Tsinjelo 23
23
1Olwa wikhala okhulia halala nomuruchi,
witsulile bulayi eshili imbeliwo,
2ne ore omubano mwikosilio noba noli oweindia ingali.
3Oreekomba ebinulubie ta;
shichila nebiliibwa biobukaatii.
4Oreechoonyia khulwa okhunyoola obuyinda, ta;
obuchesibwo bukhwechesie okhulekha.
5Wakharakhwo tsimoni, ne shishishiliho tawe.
Okhuba toto mwene, obuyinda bwikholelanga tsimbaha,
shinga inditsu eyipulukhanga okhutsia mwikulu.
6Oralia eshiokhulia shiomundu owokhumookoola,
kata oreekomba ebinulubie ta.
7Okhuba afwana shinga omundu ouchelanga mumwoyokwe;
akhuboolelanga ari Lia onywe;
nebutswa omwoyokwe shikuli khwiwe ta.
8Eshironje eshia omilile olasala,
amakhuwako amabuulu nikakora.
9Oraboola omuyingwa nahulila ta;
okhuba alachaya obuchesi bwamakhuwako.
10Oreeha eshimanyilo shiolwakho shiakhale,
kata okhwinjila munimilo yabaana ababisandu ta.
11Okhuba omununuli wabwe nowamaani;
niye oulafunaana ninawe akeshiina shiabwe.
12Orekhwo omwoyokwo khubuchesiyi,
khandi amarwiko khumakhuwa kobumanyi.
13Oralekha okhumuchesiyia omwana tawe;
okhuba nomunywekha nolusaala, shialafwa ta.
14Olamunywekha nolusaala, nomuhonia aleshe okhutsia eMakombe ta.
15Mwana wanje, omwoyokwo nikuba nikuli nobuchesi,
omwoyo kwanje kulasangaala, yee, okwanje omwene.
16Toto mwene, omwoyo kwanje kulasangaala,
olwa omunwakwo kuboolanga amakhuwa kahabwene.
17Omwoyokwo kurakhaaywa aboonooni ta;
ne mbu oriitsenje OMWAMI eshiteere shiosi.
18Okhuba toto mwene tsindaalo tsishiliho imbeli,
ne obunaayibwo shibulapaya ta.
19Mwana wanje, hulila, nochesiha,
olunjisie omwoyokwo khunjila.
20Oraba halala nabameesi,
nohomba nabakhaatsi beinyama ta.
21Okhuba omumeesi nende omulangu baloola khubumanani,
okhurenjeetsa nakhwo khulafwala omundu amatsai.
22Hulila so owakhwibula,
ne oraleka mawo olwa ali omushiele ta.
23Kula obwatoto, ne orabukusia ta;
kula obuchesi, nobuchesiyii, nende okhumanyilisia.
24Samwana omundu omulunjishi aleekhoya okhushila;
nowibula omwana omuchesi alanyoola obusangaali khuye.
25Lekha so nende mawo basangaale,
ne mawo owakhwibula yeekhoye.
26Mwana wanje, mbe omwoyokwo,
tsimonitsio natsio tsichame tsinjila tsianje.
27Okhuba omutamba abeetsanga obwina obwiyinikhu muno,
ne omukhasi omuheyi nobuko obunyelele.
28Yee, akonekhanga shinga omunuuli,
ne niye ouchilanga abakhobani nibeenjiha mubandu.
29Niwina ouboola mbu Bayaye wanje koo! Niwina oukhupa mbu Kuuwii!
Niwina owamayinje? Niwina ouli nobwililili?
Niwina ouli namafumire akabula eshifune?
Niwina owakhaanye tsimoni?
30Mbula, niyabo ababuutsanga oluhoono mumalwa;
niyabo abatsiitsanga okhukhaaba idivai eyitsokasiibwe.
31Orahenga idivai olwa yakhaanye tawe,
olwa ying'inang'ina mushikombe,
olwa yiswelulukhanga niyiikha;
32olunyuma yilumanga shinga inzokha,
yikhanganga shinga eshiyilikomba.
33Tsimonitsio tsilalola ebindu ebicheni,
omwoyokwo nikuboola akobukhanikhanu.
34Yee, olaba shinga oukonanga hasi khunyanza hakari,
nohomba shinga oukonanga khubutenje bwomuringoti kweliaro.
35Olaboola ori Bakhupile, ne shinzuunilwe ta;
banyweshile, ne shimbuliilekhwo ta;
nembuushe liina? Ndalachiruna khandi.
