Isaya 30
30
Okhwisiika Misiri nibutswa
1OMWAMI aboola mbu Woowe khubaana abo abakhayi,
abakasinjia aka nabakhole, ne shikali akanje ta;
abalakananga tsindakano, ne shitsili etsiaroho wanje ta;
mbu bameete eshionoono khushionoono shindi;
2abachenda nibakholomokha okhutsia eMisiri,
nibarasabile obwibaali khwisie ta;
okhwilushila amaani kaFarao,
nibeebisa mushiinikha shiaMisiri!
3Niko akachila amaani kaFarao kalaba tsisoni tsieenywe,
okhwibisa mushiinikha shiaMisiri nikhumufwimbia omurwe.
4Okhuba abakhulundube bali eZoani,
khandi abarumebe boolile eHanesi.
5Bosi balatiililwa tsisoni abandu abaranyala okhubaleerela inganga,
abarali nobukhoonyi kata inganga ta,
habula okhubaleerela tsisoni, khandi nende okhuseywa.
6Amakhuwa amasiro khuTsisolo tsieNegebu.
Balachinga obuyinda bwabwe khumikongo chietsisishili,
nende amabiikho kabwe khumarumba ketsingamia,
nibabira mushialo shiamatinyu namasila,
omwa murulangamwo tsitalanyi tsikhasi nende tsisaatsa,
eshiyilikoma nende inzokha eyipulukhanga,
okhuula khubandu abarabaleerela inganga ta.
7Okhuba obukhoonyi bwaMisiri nibutswa, niburakaasila eshindu ta;
khulwako emukuliishe mbu Rahabu owikhala nareesakasia ta.
8Otsie bulaano, okahandiiche mumoni tsiabwe khukhabaho,
nokasaara mushitabu,
mbu kabe khulwa eshise eshiitsa, oburumbusi okhuula khubisoni nebisoni.
9Okhuba nibo abandu beinduli, abaana ababeeyi,
abaana abakhaya okhuhulila obwibaali bwOMWAMI;
10abasunjilanga abalakusi mbu Muralakula ta;
nende abanabii mbu Murakhurumbulila amakhuwa amakololofu ta,
mukhuboolele amakhuwa amarelele,
mukhulakulile akachila nikhukaala;
11muhweho khunjila, mwibere okhurula khumuhanda,
mumwakamie Omutakatifu waIsiraeli imbeli weefwe.
12Khulwako, kano niko aka Omutakatifu waIsiraeli aboola,
mbu Olwa likhuwa lino limusinyanga,
nimwisiika obusandii nende oburambatsanu,
nimwisetamiakhwo;
13kho obumayaanu buno bulaba khwinywe shinga eshibanga eshielisiisi lirambi eshienya okhukwa, nishiyinduula,
elia okhulibulukha khwalio khwitsa nonoho, ameetsukhana.
14Ne alaliara shinga olutaabo Iwomulonji olwa lwatikhanga,
naliaraka ebitonye ebitonye, oburahonia ta;
mbu mana shishilanyoolekha mubitonye bialio eshikonjio eshiokhuchinjilakhwo omulilo mumayika,
kata okhutayila amatsi mwitiba ta.
15Okhuba kano niko aka Omwami NYASAYE, Omutakatifu waIsiraeli, aboola;
mbu Khulwa okhukalukha nende okhuhuluukha mulahonibwa;
mubuholeelefu nende mubwisiichi mulanyoolelamwo amaani;
neenyu shimwenyile ta.
16Nebutswa mwasunga mbu Tawe, okhuba khuleeyuulila khutsifarasi;
ne toto, muleeyuula;
khandi mbu Khulachendela khutsietsimbilo;
ne toto, abamulonda nabo balaba abetsimbilo.
17Baleelukha eshikhumila khukhukondekha khwamulala;
khukhukondekha khwabaraano muleelukha;
okhuula olwa mulatong'a shinga omulingoti khubutenje bwolukulu,
khandi shinga imbendela khushikulu.
