Yoswa 13
13
Eshialo eshiali nishitong'a nishishili okhubukulwa
1Ne Yoswa yali omukofu omuyindifu wemiyika eminji; OMWAMI namusunjila mbu Iwe oli omukofu, omuyindifu wemiyika eminji; ne shishitong'a eshialo eshikhongo eshishili okhubukulwa. 2Eshialo eshishitong'a shieshino; mbu mumbali tsiosi tsiabaFilisiti; netsiabaGeshuri, 3mbu okhurula khumwalo kwaShihori okuli elubeka Iwebukwe weMisiri, okhuula khulwakho lwaEkeroni enotsi, nashio shibalwa mbu neshiabaKanaani; baliho abaami baraano babaFilisiti, mbu ababaGaza, nabaAshidodi, nabaAshekeloni, nabaGatsi, nabaEkeroni; khandi mumbali tsiabaAwi, 4esautsi; eshialo shiosi shiabaKanaani, nende Meara eshili shiabaSidoni, okhuula khuAfeki, nokhuula khulwakho lwabaAmori; 5neshialo shiabaGebali, nende Lebanoni shiosi, okuhenjile ewa eliuba lifwindilanga, okhurula eBaali-gadi, mundaalila weshikulu shiaHeremoni okhuula khubwinjililo bwaHamatsi; 6bosi abamenya mushialo shiebikulu okhurula eLebanoni okhuula khuMisirefotsi-maimu, nibo abaSidoni bosi; isie omwene ndalabarusia imbeli wabaana baIsiraeli; habula iwe oshibakabulile abaIsiraeli shibe eshiobulaame, shinga olwa ndakhulaka. 7Kho bulaano okabulile tsimbia etsio shienda neinusu yoluyia lwaManase eshialo shino shibe obulaame.
Eshialo eshiakabilzoa Manase naReubeni naGadi
8Inusu yoluyia lwaManase eyo, halala nabaReubeni nabaGadi, banyoola obulaame bwabwe obwa Musa yabaheelesia, injelekha weYorodani ebukwe, shinga Musa omusumba wOMWAMI olwa yabaheelesia; 9mbu okhurula eAroeri elili khundulo welibanda liaArinoni, nelitaala elili hakari welibanda, nomuhololookhwe kwosi kwaMedeba okhuula eDiboni; 10namataala kosi kaSihoni omuruchi wabaAmori, owali niyaruka muHeshiboni, okhuula khulwakho lwabaana baAmoni; 11nende Giieadi, nomumbali tsiabaGeshuri nabaMaaka, neshikulu shiosi shiaHeremoni, nende Bashani shiosi okhuula khuSaleka; 12noburuchi bwosi bwaOgu muBashani; ye yarukanga muAshitarotsi naEderei; ne niye yenyene owatong'a khumusikalo kwabaRefai. Okhuba abo nibo aba Musa yakhupa nabarusiamwo. 13Nebutswa abaana baIsiraeli shibarusia abaGeshuri kata abaMaaka ta; ne Geshuri naMaaka bamenyanga hakari waIsiraeli okhuula olwa leelo.
14Habula khuluyia lwaLawi lwonyene shiyabaheelesia obulaame ta; ebihaanwa biOMWAMI Nyasaye waIsiraeli ebikholelwa omulilo nibio obulaamebwe, shinga olwa yamuboolela.
15Khandi Musa yaheelesia oluyia lwabaana baReubeni obulaame, ebilibwa biabwe shinga olwa biali. 16Eshialo shiabwe shiarula khuAroeri, elili khundulo welibanda liaArinoni, nelitaala elili hakari welibanda, nomuhololookhwe kwosi kwaMedeba; 17naHeshiboni, namataala kalio kosi akali khumuhololookhwe; Diboni, naBamotsi-baali, naBetsi-baali-meoni, 18naYahaza, naKedemotsi, naMefaatsi, 19naKireatsaimu, naSibima, naZeretsi-shahari mushikulu shielibanda; 20naBetsi-peori, neshitikulukho shiaPisiga, naBetsi-yeshimotsi; 21mbu amataala kosi komuhololookhwe, noburuchi bwosi bwaSihoni omuruchi wabaAmori, owali niyaruka muHeshiboni, nowa Musa yakhupa halala nabaami baMidiani, mbu Ewi, naRekemu, naZuri naHuri naReba, abal hulundu baSihoni, abali nibamenya mushialo. 22Kata nende Balaamu waBeori, omuupi wolubu, abaana baIsiraeli nibamwira nolukanga halala nabandi abo abeerwa. 23Nolwakho lwabaana baReubeni lwali khuYorodani; nikwo olwakho. Obwo nibwo obulaame bwabaana baReubeni, ebilibwa biabwe shinga olwa biali, amataala kabwo nebisoma biabwo.
