Evikholwa 7
7
Elomaloma lia Stefano
1Omukuhani mukhongo kawola, “Kali kachio?”
2Stefano kawola: “Vasiefwe nende ava papa, mumbulire. Nyasaye wowukhumi kawonekhanira papa wefwe Abrahamu, olu kali nali Mesopotamia, nasiri khumenya Harani, 3kamuwolera, ‘Chula musialo sisio nende muvanju vavo, mana ochie musialo esindi okhukhwekesa.’ 4Kachula musialo sia Avakaldayo, kamenya Harani. Olu simwana kafwa, Nyasaye kamuchusayo kamulecha musialo sino esi mumenyiremo, 5ne sikamuwakho omukavo kwemiandu musialo esio sive sisie, ata okhukulu khulala ta, nausa kalaka okhusiana khulwiwulo lulwe, ata niva mbo sikalikho nomwana tawe. 6Nyasaye kalomaloma khukano, mbo avolwiwulo lulwe vachiakhuva avaambe musialo siavanju vandi, navanju avo vachia okhuvakhola avaambe nivavanyasa khulwemiaka emia chine. 7‘Nausa njia okhukhalakira eanga eli vachia okhukhalavanira,’ Nyasaye kawola, ‘ne enyuma wako vanakhachuleyo mana vanyinamire awunju ano.’ 8Kamala kamuweresa endakaano yesikhewo. Kho Abrahamu kava simwana wa Isaka, mana kamukheva khulutalo lwa munane. Isaka naye kava simwana wa Yakopo, ne Yakopo kava papa wa avakuka ekhumi navaviri. 9Avakuka avo vawonera Yosefu euva mana vamukusia Misri, nichasi Nyasaye kali naye, 10kamuwonia okhuchula mumatinyu kake kosi. Mana kamuwa embavasi nende owukesi emberi wa Farao, omuchuki wa Misri, owamulomba kava gavana musialo sia Misri nende enju yiye yosi. 11Enjala yakerao yacha musialo sia Misri siosi nende mu Kanaani, nende eminyakhano emingi, ne avakuka vefwe vakhaywa esiokhulia. 12Olu Yakopo kuwulira mbo esiokhulia siri Misri, kamala kachuma avakuka vefwe olwamberi. 13Olu vakoola olwakhaviri, Yosefu keyekesa emberi wavana vawe mana vamumanya, avomunju yawe Yosefu vamala vamanyikha khu Farao. 14Yosefu kachuma valange Yakopo papa wuwe nende avekholo yiye yosi, avanju amakhumi saba nende vachanu. 15Yakopo kachia Misri mana kafwirayo, niye nende avakuka vefwe. 16Vavakinga vavakoosa Shekemu mana vavasikha musirindwa esi Abrahamu kali kakula khufesa echi kachusa khuvana va Hamori mu Shekemu.
17“Olu evise vialakwa viali aambi, evi Nyasaye kali nikawolera Abrahamu, avanju vametekha vava avangi mu Misri. 18Okhwolera ao, omuchuki wundi kenyokha Misri ochamanya Yosefu tawe. 19Kava muvi khuvanju vesivala siefwe ne kayinga avakuka vefwe okhucha avana vawe vatocho erwanyi mbo vafwe. 20Muvise vino Musa kewulwa, ne kali munifu emberi wa Nyasaye. Vamukhusira munju ya papa wuwe khulwa emiesi kitachu; 21Olu vamuchusa erwanyi, omwana mukhana wa Farao kamuwukula mana kamukhusa ngomwana wuwe. 22Ne Musa kekeswa owukesi wosi owa Misri, kava nowukhumi mumakhuwa nende muvikholwa.
