Isaya 63
63
Inyanga yeshikwoli yOMWAMI
1Niwina uno owitsa narula eEdomu,
owebiifwalo ebiakhanyu ourula eBosara?
Uno owetsingubo tsiobung'oonefu,
ouchenda mubunji bwamaanike?
Nisie uno ouboola nobulunjishi,
owamaani okhuhonia.
2Wabeele orie, owakhaanye tsingubotsio,
nebiifwalobie shinga ebia oyo owaswalile mushitiinyilo shieidivai?
3Ndaswalile mungulu sienyene;
kata khumbia tsiabandu shiyabeeleho omundu yesi owa ndabeele ninaye ta;
toto, ndabaswalile muburima bwanje,
nimbatubanjila mubululu bwanje;
amabanga kobulamu bwabwe kamiitsushiile khubiifwalo bianje,
ne ndabiiyiye ebichingwa bianje biosi.
4Shichila induukho yokhumalilakhwo eshikwoli yali mumwoyo kwanje,
khandi omuyika kwanje kwobununuli kwali nikuulile.
5Nihenga, ne yali nabulaho oukhoonya,
nihuka mbu yali nabulaho ouleeta ta;
khulwako omukhono kwanje omwene kwandeerela obuhonia,
obululu bwanje nabwo nibundeeta.
6Ne ndaseenela abandu hasi muburima bwanje,
nimbameesia mubululu bwanje nisundula hasi amabanga kobulamu bwabwe.
Obulayi bwOMWAMI khuIsiraeli
7Ndalarumbula akeshisa shiOMWAMI,
nende akeifuma yOMWAMI,
ebia OMWAMI yakhuheele shinga olwa bili;
khandi obulayi obunji khunzu yaIsiraeli obwa yabaheele, tsimbabasitsie shinga olwa tsili,
khandi obunji bwobuheelibwe oburalilu shinga olwa buli.
8Okhuba yasunga ari Toto mwene, nibo abandu banje,
abaana abaranyala okhukhola akobukaatii ta;
kho naba omuhonia wabwe.
9Mukhusandibwa khwabwe khwosi yesi yasandilibwamwo,
Malaika wOkhubahokhwe naye nabahonia;
mubuheelibwe khandi mumbabasitsie yabanunula;
yabeetuukha nabachinga mundaalo tsiosi tsiakhale.
10Nabo nibamukhaya,
nibabeelesia Rohowe omutakatifu;
khulwako yakalukhana naba omusuku wabwe,
omwene nabaseera.
11Mana abandube beetsulila tsindaalo tsiakhale,
etsia Musa omusumbawe; bari
Ali heena owabatikulusia okhurula munyanza halala nende abaayi bebiayobie?
Ali heena owara Rohowe omutakatifu hakari mubo?
12Owachesia omukhonokwe kwoluyali mumukhono musaatsa kwaMusa?
Owakabukhasia amatsi imbeli wabwe,
mbu yeenyoolele omwene eliira elirahwaho ta?
13Owabeemilila nababisia mutsisiba tsiamatsi shinga ifarasi mushitsiimi,
obureesichirala ta?
14Shinga tsing'ombe etsikholomokha mwibanda,
Roho wOMWAMI yabahuluusia;
nolwa wabeemilila abandubo injila,
okhwinyoolela omwene eliira lioluyali.
Akokhusaba tsimbabesi nende ihabini
15Henga hasi okhurula ewa oli mwikulu,
olole, okhurula mushimenyo shiobutakatifubwo nende oluyalilwo;
obulumilifubwo buli heena, nende ebikholebio biamaani?
Amahofu akomumwoyokwo nende eshisashio biikalilwa oburoolakhwo khwisie ta.
16Okhuba niwe seefwe kata olwa Aburahamu arakhumanya ta,
Isiraeli naye nareeyama mbu khuli abebe tawe;
iwe, e OMWAMI, niwe seefwe;
Omununuli weefwe okhurula khubumeli nilio eliiralio.
17O OMWAMI, mbushiina nokhukosinjia okhurula khunjilatsio,
niwuminjia emioyo chieefwe, oburakhuria ta?
Kalukha khulwa abasumbabo,
nibo tsimbia tsiobulaamebwo.
18Abandubo abatakatifu balia habunduwo ahatakatifu eshise eshitiiti butswa;
abakhuyingania ifwe nabo batubanjiileho.
19Khwakalukhaane shinga abo abararukwa ninawe ta,
shinga abo abaralangwa khuliiralio tawe.
