Olwimbo Olukhulundu 1
1
Omweha nende abakhaama beYerusalemu
1Olwimbo olukhulundu, olwaSulemani.
2Okhutsunzuuna unzunzuune nomunwakwo;
okhuba obuheelibwo bushila idivai.
3Amafurako keshing'aari kali neshiuya eshilayi;
eliiralio nilio amafura akatsukhwa;
niko akachilanga abakhaana nibakhuheela.
4Ukhwese munyumawo; chenda khwilushe.
Omuruchi unzinjisiye mubisikabie.
Nakhusangaale nikhwikhoyela mwiwe;
nakhupaachenje obuheelibwo okhushila idivai.
Bakhuheelanga habwene.
5Endi omumali ti, ne endi omukaasu,
inywe abakhaana beYerusalemu,
shinga amaheema kaKedari,
shinga tsingubo tsinzelesia tsiaSulemani.
6Muranengakhwo shichila endi omumali,
shichila omubasu kusambile, ta.
Abasiani bamama basinyishila,
nibakhola omulindi wemikunda chiemitsabibu;
habula omukunda kwanje kwemitsbibu, shingulindile ta.
7Mboolela, iwe owa omwoyo kwanje kuheela,
ewa wayilanga ebiayobio,
newa obihuluusilinjia mushiteere;
mbushiina nimba shinga outiimatiimila aha ebiayo biabashio bili?
8Noba noramanyile ta,
iwe ouli owelikondo mubakhasi,
tsia olonde amakulu kebiayo,
waye ebimeeme bietsimbusitsio hamaheema kabaayi.
Omweha nende omusaatsawe
9Ekhufwananiye, omwitsa wanje,
neifarasi mumakaari kaFarao.
10Tsindamatsio netsingaasu, nende emitindi chieliswi;
likosilio nobunyolo bwebimili.
11Khulakhukholela emitindi chieitsahaabu,
nebimili bieifeetsa.
12Olwa omuruchi yali niyeekhaale khukhakotsorokhe,
amalesi kanje keshing'aari katuuma eshiuya.
13Omuheelwa wanje ali shinga akhafuuko khamanemane khwisie,
akhakona hakari wetsimbeele tsianje.
14Omuheelwa wanje ali shinga eshikolo shiebimuli biahina khwisie,
mumikunda chiemitsabibu chieEni-gedi.
15Lola, oli owelikondo, omwitsa wanje;
lola, oli owelikondo;
tsimonitsio tsingana amahuusi.
16Lola, oli owelikondo, omuheelwa wanje;
okaasa muno.
Obulili bweefwe nobutendeemu.
17Emikuulo chieinzu yeefwe nechiemisiita,
netsisheti tsieefwe tsiemitaraakwe.
Currently Selected:
Olwimbo Olukhulundu 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Olwimbo Olukhulundu 1
1
Omweha nende abakhaama beYerusalemu
1Olwimbo olukhulundu, olwaSulemani.
2Okhutsunzuuna unzunzuune nomunwakwo;
okhuba obuheelibwo bushila idivai.
3Amafurako keshing'aari kali neshiuya eshilayi;
eliiralio nilio amafura akatsukhwa;
niko akachilanga abakhaana nibakhuheela.
4Ukhwese munyumawo; chenda khwilushe.
Omuruchi unzinjisiye mubisikabie.
Nakhusangaale nikhwikhoyela mwiwe;
nakhupaachenje obuheelibwo okhushila idivai.
Bakhuheelanga habwene.
5Endi omumali ti, ne endi omukaasu,
inywe abakhaana beYerusalemu,
shinga amaheema kaKedari,
shinga tsingubo tsinzelesia tsiaSulemani.
6Muranengakhwo shichila endi omumali,
shichila omubasu kusambile, ta.
Abasiani bamama basinyishila,
nibakhola omulindi wemikunda chiemitsabibu;
habula omukunda kwanje kwemitsbibu, shingulindile ta.
7Mboolela, iwe owa omwoyo kwanje kuheela,
ewa wayilanga ebiayobio,
newa obihuluusilinjia mushiteere;
mbushiina nimba shinga outiimatiimila aha ebiayo biabashio bili?
8Noba noramanyile ta,
iwe ouli owelikondo mubakhasi,
tsia olonde amakulu kebiayo,
waye ebimeeme bietsimbusitsio hamaheema kabaayi.
Omweha nende omusaatsawe
9Ekhufwananiye, omwitsa wanje,
neifarasi mumakaari kaFarao.
10Tsindamatsio netsingaasu, nende emitindi chieliswi;
likosilio nobunyolo bwebimili.
11Khulakhukholela emitindi chieitsahaabu,
nebimili bieifeetsa.
12Olwa omuruchi yali niyeekhaale khukhakotsorokhe,
amalesi kanje keshing'aari katuuma eshiuya.
13Omuheelwa wanje ali shinga akhafuuko khamanemane khwisie,
akhakona hakari wetsimbeele tsianje.
14Omuheelwa wanje ali shinga eshikolo shiebimuli biahina khwisie,
mumikunda chiemitsabibu chieEni-gedi.
15Lola, oli owelikondo, omwitsa wanje;
lola, oli owelikondo;
tsimonitsio tsingana amahuusi.
16Lola, oli owelikondo, omuheelwa wanje;
okaasa muno.
Obulili bweefwe nobutendeemu.
17Emikuulo chieinzu yeefwe nechiemisiita,
netsisheti tsieefwe tsiemitaraakwe.
Oluluyia Union Version © Bible Society of Kenya 1975