Yohana 12
12
Yesu Avakhwa Amafucha Bethania
(Mat. 26.6-13; Mrk. 14.3-9)
1Enyinga sita kho yole endalo engali ya Pasaka, Yesu kacha Bethania, eyi Lasaro kali kamenya, oyu Yesu kenyosa mwifwa. 2Ao vamulombera esiokhulia siengolove, Marita kamutenda, ne Lasaro kali mulala khuvali khumesa ninaye. 3Maria kawukula enusu yelita, ya mafucha ka nardo kavakha amakulu ka Yesu, kapangusa amakulu ka Yesu nefwiri lilie, ne enju yosi yechula esing'ari siamafucha. 4Nausa Yudasi Isikarioti, mulala khuvalondi vave (oyo owali amuchame), kawola, 5“Esikira sina amarashi kano nikachakusiswe edinari emia chitachu vawerese avamanani?” 6Kano kawola, sikali mbo kawonera avamanani embavasi ta nausa kali mwivi, nolu kalingi nesanduku liesende kawukulangakho echivachangamo. 7Yesu kawola, “Mulekhe ave, lekhe akavikhe khulwolutalo lwange lwokhuyavirwa. 8Avamanani muli navo wuli lwosi, nausa simuvanga lwosi nange ta.”
Okhukhova Okhwicha Lasaro
9Olu esituma esikali sia Avayahudi siamanya mbo ali Bethania, sivacha esikira ya Yesu yeng'ene ta nausa okhuwona Lasaro yesi, oyu Yesu kenyosa okhuchula muvafu. 10Kho avakuhani vakhongo vapanga okhwicha Lasaro yesi. 11Sikira okhuvera niye, Avayahudi vali vachia nivasuviye mu Yesu.
Okhwingira Khwoluyali mu Yerusalemu
(Mat. 21.1-11; Mrk. 11.1-11; Lk. 19.28-40)
12Enyinga yalondakho esituma esikali siali nisichire khulwa esao vawulira mbo Yesu kali kacha Yerusalemu. 13Kho vawukula amasaka kamakhindu ne vachia okhuwukanana naye, nivayula, “Chuwonie vaye! Ali nekhavi owicha mulicha lia Omwami, ata Omuchuki wa Israeli!” 14Ne Yesu kanyola esukhiri embukha ne kekhalakho; nga kaandikwa,
15“Ocharia tawe, etookho lia Siyoni;
Lengera, omuchuki wuwo kacha,
Kekhaye khusukhiri enyana!”
16Avalondi vave sivang'amula olwamberi. Nausa olu Yesu kali nikakhahewa oluyali, kho vechulira mbo kano kali kaandikwa khuniye ne kekholekha. 17Esituma siali naye olu kalanga Lasaro okhuchula musirindwa ne kamwinyosa okhuchula muvafu vamuanira owuloli. 18Esifune siakira esituma siachia okhumwakanira siali mbo vawulira mbo kali akholire esimanyiro esio. 19Avafarisayo mana vawolana, “Muwona simunyala okhukholakho siosisiosi ta, lengere, esialo siosi simulondakho.”
Avagiriki valala Vatakha okhuwona Yesu
20Muavo avali nivachiye okhusala musao valimo Avagiriki. 21Nonu vano vacha khu Filipo, owali nachula Bethsaida ya Galilaya vamuwolera, “Omukali, khwekombire okhuwona Yesu.” 22Filipo kachia kawolera Anderea, ne vombi vachia vawolera Yesu. 23Yesu kavachipa, “Evise viakhola evia Omwana womunju okhunyola oluyali. 24Ng'aling'ali vawolera, nichali olumwo lwengaano lukwe mwilova ne lufwe, lutong'anga wusa lwong'ene, nausa nilufwa, lwamanga eviamo. 25Oyo osima owulamu wuwe, awukosianga, noyo oleka owulamu wuwe khusialo khuno alikhuwuvikha khuwulamu wa wuli lwosi. 26Niva yesiyesi kakhalavanira, okhwola kanonde. Ne aandi, ao njaamukhalavani wange alikhuva yesi. Niva mbo mulala kakhalavanira, Papa alikhumuwa oluyali.