24Khandi Musa yaheelesia oluyia lwaGadi obulaame, khubaana baGadi, ebilibwa biabwe shinga olwa biali. 25Eshialo shiabwe shiali Yazeri, namataala kosi kaGileadi, neinusu yeshialo shiabaana baAmoni, okhuula khuAroeri elili imbeli waRaba; 26nokhurula eHeshiboni okhuula eRamatsi-mizipe, nende Betonimu; nokhurula eMahanaimu okhuula khulwakho IweDebiri; 27khandi mwibanda, mbu Betsiharamu, naBetsi-nimira, naSukotsi, naZafoni, obwatong'a khuburuchi bwaSihoni omuruchi waHeshiboni, Yorodani nikuli olwakho, okhuula khushihesi shieinyanza yaKhineretsi injelekha weYorodani ebukwe. 28Obwo nibwo obulaame bwabaana baGadi, ebihbwa biabwe shinga olwa biali, amataala kabwo nebisoma biabwo.
29Khandi Musa yaheelesia inusu yoluyia lwaManase obulaame; bwakabilwa inusu yoluyia lwabaana baManase, ebilibwa biabwe shinga olwa biali. 30Eshialo shiabwe shiali okhurula eMahanaimu, muBashani shiosi, oburuchi bwosi bwaOgu omuruchi waBashani, namataala kosi kaYairi, akali muBashani, mbu amataala amakhumi kasasaba; 31neinusu yaGileadi, naAshitarotsi, naEderei, amataala akomuburuchi bwaOgu muBashani, kakabilwa abaana baMakhiri waManase, mbu inusu yabaana baMakhiri, ebilibwa biabwe shinga olwa biali.
32Buno nibwo obulaame bwosi obwa Musa yakaba mumuhololookhwe kwaMoabu, injelekha weYorodani, eYeriko, ebukwe. 33Ne khuluyia lwaLawi Musa shiyabakabila obulaame ta; OMWAMI Nyasaye waIsiraeli niye obulaame bwabwe, shinga omwene olwa yababoolela.
Currently Selected:
Yoswa 13: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Yoswa 13
13
Eshialo eshiali nishitong'a nishishili okhubukulwa
1Ne Yoswa yali omukofu omuyindifu wemiyika eminji; OMWAMI namusunjila mbu Iwe oli omukofu, omuyindifu wemiyika eminji; ne shishitong'a eshialo eshikhongo eshishili okhubukulwa. 2Eshialo eshishitong'a shieshino; mbu mumbali tsiosi tsiabaFilisiti; netsiabaGeshuri, 3mbu okhurula khumwalo kwaShihori okuli elubeka Iwebukwe weMisiri, okhuula khulwakho lwaEkeroni enotsi, nashio shibalwa mbu neshiabaKanaani; baliho abaami baraano babaFilisiti, mbu ababaGaza, nabaAshidodi, nabaAshekeloni, nabaGatsi, nabaEkeroni; khandi mumbali tsiabaAwi, 4esautsi; eshialo shiosi shiabaKanaani, nende Meara eshili shiabaSidoni, okhuula khuAfeki, nokhuula khulwakho lwabaAmori; 5neshialo shiabaGebali, nende Lebanoni shiosi, okuhenjile ewa eliuba lifwindilanga, okhurula eBaali-gadi, mundaalila weshikulu shiaHeremoni okhuula khubwinjililo bwaHamatsi; 6bosi abamenya mushialo shiebikulu okhurula eLebanoni okhuula khuMisirefotsi-maimu, nibo abaSidoni bosi; isie omwene ndalabarusia imbeli wabaana baIsiraeli; habula iwe oshibakabulile abaIsiraeli shibe eshiobulaame, shinga olwa ndakhulaka. 7Kho bulaano okabulile tsimbia etsio shienda neinusu yoluyia lwaManase eshialo shino shibe obulaame.
