Malgo 2

Yees gazunus gigad

(Maday 9:1-8; Luug 5:17-26)

1Gungoy biluum, Yees gafudug gu Gapelnawum, bawug ndaa gili mu nzo#2:1 mu nzo : mu 1.29, dafed yindil ndaa: mu nzo ya Simon ande Andele.. 2Baad bavul bavugaan, loo gwagal lyag ande gihan gimos ada hanze gutwaal mbel. Yees gayandag gubawa malooŋ mande. 3Baad bambaan bamudweleen gigad wuun wadwalaag baad bawaan. 4Pil gumusooŋ gulu Yees loo mumbad baad bagal bavul. Baniin hatal yaaŋ badubul zuun, badyees muud wagal wanga bid hatala gyaanz gutwaal a Yees. 5Daaŋ Yees gadeel lugwigil labaa, galees gigad ndaa: «Mwaan ame masum manze malologo.» 6Balooŋ bansig bambaan bagal han bayandag guyindil gunsin midim mya baa: 7«Mumbad akii muud wu gabala wagal ndubun, gabala dug Nzaam? Naa wafed gulolol masum, de ndebeen Nzaam loo!» 8Gag mu daaŋ lalun,Yees gayaab ngiind ya baa, gabawuful: «Mumbad akii labal yindil ndubun mu midim myabeen? 9Kii giim gyago pas mu gulees gigad ndaa: “Masum manze malologo”, dolo mu gunsuun: “Madga, seen gyaanz gyanze wene”? 10Mumbad luyaab ndaa Mwaan amuud gil ande giyeg gigulolol masum.» Galees gigad mamb maa: 11«Yaugulees, madga, seen gyaanz gyanze, fudugu gu nzo nze!» 12Mu daaŋ lalun, gamadag, gaseen mbuuŋ a nde ibun gaduug amiis mya baad abooz. Baad abooz bayidig nsil, bayandag gugumus Nzaam ndubu: «Dago deel gele paan yigifagi!»

Yees gabiil Levi

(Maday 9:9-13; Luug 5:27-32)

13Yees gafudug mumbiim azwa la Galiley. Gibuug gya baad gyawiy, gayandag mugubawa malooŋ mande. 14Daaŋ lugaligaag, gadeel Levi, mwaan Alfe, wabwanzene mu bilo lu gisal lu bafudaga gidal. Yees gamulees ndaa: «Wiyandab!» Levi gamadag, gamulab. 15Daaŋ Yees galyaag gu nzo Levi, bifudus gidal bavul ande baad ba masum, balyaag se ande Yees ande balongog bande mumbad baad ban bavul bamulabaag. 16Daaŋ balooŋ ba nsig bagibug gi Bafalize badeel ndaa Yees galyaag ande baad bamasum ande bifudus gidal, bawuful balongog bande ndaa: «Mumbad akii gabala lya ande bifudus gidal ande baad ba masum?» 17Daaŋ Yees gawug paan yibawaglaag, Yees gabalees ndaa: «Baad bago gikaas, bagalaag ande mfun yi mungaaŋ, gaanz bambeef bagalaga ande mfun. Loo yawiy mumbad baad bakyeleg, gaanz mumbad baad bamasum.»

Yees ande gudun gulya

(Maday 9:14-17; Luug 5:33-39)

18Balongog ba Yowan ande ba bafalize badunaag gulya mumbad gusaam. Ibun bawiy mu guwuful Yees ndaa: «Mumbad akii balongog ba Yowaan ande ban babafalize badunaga gulya mumbad gusaam, gaanz baa banze basalaag ndubun?» 19Yees gabafuduleen ndaa: «Kii mutiind baad babamabilis mu kiinz yi magwel baleend gudun gulya daaŋ mulim wu magwel gil ande baa? Daaŋ alooz lugil ande baa, loo bafed gudun gulya. 20Gaanz daaŋ lawiy, lubadogol mulim magweel mukab la baa, daaŋ laluun bagudun gulya mumbad gusaam. 21«Loo gul ande muud wafed gubaamb mulel akul ande gideemb gi mulel apa dolo mulel apa gamawagal mulel akul.Tood yimayabal pazaan. 22Ada muud mos loo gafed sa man mapa mu mambuuŋ makuul, dolo mambuuŋ makuul mamabulug, man mapa bamasaga mu mambuuŋ mapa!»

Yees ande gisabad

(Maday 12:1-8; Luug 6:1-5)

23Giluum gimos gi gisabad, Yees gagal mun gulig mu bilaaŋ bya bule, daaŋ lubaligaag balongog bande bayandag gugid mbeeŋ ya bule#2:23 Dala Gul 23.26.. 24Bafalize bamulees ndaa: «Dala, mumbad a kii balongog banze bausaleen paan yi bali nsig mu gusal mu giluum gi gisabad#2:24 Dala Gud 34.21.?» 25Yees gabafuduleen: «Loo ladaaŋ gele paan yaasal Davil ande bandug bande daaŋ lubawug nzala, mumbad bagoon giim gulya? 26Gawiiŋ mu nzo Nzaam, ibun gali se mapa man mabaleed magab gul Nzaam. Mu daaŋ Abyatar gagal mfum wu bangaaŋ a Nzaam. Kiso loo gag bangaaŋ a Nzaam bagal ande nswa; gaanz David gawe se baad bande.» 27Ibun Yees gabalees lyaag ndaa: «Giluum gi gisabad gyasalam mumbad a muud; gaanz muud loo gaasalam mumbad giluum gi gisabad. 28Lwalun Mwaan a muud gileen mfum wu giluum gya sabad.»

Currently Selected:

Malgo 2: noq

Highlight

Copy