23“Olu kali nikakhosa emiaka amakhumi kane, liamwichira mumwoyo okhukeniya avasie, avana va Israeli. 24Nolu kawona mulala khunivo nachang'anwa, kamuyeta, kakhupa, kecha Omumisri. 25Kapara mbo avasie valikhuwona vachi Nyasaye anavananulanga okhuvichira khumukhono kukwe, nichasi sivamanya ta. 26Olutalo lwalondakho kanyola Avaisraeli vaviri nivaukhana, ne kenya okhuvakoosa alala, nawola, ‘Enywe, muli vasiefwe, mbo sina nimukhayana?’ 27Owali nachang'ana owasie kasindikha Musa aluveka, nawola, ‘Njanu okhulombire ewe okhuva omuchuki nende omukhalaki wefwe? 28Wenya okhunjicha nga wechire Omumisiri mungolove?’ 29Olu Musa kawulira achio kerukha, kachia okhumenya musialo sia Midiani, eyi kamala anyole avana vaviri avasoliri.
30“Khanu emiaka saba ni kiakhavicha, engelosi yamuwonekhanira musichimi siesikulu sia Sinai, okhuvichira mumuliro kwali musichakha. 31Olu Musa kakuwona kesindukha, ne nga kasuta aambi okhulengera, omwoyo kwa Omwami kwamwichira, 32‘Nise Nyasaye wavakuka vavo, Nyasaye wa Abrahamu, Isaka nende Yakopo.’ Musa kachenga muno mana sikenya okhulengerakho nundi ta. 33Ne Omwami kamuwolera, ‘fwalula eviracho vivio, sikira awunju aawemire ao achwenufu. 34Muwang'ali nakhawona eminyakho kiavanju vange avali Misri ne nundi nakhawulira amaliro kawe, mana nichire aasi okhuvananula. Khanu yicha, ndikhukhuchuma Misri.’
35“Musa ono oyu valova, nivawola, ‘njanu owakhulomba okhuva omuchuki nende omukhalaki?’ Nyasaye kamuchuma ngomuchuki nende omunanuli okhuvichira khuwuyeti wengelosi yamuwonekhanira musichakha. 36Kavachusa nikakhakhola akokhuwukia nende evimanyiro Misri, munyanja embesemu nende musichimi khulwemiaka amakhumi kane. 37Ono nje Musa owawolera Avaisraeli, ‘Nyasaye achia okhuvaweresa omunabii okhuchula mu avasienywe nga kangingula ese.’ 38Ono njowali musituma musichimi nende engelosi yamulomalomera khusikulu sia Sinai, nende avakuka vefwe, mana kanyola amakhuwa kowulamu mbo achulechere. 39Ava papa vefwe valova okhumuria, vamucha eluveka, ne mumioyo kiawe vakoola Misri, 40nivawolera Aroni, ‘Chulombere avanyasaye vachwimirire, sikira sikhumanyire esiekholekhire khu Musa ono, owachuchusa Misri tawe.’ 41Valomba emosi munyinga echio, vakhola esitiso khu esifwananie esio mana vasangalira emilimo kiamakhono kawe. 42Nyasaye kavakhupa omukongo nokhuvalekha vasikamire eng'eniesi chiomwikulu, nga kaandikwa musitau sia avanabii:
‘Nise oyu mwasinjiranga evitiso viesolo nimukholera esao,
khulwemiaka amakhumi kane musichimi, Enywe enju ya Israeli?
43Mana mwawukula ekaali lia Moloki,
nende eng'eniesi yesifwanane Refani,
evifwananie evi mwalomba mbo muvinamire,
khulwako njia okhuvayira muwuchumwa aleyi okhuvicha Babuloni.’
44“Ava papa vefwe vali nende ekaali liowuveri musichimi, ngoyo owalomaloma nende Musa kavalaka valombe, okhulondana nende eva eli kali nawene 45Ava papa vefwe vakerao valilecha nende Yoshua olu vawukula evialo evi Nyasaye katimaniamo amaanga kalimo emberi wa avakuka vefwe. Mana liekhalamo okhwola enyinga chia Daudi, 46owanyola ekhavi mumoni chia Nyasaye mana kasava omunwa okhunyolera Nyasaye wa Yakopo owumenyo. 47Nausa kali Solomoni owamwombakhira enju. 48Nichasi Owamukulu Muno siamenyanga munju chilombirwe namakhono ta. Nga omunabii awola,
49‘Ekulu njesisala siange esiowuchuki,
nelova mbaa enjanga amakulu kange.