Eshialo eshiakabilzoa Manase naReubeni naGadi
8Inusu yoluyia lwaManase eyo, halala nabaReubeni nabaGadi, banyoola obulaame bwabwe obwa Musa yabaheelesia, injelekha weYorodani ebukwe, shinga Musa omusumba wOMWAMI olwa yabaheelesia; 9mbu okhurula eAroeri elili khundulo welibanda liaArinoni, nelitaala elili hakari welibanda, nomuhololookhwe kwosi kwaMedeba okhuula eDiboni; 10namataala kosi kaSihoni omuruchi wabaAmori, owali niyaruka muHeshiboni, okhuula khulwakho lwabaana baAmoni; 11nende Giieadi, nomumbali tsiabaGeshuri nabaMaaka, neshikulu shiosi shiaHeremoni, nende Bashani shiosi okhuula khuSaleka; 12noburuchi bwosi bwaOgu muBashani; ye yarukanga muAshitarotsi naEderei; ne niye yenyene owatong'a khumusikalo kwabaRefai. Okhuba abo nibo aba Musa yakhupa nabarusiamwo. 13Nebutswa abaana baIsiraeli shibarusia abaGeshuri kata abaMaaka ta; ne Geshuri naMaaka bamenyanga hakari waIsiraeli okhuula olwa leelo.
14Habula khuluyia lwaLawi lwonyene shiyabaheelesia obulaame ta; ebihaanwa biOMWAMI Nyasaye waIsiraeli ebikholelwa omulilo nibio obulaamebwe, shinga olwa yamuboolela.
15Khandi Musa yaheelesia oluyia lwabaana baReubeni obulaame, ebilibwa biabwe shinga olwa biali. 16Eshialo shiabwe shiarula khuAroeri, elili khundulo welibanda liaArinoni, nelitaala elili hakari welibanda, nomuhololookhwe kwosi kwaMedeba; 17naHeshiboni, namataala kalio kosi akali khumuhololookhwe; Diboni, naBamotsi-baali, naBetsi-baali-meoni, 18naYahaza, naKedemotsi, naMefaatsi, 19naKireatsaimu, naSibima, naZeretsi-shahari mushikulu shielibanda; 20naBetsi-peori, neshitikulukho shiaPisiga, naBetsi-yeshimotsi; 21mbu amataala kosi komuhololookhwe, noburuchi bwosi bwaSihoni omuruchi wabaAmori, owali niyaruka muHeshiboni, nowa Musa yakhupa halala nabaami baMidiani, mbu Ewi, naRekemu, naZuri naHuri naReba, abal hulundu baSihoni, abali nibamenya mushialo. 22Kata nende Balaamu waBeori, omuupi wolubu, abaana baIsiraeli nibamwira nolukanga halala nabandi abo abeerwa. 23Nolwakho lwabaana baReubeni lwali khuYorodani; nikwo olwakho. Obwo nibwo obulaame bwabaana baReubeni, ebilibwa biabwe shinga olwa biali, amataala kabwo nebisoma biabwo.
24Khandi Musa yaheelesia oluyia lwaGadi obulaame, khubaana baGadi, ebilibwa biabwe shinga olwa biali. 25Eshialo shiabwe shiali Yazeri, namataala kosi kaGileadi, neinusu yeshialo shiabaana baAmoni, okhuula khuAroeri elili imbeli waRaba; 26nokhurula eHeshiboni okhuula eRamatsi-mizipe, nende Betonimu; nokhurula eMahanaimu okhuula khulwakho IweDebiri; 27khandi mwibanda, mbu Betsiharamu, naBetsi-nimira, naSukotsi, naZafoni, obwatong'a khuburuchi bwaSihoni omuruchi waHeshiboni, Yorodani nikuli olwakho, okhuula khushihesi shieinyanza yaKhineretsi injelekha weYorodani ebukwe. 28Obwo nibwo obulaame bwabaana baGadi, ebihbwa biabwe shinga olwa biali, amataala kabwo nebisoma biabwo.
29Khandi Musa yaheelesia inusu yoluyia lwaManase obulaame; bwakabilwa inusu yoluyia lwabaana baManase, ebilibwa biabwe shinga olwa biali. 30Eshialo shiabwe shiali okhurula eMahanaimu, muBashani shiosi, oburuchi bwosi bwaOgu omuruchi waBashani, namataala kosi kaYairi, akali muBashani, mbu amataala amakhumi kasasaba; 31neinusu yaGileadi, naAshitarotsi, naEderei, amataala akomuburuchi bwaOgu muBashani, kakabilwa abaana baMakhiri waManase, mbu inusu yabaana baMakhiri, ebilibwa biabwe shinga olwa biali.
32Buno nibwo obulaame bwosi obwa Musa yakaba mumuhololookhwe kwaMoabu, injelekha weYorodani, eYeriko, ebukwe. 33Ne khuluyia lwaLawi Musa shiyabakabila obulaame ta; OMWAMI Nyasaye waIsiraeli niye obulaame bwabwe, shinga omwene olwa yababoolela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975