Isaya 50
50
1Kano niko aka OMWAMI aboola;
mbu Ibarwa yokhwilusibwa khwamawo yili heena, eya ndamwilusilia?
Kata niwina khubahosia amapeesa owa ndamukusiayo?
Lole, obumayaanu bweenywe nibwo obwachila mwakusibwa,
obukhayi bweenywe nibwo obwachila nyineenywe niyeelusibwa.
2Olwa ndeetsa, nishiina eshiachila omundu nabulaho?
Nolwa ndalanga, shiyaliho owakalusiamwo ta?
Omukhono kwanje kwayeembichitiibwekhwo,
mbu kukhaywe okhumununula noho?
Kata isie embula obunyali okhumuhonia noho?
Lola, khulwa okhulokha khwanje ekhamia inyanza,
engwisia emialo eshitsiimi;
tsinyeni tsiachio tsihunya obubolo shichila amatsi kabulamwo,
obuloho nibutsiira.
3Efwalanga likulu eshiilima,
nikhola amakunia eshifuunikho shialio.
Obuhulili bwomusumba waNyasaye
4Omwami NYASAYE yambeelesiye olulimi lwabo abeechesibungwa,
mbu emanye okhumutinyia nende amasungo oyo ouluyile;
yasisimusinjia mumabwibwi buli mumabwibwi;
yasisimusinjia amarwi kanje,
kahulile shinga abo abeechesibungwa.
5Omwami NYASAYE yanzikuule amarwi kanje,
nasi nindaba omukhayi ta,
kata nindashiukhana inyuma tawe.
6Ndabashiukhasilia abanyweshi omukongo kwanje,
nende tsiseya tsianje khubeehanga tsindefu;
shindabisa obweni bwanje buleshe okhuba nende tsisoni kata okhunyilihilwa amare, ta.
7Okhuba Omwami NYASAYE yakhoonyanga;
nilio elichila nindafwimbwa omurwe ta;
nilio elichila enyumiye tsimoni tsianje shinga lichina lielikhwabuye,
nimanya mbu shindalaba nende tsisoni ta.
8Oyo oulolosia obulunjishi bwanje ali ahambi.
Ouyingana ninasi niwina?
Khusinjile ninaye halala.
Ouyingania niwina?
Asite ahambi ninasi.
9Lole, Omwami NYASAYE niye oulakhoonya;
niwina oulakhalachila eshiina?
Lole, bosi balakofula shinga ingubo;
amatsilili kalabalia kutu.
10Niwina khwinywe ouriitsanga OMWAMI,
ouhulilanga amasungo komusumbawe?
Oyo ouchendanga mushiilima,
narali nobulafu ta,
ne yeesiikanga eliira liOMWAMI,
niyeeleeta khuNyasayewe.
11Lole inywe ababwana omulilo,
nimuhambia ebichienga;
chendele mubulafu bwomulilo kweenywe abeene,
khandi hakari webichienga ebia mwahambiye.
Kano niko aka mulanyoola khumukhono kwanje;
mbu mulakona mubusaalili.
Currently Selected:
Isaya 50: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 50
50
1Kano niko aka OMWAMI aboola;
mbu Ibarwa yokhwilusibwa khwamawo yili heena, eya ndamwilusilia?
Kata niwina khubahosia amapeesa owa ndamukusiayo?
Lole, obumayaanu bweenywe nibwo obwachila mwakusibwa,
obukhayi bweenywe nibwo obwachila nyineenywe niyeelusibwa.
2Olwa ndeetsa, nishiina eshiachila omundu nabulaho?
Nolwa ndalanga, shiyaliho owakalusiamwo ta?
Omukhono kwanje kwayeembichitiibwekhwo,
mbu kukhaywe okhumununula noho?
Kata isie embula obunyali okhumuhonia noho?
Lola, khulwa okhulokha khwanje ekhamia inyanza,
engwisia emialo eshitsiimi;
tsinyeni tsiachio tsihunya obubolo shichila amatsi kabulamwo,
obuloho nibutsiira.
3Efwalanga likulu eshiilima,
nikhola amakunia eshifuunikho shialio.
Obuhulili bwomusumba waNyasaye
4Omwami NYASAYE yambeelesiye olulimi lwabo abeechesibungwa,
mbu emanye okhumutinyia nende amasungo oyo ouluyile;
yasisimusinjia mumabwibwi buli mumabwibwi;
yasisimusinjia amarwi kanje,
kahulile shinga abo abeechesibungwa.
5Omwami NYASAYE yanzikuule amarwi kanje,
nasi nindaba omukhayi ta,
kata nindashiukhana inyuma tawe.
6Ndabashiukhasilia abanyweshi omukongo kwanje,
nende tsiseya tsianje khubeehanga tsindefu;
shindabisa obweni bwanje buleshe okhuba nende tsisoni kata okhunyilihilwa amare, ta.
7Okhuba Omwami NYASAYE yakhoonyanga;
nilio elichila nindafwimbwa omurwe ta;
nilio elichila enyumiye tsimoni tsianje shinga lichina lielikhwabuye,
nimanya mbu shindalaba nende tsisoni ta.
8Oyo oulolosia obulunjishi bwanje ali ahambi.
Ouyingana ninasi niwina?
Khusinjile ninaye halala.
Ouyingania niwina?
Asite ahambi ninasi.
9Lole, Omwami NYASAYE niye oulakhoonya;
niwina oulakhalachila eshiina?
Lole, bosi balakofula shinga ingubo;
amatsilili kalabalia kutu.
10Niwina khwinywe ouriitsanga OMWAMI,
ouhulilanga amasungo komusumbawe?
Oyo ouchendanga mushiilima,
narali nobulafu ta,
ne yeesiikanga eliira liOMWAMI,
niyeeleeta khuNyasayewe.
11Lole inywe ababwana omulilo,
nimuhambia ebichienga;
chendele mubulafu bwomulilo kweenywe abeene,
khandi hakari webichienga ebia mwahambiye.
Kano niko aka mulanyoola khumukhono kwanje;
mbu mulakona mubusaalili.
Oluluyia Union Version © Bible Society of Kenya 1975