Isaya 19
19
Amakhuwa amasiro khuMisiri
1Amakhuwa amasiro khuMisiri.
Lole, OMWAMI achendela khwileesi eliiyuula tsimbilo,
niyoola eMisiri;
ne ebiabutswa biaMisiri bilareesibwa imbeliwe,
omwoyo kwaMisiri nakwo kulasaluulukha mukariwe.
2Nasi ndalayakula abaMisiri mbu bayingane nende abaMisiri;
nabo balaseerana, buli mundu nende omwana wabwe,
khandi buli mundu nende owashie;
litaala lilayingana nende litaala, khandi obwami nende obwami.
3Khandi amachesi kaMisiri kalakwa amakhaya mushio;
nasi ndalakoyaasia obwibaali bwashio,
nabo balareeba khubiabutswa ebiinamilungwa, nende khubafumu,
nende khubebitsoyelo, nende khumisambwa.
4Ne ndalahaana abaMisiri mumukhono kwomwami undi oubula tsimbabasi;
nomuruchi omuhalaba alabaruka;
nolwa Omwami aboola, niye OMWAMI omwene mahe.
5Ne amatsi kalaakama mumwalo kwaNaili omwalo nakwo nikukhamuulukha nikuuma.
6Ne emialo chilahunya obubolo;
emichela chieMisiri chilatiitiha nichiuma;
olusi nende liswa bilaniala.
7Obwayilo oburondokhana nende omwalo kwaNaili khuluchinga IwOmwalo,
halala nende biosi ebiaraakwa ahambi nende Omwalo,
bilooma, bileelusibwa, bilahwaho.
8Abanaabi nabo baleekhuula,
nabo bosi abafuuba olulobo muOmwalo balalila,
abo ababambula tsikhanda khumatsi balatora.
9Khandi, abakholanga emilimo echiokhuchanula ikitani,
halala nende abalushi beingubo yeipamba,
bosi balafwimbwa omurwe.
10Ne abali tsisiilo tsieshialo tsilafunakwa ebitonye ebitonye,
nabo bosi abakholelanga omushaara balabeelela mumioyo chiabwe.
11Abakhulundu baZoani nabasilu muno;
obwibaali bwabachesiyii abashila obuchesi baFarao bukwile eshinasolo;
munyala murie okhusunjila Farao mbu Nisie omwana wabachesi,
omwana wabaruchi bakhale?
12Kho abachesibo bali heena?
Bakhuboolele bulaano; bamanye tsiyemi tSiOMWAMI omwene mahe khuMisiri.
13Abakhulundu baZoani bakwile abasilu,
abakhulundu baNofu bakaatibwa;
abali lichina elieikoona lietsimbia tsiaMisiri bamushiamiye.
14OMWAMI yatsokasiye omwoyo omurambatsanu muye mukari;
ne bashiamiye Misiri mumilimochie chiosi,
shinga oumeelile olwa ayiyayiyanga nasala.
15Kata shichilabaho emilimo chiosi khulwa Misiri,
echia omurwe kwakhakhola kata omushila, lisaka kata olusi, ta.
16Munduukho eyo Misiri shilafwanana nende abakhasi; shilatechela nende okhuria khulwa okhureesia khwomukhono kwOMWAMI omwene mahe, okwa abareesiliakhwo. 17Ne eshialo shiaYuda shilakwa eshiriisio khuMisiri; buli mundu owa shilaralilwakhwo alaria, khulwa tsiyemi tSiOMWAMI omwene mahe, etsia ali ninatsio.
18Munduukho eyo kalabamwo amataala karaano mushialo shiaMisiri ewa baboolanga olulimi lwaKanaani, nibeetsubila OMWAMI omwene mahe; elindi lilakulikhwa mbu Litaala Liobutibi.
19Munduukho eyo shilabaho eshimalilo shiemisango chiOMWAMI mushialo shiaMisiri hakari, nende isiilo yOMWAMI khulwakho lwashio. 20Nashio shilaba eshilolelo khandi eshiobuloli shiOMWAMI omwene mahe mushialo shiaMisiri; okhuba olwa balahaabila OMWAMI khulwabo ababamiina, alabarumila omuhonia khandi omuhabini, naye alabahonia. 21Khandi OMWAMI alamanyishila Misiri, abaMisiri nabo balamumanya OMWAMI munduukho eyo; toto, balamwinamila nende emisango nebihaanwa, nibeetsubila OMWAMI eshiitsubo nibashiusia. 22Ne OMWAMI alakhupa Misiri, okhukhupa nende okhuhonia; ne balamukalushila OMWAMI, naye alabahulila, nabahonia.
23Munduukho eyo omuhanda kulabaho okhurula eMisiri nikutsia eAshuru, abaAshuru nabo baloola eMisiri, ne abaMisiri, eAshuru; ne abaMisiri balamwinamila OMWAMI, nibamukhalabanila halala nende abaAshuru.
24Munduukho eyo Isiraeli halala nende Misiri nende Ashuru balaba bataru, nibaleera ikhabi mushialo; 25shichila OMWAMI omwene mahe alabaheelesia ikhabi, naboola ari Misiri abandu banje babe neikhabi, nende Ashuru emilimo chiamakhono kanje, nende Isiraeli obulaame bwanje.
