Matayo 5
5
OYesu akwegesya oku lusozi
1Ekiro kimwei oYesu niyaboine abantu abaingi, nʼatemba oku lusozi nʼaikaara. Abeegesebwa baamwe ni baiza waali, 2nʼatandika okubeegesya, nʼakukoba ati:
Ba mukisa
(Luk 6:20-23)
3“Ba mukisa abaseege omu bya mwoyo,
kubba obukama obwa mwiguru bwabwe.
4Ba mukisa abakungubaga,
kubba oKanca alibakubagiza.
5Ba mukisa abaculeeri,
kubba abo oKanca alibaweerya ensi gyeyasuubiize.
6Ba mukisa abalumwa enzala nʼamalo olwa bwikiiri
kubba alibaweerya byebendya.
7Ba mukisa aba kisa,
kubba abo oKanca ali bakwatirwa ekisa.
8Ba mukisa abalina emitima egigolokoki,
kubba abo balibona oKanca.
9Ba mukisa abakoleera emirembe,
kubba abo balyetebwa baana ba Kanca.
10Ba mukisa abaasayasanizibwa olwa kukola ebya bwikiiri,
kubba obukama bwa mwiguru bwabwe.
11“Muli ba mukisa nibaakubazumanga, nibaakubaasayasanianga, nibaakubawangiiryanga buli kigambo ekibbi nibakubajunaana nje. 12Musemereerwe, mujaganye, kubba empeera yaanywe omwiguru gikooto. Nʼabalangi abeekereire nywe okubbaawo, nimwo baayasayasaniziibwe batyo.”
Omuunyu nʼekyengeezi
(Mak 9:50; Luk 14:34-35)
13OYesu ni yeeyongera nʼabakoba ati, “Niinywe muunyu gwa nsi, baitu nigujungulukuka, musobola mutyai okugwiryamu obuka bwagwo? Gubba tigucaagasa, okwiyaku okunagibwa enzai, abantu ni bagusambaatiira.
14“Niinywe kyengeezi kya nsi. Ekibuga ekyombokeibwe oku lusozi tikisobola kubbisibwa. 15Era tibakoleerya taala ni bagibbisa omu kiibbo, okwiyaku bagiwanika oku kikondo, nʼemolekera boona boona abali omu nyumba. 16Omu ngeri nigyo gimwei, ekyengeezi kyanywe kiteekwa okwakira kityo abantu, babone ebikolwa byanywe ebisai, leke bawaisye oIte waanywe ali omwiguru.”
Amateeka
17OYesu ni yeeyongera nʼabakoba ati, “Muleke kulowooza nti naizire kudubya mateeka ga Musa oba ebyo abalangi byebaawandiikire. Tinaizire kubidubya, okwiyaku okubiikiirya. 18Kambakobere amananu, eiguru nʼensi nibicaaliwo, enukuta emwei, gonzembe akasale kaayo akamwei tikalidubizibwa omu Mateeka ago, okwica byona byona nibiriikiira. 19Olwʼekyo buli ayenda erimwei oku mateeka ago, gonze erisinga obudooli, era nʼayegesya abantu okukola batyo, alyetebwa asingayo obudooli omu bukama obwa mwiguru. Baitu oyo akwata amateeka, nʼayegesya nʼabandi okugakwata, alyetebwa mukulu omu bukama obwa mwiguru. 20Nkubakoba nti nimutaabbenge baikiiri okusinga abeegesya bʼamateeka nʼaBafarisaayo, timulingira bukama bwa mwiguru.”
OYesu akwegesya oku kiniga
21OYesu ni yeeyongera nʼabakoba ati, “Mwawuliire abairai nibaakobeibwe nti, ‘Toitanga muntu.#Kuz 20:13; Tek 5:17 Aliita omuntu aliwozesebwa.’ 22Baitu nje nkubakoba nti buli muntu agongereera owaluganda#5:22 Ebiwandiiko ebimwei bigaitaku “awatali nsonga.” yeena aliwozesebwa. Oyo akoba owaluganda nti, ‘Oli kitagasa,’ alireetebwa omu maiso ga lukiiko olukulu. Nʼoyo akoba owaluganda nti, ‘Mudoma we,’ asemeire kunagibwa mu muuro ogutalikira.
