Olwimbo Olukhulundu 4
4
Omusaatsa amwitsoomia omwehawe
1Lola, oli owelikondo, omwiesa wanje;
lola, oli owelikondo;
tsimonitsio tsiingana amahuusi mulububilwo;
liswilio liingana lituuli lietsimbusi etsikholomoshelanga khulukongo Iweshikulu shiaGileadi.
2Ameenoko keengana lituuli liamanyafusi akateetilwe obwoya,
akatikulukha nikarula mukhwosibwa,
akali kabili kabili,
kata libulaho elifwilwa eliashie ta.
3Omunwakwo kwingana olutsaha oluranzayi;
okhuboolakhwo nokhukaasu muno;
tsiseyatsio tsiingana ebitonye bielikomamanga mulububilwo.
4Likosilio liingana omunaara okwa Daudi yoombakha kube libiishilo liebimanulwa bielihe,
okwafungwakhwo tsingabo eshikhumila,
tsiosi nebikhumba biabalulu.
5Tsimbeeletsio tsiombi tsiingana abaana babili beshitsusu abeebulwa amakhwana,
abaayilanga mumataanye.
6Okhuula isi olwa yinyira,
ebiiniini nibiilukhana,
ndalatsia khungulu tsiamanemane nokhushikulu shiobubaane.
7Oli owelikondo habwene, omwitsa wanje;
obula imbala yosi yosi.
8Chenda khurule fwesi eLebanoni, omweha wanje,
khurule fwesi eLebanoni.
Rula khubutenje bwaAmana,
khubutenje bwaSeniri naHeremoni,
mubimenyo bietsitalanyi
mubikulu bietsingwe.
9Ohulile omwoyo kwanje, mbootswa, omweha wanje;
ohulile omwoyo kwanje niunenga lulala netsimonitsio,
neshimili shilala shioiunyolo lwelikosilio.
10Makowe, obuheelibwo nobulayi bwamakana, mbootswa, omweha wanje!
Obuheelibwo bushila idivai ehale muno;
eshiuya shiamafurako nashio shishila amalesi keshing'aari kosi kosi.
11Omunwakwo, omweha wanje, kuroonya shinga eshicheyo;
obuushi namabeele bili hasi wolulimilwo;
okhuhunya khwetsingubotsio khwingana okhuhunya khwaLebanoni.
12Mbootswa wanje, omweha wanje, ali eshilundu eshiikaalwe;
isebele eyikaalwe; eshitaho eshiboyilwe.
13Emiro nbochio noinukunda kwamakomamanga,
nebiamo biolukoosi,
ihina, nebiraache bieshing'aari;
14ebiraache bieshing'aari, neizafarani,
olusi lweshing'aari, nomutalasini,
nemisaala chiosi chiobubaane;
amanemane, netsisubili, namalesi keshing'aari amakhulundu kosi;
15isebele eyomumukunda,
liyabo liamatsi amalamu,
emichela echirula eLebanoni.
16Iwe omuyeka kweinotsi, sisimukha,
nawe okweisautsi, yitsa;
muhuutse khushilundu shianje,
eshiuya shieshing'aari shisalaasibwe.
Omuheelwa wanje naye yeetse mushilundushie,
alie ebiamobie ebikoosi.
Currently Selected:
Olwimbo Olukhulundu 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Olwimbo Olukhulundu 4
4
Omusaatsa amwitsoomia omwehawe
1Lola, oli owelikondo, omwiesa wanje;
lola, oli owelikondo;
tsimonitsio tsiingana amahuusi mulububilwo;
liswilio liingana lituuli lietsimbusi etsikholomoshelanga khulukongo Iweshikulu shiaGileadi.
2Ameenoko keengana lituuli liamanyafusi akateetilwe obwoya,
akatikulukha nikarula mukhwosibwa,
akali kabili kabili,
kata libulaho elifwilwa eliashie ta.
3Omunwakwo kwingana olutsaha oluranzayi;
okhuboolakhwo nokhukaasu muno;
tsiseyatsio tsiingana ebitonye bielikomamanga mulububilwo.
4Likosilio liingana omunaara okwa Daudi yoombakha kube libiishilo liebimanulwa bielihe,
okwafungwakhwo tsingabo eshikhumila,
tsiosi nebikhumba biabalulu.
5Tsimbeeletsio tsiombi tsiingana abaana babili beshitsusu abeebulwa amakhwana,
abaayilanga mumataanye.
6Okhuula isi olwa yinyira,
ebiiniini nibiilukhana,
ndalatsia khungulu tsiamanemane nokhushikulu shiobubaane.
7Oli owelikondo habwene, omwitsa wanje;
obula imbala yosi yosi.
8Chenda khurule fwesi eLebanoni, omweha wanje,
khurule fwesi eLebanoni.
Rula khubutenje bwaAmana,
khubutenje bwaSeniri naHeremoni,
mubimenyo bietsitalanyi
mubikulu bietsingwe.
9Ohulile omwoyo kwanje, mbootswa, omweha wanje;
ohulile omwoyo kwanje niunenga lulala netsimonitsio,
neshimili shilala shioiunyolo lwelikosilio.
10Makowe, obuheelibwo nobulayi bwamakana, mbootswa, omweha wanje!
Obuheelibwo bushila idivai ehale muno;
eshiuya shiamafurako nashio shishila amalesi keshing'aari kosi kosi.
11Omunwakwo, omweha wanje, kuroonya shinga eshicheyo;
obuushi namabeele bili hasi wolulimilwo;
okhuhunya khwetsingubotsio khwingana okhuhunya khwaLebanoni.
12Mbootswa wanje, omweha wanje, ali eshilundu eshiikaalwe;
isebele eyikaalwe; eshitaho eshiboyilwe.
13Emiro nbochio noinukunda kwamakomamanga,
nebiamo biolukoosi,
ihina, nebiraache bieshing'aari;
14ebiraache bieshing'aari, neizafarani,
olusi lweshing'aari, nomutalasini,
nemisaala chiosi chiobubaane;
amanemane, netsisubili, namalesi keshing'aari amakhulundu kosi;
15isebele eyomumukunda,
liyabo liamatsi amalamu,
emichela echirula eLebanoni.
16Iwe omuyeka kweinotsi, sisimukha,
nawe okweisautsi, yitsa;
muhuutse khushilundu shianje,
eshiuya shieshing'aari shisalaasibwe.
Omuheelwa wanje naye yeetse mushilundushie,
alie ebiamobie ebikoosi.
Oluluyia Union Version © Bible Society of Kenya 1975