Isaya 37
37
AbaYuda bahonibwa mumukhono kwaSenakheribu
(2 Abaru. 19.1-37; 2 Akets. 32.20-23)
1Ne olwa omuruchi Hezekia yahulila, yarandula tsingubotsie, niyeefwala amakunia, niyeenjila munzu yOMWAMI. 2Naruma Eliakimu, owali narukanga itookho, nende Shebina omuhandiichi, nende abakofu abokhubakuhani, nibeefwalile amakunia, ewa Isaya omunabii, omwana waAmozi. 3Nibamusunjila bari Hezekia aboola mbu Inyanga yino neinyanga yamatinyu, neyobukondeshelwi, neyokhuseywa; okhuba abaana batuushile okhwibulwa, ne amaani akokhwibula kahumaho. 4Haundi OMWAMI Nyasayewo ahuliile amakhuwa komurabushake oyo, owa omwamiwe omuruchi waAshuru yarumile okhuseya Nyasaye oubeetsangaho omulamu, ne alaambakhana amakhuwa aka OMWAMI Nyasayewo yahuliile; kho khulwako, ochinguule lisaayolio khulwa omusikalo okutong'ile.
5Nolwa abasumba bomuruchi Hezekia bamwitsila Isaya, 6Isaya nababoolela ari Nolwa mulaboolela omwami weenywe, mbu Kano niko aka OMWAMI asunga; mbu Orariitsanga amakhuwa aka wahuliile, aka abasumba bomuruchi waAshuru bayanyechile ninako, ta. 7Lola, ndaleenjisia roho yindi muye, ne alahulila amakhuwa, nakalukha mushialo shishie omwene, khandi ndalachila niyeerelwa nende olukanga mushialo shishie omwene.
8Kho omurabushake oyo yakalukha, nanyoola omuruchi waAshuru naseerananga nende Libina; okhuba yali nahuliile mbu urulile eLakhishi. 9Omuruchi nahulila amakhuwa khuTirihaka omuruchi waEtiopia, mbu Arulile okhukhuseera. Nolwa yahulila, yaruma abarume ewaHezekia, ari 10Nolwa mulasunjila Hezekia omuruchi waYuda; mbu Orafuchiilila Nyasayewo owa wisiikanga akhukaatie, naboola mbu Yerusalemu shililahaanwa mumukhono kwomuruchi waAshuru ta. 11Lola, wahuliile aka abaruchi baAshuru bakholeele ebialo biosi, nibabitibilia elala; nawe wakhahona noho? 12Abanyasaye bamahanga bakahoniye, aka abakuuka banje bamulula, noho? Mbu Gozani, nende Harani, nende Rezefu, nende abaEdeni abalinji muTelasari? 13Ali heena omuruchi waHamatsi, nende omuruchi waArapadi, nende omuruchi welitookho liaSefarawaimu, nowaHena, nowalwa?
14Ne Hezekia nabukula ibarwa mumukhono kwabarume, nachisooma; mana Hezekia natikulukha niyeenjila munzu yOMWAMI, nachibambula imbeli wOMWAMI. 15Hezekia nasaaya OMWAMI, nasunga ari 16E OMWAMI omwene mahe, Nyasaye waIsiraeli, owikhaale hekulu wabakerubi; niwe Nyasaye, iwe wenyene, wobwami bwosi bweshialo shiosi; niwe owalonga likulu nende eshialo. 17E OMWAMI, reka amarwi ohulile; E OMWAMI, timbula tsimoni, olole; nohulila amakhuwa kosi kaSenakheribu, owarumana okhuseya Nyasaye oubeetsangaho mwoyo. 18Toto mwene, OMWAMI, abaruchi baAshuru basasiye ebibala biosi, nende liloba liabio, 19nibasukuna abanyasaye babio mumulilo; shichila shibali Nyasaye watoto ta, habula emilimo chiamakhono kabandu, emisaala nende amachina; niko akachilile nibabamalilana. 20Kho bulaano, e OMWAMI Nyasaye weefwe, okhuhonie mumukhonokwe, mbu mana abobwami bwosi bwomushialo shiosi bamanye mbu niwe OMWAMI, iwe wenyene.
