Yokaana 21
21
OYesu akubonekera abeegesebwa omusanju
1Ebyo nibyaweire, oYesu nʼabonekera abeegesebwa baamwe omulundi ogundi, oku nyanja ya Tibbeeriya.#21:1 Enyanja eni era eyetebwa Nyanja ya Galiraaya. Yababonekeire ati: 2OSimooni Peetero, oTomasi (ayetebwa oMulongo), oNasanairi owa mu Kaana ekya Galiraaya, abataani ba Zebbedaayo, nʼabeegesebwa abandi babiri baali amwei. 3OSimooni Peetero nʼakoba abaira baamwe ati, “Nkwaba kutega”, bo ni bairamu bati, “Naiswe katwabe naawe.” Awo ni baingira omu bwato ni baaba okutega, baitu ekiro ekyo ni batakwatisya ncwi gonze omwei.
4Enceege omu kibbambya, oYesu nʼayemeera oku mutala baitu abeegesebwa tibeetejerye nti yaali niye. 5OYesu nʼababuulya ati, “Bakaagwa, mukwatisiryeyo encwi? Ni bairamu nti, Bbe”
6OYesu nʼabakoba ati, “Munage obutimba oku mukono ogulyo gwa bwato, mukwiza kukwitasya.” Nibaakoore batyo, ni bakwatisya encwi zingi ni balemeerwa nʼokukokota obutimba okubwingirya omu bwato.
7Awo omwegesebwa odi oYesu gweyayendyanga omuno nʼakoba oPeetero ati, “Niye oMukama!” OSimooni Peetero niyakawuliire nti, “Niye oMukama,” ni yeebbwa ekizwalibwa ekya ku ruguru (kubba yaali nakitoireku) nʼaguluka nʼagwa omu maizi.
8Abeegesebwa abandi ni basengereerya oPeetero omu bwato, nibakukokota okatimba akaali kaizwire encwi kubba baali ampi nʼomutala, akabbanga ka mita nkʼekyendai. 9Nibaaligire omu bwato, ni babona engegeera okwali kukutalikwa encwi nʼemigaati. 10Awo oYesu nʼabakoba ati, “Muleete ezimwei oku ncwi zemukwatisirye.”
11OSimooni Peetero nʼaira omu bwato, nʼakokotera akatimba oku mutala. Akatimba kani kaali kaizwire encwi ezikooto ezaikanga kikumi mwataanu na isatu. Baitu gonze ngʼencwi zaali zingi zityo, akatimba tikaayonekere. 12Awo oYesu nʼakoba abeegesebwa baamwe ati, “Mwize mulye ekyamambya.” Baitu ndoowo gonze omwei oku beegesebwa eyasoboire okumubuulya nti, “Niiwe naani” kubba baali bamwetejerye nti niye oMukama. 13Awo oYesu nʼarola emigaati nʼagiweerya abeegesebwa era nʼencwi nʼakola nikyo kimwei.
14Guni nigwo omulundi ogwakasatu oYesu gweyabonekeire abeegesebwa baamwe namaare okuyimbooka.
OYesu nʼoPeetero
15Nibaakamaare okulya, oYesu nʼabuulya oSimooni Peetero ati, “Simooni omutaani wa Yokaana, onyendya okukira abaira baamu bani?”
OPeetero nʼamwiramu ati, “Mukama, nimwo. Era weena omaite nka ninkwendya.”
OYesu nʼamukoba ati, “Liisyanga abaana ba ntaama zange.”
16Era oYesu nʼairamu nʼamubuulya ati, “Simooni omutaani wa Yokaana, mananu onyendya?”
OPeetero nʼamwiramu ati, “Mukama, nimwo. Era weena omaite nka ninkwendya.”
OYesu nʼamukoba ati, “Roleeranga entaama zange.”
17OYesu nʼairamu omulundi ogwakasatu nʼamubuulya ati, “Simooni omutaani wa Yokaana, onyendya?”
OPeetero ni yeenatira kubba oYesu yaali namubwirye omulundi ogwakasatu nti, “Onyendya?” Nikyo yamwiriiremu ati, “Mukama, bini byona byona obimaite; omaite nka ninkwendya.”
