Isaya 47
47
Eshiina khuBabeli
1Yikha, wikhale mulufu,
iwe omukhaana omushisila waBabeli;
yikhala hasi, harali eshifumbi shiobwami ta,
iwe omukhaana wabaKalidayo;
okhuba shiolalangwa mbu omutorotoro,
owenya okhutembelesibwa, khandi ta.
2Bukula isio, osie obusie;
rusia olububi, fwalula lirinda, fwimbula ebilenje, bira mumialo.
3Olafwimbulwa eshihechenyeshio,
toto tsisonitsio tsilalolekha;
ndaiamala eshikwoli, nindahonia omundu yesi ta.
4Omununuli weefwe, eliiralie niye OMWAMI omwene mahe,
niye Omutakatifu waIsiraeli.
5Yikhala noholeelile, otsie mushiilima,
iwe omukhaana wabaKalidayo;
okhuba shiolalangwa mbu Omukhaye wobwami khandi tawe.
6Ndasinyishila abandu banje,
ndabiiyia obulaame bwanje,
nimbahaana mumukhonokwo;
shiwababeela tsimbabasi ta;
wara likokololio lisiro muno khubakofu.
7Ne waboola mbu Ndalabeetsanga omukhaye obushia nobushia;
ne shiwateeba amakhuwa kano mumwoyokwo,
kata okhwitsulila obumaliilishi bwako ta.
8Kho bulaano, hulila kano, iwe owikomba omwenya kwonyene,
owikhaale mubwale,
ouboola mumwoyokwo ori
Nisie uno, nabulaho oundi, habula isie;
isie shindaleekhala shinga omukhasi omulekhwa,
kata okhufwilwa abaana banje ta;
9ne khane amakhuwa kano kabili kalakhwitsila nonoho,
khunyanga ndala,
mbu okhufwilwa abaana, nende okhufwilwa omusaatsa;
kalakhwitsila, obwitsulu bwako bwosi,
kata amafumuko nikali amanji muno,
kata emiikalochio nachio nichikutsa chirie.
10Okhuba watsaalikhanga mubumayaanubwo;
wasunjile mbu Abulaho oundolanga;
obuchesibwo nende obumanyibwo bwakhushiamiye;
wasunjile mumwoyokwo ori
Nisie uno, nabulaho oundi, habula isie.
11Niko akachila amabii kalakhwitsila;
shiolamanya omwikalo okukeekala ta;
khandi amaraba kalakhukwila;
shiolanyala okhukatisa ta;
khandi obwonooneshi bulakhwitsila meetsukhana,
obwa oramanyakhwo tawe.
12Sinjila bulaano nende emiikalochio,
khandi nende amafumuko amanji aka wanyakhanilanga okhurula khubukhaanabwo;
haundi wakhakaasa,
haundi wakhariisia abandu!
13Ochoonyile mubunji bwameebaaloko;
bulaano abakabulanga likulu,
nende abarangalanga tsinyininyini,
nende abalakulanga akomwesi,
basinjile, bakhuhonie mumakhuwa akeetsa okhukhwitsila.
14Lola, balaba shinga olububa;
omulilo kulabasamba;
shibaleehonia mubunyali bwolumemu lwomulilo ta;
shikalaba amaanda akokhwora,
kata omulilo kwokhubuutsakhwo tawe.
15Nolwa ebindu ebia wanyakhaniile bilaba khwiwe;
abo aba wasanjilananga ninabo mubukhala okhurula olwa wali omukhaana balatiima nibatsia buli mundu ewa atsia;
shialabaho oukhuhonia ta.
Currently Selected:
Isaya 47: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 47
47
Eshiina khuBabeli
1Yikha, wikhale mulufu,
iwe omukhaana omushisila waBabeli;
yikhala hasi, harali eshifumbi shiobwami ta,
iwe omukhaana wabaKalidayo;
okhuba shiolalangwa mbu omutorotoro,
owenya okhutembelesibwa, khandi ta.
2Bukula isio, osie obusie;
rusia olububi, fwalula lirinda, fwimbula ebilenje, bira mumialo.
3Olafwimbulwa eshihechenyeshio,
toto tsisonitsio tsilalolekha;
ndaiamala eshikwoli, nindahonia omundu yesi ta.
4Omununuli weefwe, eliiralie niye OMWAMI omwene mahe,
niye Omutakatifu waIsiraeli.
5Yikhala noholeelile, otsie mushiilima,
iwe omukhaana wabaKalidayo;
okhuba shiolalangwa mbu Omukhaye wobwami khandi tawe.
6Ndasinyishila abandu banje,
ndabiiyia obulaame bwanje,
nimbahaana mumukhonokwo;
shiwababeela tsimbabasi ta;
wara likokololio lisiro muno khubakofu.
7Ne waboola mbu Ndalabeetsanga omukhaye obushia nobushia;
ne shiwateeba amakhuwa kano mumwoyokwo,
kata okhwitsulila obumaliilishi bwako ta.
8Kho bulaano, hulila kano, iwe owikomba omwenya kwonyene,
owikhaale mubwale,
ouboola mumwoyokwo ori
Nisie uno, nabulaho oundi, habula isie;
isie shindaleekhala shinga omukhasi omulekhwa,
kata okhufwilwa abaana banje ta;
9ne khane amakhuwa kano kabili kalakhwitsila nonoho,
khunyanga ndala,
mbu okhufwilwa abaana, nende okhufwilwa omusaatsa;
kalakhwitsila, obwitsulu bwako bwosi,
kata amafumuko nikali amanji muno,
kata emiikalochio nachio nichikutsa chirie.
10Okhuba watsaalikhanga mubumayaanubwo;
wasunjile mbu Abulaho oundolanga;
obuchesibwo nende obumanyibwo bwakhushiamiye;
wasunjile mumwoyokwo ori
Nisie uno, nabulaho oundi, habula isie.
11Niko akachila amabii kalakhwitsila;
shiolamanya omwikalo okukeekala ta;
khandi amaraba kalakhukwila;
shiolanyala okhukatisa ta;
khandi obwonooneshi bulakhwitsila meetsukhana,
obwa oramanyakhwo tawe.
12Sinjila bulaano nende emiikalochio,
khandi nende amafumuko amanji aka wanyakhanilanga okhurula khubukhaanabwo;
haundi wakhakaasa,
haundi wakhariisia abandu!
13Ochoonyile mubunji bwameebaaloko;
bulaano abakabulanga likulu,
nende abarangalanga tsinyininyini,
nende abalakulanga akomwesi,
basinjile, bakhuhonie mumakhuwa akeetsa okhukhwitsila.
14Lola, balaba shinga olububa;
omulilo kulabasamba;
shibaleehonia mubunyali bwolumemu lwomulilo ta;
shikalaba amaanda akokhwora,
kata omulilo kwokhubuutsakhwo tawe.
15Nolwa ebindu ebia wanyakhaniile bilaba khwiwe;
abo aba wasanjilananga ninabo mubukhala okhurula olwa wali omukhaana balatiima nibatsia buli mundu ewa atsia;
shialabaho oukhuhonia ta.
Oluluyia Union Version © Bible Society of Kenya 1975