23“Ale nobbanga okuleeta ekitwo kyamu oku olutaali, nʼoizukiriira eyo ngʼomugandaawo alina ekigambo kyakukujunaana, 24leka awo ekitwo kyamu, omu maiso gʼolutaali, oyabe weekeere okuyimbya nʼomugandaawo ale oire oweeryeyo ekitwo kyamu.
25“Omuntu nabba akukujunaana era nakukutwala omu mbuga, yimbya naye nimucaali kwikayo. Notakola otyo akuweeryayo ewa mulamuli, nʼomulamuli nʼakukwatisya omusirikale, nʼonagibwa omu nkomyo. 26Kambakobere amananu nti omwo tolizwamu okwica nosaswire akampiiya akakusembayo akakukutongebwa.”
OYesu akwegesya oku busiiyani
27OYesu ni yeeyongera nʼabakoba ati, “Mwawuliire abairai nibaakobeibwe nti, ‘Tosiiyananga.’#Kuz 20:14 28Baitu nje nkubakoba nti buli aroleera omukali nʼamwegomba, abba amusiiyaineku omu mutima gwamwe. 29Eriiso ryamu erya gulyo nirikukolesya ekibbi, riiyemu orinage alai. Kikugasa okufeerwa ekimwei oku bitundu bya mubiri gwamu, okusinga omubiri gwamu gwona ni gunagibwa omu muuro ogutalikira. 30Era omukono gwamu ogulyo nigukukolesya ekibbi, gutemeku ogunage alai. Kikugasa okufeerwa ekimwei oku bitundu bya mubiri gwamu, okusinga omubiri gwamu gwona ni gunagibwa omu muuro ogutalikira.”
OYesu akwegesya oku kugaitululwa kwʼabasumbo
(Mat 19:9; Mak 10:11-12; Luk 16:18)
31OYesu ni yeeyongera nʼabakoba ati, “Era mwawuliire abairai nibaakobeibwe nti, ‘Buli apeka omukali waamwe, amuweeryenge ebbaluwa ekukakatya nti amupekere.’#Tek 24:1-4 32Baitu nje nkubakoba nywe nti buli apeka omukali waamwe, okwiyaku ngʼamupekere lwa busiiyani, abba amunagire mu busiiyani. Nʼoyo aswera omukali eyapekerwe, abba asiiyaine.”#5:32 Nʼoyo aswera omukali eyapekerwe, abba asiiyaine Ebiwandiiko ebimwei ebyairai tibirimu bigambo ebyo.
OYesu akwegesya oku kulayira
33OYesu ni yeeyongera nʼabakoba ati, “Era mwawuliire abairai nibaakobeibwe nti, ‘Toyendanga kirayiro, era oikiiryanga kyewasuubiize egiri oMukama.’#Lev 19:12 34Baitu nje nkubakoba nywe obutalayiriiranga kimwei gonze eiguru, kubba nigyo ntebe ya Kanca, 35gonze ensi, kubba oKanca nikwo ata amagulu gaamwe, oba oYerusaalemu, kubba nikyo kibuga kya Mukama oMukulu. 36Era tolayiranga mutwe gwamu, kubba tosobola kufoola gonze olusoke olumwei okubba olweru oba olwiraguzu. 37Baitu mukobengembe muti, ‘Nimwo.’ Oba nti, ‘Tinimwo.’ Ebisinga okwebyo bizwa wa Setaani.”