Currently Selected:
Tsinjelo 23: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Tsinjelo 23
23
1Olwa wikhala okhulia halala nomuruchi,
witsulile bulayi eshili imbeliwo,
2ne ore omubano mwikosilio noba noli oweindia ingali.
3Oreekomba ebinulubie ta;
shichila nebiliibwa biobukaatii.
4Oreechoonyia khulwa okhunyoola obuyinda, ta;
obuchesibwo bukhwechesie okhulekha.
5Wakharakhwo tsimoni, ne shishishiliho tawe.
Okhuba toto mwene, obuyinda bwikholelanga tsimbaha,
shinga inditsu eyipulukhanga okhutsia mwikulu.
6Oralia eshiokhulia shiomundu owokhumookoola,
kata oreekomba ebinulubie ta.
7Okhuba afwana shinga omundu ouchelanga mumwoyokwe;
akhuboolelanga ari Lia onywe;
nebutswa omwoyokwe shikuli khwiwe ta.
8Eshironje eshia omilile olasala,
amakhuwako amabuulu nikakora.
9Oraboola omuyingwa nahulila ta;
okhuba alachaya obuchesi bwamakhuwako.
10Oreeha eshimanyilo shiolwakho shiakhale,
kata okhwinjila munimilo yabaana ababisandu ta.
11Okhuba omununuli wabwe nowamaani;
niye oulafunaana ninawe akeshiina shiabwe.
12Orekhwo omwoyokwo khubuchesiyi,
khandi amarwiko khumakhuwa kobumanyi.
13Oralekha okhumuchesiyia omwana tawe;
okhuba nomunywekha nolusaala, shialafwa ta.
14Olamunywekha nolusaala, nomuhonia aleshe okhutsia eMakombe ta.
15Mwana wanje, omwoyokwo nikuba nikuli nobuchesi,
omwoyo kwanje kulasangaala, yee, okwanje omwene.
16Toto mwene, omwoyo kwanje kulasangaala,
olwa omunwakwo kuboolanga amakhuwa kahabwene.
17Omwoyokwo kurakhaaywa aboonooni ta;
ne mbu oriitsenje OMWAMI eshiteere shiosi.
18Okhuba toto mwene tsindaalo tsishiliho imbeli,
ne obunaayibwo shibulapaya ta.
19Mwana wanje, hulila, nochesiha,
olunjisie omwoyokwo khunjila.
20Oraba halala nabameesi,
nohomba nabakhaatsi beinyama ta.
21Okhuba omumeesi nende omulangu baloola khubumanani,
okhurenjeetsa nakhwo khulafwala omundu amatsai.
22Hulila so owakhwibula,
ne oraleka mawo olwa ali omushiele ta.
23Kula obwatoto, ne orabukusia ta;
kula obuchesi, nobuchesiyii, nende okhumanyilisia.
24Samwana omundu omulunjishi aleekhoya okhushila;
nowibula omwana omuchesi alanyoola obusangaali khuye.
25Lekha so nende mawo basangaale,
ne mawo owakhwibula yeekhoye.
26Mwana wanje, mbe omwoyokwo,
tsimonitsio natsio tsichame tsinjila tsianje.
27Okhuba omutamba abeetsanga obwina obwiyinikhu muno,
ne omukhasi omuheyi nobuko obunyelele.
28Yee, akonekhanga shinga omunuuli,
ne niye ouchilanga abakhobani nibeenjiha mubandu.
29Niwina ouboola mbu Bayaye wanje koo! Niwina oukhupa mbu Kuuwii!
Niwina owamayinje? Niwina ouli nobwililili?
Niwina ouli namafumire akabula eshifune?
Niwina owakhaanye tsimoni?
30Mbula, niyabo ababuutsanga oluhoono mumalwa;
niyabo abatsiitsanga okhukhaaba idivai eyitsokasiibwe.
31Orahenga idivai olwa yakhaanye tawe,
olwa ying'inang'ina mushikombe,
olwa yiswelulukhanga niyiikha;
32olunyuma yilumanga shinga inzokha,
yikhanganga shinga eshiyilikomba.
33Tsimonitsio tsilalola ebindu ebicheni,
omwoyokwo nikuboola akobukhanikhanu.
34Yee, olaba shinga oukonanga hasi khunyanza hakari,
nohomba shinga oukonanga khubutenje bwomuringoti kweliaro.
35Olaboola ori Bakhupile, ne shinzuunilwe ta;
banyweshile, ne shimbuliilekhwo ta;
nembuushe liina? Ndalachiruna khandi.
Oluluyia Union Version © Bible Society of Kenya 1975