Onanyombakhire enju sina, Omwami awola,
namwe njena eyi ndawulukhire
50Amakhono kange sinjakalomba evinju vino viosi tawe?’
51“Enywe avanju voma amakosi, avachakhewa mumioyo nende mumachwi, nawusia muyingana nende Roho Muchwenufu. Nga ava papa venywe vakhola, mwesi mukhola muchio. 52Njanu khuvanabii oyu ava papa venywe vachanyasa? Mana vecha avo avachumbula okhwicha khwomuchwenufu munyinga chienyuma, oyu mwachama mana mwamwicha, 53enywe avanyola elako nga lialechwa nende engelosi mana simwalilonda ta.”
Stefano Akhupwa Amakina
54Nga vawulira amakhuwa kano vasinyikha muno, mana valumania ameno alala mwichima. 55Nausa niye, nikechuye Roho Muchwenufu, kalengera mwikulu kawona owukhumi wa Nyasaye, nende Yesu nikemire khumukhono mulungi okwa Nyasaye. 56Kawola, “Wone, ndawonanga ekulu nilikukhire, ne Omwana womunju kemire khumukhono mulungi okwa Nyasaye.” 57Nausa vakukuula mana vekala amachwi kawe mana vosi vatima nivachia eyi ali. 58Vamuchusa erwanyi wetookho elio mana vamukhupa amakina, avaveri vacha enguo chiawe aamakulu komuwukha mulala oyu valanga mbo Saulo. 59Nga vali nivakhupa Stefano amakina, kasala, “Omwami Yesu, wukula omwoyo kwange.” 60Kasikama aasi mana kalira mumwoyo kwamukulu, “Omwami, ochacha owoni wuno khunivo tawe.” Olu kali nikakhawola kano, kamala kafwa.
Currently Selected:
Evikholwa 7: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Evikholwa 7
7
Elomaloma lia Stefano
1Omukuhani mukhongo kawola, “Kali kachio?”
2Stefano kawola: “Vasiefwe nende ava papa, mumbulire. Nyasaye wowukhumi kawonekhanira papa wefwe Abrahamu, olu kali nali Mesopotamia, nasiri khumenya Harani, 3kamuwolera, ‘Chula musialo sisio nende muvanju vavo, mana ochie musialo esindi okhukhwekesa.’ 4Kachula musialo sia Avakaldayo, kamenya Harani. Olu simwana kafwa, Nyasaye kamuchusayo kamulecha musialo sino esi mumenyiremo, 5ne sikamuwakho omukavo kwemiandu musialo esio sive sisie, ata okhukulu khulala ta, nausa kalaka okhusiana khulwiwulo lulwe, ata niva mbo sikalikho nomwana tawe. 6Nyasaye kalomaloma khukano, mbo avolwiwulo lulwe vachiakhuva avaambe musialo siavanju vandi, navanju avo vachia okhuvakhola avaambe nivavanyasa khulwemiaka emia chine. 7‘Nausa njia okhukhalakira eanga eli vachia okhukhalavanira,’ Nyasaye kawola, ‘ne enyuma wako vanakhachuleyo mana vanyinamire awunju ano.’ 8Kamala kamuweresa endakaano yesikhewo. Kho Abrahamu kava simwana wa Isaka, mana kamukheva khulutalo lwa munane. Isaka naye kava simwana wa Yakopo, ne Yakopo kava papa wa avakuka ekhumi navaviri. 9Avakuka avo vawonera Yosefu euva mana vamukusia Misri, nichasi Nyasaye kali naye, 10kamuwonia okhuchula mumatinyu kake kosi. Mana kamuwa embavasi nende owukesi emberi wa Farao, omuchuki wa Misri, owamulomba kava gavana musialo sia Misri nende enju yiye yosi. 11Enjala yakerao yacha musialo sia Misri siosi nende mu Kanaani, nende eminyakhano emingi, ne avakuka vefwe vakhaywa esiokhulia. 12Olu Yakopo kuwulira mbo esiokhulia siri Misri, kamala kachuma avakuka vefwe olwamberi. 13Olu vakoola olwakhaviri, Yosefu keyekesa emberi wavana vawe mana vamumanya, avomunju yawe Yosefu vamala vamanyikha khu Farao. 14Yosefu kachuma valange Yakopo papa wuwe nende avekholo yiye yosi, avanju amakhumi saba nende vachanu. 15Yakopo kachia Misri mana kafwirayo, niye nende avakuka vefwe. 16Vavakinga vavakoosa Shekemu mana vavasikha musirindwa esi Abrahamu kali kakula khufesa echi kachusa khuvana va Hamori mu Shekemu.