OYesu akwegesya oku butawooranga nzugu
(Luk 6:29-30)
38OYesu ni yeeyongera nʼabakoba ati, “Mwawuliire abairai nibaakobeibwe nti ‘Eriiso rigaitwa riiso, eriino rigaitwa riino.’#Kuz 21:24; Lev 24:20; Tek 19:21 39Nje nkubakoba nywe nti timuwooranga nzugu ku akukoore okubbi, omuntu nakupaaya okwitama erya gulyo, omuyinduuranga nʼerindi.
40“Omuntu nakuwaabiranga nakwendya okutwala esaati yaamu, omulekeranga nʼekooti. 41Era buli akuwambirizanga okutambula naye ekilomita emwei, otambulanga naye ekilomita ibiri. 42Akusabanga omuweeryanga, era ayendya okukwetiizaku, tomwepekangaku.”
OYesu akwegesya oku kwendya abanyanzugu
(Luk 6:29-30)
43OYesu ni yeeyongera nʼabakoba ati, “Mwawuliire abairai nibaakobeibwe nti, ‘Oyendyanga omwiraawo,#Lev 19:18 nʼonoba omunyazugu waamu.’ 44Baitu nje nkubakoba nywe nti mwendyenge abanyanzugu baanywe, musabirenge ababaasayasania, 45leke mubbe abaana ba Ite waanywe ali omwiguru kubba eisana aryakirya abasai nʼababbi era atoonyeserya enjura abakola okusai nʼabakola okubbi. 46Ale nimwayendyanga ababendya bonkai, mulitunga kasiimo ki? Nʼabasoroorya ba musolo bemukoba ti bakoli ba bibbi boona tinimwo ni bakola batyo? 47Era nimwalamucanga abaluganda banywe bonkai, abandi mwabba mubakirisirye ki? Abantu aba nsi boona ekyo tinikyo bakola? 48Ale ati nywe mubbenge baikiiri, nkʼoIte waanywe ali omwiguru nali omwikiiri.”
Currently Selected:
Matayo 5: RUULI-NYALA
Highlight
Share
Copy
Want to have your highlights saved across all your devices? Sign up or sign in
Matayo 5
5
OYesu akwegesya oku lusozi
1Ekiro kimwei oYesu niyaboine abantu abaingi, nʼatemba oku lusozi nʼaikaara. Abeegesebwa baamwe ni baiza waali, 2nʼatandika okubeegesya, nʼakukoba ati:
Ba mukisa
(Luk 6:20-23)
3“Ba mukisa abaseege omu bya mwoyo,
kubba obukama obwa mwiguru bwabwe.
4Ba mukisa abakungubaga,
kubba oKanca alibakubagiza.
5Ba mukisa abaculeeri,
kubba abo oKanca alibaweerya ensi gyeyasuubiize.
6Ba mukisa abalumwa enzala nʼamalo olwa bwikiiri
kubba alibaweerya byebendya.
7Ba mukisa aba kisa,
kubba abo oKanca ali bakwatirwa ekisa.
8Ba mukisa abalina emitima egigolokoki,
kubba abo balibona oKanca.
9Ba mukisa abakoleera emirembe,
kubba abo balyetebwa baana ba Kanca.
10Ba mukisa abaasayasanizibwa olwa kukola ebya bwikiiri,
kubba obukama bwa mwiguru bwabwe.
11“Muli ba mukisa nibaakubazumanga, nibaakubaasayasanianga, nibaakubawangiiryanga buli kigambo ekibbi nibakubajunaana nje. 12Musemereerwe, mujaganye, kubba empeera yaanywe omwiguru gikooto. Nʼabalangi abeekereire nywe okubbaawo, nimwo baayasayasaniziibwe batyo.”
Omuunyu nʼekyengeezi
(Mak 9:50; Luk 14:34-35)
13OYesu ni yeeyongera nʼabakoba ati, “Niinywe muunyu gwa nsi, baitu nigujungulukuka, musobola mutyai okugwiryamu obuka bwagwo? Gubba tigucaagasa, okwiyaku okunagibwa enzai, abantu ni bagusambaatiira.
