23
23
1శారా జీవి జకొ దాడ్, కతో శారా బంచీజకో వరస్ ఏక్సో వీసన్ సాత్.
2శారా కనాన్ దేశేమాఁయిర్ హెబ్రోన్ కజకో కిర్యతార్బామా మర్గి; జనా అబ్రహామ్ శారా సారు వలారా కరేనన్ ఓర్ సారు రోవాపీటి కరేన ఆయెు.
3జేర్పచ్చ అబ్రహామ్ మర్గిజకో ఓర్ బీరేకనేతి ఊటన్ హేతు కజేర్ బేటావున దేకన్ కో.
4మ తమార్ వచ్చ ఏక్ పర్దేశీన్, నవాడొ ఛూఁ. మర్గిజకో మార్ బీర్ మార్ ఆంకి ముణాంగ నరజుఁ ఓన గత్ భాంత్ కరేన తమార్ జాగేంవుమా ఏక్ మసాణేర్ జమ్మీన మార్ హకేర్నాఁయిఁ రేన దోకన్ మాంగో జనా.
5హేతూర్ బేటా హన్ను కే. ఏ బాపూ హమార్ వాత్ సామళ్, తూఁ, హమార్ వచ్చ మహారాజేర్నాఁయిఁ ఛీ.
6హమార్ మసాణేర్ జమ్మీవుమా సేతి ఆచ్ జాగేమా మర్గిజకొ తార్ బీరేన గత్ భాంత్ కర్ద. మర్గీజకో తార్ బీరేన గత్ భాంత్ కరేన ఓర్ మసాణేర్ జమ్మీన దూని కేవాళొ హమార్ మా కుణీభీ ఛేని కన్ అబ్రహామేన కే.
7జనా అబ్రహామ్ ఊటన్ ఓదేశేర్ జన్ ఛజకో హేతు కజేర్ బేటావున నవన్ నమస్కార్ కరన్ హన్ను కో.
8మర్గీజకో మార్ బీరేన మార్ సమ్నక్ నరజుఁ మ ఓన గత్ భాంత్ కరేరొ తమేన ఖాతర్ వతో, మార్ వాత్ సామ్ళో.
9సోహారేర్ బేటా ఎఫ్రోనేర్ క్యారార్ ఛేడాపర ఓన ఛజకో మక్పేలా కజకో ఖోళాన మన దజూఁ మార్వడీతి ఓన నోరాకరొ, తమార్ వచ్చ మసాణేర్ జమ్మీర్ నాఁయిఁ రజుఁ పూరొ దామ్ లేన్ ఊ ఓన మార్ ఖాస్ హకేర్నాఁయిఁ - కర్దజుఁ కరోకన్ ఉందూనకో.
10జనా ఎఫ్రోన్ హేతూర్ బేటావూఁర్ వచ్చ బేటోతో. హిత్తీవాళొ ఛజకో ఎఫ్రోన్ ఓర్ శారేర్ ఫాటకేమా ఆవజకొ సేర్ ముణాంగ హేతూర్ బేటాఁవున ఆటావజుఁ అబ్రహామేన దీనోజకొ జవాబ్ కాఁయిఁ కతో.
11బాపూ, హన్ను కోని మార్ వాతేన సామళ్, ఓ క్యారన తోనదేదే రోంచుఁ. ఓమా ఛజకో ఖోళాన సదా తోన దేదేరోంచుఁ. మార్ జనూర్ ముణాంగ ఓనమ తోన దేదేరోంచుఁ. మర్గిజకొ తార్ బీరేన గత్ భాంత్ కర్ద కన్ కో.
12జనా అబ్రహామ్ ఓ దేశేర్ జనూర్ ముణాంగ నవన్ నమస్కార్ కరన్.
13అచో, హన్ను వతొ మార్ వాత్ సామళ్. ఓ క్యారార్ దామ్ దేదూఁచుఁ; ఊ మార్కన లేలస్తో, మర్గిజకో మార్ బీరేన గత్ భాంత్ కర్లూఁచుఁ కన్ ఓ దేశేర్ జన్ సామ్ళజుఁ ఎఫ్రోనేతి కో.
14జనా ఎప్రోన్ అబ్రహామేతి కో - మార్ ప్రభూ మార్ వాత్ సామళ్;
15ఓ జమ్మీర్ దామ్ చార్ సేతోళా రూపో వచ. తారన్ మార్ వచ్చె ఊ కత్రాకేరో? మర్గిజకో తార్ బీరేన గత్ భాంత్ కర్దకన్ అబ్రహామేతి కో.
16అబ్రహామ్ ఎఫ్రోనేర్ వాత్ మానో, జేతి హేతూర్ బేటావున ఆటావజుఁ ఎఫ్రోన్ కోజకో దామ్ కతో వ్యాపారీఁవు మా చాలజకో చార్సె తోళా చాంది అబ్రహామ్ తోలన్ ఓనదీనో.
17హన్ను, మమ్రేముణాంగ రజకో మక్పేలా మాఁయిఁర్ ఎఫ్రోనేర్ క్యారా, కతో, ఊ క్యారాన్, ఓమా ఛజకో ఖోళా, ఓర్ ఘేరన్ ఛజకో ఓ క్యారార్ ఝాడ్ సే, ఓర్ గామేర్ ఆంగ్ణేమా ఆవజకొసేమా.
18హేతూర్ బేటావూఁర్ ముణాంగ అబ్రహామేన హకేర్ నాఁయిఁ ఘట్ వేగో.
19ఓర్పచ్చ అబ్రహామ్ కనాన్ దేశేర్ హేబ్రోన్ కజకో మక్పేలార్ క్యారార్ ఖోళామా ఓర్ బీర్ శారాన గత్ భాంత్ కీదో.
20ఊ క్యారాన్ ఓమా ఛజకో ఖోళా హేతూర్ బేటాఁవుర్ వడితి మసాణే సారు? అబ్రహామేన హక్దారేర్ నాఁయిఁ ఘట్ కర్నాకే.
Currently Selected:
genesis 23: Lambadi
Highlight
Share
Copy
Want to have your highlights saved across all your devices? Sign up or sign in
© 2025, The Bible Society of India
All rights reserved