17“Olu evise vialakwa viali aambi, evi Nyasaye kali nikawolera Abrahamu, avanju vametekha vava avangi mu Misri. 18Okhwolera ao, omuchuki wundi kenyokha Misri ochamanya Yosefu tawe. 19Kava muvi khuvanju vesivala siefwe ne kayinga avakuka vefwe okhucha avana vawe vatocho erwanyi mbo vafwe. 20Muvise vino Musa kewulwa, ne kali munifu emberi wa Nyasaye. Vamukhusira munju ya papa wuwe khulwa emiesi kitachu; 21Olu vamuchusa erwanyi, omwana mukhana wa Farao kamuwukula mana kamukhusa ngomwana wuwe. 22Ne Musa kekeswa owukesi wosi owa Misri, kava nowukhumi mumakhuwa nende muvikholwa.
23“Olu kali nikakhosa emiaka amakhumi kane, liamwichira mumwoyo okhukeniya avasie, avana va Israeli. 24Nolu kawona mulala khunivo nachang'anwa, kamuyeta, kakhupa, kecha Omumisri. 25Kapara mbo avasie valikhuwona vachi Nyasaye anavananulanga okhuvichira khumukhono kukwe, nichasi sivamanya ta. 26Olutalo lwalondakho kanyola Avaisraeli vaviri nivaukhana, ne kenya okhuvakoosa alala, nawola, ‘Enywe, muli vasiefwe, mbo sina nimukhayana?’ 27Owali nachang'ana owasie kasindikha Musa aluveka, nawola, ‘Njanu okhulombire ewe okhuva omuchuki nende omukhalaki wefwe? 28Wenya okhunjicha nga wechire Omumisiri mungolove?’ 29Olu Musa kawulira achio kerukha, kachia okhumenya musialo sia Midiani, eyi kamala anyole avana vaviri avasoliri.
30“Khanu emiaka saba ni kiakhavicha, engelosi yamuwonekhanira musichimi siesikulu sia Sinai, okhuvichira mumuliro kwali musichakha. 31Olu Musa kakuwona kesindukha, ne nga kasuta aambi okhulengera, omwoyo kwa Omwami kwamwichira, 32‘Nise Nyasaye wavakuka vavo, Nyasaye wa Abrahamu, Isaka nende Yakopo.’ Musa kachenga muno mana sikenya okhulengerakho nundi ta. 33Ne Omwami kamuwolera, ‘fwalula eviracho vivio, sikira awunju aawemire ao achwenufu. 34Muwang'ali nakhawona eminyakho kiavanju vange avali Misri ne nundi nakhawulira amaliro kawe, mana nichire aasi okhuvananula. Khanu yicha, ndikhukhuchuma Misri.’