Nyasaye asuubisia abandube obukoosiabwe
18Niko akachila OMWAMI alindanga, mbu amukoosie obukoosia;
khandi niko akachila alachinguukha, mbu amubeele tsimbabasi;
okhuba OMWAMI niye Nyasaye wobukhalachi bwatoto;
nabeikhabi abeenabo bosi abamulindiilila.
19Okhuba, iwe oluyia olumenyanga muSayuni eYerusalemu, shiolalila khandi ta; toto mwene, alakhukoosia obukoosia olwa ahulila omwoyo kwokhuhaabila khukhwo; olwa'alahulila alakhuhabina. 20Ne kata Omwami nakhuheelesia obusuma bwamanyakhano nende amatsi kamatinyu, khane Omwibaaliwo shialeebisa khandi ta, ne tsimonitsio tsilalola Omwibaaliwo; 21khandi amarwiko kalahulila likhuwa munyumawo, liri Yino niyo injila; muchendelemwo; olwa mukotola khumukhono musaatsa, khandi olwa mukotola khumukhasi. 22Ne muloonoonia ebifwanani bieenywe ebibaatse ebiarelesibwa nende ifeetsa, nende ebifwanani bieenywe ebisalule ebiarelesibwa nende itsahaabu; olabisukuna shinga eshindu shiomusilo; olabisunjila mbu Hweho! 23Naye alakhuheelesia if ula khulwa imwoyo eya olaraaka mwiloba, nende ebiliibwa biebiamo bieliloba, nabio bilaba ebinulu khandi ebinji; munduukho eyo emirukochio chilaaya mubwayilo obubambalifu. 24Tsing'ombe natsio tsirio, nende tsisishili, etsilimanga emikunda, tsilalia imele yeshinosi, eyelulwa nende okwikho nende olutelu. 25Khandi emialo nende emichela chiamatsi chilabaho khubuli lukulu oluchinguukhu, nende khubuli shikulu eshirambi, khunyanga yobwiri obukhongo, olwa eminaara chilakwa. 26Khandi obulafu bwomwesi bulaba shinga obulafu bweliuba, khandi obulafu bweliuba bulameetekha shimusaafu, shinga obulafu bwetsinyanga musaafu, khunyanga eyo olwa OMWAMI alaboha habutsuunwi bwabandube, nahonia amakhupache kamafumire kabwe.
OMWAMI akhalachila Ashuru eshiina
27Lole, eliira liOMWAMI lirula ehale,
nilisambanga noburimabwe, mukhutuuma khwomwosi omunji;
omunwakwe kwitsuulemwo obusinyishi,
olulimilwe nalwo lufwana shinga omulilo okusambanga;
28khandi emiuyachie chili shinga omwalo okuyemba,
okuulanga kata mwikosi,
okhusekundula amahanga nende olutelu Iwokhusisia;
khandi eshitiililo eshishiaminjia shilaba khutsiseya tsietsimbia tsiabandu.
29Mulaba nende olwimbo, shinga mushilo olwa lisabo litakatifuliliho; nende okhutsatsahala okhwomumioyo shinga olwa omundu arula nende lilele okhwitsila eshikulu shiOMWAMI, khulwanda lwaIsiraeli. 30Khandi OMWAMI alachila omwoyokwe kwoluyali kuhulilwe, nalolosia okhwisia khwomukhonokwe, nende oburimabwe obululu, nende olumemu Iwomulilo okusambanga, nende okhukukuma khwelikulu, nende imbumbuyeka, nende amachina. 31Okhuba khulwa omwoyo kwOMWAMI omuAshuru alafunakwa ebitonye ebitonye, nakhupakwa nende indabushiye. 32Ne buli likhupache liolusaala Iwokhukuuma, elia OMWAMI alamurakhwo, lilaba halala nende tsisukuti nende amachieng'i; khandi alakhupana ninabo nabareesilia omukhono. 33Okhuba Tofeti yakasibwa okhurula khale; yee, yakasilibwa omuruchi; yachikholile imbambalifu, okhutsia hasi muno; eshibunjikha shiayo nishio tsikhwi tsinyinji nende omulilo; emiuya ChiOMWAMI, echifwana shinga omuchela kweshibiriti, chiashihambia.