Yesu Alomaloma khu Efwa Lilie
27“Khanu omwoyo kwange kuendera, khanu ndikhuwola sina? ‘Papa, mbonie khuvise vino’? Tawe, khulwa esifune sino nacha khulwa evise vino. 28Papa, weresa oluyali elicha lilio.” Kho omwoyo kwachula mwikulu, “Eli waye oluyali, nendi okhuliwa oluyali nundi.” 29Omukhung'ano kwalio kwawulira ne vawola mbo siatulukha. Avandi vawola, “Engelosi yilomalomire ninaye.” 30Yesu kavachipa, “Omwoyo okwo kwichire khulwenywe, siyiri khulwange ta. 31Khanu evise vino, ekhalakirwa liri musialo, evise vino omuchuki womusialo muno alikhutupwa erwanyi; 32Ne olundi okhukingulwa okhuchula khusialo, ndi okhukhwesa avanju khu samwene.” 33Kawola kano okhwekesa efwa eli kali afwe. 34Omukhung'ano kwamuwolera, “Khumanyire mumalako mbo Kristo alivao wuli lwosi. Wakhawola ochie ochi Omwana womunju okhwola akingulwe amukulu? Njanu Omwana womunju ono?” 35Yesu kavawolera, “Owulafu wusiri nanywe khulwevise vititi, kende nimusiri nowulafu, namwe esirima sirikhuvanyola, oyo okenda musirima siamanyire eyi achia tawe. 36Nimusiri nowulafu, suvire muwulafu, kho muve avasoliri vowulafu.” Olu Yesu kali nikakhawola kano, kachekukha ne kekisa khunivo.
Okhuchasuvira khwa Avanju
37Ata kachio kali akholire evimanyiro evingi emberi wawe, ne sivamusuvira tawe. 38Kali mbo ekhuwa liawolwa nende nabii Isaya likholekhe:
“Omwami, njanu osuviye amakhuwa kefwe,
Ne njanu eyimukhono kwa Omwami kuwonekhaniye?”
39Kho sivakhanyalire okhusuvira ta, sikira Isaya nundi kali kawola,
40“Kekala emoni chiawe nekatinyia emioyo kiawe,
Wusa vakhawene nemoni chiawe mana vamanyirisa nemioyo kiawe,
Vakalukhane khulwese,
Evawonie.”
41Isaya kawola kano sikira kawona oluyali lulwe ne kalomaloma khuniye. 42Ata kachio, avangi vavamii vamusuvira, nausa okhuvera okhuria Avafarisayo sivamweyama tawe, nausa vakhavekaliye erwanyi wesinagogi. 43Sikira vali vasima okhufumia khwavanju okhukhira okhwa Nyasaye.
Okhukhalakirwa Namakhuwa ka Yesu
44Ne Yesu kawola nomwoyo omukali, “Oyo osuvira mwise, siasuvira wusa mwise tawe nausa muyo owanjuma. 45Noyo owumbona awona oyo owanjuma. 46Nichire ngowulafu musialo, kho yesiyesi osuvira mwise achatong'a musirima ta. 47Niva yesiyesi awulira elomaloma liange ne sialilonda ta, simukhalakira ta, sikira sinacha okhukhalakira esialo ta nausa okhuwonia esialo. 48Oyo owundova ese ne siawulira elomaloma liange ta ali nomukhalaki. Ekhuwa linakhawola liriva omukhalaki olutalo lwokhumalirikha. 49Sikira simboye nowunyali wange ta. Papa wanjuma njomwene owundakirisise eliokhuwola nende eliokhulomaloma. 50Ne emanyire elako lilie njowulamu wa wuli lwosi. Esimbola, khanu, Papa kamboleye.”