14“Niinywe kyengeezi kya nsi. Ekibuga ekyombokeibwe oku lusozi tikisobola kubbisibwa. 15Era tibakoleerya taala ni bagibbisa omu kiibbo, okwiyaku bagiwanika oku kikondo, nʼemolekera boona boona abali omu nyumba. 16Omu ngeri nigyo gimwei, ekyengeezi kyanywe kiteekwa okwakira kityo abantu, babone ebikolwa byanywe ebisai, leke bawaisye oIte waanywe ali omwiguru.”
Amateeka
17OYesu ni yeeyongera nʼabakoba ati, “Muleke kulowooza nti naizire kudubya mateeka ga Musa oba ebyo abalangi byebaawandiikire. Tinaizire kubidubya, okwiyaku okubiikiirya. 18Kambakobere amananu, eiguru nʼensi nibicaaliwo, enukuta emwei, gonzembe akasale kaayo akamwei tikalidubizibwa omu Mateeka ago, okwica byona byona nibiriikiira. 19Olwʼekyo buli ayenda erimwei oku mateeka ago, gonze erisinga obudooli, era nʼayegesya abantu okukola batyo, alyetebwa asingayo obudooli omu bukama obwa mwiguru. Baitu oyo akwata amateeka, nʼayegesya nʼabandi okugakwata, alyetebwa mukulu omu bukama obwa mwiguru. 20Nkubakoba nti nimutaabbenge baikiiri okusinga abeegesya bʼamateeka nʼaBafarisaayo, timulingira bukama bwa mwiguru.”
OYesu akwegesya oku kiniga
21OYesu ni yeeyongera nʼabakoba ati, “Mwawuliire abairai nibaakobeibwe nti, ‘Toitanga muntu.#Kuz 20:13; Tek 5:17 Aliita omuntu aliwozesebwa.’ 22Baitu nje nkubakoba nti buli muntu agongereera owaluganda#5:22 Ebiwandiiko ebimwei bigaitaku “awatali nsonga.” yeena aliwozesebwa. Oyo akoba owaluganda nti, ‘Oli kitagasa,’ alireetebwa omu maiso ga lukiiko olukulu. Nʼoyo akoba owaluganda nti, ‘Mudoma we,’ asemeire kunagibwa mu muuro ogutalikira.
23“Ale nobbanga okuleeta ekitwo kyamu oku olutaali, nʼoizukiriira eyo ngʼomugandaawo alina ekigambo kyakukujunaana, 24leka awo ekitwo kyamu, omu maiso gʼolutaali, oyabe weekeere okuyimbya nʼomugandaawo ale oire oweeryeyo ekitwo kyamu.
25“Omuntu nabba akukujunaana era nakukutwala omu mbuga, yimbya naye nimucaali kwikayo. Notakola otyo akuweeryayo ewa mulamuli, nʼomulamuli nʼakukwatisya omusirikale, nʼonagibwa omu nkomyo. 26Kambakobere amananu nti omwo tolizwamu okwica nosaswire akampiiya akakusembayo akakukutongebwa.”
OYesu akwegesya oku busiiyani
27OYesu ni yeeyongera nʼabakoba ati, “Mwawuliire abairai nibaakobeibwe nti, ‘Tosiiyananga.’#Kuz 20:14 28Baitu nje nkubakoba nti buli aroleera omukali nʼamwegomba, abba amusiiyaineku omu mutima gwamwe. 29Eriiso ryamu erya gulyo nirikukolesya ekibbi, riiyemu orinage alai. Kikugasa okufeerwa ekimwei oku bitundu bya mubiri gwamu, okusinga omubiri gwamu gwona ni gunagibwa omu muuro ogutalikira. 30Era omukono gwamu ogulyo nigukukolesya ekibbi, gutemeku ogunage alai. Kikugasa okufeerwa ekimwei oku bitundu bya mubiri gwamu, okusinga omubiri gwamu gwona ni gunagibwa omu muuro ogutalikira.”