21Mana Isaya waAmozi nakhupila Hezekia omunwa, ari Kano niko aka OMWAMI, Nyasaye waIsiraeli, aboola; mbu Okhuba wayasaayile khumakhuwa kaSenakheribu omuruchi waAshuru, 22lino nilio likhuwa elia OMWAMI yarumbuule khuye; mbu
Omukhaana omushisila weSayuni akhulechile, nakhunyookhosia;
omukhaana weYerusalemu akhuyuyiliye omurwe inyumawo.
23Niwina owa waseyile nende okhunyeka?
Kata niwina owa wachinguulile oluyoka,
nochinga tsimoni hekulu neinjinia?
Mbula, nOmutakatifu waIsiraeli.
24Wamuseyile OMWAMI neminwa chiabasumbabo,
noboola mbu Khulwa obunji bwamakaari kanje ndaniinile khubutenje bwebikulu,
muLebanoni hakari bwene;
ne ndaremile emisiita emirambi chiamwo,
nende emitaraakwe chiamwo emiloboole;
khandi ndinjiile mubutenje bwashio obuhelelesia,
omutsuru kwashio okwamanga.
25Ndayabile ninywa amatsi,
ne ndakhamia emialo chiosi chieMisiri neshilenje shianje.
26Ne shiwahulilakhwo?
Mbu nisie owalikhola khale, nilikasia mundaalo tsiakhale;
bulaano ndaliusiye,
mbu obe owokhukwisia amataala ketsingoba ebituuli biamayindi.
27Niko akachila abamenyangamwo, abali abobunyali obutuutu,
bafwa omwoyo nibakoyaana;
bali shinga obunyasi obwomumukunda,
khandi shinga omuboka,
shinga liswa khubilama bietsinzu,
eliniasibwa nomuyeka kwebukwe.
28Nebutswa ndamanya okhwikhalakhwo,
nende okhusamulakhwo, nende okhuchelelakhwo,
nende okhululakhwo okhwa undulilanga.
29Khulwa okhululakhwo okhwa undulilanga,
khandi okhuba isungayo yinzitsiile mumarwi kanje,
niko akachila ndaleenjisia ingaka yanje mumooluko,
nende lihana lianje mumunwakwo,
nikhukalusia khunjila yatsana eya warulilakhwo.
30Khandi shino shilaba eshilolelo khwiwe; mbu omuyika kuno mulaliitsanga khubikholo, khandi mumuyika kwakhabili mulalia khubienebio ebirula khubilia; ne mumuyika kwakhataru muraache, nimuchesa, nimuraaka emitsabibu, nimulia khubiamo biachio. 31Nomusikalo okuba nikwihonokooshe khubeinzu yaYuda kulahandia emisi hasi, nikwama ebiamo emukulu. 32Okhuba okhurula muYerusalemu mularulamwo omusikalo, khandi okhurula mushikulu shiaSayuni abeenabo abaleehonokokha; obulumilifu bwOMWAMI omwene mahe bulakhola. 33Niko akachila kano niko aka OMWAMI aboola khumakhuwa komuruchi waAshuru, mbu
Shialeenjila mwitookho lino,
kata okhulasayo omubano kwobuyingo,
kata shialoola imbeli walio nende ingabo,
kata okhuliswalila eshituuli shieliloba, ta.
34Khunjila yeneyo eya yarulilakhwo, niyo eya alakalushilakhwo,
ne shialeenjila mwitookho lino ta;
nolwa OMWAMI aboola.
35Shichila ndalateetsa litookho lino okhulihonia,
khulwanje omwene, khandi khulwa omusumba wanje Daudi.
36Kho malaika w yarula, nakhupa abandu ebikhumila eshikhumi nende amakhumi munaane nabiraano mukambi yabaAshuru; nolwa abandu babuukha mumabwibwi mbabo, bali emilambo chionyene. 37Kho Senakheribu omuruchi waAshuru yeenyokha, nakalukha eNinewe, namenyayo. 38Ne olwa yali niyeenaame munzu yaNisiroki nyasayewe, Adaramelekhu nende Shareza, abaanabe, bamurema nolukanga; nibeehonokokha nibatsia mushialo shiaArarati. Naye Esarihadoni yaruka mushilenjeshie.
