Isaya 59
59
Obwiyami bwobubii bwelihanga
1Lole, omukhono kwOMWAMI shikwayeembichitiibwe, mbu kukhaywe okhuhulila, ta;
2ne obumayaanu bweenywe bwamukabukhasiye nende Nyasaye weenywe,
khandi ebionoono bieenywe bibisile obwenibwe, muleshe okhubulola,
kata shiyeenya okhuhulila ta.
3Okhuba amakhono keenywe kabiiyile khulwa amabanga,
khandi tsinzala tsieenywe khulwa obumayaanu;
eminwa chieenywe chiaboolile obubeeyi,
tsinimi tsieenywe tsihwehwelanga amabii.
4Abulaho ousitaka habwene,
khandi abulaho oufunaana mushiina mubwatoto;
beesiikanga akabutswa, nibaboola akobubeeyi;
babelekhanga amanyakhano,
nibeebula obumayaanu.
5Baalulanga amabuyu keshiyilikoma,
nibalukha olububi Iwelibubi;
oulia khumabuyu kabwe afwa,
eliseenwa nalio linyalukhamwo eliini.
6Tsimbubi tsiabwe shitsilakhola ebiifwalo,
kata abandu shibalanyala okhwifwimba ebia bakhola ta;
okhukhola khwabwe nokhukhola khwobumayaanu,
khandi ebikhole biamayukuba bili mumakhono kabwe.
7Ebilenje biabwe biilushilanga obubii,
nabo batetekhananga okhuraatsia amatsayi kababula eshiuku;
amapaaro kabwe namapaaro kobumayaanu;
amakunla nende obumululwi bili khumihanda chiabwe.
8Injila yomulembe shibachimanyakhwo ta;
bubulaho obukhalachi bwatoto munjenda yabwe;
beekholeele emihanda emishiamashiamu;
outsiilangakhwo shialola omulembe ta.
9Niko akachila obuyaasii bwatoto buli ehale nineefwe,
kata obulunjishi shibukhunyoolelesia ta;
khukhaabanga obulafu, ne neshiilima shionyene;
khukhaabanga obulangaafu, nikhuchenda butswa mwifumbi.
10Khuhabahabasinjia lisiisi shinga ababofu;
toto, khuhabasia shinga abahuma tsimoni;
khwisichirala mushiteere shinga abali mubwile;
mubanefu abamaani, khwingana abafu.
11Khubulula shinga tsitubu,
nikhubinda shinga amakuukuu;
khukhaabanga obuyaasii bwatoto,
ne buhumaho;
khandi obuhonia, ne buli ehale nineefwe.
12Shichila akobukhayi keefwe kayeenjiihe imbeliwo,
khandi ebionoono bieefwe bibuulanga aka khuli ninako;
okhuba akobukhayi keefwe khuli ninako,
nobumayaanu bweefwe, khubumanyile;
13mbu mukhukhaya nokhwikaana OMWAMI,
nokhushiukhana oburamulonda Nyasaye weefwe ta,
nokhuboola akobusandii nende akeinumba,
nokhurechekha mumioyo chieefwe amakhuwa kobubeeyi nikhukaboola.
14Obuyaasii bwatoto nabwo bukalusiibwe inyuma,
obulunjishi nibusinjila ehale;
okhuba obwatoto bukwile khunjila,
obukololofu nabwo shibunyala okhwinjila ta.
15Toto mwene, obwatoto buhumaho;
noyo owiyahula khubabii yeekhola eshioluyiitsi.
OMWAMI nalola, nikamusinyisia mbu obuyaasii bwatoto buhumaho.
16Nalola mbu abulaho omundu,
nachenya shichila yabulaho omukayili;
khulwako omukhono kukwe omwene kwamuleerela obuhuli,
obulunjishi nabwo bwamuleeta.
17Mana yeefwala obulunjishi shinga eshitsengwa okhuteetsa omurwekwe,
niyeefwala tsingubo tsieshikwoli tsibe ebiifwalobie,
nafwalwa obululu shinga ifuubila.
18Shinga ebikhole biabwe olwa bili, nolwa alarunga
mbu oburima khubamuyingania, khandi omurungo khubasukube;
netsinguku natsio alatsikalusilia omurungo.
19Nindio balaria eliira liOMWAMI okhurula mumbo,
khandi oluyalilwe okhurula ewa eliuba lifwindilanga;
shichila aleetsa shinga omuchela okukhulukusia,
okwa omuuya kwOMWAMI kuchesia.
20Khandi aleetsa eSayuni naba Omununuli wabwe.
Khandi khubashiukhana okhufutarila obukhayi muYakobo; nolwa OMWAMI aboola.
21Nasi khulwanje, yino niyo indakano yanje ninabo; niko aka OMWAMI aboola; roho wanje ouli mwiwe, khandi amakhuwa kanje aka ndara mumunwakwo, shibilarula mumunwakwo ta, kata mumunwa kwabaanabo, kata muminwa chiabaanabo, kata mumumwa kwabeetsukhulubo, okhurula olwa leelo okhuula khubisoni nebisoni; niko aka OMWAMI aboola.