OYesu nʼamukoba ati, “Liisyanga entaama zange. 18Kankukobere amananu, niwaali omusigazi weezwalikisyanga nʼoyaba gyokwendya; baitu niwakairika, okwiza okutangawo emikono, leke omuntu owondi akubbwe akutwale gyotakwendya kwaba.”
19OYesu yabazire bini okulanga enfa oPeetero gyeyaali akwaba okufaamu, okuweesya oKanca ekitiinisya. Niyamaare okubaza bini nʼakoba oPeetero ati, “Nsengeerya!”
20OPeetero niyayindukire nʼarola ennyuma nʼabona omwegesebwa oYesu gweyayendyanga omuno nakubasengeerya. (Oni niye omwegesebwa eyaali ni yeesigatire oYesu nibakulya ekyaigolo era eyabwirye oYesu ati, “Mukama, naani akwaba okukuliirana?”) 21OPeetero niyaboine omwegesebwa oyo, nʼabuulya oYesu ati, “Mukama onite alibba atyai?”
22OYesu nʼamwiramu ati, “Nimba nkwendya abbe mwomi okwica nindiira, obba okufaayo ki? We nsengeeryambe.”
23Awo ekigambo kini ni kyalalana omu baikiriza nti omwegesebwa oni talifa. Baitu oYesu tiyakobere nti talifa; baitu yakoberembe ati, “Nimba nkwendya abbe mwomi okwica nindiira, obba okufaayo ki?”
24Omwegesebwa oni niye yabazire ebigambo bini era niye yakabiwandiikire. Tumaite nti byeyabazire byʼamananu.
Ebikwereerayo
25Yesu yakoore ebintu ebindi bingi muno. Era buli kimwei oku byo nikyakuli kiwandiikiibwe, nkulowooza nti nʼensi yoona yoona tiyaakuloomeremu bitabo ebyakuli nibiwandiikiibwe.
Currently Selected:
Yokaana 21: RUULI-NYALA
Highlight
Share
Copy
Want to have your highlights saved across all your devices? Sign up or sign in
Yokaana 21
21
OYesu akubonekera abeegesebwa omusanju
1Ebyo nibyaweire, oYesu nʼabonekera abeegesebwa baamwe omulundi ogundi, oku nyanja ya Tibbeeriya.#21:1 Enyanja eni era eyetebwa Nyanja ya Galiraaya. Yababonekeire ati: 2OSimooni Peetero, oTomasi (ayetebwa oMulongo), oNasanairi owa mu Kaana ekya Galiraaya, abataani ba Zebbedaayo, nʼabeegesebwa abandi babiri baali amwei. 3OSimooni Peetero nʼakoba abaira baamwe ati, “Nkwaba kutega”, bo ni bairamu bati, “Naiswe katwabe naawe.” Awo ni baingira omu bwato ni baaba okutega, baitu ekiro ekyo ni batakwatisya ncwi gonze omwei.
4Enceege omu kibbambya, oYesu nʼayemeera oku mutala baitu abeegesebwa tibeetejerye nti yaali niye. 5OYesu nʼababuulya ati, “Bakaagwa, mukwatisiryeyo encwi? Ni bairamu nti, Bbe”
6OYesu nʼabakoba ati, “Munage obutimba oku mukono ogulyo gwa bwato, mukwiza kukwitasya.” Nibaakoore batyo, ni bakwatisya encwi zingi ni balemeerwa nʼokukokota obutimba okubwingirya omu bwato.
7Awo omwegesebwa odi oYesu gweyayendyanga omuno nʼakoba oPeetero ati, “Niye oMukama!” OSimooni Peetero niyakawuliire nti, “Niye oMukama,” ni yeebbwa ekizwalibwa ekya ku ruguru (kubba yaali nakitoireku) nʼaguluka nʼagwa omu maizi.