Currently Selected:
Isaya 37: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 37
37
AbaYuda bahonibwa mumukhono kwaSenakheribu
(2 Abaru. 19.1-37; 2 Akets. 32.20-23)
1Ne olwa omuruchi Hezekia yahulila, yarandula tsingubotsie, niyeefwala amakunia, niyeenjila munzu yOMWAMI. 2Naruma Eliakimu, owali narukanga itookho, nende Shebina omuhandiichi, nende abakofu abokhubakuhani, nibeefwalile amakunia, ewa Isaya omunabii, omwana waAmozi. 3Nibamusunjila bari Hezekia aboola mbu Inyanga yino neinyanga yamatinyu, neyobukondeshelwi, neyokhuseywa; okhuba abaana batuushile okhwibulwa, ne amaani akokhwibula kahumaho. 4Haundi OMWAMI Nyasayewo ahuliile amakhuwa komurabushake oyo, owa omwamiwe omuruchi waAshuru yarumile okhuseya Nyasaye oubeetsangaho omulamu, ne alaambakhana amakhuwa aka OMWAMI Nyasayewo yahuliile; kho khulwako, ochinguule lisaayolio khulwa omusikalo okutong'ile.
5Nolwa abasumba bomuruchi Hezekia bamwitsila Isaya, 6Isaya nababoolela ari Nolwa mulaboolela omwami weenywe, mbu Kano niko aka OMWAMI asunga; mbu Orariitsanga amakhuwa aka wahuliile, aka abasumba bomuruchi waAshuru bayanyechile ninako, ta. 7Lola, ndaleenjisia roho yindi muye, ne alahulila amakhuwa, nakalukha mushialo shishie omwene, khandi ndalachila niyeerelwa nende olukanga mushialo shishie omwene.
8Kho omurabushake oyo yakalukha, nanyoola omuruchi waAshuru naseerananga nende Libina; okhuba yali nahuliile mbu urulile eLakhishi. 9Omuruchi nahulila amakhuwa khuTirihaka omuruchi waEtiopia, mbu Arulile okhukhuseera. Nolwa yahulila, yaruma abarume ewaHezekia, ari 10Nolwa mulasunjila Hezekia omuruchi waYuda; mbu Orafuchiilila Nyasayewo owa wisiikanga akhukaatie, naboola mbu Yerusalemu shililahaanwa mumukhono kwomuruchi waAshuru ta. 11Lola, wahuliile aka abaruchi baAshuru bakholeele ebialo biosi, nibabitibilia elala; nawe wakhahona noho? 12Abanyasaye bamahanga bakahoniye, aka abakuuka banje bamulula, noho? Mbu Gozani, nende Harani, nende Rezefu, nende abaEdeni abalinji muTelasari? 13Ali heena omuruchi waHamatsi, nende omuruchi waArapadi, nende omuruchi welitookho liaSefarawaimu, nowaHena, nowalwa?
14Ne Hezekia nabukula ibarwa mumukhono kwabarume, nachisooma; mana Hezekia natikulukha niyeenjila munzu yOMWAMI, nachibambula imbeli wOMWAMI. 15Hezekia nasaaya OMWAMI, nasunga ari 16E OMWAMI omwene mahe, Nyasaye waIsiraeli, owikhaale hekulu wabakerubi; niwe Nyasaye, iwe wenyene, wobwami bwosi bweshialo shiosi; niwe owalonga likulu nende eshialo. 17E OMWAMI, reka amarwi ohulile; E OMWAMI, timbula tsimoni, olole; nohulila amakhuwa kosi kaSenakheribu, owarumana okhuseya Nyasaye oubeetsangaho mwoyo. 18Toto mwene, OMWAMI, abaruchi baAshuru basasiye ebibala biosi, nende liloba liabio, 19nibasukuna abanyasaye babio mumulilo; shichila shibali Nyasaye watoto ta, habula emilimo chiamakhono kabandu, emisaala nende amachina; niko akachilile nibabamalilana. 20Kho bulaano, e OMWAMI Nyasaye weefwe, okhuhonie mumukhonokwe, mbu mana abobwami bwosi bwomushialo shiosi bamanye mbu niwe OMWAMI, iwe wenyene.
