Yohana 21
21
Yesu Awonekhera Avalondi Saba
1Kano nikakhawa Yesu kawonekhanira nundi avalondi aanyanja ya Tiberia, kawonekha achi. 2Simoni Petero, Tomasi olangwa Ekhwana, Nathanaeli owa Kana ya Galilaya, avana va Sebedayo, nende avalondi vandi vaviri valialala. 3Simoni Petero kavawolera, “Enjia okhulova.” Navo vamuwolera, “Khuchia nawe.” Vachula erwanyi vengira muliacho, nausa esiro esio sivatira khusinju ta.
4Olu wanja okhusia, Yesu kema khulukuku, mana avalondi sivamanya mbo nje Yesu ta. 5Yesu kavawolera, “Vanenywe, mulikho neng'eni?” Vamuchipa, “Tawe.” 6Kavawolera, “Yinikhe olukhanda khumukhono mulungi kweliacho, ne mulikhutira eng'eni.” Kho venikha olukhanda, mana khanu viava evitinyu okhukhwesa olukhanda sikira yeng'eni enyingi. 7Omulondi oyu Yesu kali kasima kawolera Petero, “Nje Omwami!” Olu Simoni Petero kawulira mbo nje Omwami, kafwala enguo, sikira kali afwaluye okhunava, ne kasuna munyanja. 8Nausa avalondi vandi vacha muliacho nivakhwesa ekhanda chichuyemo eng'eni, sikira sivali aleyi nolukuku tawe vali wusa emita emia ndala.
9Olu vola khulukuku vawona omuliro kwamanda, neng'eni nichirikho, nomukati. 10Yesu kavawolera, “Lechekho khung'eni echimutiye.” 11Kho Simoni Petero kengira muliacho kakhwesa ekhanda khulukuku, niyichuyemo eng'eni engali, emia ndala nende amakhumi kachanu ni chitachu; ata niva mbo chiali enyingi, ekhanda siyosukha tawe. 12Yesu kavawolera, “Yiche munyole esiokhulia esiasibuyi.” Khanu awumao omulondi watema okhumucheva mbo “Niwe anu?” Vamanya mbo kali nje Omwami. 13Yesu kacha ne kawukula omukati kavaweresa, nata eng'eni. 14Luno lwali olwa khatachu Yesu nikeyekesa khuvalondi nikakhasisimukha okhuchula muvafu.
Yesu ni Petero
15Olu vali nivakhamala okhulia, Yesu kawolera Simoni Petero, “Simoni, omwana wa Yohana, wasima okhukhira vano?” Kamuchipa, “Yee Omwami, omanyire mbo nakhusima.” Kamuwolera, “Lisa amakondi kange.” 16Nundi olwakhaviri kamuwolera, “Simoni Petero omwana wa Yohana, ewe wasima?” Naye kamuchipa, “Yee Omwami; omanyire mbo nakhusima.” Kamuwolera, “Linda amakondi kange.” 17Kamuwolera olwa khatachu, “Simoni, omwana wa Yohana, ewe wasima?” Petero kaverera esikira kamucheva olwa khatachu, “Ewe wasima?” Ne kamuwolera, “Omwami, omanyire wulisinju, omanyire mbo nakhusima.” Yesu kamuwolera, “Lisa amakondi kange.” 18Ng'aling'ali ekhuwolera, olu wali mutiti, wefwalanga mana ochia eyi wenya, nausa niwakhakofula, olikhukololosa amakhono. Owundi alikhukhuwoya nokhukhuyira eyuchenyire okhuchia. 19(Lino kawola okhwekesa efwa likali okhuwereserakho Nyasaye oluyali.) Nikakhawola kano kamuwolera, “Nonde.”
Yesu Nomulondi Wundi
20Petero kakalukhana ne kawona omulondi oyu Yesu kasima navalondakho, njowayekha aasirifu sia Yesu olutalo lwesiokhulia siangolove kacheva, “Omwami, njanu olikhukhuchama?” 21Olu Petero kamuwona, kawolera Yesu, “Omwami, nono naye?” 22Yesu kamuwolera, “Niva mbo lienya liange mbo atong'e okhwola nga nicha, likhunyasira sina? Nondekho!”
23Ekhuwa lialanda muvalondi vave mbo omulondi ono sialifwa ta, nichali Yesu sikamuwolera mbo sialifwa ta, nausa, “Liava mbo lienya liange mbo atong'e okhwola nga nicha, ewe likhunyasira sina?”
24Ono njomulondi onachusanga owuloli khuvinju vino, njowakhaandika evinju vino; ne khumanyire mbo owuloli wuwe wang'ali.
Okhumalirikha
25Nausa viliwo evinju vindi evingi Yesu kakhola, yivanga mbo viosi viaandikwa, embara mbo esialo siosi sisiakhanyalire okhuvikha evitau viaandikwa tawe.