OYesu akwegesya oku kugaitululwa kwʼabasumbo
(Mat 19:9; Mak 10:11-12; Luk 16:18)
31OYesu ni yeeyongera nʼabakoba ati, “Era mwawuliire abairai nibaakobeibwe nti, ‘Buli apeka omukali waamwe, amuweeryenge ebbaluwa ekukakatya nti amupekere.’#Tek 24:1-4 32Baitu nje nkubakoba nywe nti buli apeka omukali waamwe, okwiyaku ngʼamupekere lwa busiiyani, abba amunagire mu busiiyani. Nʼoyo aswera omukali eyapekerwe, abba asiiyaine.”#5:32 Nʼoyo aswera omukali eyapekerwe, abba asiiyaine Ebiwandiiko ebimwei ebyairai tibirimu bigambo ebyo.
OYesu akwegesya oku kulayira
33OYesu ni yeeyongera nʼabakoba ati, “Era mwawuliire abairai nibaakobeibwe nti, ‘Toyendanga kirayiro, era oikiiryanga kyewasuubiize egiri oMukama.’#Lev 19:12 34Baitu nje nkubakoba nywe obutalayiriiranga kimwei gonze eiguru, kubba nigyo ntebe ya Kanca, 35gonze ensi, kubba oKanca nikwo ata amagulu gaamwe, oba oYerusaalemu, kubba nikyo kibuga kya Mukama oMukulu. 36Era tolayiranga mutwe gwamu, kubba tosobola kufoola gonze olusoke olumwei okubba olweru oba olwiraguzu. 37Baitu mukobengembe muti, ‘Nimwo.’ Oba nti, ‘Tinimwo.’ Ebisinga okwebyo bizwa wa Setaani.”
OYesu akwegesya oku butawooranga nzugu
(Luk 6:29-30)
38OYesu ni yeeyongera nʼabakoba ati, “Mwawuliire abairai nibaakobeibwe nti ‘Eriiso rigaitwa riiso, eriino rigaitwa riino.’#Kuz 21:24; Lev 24:20; Tek 19:21 39Nje nkubakoba nywe nti timuwooranga nzugu ku akukoore okubbi, omuntu nakupaaya okwitama erya gulyo, omuyinduuranga nʼerindi.
40“Omuntu nakuwaabiranga nakwendya okutwala esaati yaamu, omulekeranga nʼekooti. 41Era buli akuwambirizanga okutambula naye ekilomita emwei, otambulanga naye ekilomita ibiri. 42Akusabanga omuweeryanga, era ayendya okukwetiizaku, tomwepekangaku.”
OYesu akwegesya oku kwendya abanyanzugu
(Luk 6:29-30)
43OYesu ni yeeyongera nʼabakoba ati, “Mwawuliire abairai nibaakobeibwe nti, ‘Oyendyanga omwiraawo,#Lev 19:18 nʼonoba omunyazugu waamu.’ 44Baitu nje nkubakoba nywe nti mwendyenge abanyanzugu baanywe, musabirenge ababaasayasania, 45leke mubbe abaana ba Ite waanywe ali omwiguru kubba eisana aryakirya abasai nʼababbi era atoonyeserya enjura abakola okusai nʼabakola okubbi. 46Ale nimwayendyanga ababendya bonkai, mulitunga kasiimo ki? Nʼabasoroorya ba musolo bemukoba ti bakoli ba bibbi boona tinimwo ni bakola batyo? 47Era nimwalamucanga abaluganda banywe bonkai, abandi mwabba mubakirisirye ki? Abantu aba nsi boona ekyo tinikyo bakola? 48Ale ati nywe mubbenge baikiiri, nkʼoIte waanywe ali omwiguru nali omwikiiri.”
Currently Selected:
:
Highlight
Share
Copy
Want to have your highlights saved across all your devices? Sign up or sign in