Esaburi 22
22
Amaliro Kesivera nende Olwembo Lwokhufumia
Khu omwembesi. Esaburi ya Daudi.
1Nyasaye wange, Nyasaye wange, sikira sina niwundekha?
Sikirasi nuli aleyi olukali okhunjeta, aleyi namakhuwa kange kamaliro?
2Ewe Nyasaye wange, ndiranga esiteche, ne suchipa ta,
nundi nesiro, ne sianyola esiluwukho tawe.
3Ne ewe olimuchwenufu,
ewe wikhaye khusisala siowuchuki ne Avaisraeli vakhufumia.
4Avakuka vefwe vasuvira mwiwe,
vakhusuvira mana wavananula.
5Vakhulirira ewe, mana wavawonia,
Vasuvira mwiwe, mana sivaambwa esoni ta.
6Ne ese ndiwusa omwambo, sindikho omunju ta,
avanju vanjaya nundi vandekeresa.
7Avo vosi avambona vanjekherera,
vasosoma eminwa nivasukusa emichwe kiawe,
8Vawola, “Keyikina OMWAMI, lekha amunanule,
lekha amukaye, sikira kekhoyeranga muniye!”
9Ne niwe owanjusa munda mwa mayi wange,
wamberesa omulembe khusirifu sisie.
10Nakhweyikina ewe okhuchula mu liwulwa liange,
nokhuchula mayi wange ni kanjiwula, ewe wakhava Nyasaye wange.
11Ochava aleyi nange ta,
sikira owutinyu wuli aambi
ne sialikhoo onyala okhuyeta ta.
12Avasiku avangi vambotokhanire ngewunwa,
vambotokhanire ngewunwa endulu echia Bashani,
13vanjasamiye eminwa kiawe,
ngetalang'i yosula niyiwulukhuma.
14Mbweye wusa ngamachi aka vachukhire,
amakumba kange kosi kamenukhire;
omwoyo kwange kuli ngouwoche,
kuting'ulukha musirifu siange;
15amaani kange komereye ngoluchio,
nolulimi lwange luandire mumunwa;
wundekhire mulufu lwefwa.
16Yee, embwa chimbotokhanire;
omukanda kwavoni kumbotokhanire;
vambunire amakhono namakulu.
17Amakumba kange kosi kawonekhana,
vanengerera nivasiniola,
18vakavana enguo chiange,
nundi vakhupa ekura okhukavana enguo chiange.
19Nausa ewe, Ewe OMWAMI, ochava aleyi ta!
Ewe niwe owuyeti wange, yicha lwangu wunjete!
20Nanula omwoyo kwange okhuchula khulung'esi,
wonia owulamu wange okhuchula khumateche kembwa!
21Mbonie okhuchula mumunwa kwetalang'i,
wonia omwoyo kwange omutietiekhere okhuchula khunjika chiemboko!
22Njia khuwolerakho avana vefwe okhulondana nelicha lilio,
akachikachi wesituma njia okhukhufumia:
23Enywe avaria OMWAMI, mufumie!
Enywe mwesi avolwiwulo lwa Yakopo, mufumie,
mwinamire OMWAMI, enywe mwesi olwiwulo lwa Israeli!
24Sikira niye sialekeresanga namwe okhumocheresa esinyasio sia oyo onyakhana ta,
nundi siamukisise oweni wuwe ta,
nausa amuwuliye olu amuliriye.
25Efuma yange yichula khwiwe musituma sikali,
njiakhuana kosi akanalaka emberi wavo avakhwinamira.
26Avamanani vachia okhulia vekuche,
avo vatakhatakha OMWAMI vachia okhumufumia!
Emioyo kienywe kikhoya kiamenya musialo!
27Esialo siosi sichia okhukhewulira mana sikoolere OMWAMI;
nundi ekholo chiosi echiesialo chichia okhumwinamira.
28Sikira owunyali wosi wa OMWAMI,
achukanga amaanga kosi.
29Yee, avokhwekinga vesialo vosi vachia okhumwinamira,
avafwa vosi vachia okhwinama emberi wuwe,
nende avovosi avachanyala okhulinda owulamu wawe.
30Enjiwulo chichulayo chichia okhumukhalavanira,
avanju vachia okhuwolera enjiwolo chicha akalondana nende Omwami,
31vachia okhuwola akalondana nowunanuli wuwe khuvanju vachewulwa,
mbo Omwami nje owakhola kano.