35“Musa ono oyu valova, nivawola, ‘njanu owakhulomba okhuva omuchuki nende omukhalaki?’ Nyasaye kamuchuma ngomuchuki nende omunanuli okhuvichira khuwuyeti wengelosi yamuwonekhanira musichakha. 36Kavachusa nikakhakhola akokhuwukia nende evimanyiro Misri, munyanja embesemu nende musichimi khulwemiaka amakhumi kane. 37Ono nje Musa owawolera Avaisraeli, ‘Nyasaye achia okhuvaweresa omunabii okhuchula mu avasienywe nga kangingula ese.’ 38Ono njowali musituma musichimi nende engelosi yamulomalomera khusikulu sia Sinai, nende avakuka vefwe, mana kanyola amakhuwa kowulamu mbo achulechere. 39Ava papa vefwe valova okhumuria, vamucha eluveka, ne mumioyo kiawe vakoola Misri, 40nivawolera Aroni, ‘Chulombere avanyasaye vachwimirire, sikira sikhumanyire esiekholekhire khu Musa ono, owachuchusa Misri tawe.’ 41Valomba emosi munyinga echio, vakhola esitiso khu esifwananie esio mana vasangalira emilimo kiamakhono kawe. 42Nyasaye kavakhupa omukongo nokhuvalekha vasikamire eng'eniesi chiomwikulu, nga kaandikwa musitau sia avanabii:
‘Nise oyu mwasinjiranga evitiso viesolo nimukholera esao,
khulwemiaka amakhumi kane musichimi, Enywe enju ya Israeli?
43Mana mwawukula ekaali lia Moloki,
nende eng'eniesi yesifwanane Refani,
evifwananie evi mwalomba mbo muvinamire,
khulwako njia okhuvayira muwuchumwa aleyi okhuvicha Babuloni.’
44“Ava papa vefwe vali nende ekaali liowuveri musichimi, ngoyo owalomaloma nende Musa kavalaka valombe, okhulondana nende eva eli kali nawene 45Ava papa vefwe vakerao valilecha nende Yoshua olu vawukula evialo evi Nyasaye katimaniamo amaanga kalimo emberi wa avakuka vefwe. Mana liekhalamo okhwola enyinga chia Daudi, 46owanyola ekhavi mumoni chia Nyasaye mana kasava omunwa okhunyolera Nyasaye wa Yakopo owumenyo. 47Nausa kali Solomoni owamwombakhira enju. 48Nichasi Owamukulu Muno siamenyanga munju chilombirwe namakhono ta. Nga omunabii awola,
49‘Ekulu njesisala siange esiowuchuki,
nelova mbaa enjanga amakulu kange.
Onanyombakhire enju sina, Omwami awola,
namwe njena eyi ndawulukhire
50Amakhono kange sinjakalomba evinju vino viosi tawe?’
51“Enywe avanju voma amakosi, avachakhewa mumioyo nende mumachwi, nawusia muyingana nende Roho Muchwenufu. Nga ava papa venywe vakhola, mwesi mukhola muchio. 52Njanu khuvanabii oyu ava papa venywe vachanyasa? Mana vecha avo avachumbula okhwicha khwomuchwenufu munyinga chienyuma, oyu mwachama mana mwamwicha, 53enywe avanyola elako nga lialechwa nende engelosi mana simwalilonda ta.”
Stefano Akhupwa Amakina
54Nga vawulira amakhuwa kano vasinyikha muno, mana valumania ameno alala mwichima. 55Nausa niye, nikechuye Roho Muchwenufu, kalengera mwikulu kawona owukhumi wa Nyasaye, nende Yesu nikemire khumukhono mulungi okwa Nyasaye. 56Kawola, “Wone, ndawonanga ekulu nilikukhire, ne Omwana womunju kemire khumukhono mulungi okwa Nyasaye.” 57Nausa vakukuula mana vekala amachwi kawe mana vosi vatima nivachia eyi ali. 58Vamuchusa erwanyi wetookho elio mana vamukhupa amakina, avaveri vacha enguo chiawe aamakulu komuwukha mulala oyu valanga mbo Saulo. 59Nga vali nivakhupa Stefano amakina, kasala, “Omwami Yesu, wukula omwoyo kwange.” 60Kasikama aasi mana kalira mumwoyo kwamukulu, “Omwami, ochacha owoni wuno khunivo tawe.” Olu kali nikakhawola kano, kamala kafwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024