Mariko 6
6
Valova Yesu Nazareti
(Mat. 13.53-58; Lk. 4.16-30)
1Yesu kachula awenao kachia musialo sisie, navalondi vave vamulondakho. 2Nolutalo lwa Esabato kachanikha okhwekesa musinagogi. Avangi avamuwulira vawuka nivawola, “Omusacha ono kanyola ena kano kosikosi?” Njamakesi sina aka vamuwa? Mangayimwa sina kano akanakholanga namakhono kake! 3Ono sinje omuvachi, omusoliri wa Maria nende wandaye wa Yakopo, Yose, Yudasi nende Simoni, navakhana vawe sinje vano avali ano ninafwe? Kho vasinyikha. 4Yesu kavawolera, “Nabii siali noluyali, nichasi musialo sisie siene, khuvanju vave, nende avenju yiye.” 5Sikakhola amangayimwa ao tawe, nichali okhucha amakhono khuvanju valwaye vatiti navawonia. 6Kawuka okhuvera avanju okhukhaywa esuvira khwawe.
Yesu Achuma Avalondi Ekhumi na Vaviri
(Mat. 10.5-15; Lk. 9.1-6)
Yesu kachia muvikwenyi nikekesa. 7Kalanga khuniye avo ekhumi navaviri, kachanikha okhuvachuma vaviri khu vaviri, kavawa owunyali khuvisieno. 8Kavachuva vachawukulakho siosisiosi khulukendo luno tawe nichasi esimbo, vachawukula omukati ta, esiokhukingiramo ta, namwe esende munguo chiawe. 9Nausa vafwale wusa engato ne vachafwala enguo chiviri tawe. 10Kavawolera, “olu mwingira munju, menyemo okhwola nga muchula awunju ao.” 11Ne wosiwosi aavachavengisa mana valove okhuvawulira, olumuchula, sisimule olufu luva nululi khumakulu kenywe sive esimanyiro khunivo. 12Kho vachia verwacha mbo avanju vekanire. 13Ne vachusa evisieno evingi, nokhuvakha avangi amafucha navo avali nivalwala vanyola owusosi.
Efwa lia Yohana Omuvatisi
(Mat. 14.1-12; Lk. 9.7-9)
14Omuchuki Herode kawulira amakhuwa ako, sikira elicha lia Yesu liali liakhamanyikha. Valala vawola, “Yohana Omuvatisi kenyokhire okhuchula muvafu, njesikira amaani ako nikakhola emilimo muniye.” 15Nausa avandi vawola, “Nje Elia.” Navandi vawola, “Ali mulala khuvanabii vakhale.” 16Mana olu Herode kawulirakho kawola, “Yohana, oyunakhengakho omuchwe asisimusiswe.” 17Sikira Herode kali kachumania ne vatira Yohana, vamucha musiwoo esikira ya Herodia mukha wandaye mbo Filipo, oyu Herode kali nayirire. 18Sikira Yohana kawolera Herode, “Siwulayi ewe okhuyira mukha wandayo ta.” 19Herodia kali nesikha ni Yohana, mana katakha okhumwicha. Nausa kali kakhirwa. 20Esikira Herode kali karia Yohana, kamanya mbo munju omulungi nundi omuchwenufu khulwako kamulinda owulayi. Olu kamuwuliranga kalingi nokhwisindukha, nata kachio kali kasima okhumuchekeresa. 21Mana oweyangu wanyolekha khulutalo lwokhwiwula khukhwe kalombera avakhalavani vave nende avakhongo nende avemirisi va Galilaya esao. 22Njolumukhana wa Herodia kacha kakhina, kasimisa Herode navakeni vave. Omuchuki kawolera omukhana oyo, “Njeve siosisiosi esiwenya nendi khukhuwa.” 23Kechuva emberi wuwe mbo, “Siosisiosi siwunjeva ndi khukhuwa, ata enusu yowami wange.” 24Omukhana kachula erwanyi kacheva ng'ina, “Enjeve sina?” Naye kamuwolera, “Omuchwe kwa Yohana Omuvatisi.” 25Kho kakoolamo awene nawene khumuchuki mana kawola, “Nenya wumbe lwangu omuchwe kwa Yohana omuvatisi khusaani.” 26Nomuchuki kali nesivera esikali, nausa esikira yendakaano navakeni vave sikenya okhulova tawe. 27Nawenao omuchuki kachuma owamahe nelako mbo amulechere omuchwe kwa Yohana. Kachia kamuchemakho omuchwe musiwoo, 28ne kakulecha khuluchio, ne kaweresa omukhana, nomukhana kaweresa ng'ina. 29Olu avalondi va Yohana vawulira amakhuwa ako, vachia vawukula omuviri kukwe, ne vakucha musirindwa.