Currently Selected:
Esaburi 22: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Esaburi 22
22
Amaliro Kesivera nende Olwembo Lwokhufumia
Khu omwembesi. Esaburi ya Daudi.
1Nyasaye wange, Nyasaye wange, sikira sina niwundekha?
Sikirasi nuli aleyi olukali okhunjeta, aleyi namakhuwa kange kamaliro?
2Ewe Nyasaye wange, ndiranga esiteche, ne suchipa ta,
nundi nesiro, ne sianyola esiluwukho tawe.
3Ne ewe olimuchwenufu,
ewe wikhaye khusisala siowuchuki ne Avaisraeli vakhufumia.
4Avakuka vefwe vasuvira mwiwe,
vakhusuvira mana wavananula.
5Vakhulirira ewe, mana wavawonia,
Vasuvira mwiwe, mana sivaambwa esoni ta.
6Ne ese ndiwusa omwambo, sindikho omunju ta,
avanju vanjaya nundi vandekeresa.
7Avo vosi avambona vanjekherera,
vasosoma eminwa nivasukusa emichwe kiawe,
8Vawola, “Keyikina OMWAMI, lekha amunanule,
lekha amukaye, sikira kekhoyeranga muniye!”
9Ne niwe owanjusa munda mwa mayi wange,
wamberesa omulembe khusirifu sisie.
10Nakhweyikina ewe okhuchula mu liwulwa liange,
nokhuchula mayi wange ni kanjiwula, ewe wakhava Nyasaye wange.
11Ochava aleyi nange ta,
sikira owutinyu wuli aambi
ne sialikhoo onyala okhuyeta ta.
12Avasiku avangi vambotokhanire ngewunwa,
vambotokhanire ngewunwa endulu echia Bashani,
13vanjasamiye eminwa kiawe,
ngetalang'i yosula niyiwulukhuma.
14Mbweye wusa ngamachi aka vachukhire,
amakumba kange kosi kamenukhire;
omwoyo kwange kuli ngouwoche,
kuting'ulukha musirifu siange;
15amaani kange komereye ngoluchio,
nolulimi lwange luandire mumunwa;
wundekhire mulufu lwefwa.
16Yee, embwa chimbotokhanire;
omukanda kwavoni kumbotokhanire;
vambunire amakhono namakulu.
17Amakumba kange kosi kawonekhana,
vanengerera nivasiniola,
18vakavana enguo chiange,
nundi vakhupa ekura okhukavana enguo chiange.
19Nausa ewe, Ewe OMWAMI, ochava aleyi ta!
Ewe niwe owuyeti wange, yicha lwangu wunjete!
20Nanula omwoyo kwange okhuchula khulung'esi,
wonia owulamu wange okhuchula khumateche kembwa!
21Mbonie okhuchula mumunwa kwetalang'i,
wonia omwoyo kwange omutietiekhere okhuchula khunjika chiemboko!
22Njia khuwolerakho avana vefwe okhulondana nelicha lilio,
akachikachi wesituma njia okhukhufumia:
23Enywe avaria OMWAMI, mufumie!
Enywe mwesi avolwiwulo lwa Yakopo, mufumie,
mwinamire OMWAMI, enywe mwesi olwiwulo lwa Israeli!
24Sikira niye sialekeresanga namwe okhumocheresa esinyasio sia oyo onyakhana ta,
nundi siamukisise oweni wuwe ta,
nausa amuwuliye olu amuliriye.
25Efuma yange yichula khwiwe musituma sikali,
njiakhuana kosi akanalaka emberi wavo avakhwinamira.
26Avamanani vachia okhulia vekuche,
avo vatakhatakha OMWAMI vachia okhumufumia!
Emioyo kienywe kikhoya kiamenya musialo!
27Esialo siosi sichia okhukhewulira mana sikoolere OMWAMI;
nundi ekholo chiosi echiesialo chichia okhumwinamira.
28Sikira owunyali wosi wa OMWAMI,
achukanga amaanga kosi.
29Yee, avokhwekinga vesialo vosi vachia okhumwinamira,
avafwa vosi vachia okhwinama emberi wuwe,
nende avovosi avachanyala okhulinda owulamu wawe.
30Enjiwulo chichulayo chichia okhumukhalavanira,
avanju vachia okhuwolera enjiwolo chicha akalondana nende Omwami,
31vachia okhuwola akalondana nowunanuli wuwe khuvanju vachewulwa,
mbo Omwami nje owakhola kano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024