Currently Selected:
Isaya 30: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 30
30
Okhwisiika Misiri nibutswa
1OMWAMI aboola mbu Woowe khubaana abo abakhayi,
abakasinjia aka nabakhole, ne shikali akanje ta;
abalakananga tsindakano, ne shitsili etsiaroho wanje ta;
mbu bameete eshionoono khushionoono shindi;
2abachenda nibakholomokha okhutsia eMisiri,
nibarasabile obwibaali khwisie ta;
okhwilushila amaani kaFarao,
nibeebisa mushiinikha shiaMisiri!
3Niko akachila amaani kaFarao kalaba tsisoni tsieenywe,
okhwibisa mushiinikha shiaMisiri nikhumufwimbia omurwe.
4Okhuba abakhulundube bali eZoani,
khandi abarumebe boolile eHanesi.
5Bosi balatiililwa tsisoni abandu abaranyala okhubaleerela inganga,
abarali nobukhoonyi kata inganga ta,
habula okhubaleerela tsisoni, khandi nende okhuseywa.
6Amakhuwa amasiro khuTsisolo tsieNegebu.
Balachinga obuyinda bwabwe khumikongo chietsisishili,
nende amabiikho kabwe khumarumba ketsingamia,
nibabira mushialo shiamatinyu namasila,
omwa murulangamwo tsitalanyi tsikhasi nende tsisaatsa,
eshiyilikoma nende inzokha eyipulukhanga,
okhuula khubandu abarabaleerela inganga ta.
7Okhuba obukhoonyi bwaMisiri nibutswa, niburakaasila eshindu ta;
khulwako emukuliishe mbu Rahabu owikhala nareesakasia ta.
8Otsie bulaano, okahandiiche mumoni tsiabwe khukhabaho,
nokasaara mushitabu,
mbu kabe khulwa eshise eshiitsa, oburumbusi okhuula khubisoni nebisoni.
9Okhuba nibo abandu beinduli, abaana ababeeyi,
abaana abakhaya okhuhulila obwibaali bwOMWAMI;
10abasunjilanga abalakusi mbu Muralakula ta;
nende abanabii mbu Murakhurumbulila amakhuwa amakololofu ta,
mukhuboolele amakhuwa amarelele,
mukhulakulile akachila nikhukaala;
11muhweho khunjila, mwibere okhurula khumuhanda,
mumwakamie Omutakatifu waIsiraeli imbeli weefwe.
12Khulwako, kano niko aka Omutakatifu waIsiraeli aboola,
mbu Olwa likhuwa lino limusinyanga,
nimwisiika obusandii nende oburambatsanu,
nimwisetamiakhwo;
13kho obumayaanu buno bulaba khwinywe shinga eshibanga eshielisiisi lirambi eshienya okhukwa, nishiyinduula,
elia okhulibulukha khwalio khwitsa nonoho, ameetsukhana.
14Ne alaliara shinga olutaabo Iwomulonji olwa lwatikhanga,
naliaraka ebitonye ebitonye, oburahonia ta;
mbu mana shishilanyoolekha mubitonye bialio eshikonjio eshiokhuchinjilakhwo omulilo mumayika,
kata okhutayila amatsi mwitiba ta.
15Okhuba kano niko aka Omwami NYASAYE, Omutakatifu waIsiraeli, aboola;
mbu Khulwa okhukalukha nende okhuhuluukha mulahonibwa;
mubuholeelefu nende mubwisiichi mulanyoolelamwo amaani;
neenyu shimwenyile ta.
16Nebutswa mwasunga mbu Tawe, okhuba khuleeyuulila khutsifarasi;
ne toto, muleeyuula;
khandi mbu Khulachendela khutsietsimbilo;
ne toto, abamulonda nabo balaba abetsimbilo.
17Baleelukha eshikhumila khukhukondekha khwamulala;
khukhukondekha khwabaraano muleelukha;
okhuula olwa mulatong'a shinga omulingoti khubutenje bwolukulu,
khandi shinga imbendela khushikulu.