Currently Selected:
Isaya 19: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 19
19
Amakhuwa amasiro khuMisiri
1Amakhuwa amasiro khuMisiri.
Lole, OMWAMI achendela khwileesi eliiyuula tsimbilo,
niyoola eMisiri;
ne ebiabutswa biaMisiri bilareesibwa imbeliwe,
omwoyo kwaMisiri nakwo kulasaluulukha mukariwe.
2Nasi ndalayakula abaMisiri mbu bayingane nende abaMisiri;
nabo balaseerana, buli mundu nende omwana wabwe,
khandi buli mundu nende owashie;
litaala lilayingana nende litaala, khandi obwami nende obwami.
3Khandi amachesi kaMisiri kalakwa amakhaya mushio;
nasi ndalakoyaasia obwibaali bwashio,
nabo balareeba khubiabutswa ebiinamilungwa, nende khubafumu,
nende khubebitsoyelo, nende khumisambwa.
4Ne ndalahaana abaMisiri mumukhono kwomwami undi oubula tsimbabasi;
nomuruchi omuhalaba alabaruka;
nolwa Omwami aboola, niye OMWAMI omwene mahe.
5Ne amatsi kalaakama mumwalo kwaNaili omwalo nakwo nikukhamuulukha nikuuma.
6Ne emialo chilahunya obubolo;
emichela chieMisiri chilatiitiha nichiuma;
olusi nende liswa bilaniala.
7Obwayilo oburondokhana nende omwalo kwaNaili khuluchinga IwOmwalo,
halala nende biosi ebiaraakwa ahambi nende Omwalo,
bilooma, bileelusibwa, bilahwaho.
8Abanaabi nabo baleekhuula,
nabo bosi abafuuba olulobo muOmwalo balalila,
abo ababambula tsikhanda khumatsi balatora.
9Khandi, abakholanga emilimo echiokhuchanula ikitani,
halala nende abalushi beingubo yeipamba,
bosi balafwimbwa omurwe.
10Ne abali tsisiilo tsieshialo tsilafunakwa ebitonye ebitonye,
nabo bosi abakholelanga omushaara balabeelela mumioyo chiabwe.
11Abakhulundu baZoani nabasilu muno;
obwibaali bwabachesiyii abashila obuchesi baFarao bukwile eshinasolo;
munyala murie okhusunjila Farao mbu Nisie omwana wabachesi,
omwana wabaruchi bakhale?
12Kho abachesibo bali heena?
Bakhuboolele bulaano; bamanye tsiyemi tSiOMWAMI omwene mahe khuMisiri.
13Abakhulundu baZoani bakwile abasilu,
abakhulundu baNofu bakaatibwa;
abali lichina elieikoona lietsimbia tsiaMisiri bamushiamiye.
14OMWAMI yatsokasiye omwoyo omurambatsanu muye mukari;
ne bashiamiye Misiri mumilimochie chiosi,
shinga oumeelile olwa ayiyayiyanga nasala.
15Kata shichilabaho emilimo chiosi khulwa Misiri,
echia omurwe kwakhakhola kata omushila, lisaka kata olusi, ta.
16Munduukho eyo Misiri shilafwanana nende abakhasi; shilatechela nende okhuria khulwa okhureesia khwomukhono kwOMWAMI omwene mahe, okwa abareesiliakhwo. 17Ne eshialo shiaYuda shilakwa eshiriisio khuMisiri; buli mundu owa shilaralilwakhwo alaria, khulwa tsiyemi tSiOMWAMI omwene mahe, etsia ali ninatsio.
18Munduukho eyo kalabamwo amataala karaano mushialo shiaMisiri ewa baboolanga olulimi lwaKanaani, nibeetsubila OMWAMI omwene mahe; elindi lilakulikhwa mbu Litaala Liobutibi.
19Munduukho eyo shilabaho eshimalilo shiemisango chiOMWAMI mushialo shiaMisiri hakari, nende isiilo yOMWAMI khulwakho lwashio. 20Nashio shilaba eshilolelo khandi eshiobuloli shiOMWAMI omwene mahe mushialo shiaMisiri; okhuba olwa balahaabila OMWAMI khulwabo ababamiina, alabarumila omuhonia khandi omuhabini, naye alabahonia. 21Khandi OMWAMI alamanyishila Misiri, abaMisiri nabo balamumanya OMWAMI munduukho eyo; toto, balamwinamila nende emisango nebihaanwa, nibeetsubila OMWAMI eshiitsubo nibashiusia. 22Ne OMWAMI alakhupa Misiri, okhukhupa nende okhuhonia; ne balamukalushila OMWAMI, naye alabahulila, nabahonia.
23Munduukho eyo omuhanda kulabaho okhurula eMisiri nikutsia eAshuru, abaAshuru nabo baloola eMisiri, ne abaMisiri, eAshuru; ne abaMisiri balamwinamila OMWAMI, nibamukhalabanila halala nende abaAshuru.
24Munduukho eyo Isiraeli halala nende Misiri nende Ashuru balaba bataru, nibaleera ikhabi mushialo; 25shichila OMWAMI omwene mahe alabaheelesia ikhabi, naboola ari Misiri abandu banje babe neikhabi, nende Ashuru emilimo chiamakhono kanje, nende Isiraeli obulaame bwanje.
Oluluyia Union Version © Bible Society of Kenya 1975