8Abeegesebwa abandi ni basengereerya oPeetero omu bwato, nibakukokota okatimba akaali kaizwire encwi kubba baali ampi nʼomutala, akabbanga ka mita nkʼekyendai. 9Nibaaligire omu bwato, ni babona engegeera okwali kukutalikwa encwi nʼemigaati. 10Awo oYesu nʼabakoba ati, “Muleete ezimwei oku ncwi zemukwatisirye.”
11OSimooni Peetero nʼaira omu bwato, nʼakokotera akatimba oku mutala. Akatimba kani kaali kaizwire encwi ezikooto ezaikanga kikumi mwataanu na isatu. Baitu gonze ngʼencwi zaali zingi zityo, akatimba tikaayonekere. 12Awo oYesu nʼakoba abeegesebwa baamwe ati, “Mwize mulye ekyamambya.” Baitu ndoowo gonze omwei oku beegesebwa eyasoboire okumubuulya nti, “Niiwe naani” kubba baali bamwetejerye nti niye oMukama. 13Awo oYesu nʼarola emigaati nʼagiweerya abeegesebwa era nʼencwi nʼakola nikyo kimwei.
14Guni nigwo omulundi ogwakasatu oYesu gweyabonekeire abeegesebwa baamwe namaare okuyimbooka.
OYesu nʼoPeetero
15Nibaakamaare okulya, oYesu nʼabuulya oSimooni Peetero ati, “Simooni omutaani wa Yokaana, onyendya okukira abaira baamu bani?”
OPeetero nʼamwiramu ati, “Mukama, nimwo. Era weena omaite nka ninkwendya.”
OYesu nʼamukoba ati, “Liisyanga abaana ba ntaama zange.”
16Era oYesu nʼairamu nʼamubuulya ati, “Simooni omutaani wa Yokaana, mananu onyendya?”
OPeetero nʼamwiramu ati, “Mukama, nimwo. Era weena omaite nka ninkwendya.”
OYesu nʼamukoba ati, “Roleeranga entaama zange.”
17OYesu nʼairamu omulundi ogwakasatu nʼamubuulya ati, “Simooni omutaani wa Yokaana, onyendya?”
OPeetero ni yeenatira kubba oYesu yaali namubwirye omulundi ogwakasatu nti, “Onyendya?” Nikyo yamwiriiremu ati, “Mukama, bini byona byona obimaite; omaite nka ninkwendya.”
OYesu nʼamukoba ati, “Liisyanga entaama zange. 18Kankukobere amananu, niwaali omusigazi weezwalikisyanga nʼoyaba gyokwendya; baitu niwakairika, okwiza okutangawo emikono, leke omuntu owondi akubbwe akutwale gyotakwendya kwaba.”
19OYesu yabazire bini okulanga enfa oPeetero gyeyaali akwaba okufaamu, okuweesya oKanca ekitiinisya. Niyamaare okubaza bini nʼakoba oPeetero ati, “Nsengeerya!”
20OPeetero niyayindukire nʼarola ennyuma nʼabona omwegesebwa oYesu gweyayendyanga omuno nakubasengeerya. (Oni niye omwegesebwa eyaali ni yeesigatire oYesu nibakulya ekyaigolo era eyabwirye oYesu ati, “Mukama, naani akwaba okukuliirana?”) 21OPeetero niyaboine omwegesebwa oyo, nʼabuulya oYesu ati, “Mukama onite alibba atyai?”
22OYesu nʼamwiramu ati, “Nimba nkwendya abbe mwomi okwica nindiira, obba okufaayo ki? We nsengeeryambe.”
23Awo ekigambo kini ni kyalalana omu baikiriza nti omwegesebwa oni talifa. Baitu oYesu tiyakobere nti talifa; baitu yakoberembe ati, “Nimba nkwendya abbe mwomi okwica nindiira, obba okufaayo ki?”
24Omwegesebwa oni niye yabazire ebigambo bini era niye yakabiwandiikire. Tumaite nti byeyabazire byʼamananu.
Ebikwereerayo
25Yesu yakoore ebintu ebindi bingi muno. Era buli kimwei oku byo nikyakuli kiwandiikiibwe, nkulowooza nti nʼensi yoona yoona tiyaakuloomeremu bitabo ebyakuli nibiwandiikiibwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in