Nyasaye asuubisia abandube obukoosiabwe
18Niko akachila OMWAMI alindanga, mbu amukoosie obukoosia;
khandi niko akachila alachinguukha, mbu amubeele tsimbabasi;
okhuba OMWAMI niye Nyasaye wobukhalachi bwatoto;
nabeikhabi abeenabo bosi abamulindiilila.
19Okhuba, iwe oluyia olumenyanga muSayuni eYerusalemu, shiolalila khandi ta; toto mwene, alakhukoosia obukoosia olwa ahulila omwoyo kwokhuhaabila khukhwo; olwa'alahulila alakhuhabina. 20Ne kata Omwami nakhuheelesia obusuma bwamanyakhano nende amatsi kamatinyu, khane Omwibaaliwo shialeebisa khandi ta, ne tsimonitsio tsilalola Omwibaaliwo; 21khandi amarwiko kalahulila likhuwa munyumawo, liri Yino niyo injila; muchendelemwo; olwa mukotola khumukhono musaatsa, khandi olwa mukotola khumukhasi. 22Ne muloonoonia ebifwanani bieenywe ebibaatse ebiarelesibwa nende ifeetsa, nende ebifwanani bieenywe ebisalule ebiarelesibwa nende itsahaabu; olabisukuna shinga eshindu shiomusilo; olabisunjila mbu Hweho! 23Naye alakhuheelesia if ula khulwa imwoyo eya olaraaka mwiloba, nende ebiliibwa biebiamo bieliloba, nabio bilaba ebinulu khandi ebinji; munduukho eyo emirukochio chilaaya mubwayilo obubambalifu. 24Tsing'ombe natsio tsirio, nende tsisishili, etsilimanga emikunda, tsilalia imele yeshinosi, eyelulwa nende okwikho nende olutelu. 25Khandi emialo nende emichela chiamatsi chilabaho khubuli lukulu oluchinguukhu, nende khubuli shikulu eshirambi, khunyanga yobwiri obukhongo, olwa eminaara chilakwa. 26Khandi obulafu bwomwesi bulaba shinga obulafu bweliuba, khandi obulafu bweliuba bulameetekha shimusaafu, shinga obulafu bwetsinyanga musaafu, khunyanga eyo olwa OMWAMI alaboha habutsuunwi bwabandube, nahonia amakhupache kamafumire kabwe.
OMWAMI akhalachila Ashuru eshiina
27Lole, eliira liOMWAMI lirula ehale,
nilisambanga noburimabwe, mukhutuuma khwomwosi omunji;
omunwakwe kwitsuulemwo obusinyishi,
olulimilwe nalwo lufwana shinga omulilo okusambanga;
28khandi emiuyachie chili shinga omwalo okuyemba,
okuulanga kata mwikosi,
okhusekundula amahanga nende olutelu Iwokhusisia;
khandi eshitiililo eshishiaminjia shilaba khutsiseya tsietsimbia tsiabandu.
29Mulaba nende olwimbo, shinga mushilo olwa lisabo litakatifuliliho; nende okhutsatsahala okhwomumioyo shinga olwa omundu arula nende lilele okhwitsila eshikulu shiOMWAMI, khulwanda lwaIsiraeli. 30Khandi OMWAMI alachila omwoyokwe kwoluyali kuhulilwe, nalolosia okhwisia khwomukhonokwe, nende oburimabwe obululu, nende olumemu Iwomulilo okusambanga, nende okhukukuma khwelikulu, nende imbumbuyeka, nende amachina. 31Okhuba khulwa omwoyo kwOMWAMI omuAshuru alafunakwa ebitonye ebitonye, nakhupakwa nende indabushiye. 32Ne buli likhupache liolusaala Iwokhukuuma, elia OMWAMI alamurakhwo, lilaba halala nende tsisukuti nende amachieng'i; khandi alakhupana ninabo nabareesilia omukhono. 33Okhuba Tofeti yakasibwa okhurula khale; yee, yakasilibwa omuruchi; yachikholile imbambalifu, okhutsia hasi muno; eshibunjikha shiayo nishio tsikhwi tsinyinji nende omulilo; emiuya ChiOMWAMI, echifwana shinga omuchela kweshibiriti, chiashihambia.
Oluluyia Union Version © Bible Society of Kenya 1975