Yesu Alisa Avanju Eelefu Chichanu
(Mat. 14.13-21; Lk. 9.10-17; Yoh. 6.1-14)
30Avachumwa avo vakoola khu Yesu, vamuwolera kosi akavali nivakholire nokhwekesa. 31Ne Yesu kavawolera, “Yiche nase awunju, khuve fweng'ene khuluwuukhe.” Esikira avanju avangi vali vacha nivachia ne sivalikho nevise viokhuluwuukha namwe okhulia tawe. 32Vachira muliacho awunju awunjefu vava vong'ene. 33Navangi vavawona nivachia, ne vavamanya, vatima vachiao khumakulu okhuchula mumatookho kosi, volao nivo nivasiri. 34Nga kali nachia khulukuku, kawona esituma esikali, kavawonera esisa sikira vali ngamakondi kawuma omwayi, kachanikha okhuvekesa evinju evingi. 35Olutalo lwali lunawanga, avalondi vave vamwichakho vamuwolera, “Ano khuli musichimi nesa chiweye, 36vawolere vachule ewulafu nende muvikwenyi vekulire esinju siokhulia.” 37Nausa Yesu kavachipa, “Vawerese esinju valie,” navo vamuwolera, “Khuchie khukule esiokhulia siedinari emia chiviri ne khuvawe valie?” 38Kavacheva, “Muli nemikati kinga? Chie muwone.” Nolu valengera vawola, “Kichanu, neng'eni chiviri.” 39Kho Yesu kawolera avanju vekhale muvituma khuwunyasi. 40Kho vekhala muvituma via emia na amakhumi kachanu. 41Kawukula emikati ekio kichanu neng'eni chiviri, kakingula emoni amukulu kavisavira, katonyola emikati, kaweresa avalondi okhuweresa avanju, kakava eng'eni khu wulimunju. 42Vosi valia vekucha. 43Ne vatola evimwero ekhumi na viviri nivichuye evitonye vieng'eni. 44Navo avalia emikati vali avasacha eelefu chichanu.
Yesu Akenda Khumachi
(Mat. 14.22-33; Yoh. 6.15-21)
45Lwangulwangu kawolera avalondi vave vengire muliacho vachie emberi wuwe engerekha, Bethsaida, nasisewula esituma. 46Nolu kali nikakhasewulana navo, kanina musikulu okhusala. 47Olu engolove yola, eliacho liali akachi wenyanja, naye kali yeng'ene khulukongo. 48Kawona mbo vanalwanakananga okhufuka eliacho esikira oluwuucho lwali luvakhupa. Mumaweriweri, kavachira, nakenda khunyanja. Kenya okhuvavichakho, 49nausa olu vamuwona nakenda khunyanja vapara mbo sisieno, vakhupa embungu, 50sikira vosi nga vamuwona varia. Nausa awene nawene kavawolera, “Tinye emioyo, mucharia tawe, nise.” 51Kengira muliacho ninavo ne oluwuucho lwawulera. Mana vawuka muno. 52Sivamanyirisa esiachiririra nemikati ta, nausa emioyo kiawe kiali kitinyire.
Yesu Awonia Avalwaye Genesareti
(Mat. 14.34-36)
53Olu vali nivakhambukha, vola Genesareti ne vema khulukuku. 54Olu vachula muliacho, awene nawene avanju vamumanya. 55Vatima mulukongo lwosi valecha avanju valwaye khumikeka kiawe wuli awunju aavawulira mbo njaali. 56Wosiwosi aakachianga, muvikwenyi, mumatookho namwe mulukongo. Vachanga avalwaye musoko, vamwesaya mbo vatirekho wusa khukemo lienguwo yiye, ne khwavo vosi avatirakho vanyola owusosi.