21Mana Isaya waAmozi nakhupila Hezekia omunwa, ari Kano niko aka OMWAMI, Nyasaye waIsiraeli, aboola; mbu Okhuba wayasaayile khumakhuwa kaSenakheribu omuruchi waAshuru, 22lino nilio likhuwa elia OMWAMI yarumbuule khuye; mbu
Omukhaana omushisila weSayuni akhulechile, nakhunyookhosia;
omukhaana weYerusalemu akhuyuyiliye omurwe inyumawo.
23Niwina owa waseyile nende okhunyeka?
Kata niwina owa wachinguulile oluyoka,
nochinga tsimoni hekulu neinjinia?
Mbula, nOmutakatifu waIsiraeli.
24Wamuseyile OMWAMI neminwa chiabasumbabo,
noboola mbu Khulwa obunji bwamakaari kanje ndaniinile khubutenje bwebikulu,
muLebanoni hakari bwene;
ne ndaremile emisiita emirambi chiamwo,
nende emitaraakwe chiamwo emiloboole;
khandi ndinjiile mubutenje bwashio obuhelelesia,
omutsuru kwashio okwamanga.
25Ndayabile ninywa amatsi,
ne ndakhamia emialo chiosi chieMisiri neshilenje shianje.
26Ne shiwahulilakhwo?
Mbu nisie owalikhola khale, nilikasia mundaalo tsiakhale;
bulaano ndaliusiye,
mbu obe owokhukwisia amataala ketsingoba ebituuli biamayindi.
27Niko akachila abamenyangamwo, abali abobunyali obutuutu,
bafwa omwoyo nibakoyaana;
bali shinga obunyasi obwomumukunda,
khandi shinga omuboka,
shinga liswa khubilama bietsinzu,
eliniasibwa nomuyeka kwebukwe.
28Nebutswa ndamanya okhwikhalakhwo,
nende okhusamulakhwo, nende okhuchelelakhwo,
nende okhululakhwo okhwa undulilanga.
29Khulwa okhululakhwo okhwa undulilanga,
khandi okhuba isungayo yinzitsiile mumarwi kanje,
niko akachila ndaleenjisia ingaka yanje mumooluko,
nende lihana lianje mumunwakwo,
nikhukalusia khunjila yatsana eya warulilakhwo.
30Khandi shino shilaba eshilolelo khwiwe; mbu omuyika kuno mulaliitsanga khubikholo, khandi mumuyika kwakhabili mulalia khubienebio ebirula khubilia; ne mumuyika kwakhataru muraache, nimuchesa, nimuraaka emitsabibu, nimulia khubiamo biachio. 31Nomusikalo okuba nikwihonokooshe khubeinzu yaYuda kulahandia emisi hasi, nikwama ebiamo emukulu. 32Okhuba okhurula muYerusalemu mularulamwo omusikalo, khandi okhurula mushikulu shiaSayuni abeenabo abaleehonokokha; obulumilifu bwOMWAMI omwene mahe bulakhola. 33Niko akachila kano niko aka OMWAMI aboola khumakhuwa komuruchi waAshuru, mbu
Shialeenjila mwitookho lino,
kata okhulasayo omubano kwobuyingo,
kata shialoola imbeli walio nende ingabo,
kata okhuliswalila eshituuli shieliloba, ta.
34Khunjila yeneyo eya yarulilakhwo, niyo eya alakalushilakhwo,
ne shialeenjila mwitookho lino ta;
nolwa OMWAMI aboola.
35Shichila ndalateetsa litookho lino okhulihonia,
khulwanje omwene, khandi khulwa omusumba wanje Daudi.
36Kho malaika w yarula, nakhupa abandu ebikhumila eshikhumi nende amakhumi munaane nabiraano mukambi yabaAshuru; nolwa abandu babuukha mumabwibwi mbabo, bali emilambo chionyene. 37Kho Senakheribu omuruchi waAshuru yeenyokha, nakalukha eNinewe, namenyayo. 38Ne olwa yali niyeenaame munzu yaNisiroki nyasayewe, Adaramelekhu nende Shareza, abaanabe, bamurema nolukanga; nibeehonokokha nibatsia mushialo shiaArarati. Naye Esarihadoni yaruka mushilenjeshie.
Oluluyia Union Version © Bible Society of Kenya 1975