Currently Selected:
Isaya 63: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 63
63
Inyanga yeshikwoli yOMWAMI
1Niwina uno owitsa narula eEdomu,
owebiifwalo ebiakhanyu ourula eBosara?
Uno owetsingubo tsiobung'oonefu,
ouchenda mubunji bwamaanike?
Nisie uno ouboola nobulunjishi,
owamaani okhuhonia.
2Wabeele orie, owakhaanye tsingubotsio,
nebiifwalobie shinga ebia oyo owaswalile mushitiinyilo shieidivai?
3Ndaswalile mungulu sienyene;
kata khumbia tsiabandu shiyabeeleho omundu yesi owa ndabeele ninaye ta;
toto, ndabaswalile muburima bwanje,
nimbatubanjila mubululu bwanje;
amabanga kobulamu bwabwe kamiitsushiile khubiifwalo bianje,
ne ndabiiyiye ebichingwa bianje biosi.
4Shichila induukho yokhumalilakhwo eshikwoli yali mumwoyo kwanje,
khandi omuyika kwanje kwobununuli kwali nikuulile.
5Nihenga, ne yali nabulaho oukhoonya,
nihuka mbu yali nabulaho ouleeta ta;
khulwako omukhono kwanje omwene kwandeerela obuhonia,
obululu bwanje nabwo nibundeeta.
6Ne ndaseenela abandu hasi muburima bwanje,
nimbameesia mubululu bwanje nisundula hasi amabanga kobulamu bwabwe.
Obulayi bwOMWAMI khuIsiraeli
7Ndalarumbula akeshisa shiOMWAMI,
nende akeifuma yOMWAMI,
ebia OMWAMI yakhuheele shinga olwa bili;
khandi obulayi obunji khunzu yaIsiraeli obwa yabaheele, tsimbabasitsie shinga olwa tsili,
khandi obunji bwobuheelibwe oburalilu shinga olwa buli.
8Okhuba yasunga ari Toto mwene, nibo abandu banje,
abaana abaranyala okhukhola akobukaatii ta;
kho naba omuhonia wabwe.
9Mukhusandibwa khwabwe khwosi yesi yasandilibwamwo,
Malaika wOkhubahokhwe naye nabahonia;
mubuheelibwe khandi mumbabasitsie yabanunula;
yabeetuukha nabachinga mundaalo tsiosi tsiakhale.
10Nabo nibamukhaya,
nibabeelesia Rohowe omutakatifu;
khulwako yakalukhana naba omusuku wabwe,
omwene nabaseera.
11Mana abandube beetsulila tsindaalo tsiakhale,
etsia Musa omusumbawe; bari
Ali heena owabatikulusia okhurula munyanza halala nende abaayi bebiayobie?
Ali heena owara Rohowe omutakatifu hakari mubo?
12Owachesia omukhonokwe kwoluyali mumukhono musaatsa kwaMusa?
Owakabukhasia amatsi imbeli wabwe,
mbu yeenyoolele omwene eliira elirahwaho ta?
13Owabeemilila nababisia mutsisiba tsiamatsi shinga ifarasi mushitsiimi,
obureesichirala ta?
14Shinga tsing'ombe etsikholomokha mwibanda,
Roho wOMWAMI yabahuluusia;
nolwa wabeemilila abandubo injila,
okhwinyoolela omwene eliira lioluyali.
Akokhusaba tsimbabesi nende ihabini
15Henga hasi okhurula ewa oli mwikulu,
olole, okhurula mushimenyo shiobutakatifubwo nende oluyalilwo;
obulumilifubwo buli heena, nende ebikholebio biamaani?
Amahofu akomumwoyokwo nende eshisashio biikalilwa oburoolakhwo khwisie ta.
16Okhuba niwe seefwe kata olwa Aburahamu arakhumanya ta,
Isiraeli naye nareeyama mbu khuli abebe tawe;
iwe, e OMWAMI, niwe seefwe;
Omununuli weefwe okhurula khubumeli nilio eliiralio.
17O OMWAMI, mbushiina nokhukosinjia okhurula khunjilatsio,
niwuminjia emioyo chieefwe, oburakhuria ta?
Kalukha khulwa abasumbabo,
nibo tsimbia tsiobulaamebwo.
18Abandubo abatakatifu balia habunduwo ahatakatifu eshise eshitiiti butswa;
abakhuyingania ifwe nabo batubanjiileho.
19Khwakalukhaane shinga abo abararukwa ninawe ta,
shinga abo abaralangwa khuliiralio tawe.
Oluluyia Union Version © Bible Society of Kenya 1975