Currently Selected:
Mariko 6: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Mariko 6
6
Valova Yesu Nazareti
(Mat. 13.53-58; Lk. 4.16-30)
1Yesu kachula awenao kachia musialo sisie, navalondi vave vamulondakho. 2Nolutalo lwa Esabato kachanikha okhwekesa musinagogi. Avangi avamuwulira vawuka nivawola, “Omusacha ono kanyola ena kano kosikosi?” Njamakesi sina aka vamuwa? Mangayimwa sina kano akanakholanga namakhono kake! 3Ono sinje omuvachi, omusoliri wa Maria nende wandaye wa Yakopo, Yose, Yudasi nende Simoni, navakhana vawe sinje vano avali ano ninafwe? Kho vasinyikha. 4Yesu kavawolera, “Nabii siali noluyali, nichasi musialo sisie siene, khuvanju vave, nende avenju yiye.” 5Sikakhola amangayimwa ao tawe, nichali okhucha amakhono khuvanju valwaye vatiti navawonia. 6Kawuka okhuvera avanju okhukhaywa esuvira khwawe.
Yesu Achuma Avalondi Ekhumi na Vaviri
(Mat. 10.5-15; Lk. 9.1-6)
Yesu kachia muvikwenyi nikekesa. 7Kalanga khuniye avo ekhumi navaviri, kachanikha okhuvachuma vaviri khu vaviri, kavawa owunyali khuvisieno. 8Kavachuva vachawukulakho siosisiosi khulukendo luno tawe nichasi esimbo, vachawukula omukati ta, esiokhukingiramo ta, namwe esende munguo chiawe. 9Nausa vafwale wusa engato ne vachafwala enguo chiviri tawe. 10Kavawolera, “olu mwingira munju, menyemo okhwola nga muchula awunju ao.” 11Ne wosiwosi aavachavengisa mana valove okhuvawulira, olumuchula, sisimule olufu luva nululi khumakulu kenywe sive esimanyiro khunivo. 12Kho vachia verwacha mbo avanju vekanire. 13Ne vachusa evisieno evingi, nokhuvakha avangi amafucha navo avali nivalwala vanyola owusosi.
Efwa lia Yohana Omuvatisi
(Mat. 14.1-12; Lk. 9.7-9)
14Omuchuki Herode kawulira amakhuwa ako, sikira elicha lia Yesu liali liakhamanyikha. Valala vawola, “Yohana Omuvatisi kenyokhire okhuchula muvafu, njesikira amaani ako nikakhola emilimo muniye.” 15Nausa avandi vawola, “Nje Elia.” Navandi vawola, “Ali mulala khuvanabii vakhale.” 16Mana olu Herode kawulirakho kawola, “Yohana, oyunakhengakho omuchwe asisimusiswe.” 17Sikira Herode kali kachumania ne vatira Yohana, vamucha musiwoo esikira ya Herodia mukha wandaye mbo Filipo, oyu Herode kali nayirire. 18Sikira Yohana kawolera Herode, “Siwulayi ewe okhuyira mukha wandayo ta.” 19Herodia kali nesikha ni Yohana, mana katakha okhumwicha. Nausa kali kakhirwa. 20Esikira Herode kali karia Yohana, kamanya mbo munju omulungi nundi omuchwenufu khulwako kamulinda owulayi. Olu kamuwuliranga kalingi nokhwisindukha, nata kachio kali kasima okhumuchekeresa. 21Mana oweyangu wanyolekha khulutalo lwokhwiwula khukhwe kalombera avakhalavani vave nende avakhongo nende avemirisi va Galilaya esao. 22Njolumukhana wa Herodia kacha kakhina, kasimisa Herode navakeni vave. Omuchuki kawolera omukhana oyo, “Njeve siosisiosi esiwenya nendi khukhuwa.” 23Kechuva emberi wuwe mbo, “Siosisiosi siwunjeva ndi khukhuwa, ata enusu yowami wange.” 24Omukhana kachula erwanyi kacheva ng'ina, “Enjeve sina?” Naye kamuwolera, “Omuchwe kwa Yohana Omuvatisi.” 25Kho kakoolamo awene nawene khumuchuki mana kawola, “Nenya wumbe lwangu omuchwe kwa Yohana omuvatisi khusaani.” 26Nomuchuki kali nesivera esikali, nausa esikira yendakaano navakeni vave sikenya okhulova tawe. 27Nawenao omuchuki kachuma owamahe nelako mbo amulechere omuchwe kwa Yohana. Kachia kamuchemakho omuchwe musiwoo, 28ne kakulecha khuluchio, ne kaweresa omukhana, nomukhana kaweresa ng'ina. 29Olu avalondi va Yohana vawulira amakhuwa ako, vachia vawukula omuviri kukwe, ne vakucha musirindwa.