Currently Selected:
Yohana 12: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Yohana 12
12
Yesu Avakhwa Amafucha Bethania
(Mat. 26.6-13; Mrk. 14.3-9)
1Enyinga sita kho yole endalo engali ya Pasaka, Yesu kacha Bethania, eyi Lasaro kali kamenya, oyu Yesu kenyosa mwifwa. 2Ao vamulombera esiokhulia siengolove, Marita kamutenda, ne Lasaro kali mulala khuvali khumesa ninaye. 3Maria kawukula enusu yelita, ya mafucha ka nardo kavakha amakulu ka Yesu, kapangusa amakulu ka Yesu nefwiri lilie, ne enju yosi yechula esing'ari siamafucha. 4Nausa Yudasi Isikarioti, mulala khuvalondi vave (oyo owali amuchame), kawola, 5“Esikira sina amarashi kano nikachakusiswe edinari emia chitachu vawerese avamanani?” 6Kano kawola, sikali mbo kawonera avamanani embavasi ta nausa kali mwivi, nolu kalingi nesanduku liesende kawukulangakho echivachangamo. 7Yesu kawola, “Mulekhe ave, lekhe akavikhe khulwolutalo lwange lwokhuyavirwa. 8Avamanani muli navo wuli lwosi, nausa simuvanga lwosi nange ta.”
Okhukhova Okhwicha Lasaro
9Olu esituma esikali sia Avayahudi siamanya mbo ali Bethania, sivacha esikira ya Yesu yeng'ene ta nausa okhuwona Lasaro yesi, oyu Yesu kenyosa okhuchula muvafu. 10Kho avakuhani vakhongo vapanga okhwicha Lasaro yesi. 11Sikira okhuvera niye, Avayahudi vali vachia nivasuviye mu Yesu.
Okhwingira Khwoluyali mu Yerusalemu
(Mat. 21.1-11; Mrk. 11.1-11; Lk. 19.28-40)
12Enyinga yalondakho esituma esikali siali nisichire khulwa esao vawulira mbo Yesu kali kacha Yerusalemu. 13Kho vawukula amasaka kamakhindu ne vachia okhuwukanana naye, nivayula, “Chuwonie vaye! Ali nekhavi owicha mulicha lia Omwami, ata Omuchuki wa Israeli!” 14Ne Yesu kanyola esukhiri embukha ne kekhalakho; nga kaandikwa,
15“Ocharia tawe, etookho lia Siyoni;
Lengera, omuchuki wuwo kacha,
Kekhaye khusukhiri enyana!”
16Avalondi vave sivang'amula olwamberi. Nausa olu Yesu kali nikakhahewa oluyali, kho vechulira mbo kano kali kaandikwa khuniye ne kekholekha. 17Esituma siali naye olu kalanga Lasaro okhuchula musirindwa ne kamwinyosa okhuchula muvafu vamuanira owuloli. 18Esifune siakira esituma siachia okhumwakanira siali mbo vawulira mbo kali akholire esimanyiro esio. 19Avafarisayo mana vawolana, “Muwona simunyala okhukholakho siosisiosi ta, lengere, esialo siosi simulondakho.”
Avagiriki valala Vatakha okhuwona Yesu
20Muavo avali nivachiye okhusala musao valimo Avagiriki. 21Nonu vano vacha khu Filipo, owali nachula Bethsaida ya Galilaya vamuwolera, “Omukali, khwekombire okhuwona Yesu.” 22Filipo kachia kawolera Anderea, ne vombi vachia vawolera Yesu. 23Yesu kavachipa, “Evise viakhola evia Omwana womunju okhunyola oluyali. 24Ng'aling'ali vawolera, nichali olumwo lwengaano lukwe mwilova ne lufwe, lutong'anga wusa lwong'ene, nausa nilufwa, lwamanga eviamo. 25Oyo osima owulamu wuwe, awukosianga, noyo oleka owulamu wuwe khusialo khuno alikhuwuvikha khuwulamu wa wuli lwosi. 26Niva yesiyesi kakhalavanira, okhwola kanonde. Ne aandi, ao njaamukhalavani wange alikhuva yesi. Niva mbo mulala kakhalavanira, Papa alikhumuwa oluyali.