Currently Selected:
Yohana 21: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Yohana 21
21
Yesu Awonekhera Avalondi Saba
1Kano nikakhawa Yesu kawonekhanira nundi avalondi aanyanja ya Tiberia, kawonekha achi. 2Simoni Petero, Tomasi olangwa Ekhwana, Nathanaeli owa Kana ya Galilaya, avana va Sebedayo, nende avalondi vandi vaviri valialala. 3Simoni Petero kavawolera, “Enjia okhulova.” Navo vamuwolera, “Khuchia nawe.” Vachula erwanyi vengira muliacho, nausa esiro esio sivatira khusinju ta.
4Olu wanja okhusia, Yesu kema khulukuku, mana avalondi sivamanya mbo nje Yesu ta. 5Yesu kavawolera, “Vanenywe, mulikho neng'eni?” Vamuchipa, “Tawe.” 6Kavawolera, “Yinikhe olukhanda khumukhono mulungi kweliacho, ne mulikhutira eng'eni.” Kho venikha olukhanda, mana khanu viava evitinyu okhukhwesa olukhanda sikira yeng'eni enyingi. 7Omulondi oyu Yesu kali kasima kawolera Petero, “Nje Omwami!” Olu Simoni Petero kawulira mbo nje Omwami, kafwala enguo, sikira kali afwaluye okhunava, ne kasuna munyanja. 8Nausa avalondi vandi vacha muliacho nivakhwesa ekhanda chichuyemo eng'eni, sikira sivali aleyi nolukuku tawe vali wusa emita emia ndala.
9Olu vola khulukuku vawona omuliro kwamanda, neng'eni nichirikho, nomukati. 10Yesu kavawolera, “Lechekho khung'eni echimutiye.” 11Kho Simoni Petero kengira muliacho kakhwesa ekhanda khulukuku, niyichuyemo eng'eni engali, emia ndala nende amakhumi kachanu ni chitachu; ata niva mbo chiali enyingi, ekhanda siyosukha tawe. 12Yesu kavawolera, “Yiche munyole esiokhulia esiasibuyi.” Khanu awumao omulondi watema okhumucheva mbo “Niwe anu?” Vamanya mbo kali nje Omwami. 13Yesu kacha ne kawukula omukati kavaweresa, nata eng'eni. 14Luno lwali olwa khatachu Yesu nikeyekesa khuvalondi nikakhasisimukha okhuchula muvafu.
Yesu ni Petero
15Olu vali nivakhamala okhulia, Yesu kawolera Simoni Petero, “Simoni, omwana wa Yohana, wasima okhukhira vano?” Kamuchipa, “Yee Omwami, omanyire mbo nakhusima.” Kamuwolera, “Lisa amakondi kange.” 16Nundi olwakhaviri kamuwolera, “Simoni Petero omwana wa Yohana, ewe wasima?” Naye kamuchipa, “Yee Omwami; omanyire mbo nakhusima.” Kamuwolera, “Linda amakondi kange.” 17Kamuwolera olwa khatachu, “Simoni, omwana wa Yohana, ewe wasima?” Petero kaverera esikira kamucheva olwa khatachu, “Ewe wasima?” Ne kamuwolera, “Omwami, omanyire wulisinju, omanyire mbo nakhusima.” Yesu kamuwolera, “Lisa amakondi kange.” 18Ng'aling'ali ekhuwolera, olu wali mutiti, wefwalanga mana ochia eyi wenya, nausa niwakhakofula, olikhukololosa amakhono. Owundi alikhukhuwoya nokhukhuyira eyuchenyire okhuchia. 19(Lino kawola okhwekesa efwa likali okhuwereserakho Nyasaye oluyali.) Nikakhawola kano kamuwolera, “Nonde.”
Yesu Nomulondi Wundi
20Petero kakalukhana ne kawona omulondi oyu Yesu kasima navalondakho, njowayekha aasirifu sia Yesu olutalo lwesiokhulia siangolove kacheva, “Omwami, njanu olikhukhuchama?” 21Olu Petero kamuwona, kawolera Yesu, “Omwami, nono naye?” 22Yesu kamuwolera, “Niva mbo lienya liange mbo atong'e okhwola nga nicha, likhunyasira sina? Nondekho!”
23Ekhuwa lialanda muvalondi vave mbo omulondi ono sialifwa ta, nichali Yesu sikamuwolera mbo sialifwa ta, nausa, “Liava mbo lienya liange mbo atong'e okhwola nga nicha, ewe likhunyasira sina?”
24Ono njomulondi onachusanga owuloli khuvinju vino, njowakhaandika evinju vino; ne khumanyire mbo owuloli wuwe wang'ali.
Okhumalirikha
25Nausa viliwo evinju vindi evingi Yesu kakhola, yivanga mbo viosi viaandikwa, embara mbo esialo siosi sisiakhanyalire okhuvikha evitau viaandikwa tawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024