Yesu Alisa Avanju Eelefu Chichanu
(Mat. 14.13-21; Lk. 9.10-17; Yoh. 6.1-14)
30Avachumwa avo vakoola khu Yesu, vamuwolera kosi akavali nivakholire nokhwekesa. 31Ne Yesu kavawolera, “Yiche nase awunju, khuve fweng'ene khuluwuukhe.” Esikira avanju avangi vali vacha nivachia ne sivalikho nevise viokhuluwuukha namwe okhulia tawe. 32Vachira muliacho awunju awunjefu vava vong'ene. 33Navangi vavawona nivachia, ne vavamanya, vatima vachiao khumakulu okhuchula mumatookho kosi, volao nivo nivasiri. 34Nga kali nachia khulukuku, kawona esituma esikali, kavawonera esisa sikira vali ngamakondi kawuma omwayi, kachanikha okhuvekesa evinju evingi. 35Olutalo lwali lunawanga, avalondi vave vamwichakho vamuwolera, “Ano khuli musichimi nesa chiweye, 36vawolere vachule ewulafu nende muvikwenyi vekulire esinju siokhulia.” 37Nausa Yesu kavachipa, “Vawerese esinju valie,” navo vamuwolera, “Khuchie khukule esiokhulia siedinari emia chiviri ne khuvawe valie?” 38Kavacheva, “Muli nemikati kinga? Chie muwone.” Nolu valengera vawola, “Kichanu, neng'eni chiviri.” 39Kho Yesu kawolera avanju vekhale muvituma khuwunyasi. 40Kho vekhala muvituma via emia na amakhumi kachanu. 41Kawukula emikati ekio kichanu neng'eni chiviri, kakingula emoni amukulu kavisavira, katonyola emikati, kaweresa avalondi okhuweresa avanju, kakava eng'eni khu wulimunju. 42Vosi valia vekucha. 43Ne vatola evimwero ekhumi na viviri nivichuye evitonye vieng'eni. 44Navo avalia emikati vali avasacha eelefu chichanu.
Yesu Akenda Khumachi
(Mat. 14.22-33; Yoh. 6.15-21)
45Lwangulwangu kawolera avalondi vave vengire muliacho vachie emberi wuwe engerekha, Bethsaida, nasisewula esituma. 46Nolu kali nikakhasewulana navo, kanina musikulu okhusala. 47Olu engolove yola, eliacho liali akachi wenyanja, naye kali yeng'ene khulukongo. 48Kawona mbo vanalwanakananga okhufuka eliacho esikira oluwuucho lwali luvakhupa. Mumaweriweri, kavachira, nakenda khunyanja. Kenya okhuvavichakho, 49nausa olu vamuwona nakenda khunyanja vapara mbo sisieno, vakhupa embungu, 50sikira vosi nga vamuwona varia. Nausa awene nawene kavawolera, “Tinye emioyo, mucharia tawe, nise.” 51Kengira muliacho ninavo ne oluwuucho lwawulera. Mana vawuka muno. 52Sivamanyirisa esiachiririra nemikati ta, nausa emioyo kiawe kiali kitinyire.
Yesu Awonia Avalwaye Genesareti
(Mat. 14.34-36)
53Olu vali nivakhambukha, vola Genesareti ne vema khulukuku. 54Olu vachula muliacho, awene nawene avanju vamumanya. 55Vatima mulukongo lwosi valecha avanju valwaye khumikeka kiawe wuli awunju aavawulira mbo njaali. 56Wosiwosi aakachianga, muvikwenyi, mumatookho namwe mulukongo. Vachanga avalwaye musoko, vamwesaya mbo vatirekho wusa khukemo lienguwo yiye, ne khwavo vosi avatirakho vanyola owusosi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024