Isaya 61
61
Amakhuwa amalayi akobuhonia khuSayuni
1Roho wOMWAMI ali mwisie,
okhuba OMWAMI yanzushiliile amafura,
mbu embeelwatsile abasandi amakhuwa amalayi;
yarumile okhuboha aba emioyo chiabwe chiyenguushile;
okhuboolela abahambe ebulafu akobulekhuulwi,
nende ababohe, akobubohololwi;
2okhurumbula akomuyika kwobukoosia bwOMWAMI,
nende akeinduukho yeshikwoli shiaNyasaye weefwe;
okhubalemia omwoyo bosi abeekhuula;
3okhubakasilia abeekhuuli beSayuni,
mbu okhubaha eshisiaho mushilenje shielikoshe,
amafura kokhwikhoya mushilenje shiokhwikhuula,
eshiifwalo shiokhwitsoomia mushilenje shiomwoyo omusitohu mbu balangwe mbu emisaala chiobulunjishi,
emiraache ChiOMWAMI, mbu ye aheebwe oluyali.
4Khandi baloombakha mumakunda kakhale;
balabuusia amataala akalikuluushe,
niboombakha mumataala akakwa amakunda,
mumayindi ketsinzibulo tsinyinji.
5Abarende nabo balasinjila nibaaya ebiayo bieenywe,
abandu betsimbia tsindi nibaba abalimi beenywe,
nende abalindi bemitsabibu chieenywe.
6Habula inywe mulakulikhwa mbu abakuhani bOMWAMI;
abandu balamulanga mbu abakhalabani baNyasaye weefwe;
mulalia obuyinda bwamahanga,
nimwimanula ebieing'oono yabwe.
7Mushilenje shietsisoni tsieenywe mulanyoola omukabo shikhabili;
ne mushilenje shiokhufwimbwa omurwe, muleekhoyela omukabo kweenywe;
khulwako mushialo shieenywe mulalia emiandu shikhabili;
nokhwikhoya khwabwe khulaba okhwobumeli.
8Shichila isie OMWAMI eheelanga obuyaasii bwatoto;
engiyanga obwibi halala nende obumayaanu;
khandi ndalabakalusilia omurungo kwabwe mubwatoto,
nikhola ninabo indakano eyiyindila inziayo.
9Nolwibulo lwabwe lulamanyikha mumahanga,
khandi abaana babwe mumbia tsiabandu;
bosi ababalola balafuchiilila
mbu nibo olwibulo olwa OMWAMI yaheelesia ikhabi.
10Ndaleekhoyelanga OMWAMI muno,
omwoyo kwanje kulamusangaalilanga Nyasaye Wanje,
okhuba yayafwalile tsingubo tsiobuhonia yayafwimbile eshiifwalo shiobulunjishi,
shinga omwene obweha olwa yeesiayila eshisiaho,
kata shinga omweha olwa yeeng'oonela ebimilibie.
11Shichila shinga liloba olwa lirusia indombo yalio,
kata shinga omukunda olwa kumesinjia ebindu ebiaraakwamwo;
nolwa Omwami NYASAYE alamesia obulunjishi nende obwitsoomii imbeli wamahanga kosi.
Currently Selected:
Isaya 61: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 61
61
Amakhuwa amalayi akobuhonia khuSayuni
1Roho wOMWAMI ali mwisie,
okhuba OMWAMI yanzushiliile amafura,
mbu embeelwatsile abasandi amakhuwa amalayi;
yarumile okhuboha aba emioyo chiabwe chiyenguushile;
okhuboolela abahambe ebulafu akobulekhuulwi,
nende ababohe, akobubohololwi;
2okhurumbula akomuyika kwobukoosia bwOMWAMI,
nende akeinduukho yeshikwoli shiaNyasaye weefwe;
okhubalemia omwoyo bosi abeekhuula;
3okhubakasilia abeekhuuli beSayuni,
mbu okhubaha eshisiaho mushilenje shielikoshe,
amafura kokhwikhoya mushilenje shiokhwikhuula,
eshiifwalo shiokhwitsoomia mushilenje shiomwoyo omusitohu mbu balangwe mbu emisaala chiobulunjishi,
emiraache ChiOMWAMI, mbu ye aheebwe oluyali.
4Khandi baloombakha mumakunda kakhale;
balabuusia amataala akalikuluushe,
niboombakha mumataala akakwa amakunda,
mumayindi ketsinzibulo tsinyinji.
5Abarende nabo balasinjila nibaaya ebiayo bieenywe,
abandu betsimbia tsindi nibaba abalimi beenywe,
nende abalindi bemitsabibu chieenywe.
6Habula inywe mulakulikhwa mbu abakuhani bOMWAMI;
abandu balamulanga mbu abakhalabani baNyasaye weefwe;
mulalia obuyinda bwamahanga,
nimwimanula ebieing'oono yabwe.
7Mushilenje shietsisoni tsieenywe mulanyoola omukabo shikhabili;
ne mushilenje shiokhufwimbwa omurwe, muleekhoyela omukabo kweenywe;
khulwako mushialo shieenywe mulalia emiandu shikhabili;
nokhwikhoya khwabwe khulaba okhwobumeli.
8Shichila isie OMWAMI eheelanga obuyaasii bwatoto;
engiyanga obwibi halala nende obumayaanu;
khandi ndalabakalusilia omurungo kwabwe mubwatoto,
nikhola ninabo indakano eyiyindila inziayo.
9Nolwibulo lwabwe lulamanyikha mumahanga,
khandi abaana babwe mumbia tsiabandu;
bosi ababalola balafuchiilila
mbu nibo olwibulo olwa OMWAMI yaheelesia ikhabi.
10Ndaleekhoyelanga OMWAMI muno,
omwoyo kwanje kulamusangaalilanga Nyasaye Wanje,
okhuba yayafwalile tsingubo tsiobuhonia yayafwimbile eshiifwalo shiobulunjishi,
shinga omwene obweha olwa yeesiayila eshisiaho,
kata shinga omweha olwa yeeng'oonela ebimilibie.
11Shichila shinga liloba olwa lirusia indombo yalio,
kata shinga omukunda olwa kumesinjia ebindu ebiaraakwamwo;
nolwa Omwami NYASAYE alamesia obulunjishi nende obwitsoomii imbeli wamahanga kosi.
Oluluyia Union Version © Bible Society of Kenya 1975