Yesu Alomaloma khu Efwa Lilie
27“Khanu omwoyo kwange kuendera, khanu ndikhuwola sina? ‘Papa, mbonie khuvise vino’? Tawe, khulwa esifune sino nacha khulwa evise vino. 28Papa, weresa oluyali elicha lilio.” Kho omwoyo kwachula mwikulu, “Eli waye oluyali, nendi okhuliwa oluyali nundi.” 29Omukhung'ano kwalio kwawulira ne vawola mbo siatulukha. Avandi vawola, “Engelosi yilomalomire ninaye.” 30Yesu kavachipa, “Omwoyo okwo kwichire khulwenywe, siyiri khulwange ta. 31Khanu evise vino, ekhalakirwa liri musialo, evise vino omuchuki womusialo muno alikhutupwa erwanyi; 32Ne olundi okhukingulwa okhuchula khusialo, ndi okhukhwesa avanju khu samwene.” 33Kawola kano okhwekesa efwa eli kali afwe. 34Omukhung'ano kwamuwolera, “Khumanyire mumalako mbo Kristo alivao wuli lwosi. Wakhawola ochie ochi Omwana womunju okhwola akingulwe amukulu? Njanu Omwana womunju ono?” 35Yesu kavawolera, “Owulafu wusiri nanywe khulwevise vititi, kende nimusiri nowulafu, namwe esirima sirikhuvanyola, oyo okenda musirima siamanyire eyi achia tawe. 36Nimusiri nowulafu, suvire muwulafu, kho muve avasoliri vowulafu.” Olu Yesu kali nikakhawola kano, kachekukha ne kekisa khunivo.
Okhuchasuvira khwa Avanju
37Ata kachio kali akholire evimanyiro evingi emberi wawe, ne sivamusuvira tawe. 38Kali mbo ekhuwa liawolwa nende nabii Isaya likholekhe:
“Omwami, njanu osuviye amakhuwa kefwe,
Ne njanu eyimukhono kwa Omwami kuwonekhaniye?”
39Kho sivakhanyalire okhusuvira ta, sikira Isaya nundi kali kawola,
40“Kekala emoni chiawe nekatinyia emioyo kiawe,
Wusa vakhawene nemoni chiawe mana vamanyirisa nemioyo kiawe,
Vakalukhane khulwese,
Evawonie.”
41Isaya kawola kano sikira kawona oluyali lulwe ne kalomaloma khuniye. 42Ata kachio, avangi vavamii vamusuvira, nausa okhuvera okhuria Avafarisayo sivamweyama tawe, nausa vakhavekaliye erwanyi wesinagogi. 43Sikira vali vasima okhufumia khwavanju okhukhira okhwa Nyasaye.
Okhukhalakirwa Namakhuwa ka Yesu
44Ne Yesu kawola nomwoyo omukali, “Oyo osuvira mwise, siasuvira wusa mwise tawe nausa muyo owanjuma. 45Noyo owumbona awona oyo owanjuma. 46Nichire ngowulafu musialo, kho yesiyesi osuvira mwise achatong'a musirima ta. 47Niva yesiyesi awulira elomaloma liange ne sialilonda ta, simukhalakira ta, sikira sinacha okhukhalakira esialo ta nausa okhuwonia esialo. 48Oyo owundova ese ne siawulira elomaloma liange ta ali nomukhalaki. Ekhuwa linakhawola liriva omukhalaki olutalo lwokhumalirikha. 49Sikira simboye nowunyali wange ta. Papa wanjuma njomwene owundakirisise eliokhuwola nende eliokhulomaloma. 50Ne emanyire elako lilie njowulamu wa wuli lwosi. Esimbola, khanu, Papa kamboleye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024