Tsitsabuli 149
149
Isiraeli yeechesiyibwa okhwitsoomia OMWAMI
1Mumwitsoomie OMWAMI.
Mwimbile OMWAMI olwimbo oluyia,
nimumwitsoomia mumukhung'aano kwabamuheelanga.
2Isiraeli yeekhoyele oyo owamulonga;
abaana baSayuni batsatsahalile Omuruchi wabwe.
3Beetsoomie eliiralie mumushino;
beembe nibamwitsoomilia musukuti nende obukhana.
4Okhuba OMWAMI achamanga abandube;
alang'oona abasandi nobuhuli.
5Abamuheelanga beekhoye muluyali,
beembele khubulili bwabwe khulwa obusangaali.
6Akeifuma ikhongo yaNyasaye kabe muminwa chiabwe,
nolukanga olwamema tsimbeka tsiombi mumakhono kabwe,
7okhumala eshikwoli khumahanga,
nobukuumi khutsimbia tsiabandu;
8okhuboha abaruchi babwe neminyololo,
nabakhulundu babwe nebitiili.
9Okhubakholela akobukhalachi obwahandiikwa,
nikhwo oluyali khubamuheelanga bosi.
Mumwitsoomie OMWAMI!
Currently Selected:
Tsitsabuli 149: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Tsitsabuli 149
149
Isiraeli yeechesiyibwa okhwitsoomia OMWAMI
1Mumwitsoomie OMWAMI.
Mwimbile OMWAMI olwimbo oluyia,
nimumwitsoomia mumukhung'aano kwabamuheelanga.
2Isiraeli yeekhoyele oyo owamulonga;
abaana baSayuni batsatsahalile Omuruchi wabwe.
3Beetsoomie eliiralie mumushino;
beembe nibamwitsoomilia musukuti nende obukhana.
4Okhuba OMWAMI achamanga abandube;
alang'oona abasandi nobuhuli.
5Abamuheelanga beekhoye muluyali,
beembele khubulili bwabwe khulwa obusangaali.
6Akeifuma ikhongo yaNyasaye kabe muminwa chiabwe,
nolukanga olwamema tsimbeka tsiombi mumakhono kabwe,
7okhumala eshikwoli khumahanga,
nobukuumi khutsimbia tsiabandu;
8okhuboha abaruchi babwe neminyololo,
nabakhulundu babwe nebitiili.
9Okhubakholela akobukhalachi obwahandiikwa,
nikhwo oluyali khubamuheelanga bosi.
Mumwitsoomie OMWAMI!
Oluluyia Union Version © Bible Society of Kenya 1975