Currently Selected:
Isaya 59: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 59
59
Obwiyami bwobubii bwelihanga
1Lole, omukhono kwOMWAMI shikwayeembichitiibwe, mbu kukhaywe okhuhulila, ta;
2ne obumayaanu bweenywe bwamukabukhasiye nende Nyasaye weenywe,
khandi ebionoono bieenywe bibisile obwenibwe, muleshe okhubulola,
kata shiyeenya okhuhulila ta.
3Okhuba amakhono keenywe kabiiyile khulwa amabanga,
khandi tsinzala tsieenywe khulwa obumayaanu;
eminwa chieenywe chiaboolile obubeeyi,
tsinimi tsieenywe tsihwehwelanga amabii.
4Abulaho ousitaka habwene,
khandi abulaho oufunaana mushiina mubwatoto;
beesiikanga akabutswa, nibaboola akobubeeyi;
babelekhanga amanyakhano,
nibeebula obumayaanu.
5Baalulanga amabuyu keshiyilikoma,
nibalukha olububi Iwelibubi;
oulia khumabuyu kabwe afwa,
eliseenwa nalio linyalukhamwo eliini.
6Tsimbubi tsiabwe shitsilakhola ebiifwalo,
kata abandu shibalanyala okhwifwimba ebia bakhola ta;
okhukhola khwabwe nokhukhola khwobumayaanu,
khandi ebikhole biamayukuba bili mumakhono kabwe.
7Ebilenje biabwe biilushilanga obubii,
nabo batetekhananga okhuraatsia amatsayi kababula eshiuku;
amapaaro kabwe namapaaro kobumayaanu;
amakunla nende obumululwi bili khumihanda chiabwe.
8Injila yomulembe shibachimanyakhwo ta;
bubulaho obukhalachi bwatoto munjenda yabwe;
beekholeele emihanda emishiamashiamu;
outsiilangakhwo shialola omulembe ta.
9Niko akachila obuyaasii bwatoto buli ehale nineefwe,
kata obulunjishi shibukhunyoolelesia ta;
khukhaabanga obulafu, ne neshiilima shionyene;
khukhaabanga obulangaafu, nikhuchenda butswa mwifumbi.
10Khuhabahabasinjia lisiisi shinga ababofu;
toto, khuhabasia shinga abahuma tsimoni;
khwisichirala mushiteere shinga abali mubwile;
mubanefu abamaani, khwingana abafu.
11Khubulula shinga tsitubu,
nikhubinda shinga amakuukuu;
khukhaabanga obuyaasii bwatoto,
ne buhumaho;
khandi obuhonia, ne buli ehale nineefwe.
12Shichila akobukhayi keefwe kayeenjiihe imbeliwo,
khandi ebionoono bieefwe bibuulanga aka khuli ninako;
okhuba akobukhayi keefwe khuli ninako,
nobumayaanu bweefwe, khubumanyile;
13mbu mukhukhaya nokhwikaana OMWAMI,
nokhushiukhana oburamulonda Nyasaye weefwe ta,
nokhuboola akobusandii nende akeinumba,
nokhurechekha mumioyo chieefwe amakhuwa kobubeeyi nikhukaboola.
14Obuyaasii bwatoto nabwo bukalusiibwe inyuma,
obulunjishi nibusinjila ehale;
okhuba obwatoto bukwile khunjila,
obukololofu nabwo shibunyala okhwinjila ta.
15Toto mwene, obwatoto buhumaho;
noyo owiyahula khubabii yeekhola eshioluyiitsi.
OMWAMI nalola, nikamusinyisia mbu obuyaasii bwatoto buhumaho.
16Nalola mbu abulaho omundu,
nachenya shichila yabulaho omukayili;
khulwako omukhono kukwe omwene kwamuleerela obuhuli,
obulunjishi nabwo bwamuleeta.
17Mana yeefwala obulunjishi shinga eshitsengwa okhuteetsa omurwekwe,
niyeefwala tsingubo tsieshikwoli tsibe ebiifwalobie,
nafwalwa obululu shinga ifuubila.
18Shinga ebikhole biabwe olwa bili, nolwa alarunga
mbu oburima khubamuyingania, khandi omurungo khubasukube;
netsinguku natsio alatsikalusilia omurungo.
19Nindio balaria eliira liOMWAMI okhurula mumbo,
khandi oluyalilwe okhurula ewa eliuba lifwindilanga;
shichila aleetsa shinga omuchela okukhulukusia,
okwa omuuya kwOMWAMI kuchesia.
20Khandi aleetsa eSayuni naba Omununuli wabwe.
Khandi khubashiukhana okhufutarila obukhayi muYakobo; nolwa OMWAMI aboola.
21Nasi khulwanje, yino niyo indakano yanje ninabo; niko aka OMWAMI aboola; roho wanje ouli mwiwe, khandi amakhuwa kanje aka ndara mumunwakwo, shibilarula mumunwakwo ta, kata mumunwa kwabaanabo, kata muminwa chiabaanabo, kata mumumwa kwabeetsukhulubo, okhurula olwa leelo okhuula khubisoni nebisoni; niko aka OMWAMI aboola.
Oluluyia Union Version © Bible Society of Kenya 1975